delete

小小山

回復 晞晞爸b 的帖子

我同你情況差不多,10月細仔今年9月讀K1 ,仲未開口講成句句子,希望返學開竅講野,不過我未十分擔心, 因自己都係遲講野; 未來打算再報一些好的幼稚園K1.

如果係打算小一派位, 就無需參加面試班, 只要小學報1-1-1都好大機會. 如果想考直資, 就另說.

共勉之.

(D Font 怪怪地)

rosebb

我其實都堅持唔上考試班，今年囡囡考K啦，但見身邊的朋友都報的時候，真的會擔心，不可如果真的報了，就當上PLAYGROUP，你只是想俾好的個仔，都唔係有錯，不過提一提樓主，如果想抽獎，要交FORM前6個月(即每年6月)要開始入住用的登記地址。

我記得我未生之前，都會覺得唔洗呢樣唔洗那樣，屋企附近間幼稚園都可以，但到了現在，有些親戚朋友說洗唔洗那樣時，我都會說，你養隻貓或狗，都會同選食什麼牌子的糧啦，更何況係一個人。所以有時，唔洗在意人點睇，而係自己真係覺得合適的，就照做啦。

lingan

很明白你的感受，覺得想做就做吧，我都一直堅持唔報面試班，但如果到K1, K2 越近考小學的時候，可能都會一樣，做晒以前自己堅持唔做的東西。
樓主，你係一個好爸爸，搵錢同陪小朋友有時真係不可兼得。盡力而為就得啦。
見到有JM講，可以轉廣東話為主的工人，及每天讓仔仔多參加活動，都係可以參考的意見。努力。

shevachevy

面試班都係一個term 啫, 同playgroup 有咩分別? 又同其他興趣班有咩分別? 你當係口才班, 禮儀班亦無不可, 最緊要小朋友唔抗拒, 佢返得開心咪當比佢同人玩下傾下計, 至於考唔考到龍校名幼則平常心吧, 否則得唔到時自己會好痛苦的~

hapi0511

晞晞爸b 發表於 13-6-8 21:49
今次就係想試下呢d所謂面試班到底有冇用，點都好，最壞打算咪當上playgroup囉，當趁呢d機會去見多d人及同多 ...

面試班當play group ok 哦，無咁緊張，當去俾小朋友玩下，自己又了解下，
我之前參加過，雖然一路上一路滲笨，但對於第一個bb的家長了解面試模式其實係有小小用既，學左既野，日常生活多d同小朋友練習玩下先有用，所以盡量安排自己去到既日子，唔好叫姐姐去。

漁翁撒網都無問題，試問今時今日在坐有幾多家長不是咁呢？無辦法，我識一個報左十幾間，無一間收，但佢小朋友又唔係話係特別差哦。有d話報兩間都有offer, 又唔係特別叻哦，收生準則係咩？有時真係好主觀。即使in同一間，表現差未必唔收，表現好未必會收。一個interview機會先至幾十蚊，到時亦大把會撞期，點解唔報多幾間呢？

但我完全不認同【不要讓孩子輸在起跑線上】呢個歪曲既口號，錯曬, 一味催谷，只會令你既孩子輸得更慘！但做為父母，能提供最好既機會同環境俾小朋友，我地就盡力，起碼自己無悔先，不過就真係要調較好自己既情緒同期望，唔好俾小朋友同其他家人太大壓力。之後既路就只能多鼓勵同盡量抽空陪伴，然後不斷做出調適。我有信仰，所以我焦慮完一輪都會話俾自己聽，交託。

純粹過來人分享(只係過左個幼稚園選校的過來人，小學再迷惘過)

December_baby

送給樓主，希望你看後有所感悟，放開堅持。

上帝給我一個任務
叫我牽一只蝸牛去散步。
我不能走太快，
蝸牛已經盡力爬，為何每次總是那麽一點點？
我催它，我唬它，我責備它，
蝸牛用抱歉的眼光看著我，
仿佛說：「人家已經盡力了嘛！」
我拉它，我扯它，甚至想踢它，
蝸牛受了傷，它流著汗，喘著氣，往前爬…
真奇怪，為什麽上帝叫我牽一只蝸牛去散步？
「上帝啊！為什麽？」
天上一片安靜。
「唉！也許上帝抓蝸牛去了！」
好吧！松手了！
反正上帝不管了，我還管什麽？
讓蝸牛往前爬，我在後面生悶氣。
咦？我聞到花香，原來這邊還有個花園，
我感到微風，原來夜裏的微風這麽溫柔。
慢著！我聽到鳥叫，我聽到蟲鳴。
我看到滿天的星鬥多亮麗！
咦？我以前怎麽沒有這般細膩的體會？
我忽然想起來了，莫非我錯了？
是上帝叫一只蝸牛牽我去散步。

分享：
教育孩子就像牽著一只蝸牛在散步。
和孩子一起走過他孩提時代和青春歲月，
雖然也有被氣瘋和失去耐心的時候，
然而，
孩子卻在不知不覺中向我們展示了生命中最初最美好的一面。
孩子的眼光是率真的，
孩子的視角是獨特的，
家長又何妨放慢腳步，
把自己主觀的想法放在一邊，
陪著孩子靜靜體味生活的滋味，
傾聽孩子內心聲音在俗世的回響，
給自己留一點時間，
從沒完沒了的生活裏探出頭，
這其中成就的，何止是孩子。
送給所有正處於忙碌中的爸爸、媽媽

awinyee

回復 晞晞爸b 的帖子

個人認為參加K1面試班對樓主仔仔講野應該無幫助.
好似我囡囡依家兩歲半, 佢兩歲前由工人湊, 而工人從來都唔會同佢傾計, 所以唔多講野.  但俾爺爺湊又返學後識講好多野, 句子每星期加長, 有d仲估唔到佢識咁講, 所以小朋友真係要搵人同佢講多d.

shirleysung211

我同意對小朋友一定要有耐性，他盡了力就已經好好。我們還小的時候，也不是開開心心的下午看電視嗎？我bb當年也有參加過，他12月  bb大仔，入去學interview class, 大哭！最後我也要跟上課。現入了心儀學校，但我覺得唔關interview class事.

晞晞爸b

Toffee888 發表於 13-6-8 23:48
晞爸，分享少少我的经驗
我仔仔都好遲講句子，大概兩歲十個月
方法一，吹波波

謝謝！會試下！

晞晞爸b

whitepurin 發表於 13-6-8 23:48
我完全明白你的感受，因我個女同你仔仔類似情況，有少許不同係佢其實在家係好多嘢講，但出到去對住陌生人就 ...

完全感同身受！試下返呢d班，可能會有幫助，我都係第一次報，我之前諗都冇諗過會報呢d班，唯有試下，希望小朋友有所啟發及得著。加油！

晞晞爸b

kittypmlau 發表於 13-6-9 07:42
英記有無全日班？你仔仔講野慢係因為無語境，報面試班如果有閒錢無壞，好似你自己講，當playgroup甘上



  ...

有，原來返緊全日班，但後來發覺容易病及成日病，已轉上午班。
對，當playgroup去玩下，多d見人。

晞晞爸b

tobaby2010 發表於 13-6-9 09:10
咁你有冇諗過換姐姐？你知請工人，有乜請乜,仲要睇彩數，(當然有interview). 結果第一個印妹，流俐Cantones ...

諗過好多次，但最終都未敢換住。我現在呢個姐姐（印）（第二次請工人），很多自己意見，自把自為，已經嗌唔郁，次次漏咗野就一定話＂忘記＂。次次整爛野就話＂亞b整嘅＂。
好多次快忍無可忍想換人，但我太太次次都話：
1.佢真係好錫我仔
2.下一個難保會更衰

因為之前請過一個印（第一次請工人），見工吹到天花龍鳳，返咗幾日已發覺唔止唔識湊bb，又懶又冇愛心..所以如果今次再換人，我太太都擔心越換越衰..

melonfans

晞晞爸b 發表於 13-6-8 11:46
又借個位呻下: (非喜勿插)

覺得自己越來越怪獸...前幾天終於幫仔仔報了1間中心讀K1面試班..今天開始去上堂 ...

最重要搬屋, 揾過個校網, 我D朋友都搬走, 吾洗同雙非爭學位., 你呢年仲多人爭位.

去報言語治療, TRAIN多D說話能力, 反而上面試班, 連講野都吾識就哂錢!

佢說話能力好, 學任何野都快!

晞晞爸b

littlecatmiko 發表於 13-6-9 10:07
其實報咩course 俾仔仔都冇話啱定錯，你唔試過點知有冇用，毋須要想太多。我想講嘢係，你既然知道你兒子的 ...

謝謝你，我太太同我會早d收工返去陪仔仔，工人廣東話開始會聽，但講嘅話仍需時間pick up..其實呢幾日禮拜已經發覺我仔肯學野，我地教佢講佢都肯識講，當然很多時候未能掌握到標準發音，但已可以見到佢肯識肯。

晞晞爸b

fafapot 發表於 13-6-9 18:57
為人父母真難。考名幼都係為左比個機會小朋友有好嘅起步。考唔考到要睇佢自己造化。名幼都唔一定考到名小， ...

同意！
我仔仔目前返英記都算ok,日日帶佢返學，晌學校門口佢都自己行入去冇扭計冇喊，暫時都開心嘅！

MrBeast

人在江湖，好容易迷失方向的。

樓主，如樓上的suggestion，找言語治療有用得多，信不信由你，用weekend 的時間親子交談，陪(父母陪，不是姐姐）佢去park 玩和看書比任何eca 更有用。

小洪寶

其實你仔仔已經有英藝backup, 心情可以放鬆好多，我有下年York k1 backup, 有更好就走，無就乖乖留係York, 我諗小朋友都開心既，係大人諗好多野。我見朋友個仔算聰明果隻，聽父母講番interview我覺得佢真係好掂，舉一反三，但結果竟然無offer, 留返原校。所以我都心裡打定個底

pokmanma

回復 晞晞爸b 的帖子

我打字好慢....還是忍不住,想告訴我小小的經驗。

我仔現剛3歲....我來自賭城,一個人在HK,沒有社交生活,怕影響仔的發展..........於是他一歲多D,我就帶佢遊走於九龍塘PG,一個人帶....坦白講有點辛苦,而且發覺成效不明顯......後來發覺去公園,去超巿,見到咩就講咩,總之不停地講(因為得我一個人對住他,有時都覺得口臭)....仲會講大量故事俾他聽.....這樣,他的語言發展進步更為顯著...你以為佢唔識聽....其實他聽得好清楚,亦會運用.....因為仔約2歲多D就識講"因為.....所以......",".....竟然......",早幾月,他突然同我講"媽咪,我好幸運有你",當時,我好驚訝,問他點解識講,他話"毛毛愛睡覺"本書入面有講。

同時,身邊亦有人親身經驗,男仔,4歲,未能以一句完整的句子表達,例如:婆婆,我想食雞蛋。但他只講:"婆婆,蛋蛋".....真係要帶佢見語言治療師.....結果,治療師只是建議買一套完整的煮飯仔工具俾小朋友玩....2個月覆診冇事啦.....進步神速。原來,語言的發展最重要是溝通,有呼應的溝通......現在我仔最喜歡在家扮侍應,玩茶餐廳....ABC餐...一玩可以玩成個鐘。

只要小朋友聽得明指令....其他就不用擔心...因為每個小朋友都他自己的成長過程。希望以上小小經驗幫到你。