皇仁書院家長交流區 part 4

boy88

記得阿仔在S1那年陸運會, 我鼓勵他多參與活動, 不論勝負, 因阿仔在小學是田徑校隊, 善於短跑及接力, 於是報了100m, 可是社長話冇位, 叫他跑400m, 但100m同400m根本是兩回事, 亦非他強頂, 於是唔答應, 結果就咩都冇得跑到! (阿仔話好多同學都係唔批)

今年他也冇心機報, 他說初賽有quota, 社長要揀都揀D出過賽的, 真不明白皇仁的制度, 初賽都有quota, 社長又冇選拔, 都唔知憑咩去揀人, 100m變1500m, 跳遠變跳高, 對底年級生來說, 連初賽的機會都冇, 豈不是埋沒了很多有濳質有實力的人才!

我見很多學校, 為了鼓勵同學們的參與, 每人最少要報一頂田徑, 100m往往是最熱門, 通常每個grade都過百人參加啦, 但皇仁每個grade是兩年級的同學, 幾百人就只得幾組初賽, 費解? 真的好趕時間嗎? 大部份校隊也是從陸運會挑選出來, 但其實之外還有很多是卧虎藏龍, 學校知道嗎? 真可惜!

boy88

那等於皇仁年年出狀元, 因為個個都有份報考, 如個個都有機會參加陸運會, 選擇自己的強頂, 一較高下, 發揮潛能, 可能運動方面也是人才仔仔.

boy88

短跑同長跑是兩回事, 所以如那位報100m的同學可以跑返100m的話, 也許有機會出線, 真替他不值!

唔該

請問各位皇仁媽媽,妳們知道幾時開始派表呢？THX﹗

cherrynequ

大學資訊日：

科大：9月28日
理大：10月5日
中大：10月12日
城大：10月19日
浸大：10月19日
嶺大：10月26日
港大：11月9日
公開大學： 10月26日
教育學院：11月2日

各個學系都會派學生來解答訪者問題

ohnono

唔該 發表於 13-9-15 23:28
請問各位皇仁媽媽,妳們知道幾時開始派表呢？THX﹗

皇仁係跟政府的派位政策收生的，自行收生的報名期限係由明年一月頭至月尾，學校會於12月初開始將收生表格和報名資料上載於校網，到時留意校網的公佈就可以。統一派位抽獎的時間是在四月下旬，各區的小學都會將選校表派與每一個同學。

ohnono

上年的陸運會期間，場上好多中一的新同學都說自己是小學校內的田徑高手，我諗呢個係皇仁同學的特色。但真正跑到有成績出來的，唔係太多。因為皇仁的運動會係每兩級分組比賽的，中一的同學會和中二的同學一起比賽，要越級挑戰是有一定的難度。所以社長在選同學代表出賽時會以高form而又有比賽表現的同學為優先。

如果新同學或者未來的新同學而有興趣於皇仁的，於開學時揀選一些運動的學會，例如野外定向、越野學會、足球....等等，盡量於學會中表現出信心，到中二的一年肯定被社長選中代表出賽陸運會的機會一定會大增。皇仁同學的精神係先裝備好自己，然後機會來臨就可以把握。我諗係時候要將以前乜小物小的精神暫時放下，在皇仁內學習皇仁的傳統、享受皇仁的過程、建立皇仁的精神、背負皇仁的使命、發揮皇仁既傳統，此乃皇仁之幸，皇仁同學之幸！

ABC@TC

原帖由 ohnono 於 13-09-16 發表
本帖最後由 ohnono 於 13-9-16 22:38 編輯

上年的陸運會期間，場上好多中一的新同學都說自己是小學校內 ...

十分同意ohnono。
當初阿仔初入皇仁時，都有現時S1家長嘅懷疑，點解社長唔俾佢跑呢？點解學校唔搵佢去比賽呢？但當去到S2-3，有實力嘅同學仔就會自然顯露出嚟，到時，學長和老師就自然會搵你。當然，如果選擇逃避，就永遠冇機會。
做得皇仁仔經已唔簡單，做得皇仁家長就要調整心態，學曉如何放手。

ohnono

ABC@TC 發表於 13-9-16 23:29
十分同意ohnono。
當初阿仔初入皇仁時，都有現時S1家長嘅懷疑，點解社長唔俾佢跑呢？點解學校唔搵佢去比賽 ...

我都係在這裡跟前輩家長學習得來的。這班有心既家長，BSCYL、sandyaloha、cherrynequ，MCC2011....等等，還有你 的幫忙，四年以來將累積既經驗不停跟我們分享，有喜、有悲、有苦也有樂。我知道要維繫這個交流區不易，大家付出了時間、精神、還要獻上耐性和包涵。
今天，他們的小朋友有的已升上四年級了，能在這裡發光發熱的時間已開始倒數，但願他們留下的印記能繼續守護住一代又一代的新同學，將皇仁學兄帶領學弟的精神在這交流區延續下去！