德信幼稚園K1上午班

giting

回復 mammyleung 的帖子

haha ... 真的好耐 , 上年11月interview等到現在

giting

回復 kate12210 的帖子

hi 我也有計劃搬去佐敦一帶 , 如一般的400-500呎左右(建築面積)選擇多嗎 ?

giting

回復 jomami 的帖子

hi 相信如小朋友每升一級 , 家長投放嘅時間也會相對地增加 ...

oscarlucus

我仔仔而家讀K1,住藍田，都係自己車返學。一來冇校車，二來坐校車可能要好耐。有關茶點，都係餅或者生果，因為都食唔切太多野。呢度d老師做好耐，我個仔每日都返得好開心。

mkqueenie

Hi 想問下有冇facebook group 比2013 14 上下午校同學仔口尼？

mammyleung

徳小是資助小學。首先，在「自行分配學位」階段，家長可替其子女向一間位於任何小一學校網的官立或資助小學，遞交小一入學申請表，申請該校的自行分配學位。
有兄／姊在該小學就讀或父／母在該小學就職的申請人的學位，約佔學校小一學額30%。
根據「計分辦法準則」分配的學位，佔學校小一學額不少於20%。
自行分配階未被獲取的話，參加統一派位。
學校須預留小一學額的大約50%，由教育局按小一學校網和家長選擇進行「統一派位」。「統一派位」的學額中有10%是不受學校網限制的，家長可選擇最多三所位於任何小一學校網（包括住址所屬學校網）的小學。
那代表，如搬屋，參加大抽獎，有40%學額機會是留比該校網兒童。

MicFred

各位好! 我大仔讀緊k1上午班, 2仔都將讀k1上午班.

wwting

小兒都是今年九月讀K1上午班,大家有冇發覺校車好貴?屋企附近又冇站,要去到地鐵站先有.

MicFred

係呀! 真係好貴, 但見今年有d線搭校巴的人數很少, 又真係好難收支平衡.
好在我搬o左去佐敦住, 如果唔係2個仔都要成3千幾

kh_wong

回復 Jetta 的帖子

我個女讀緊德信K2，女仔讀德信冇問題呀，學校教得小朋友好有規矩。

學校剛發了校巴路線收費表，「何文田街」收HK$930，將軍澳HK$1,710，希望幫到你地！:)

mammyleung

我想問讀緊徳信小朋友爸爸媽媽，有無開Facebook group chat 呢？

Jetta

開始多o左好多K1家長入O黎CHAT喇您o地好呀! 本應我都想個囡放學搭校巴, 叫工人姐姐o係荃灣接佢放學, 自己再轉巴士, 但係去荃灣都$17xx, 如果淨係回程搭可能又會收貴d, 假設係$900, 即係每程要$45 (以返20日學計), 好貴呀!!! 而且唔合兜幾耐先到荃灣, 所以放棄喇, 叫姐姐直接出佐敦仲方便!
不過其實計落做保母車都幾辛苦, 唔知可唔可以收支平衡o架. 兩個人仲要油錢同保養...
你o地交o左學劵份form未呀? 我5月頭先交o乍哈哈...實在太懶!

Jetta

回復 kh_wong 的帖子

阿囡班多唔多女仔同學呀? 我都想佢有斯文d呀! 女仔人家仲玩得癲過d男仔

Jetta

回復 MicFred 的帖子

你兩個仔仔年齡相差咁近o既? 好忙呀~~~ 我個細女下年讀N班o乍哈哈, 下半年又要忙佢搵學校喇唉...唔會停o架真係...想問o下呢, 哥哥o係德信讀, 細佬係咪真係易d收呢? 因為我大囡活潑獨立d, 所以德信收佢, 但係細囡行開兩步都喊, 都唔知點面試...我怕萬一德信K1唔收佢就弊喇, 到時分開兩間幼稚園返學唔知點算!

MicFred

回復 Jetta 的帖子

個人覺得學校會優先取錄妹妹或弟弟的.
我之前住將軍澳, 樓下有巴士到學校, 正常車程30分鐘, 但偶爾塞車就遲到,  老師會話"唔好再遲到啦", 感到有點壓力. 其實學校只得20分鐘開門, 對於搭車或揸車都有點難就, 太早又未開門, 一塞車就遲到.

kh_wong

回復 Jetta 的帖子

30人之中大約5個係女仔，但一啲都唔覺得佢地粗魯，學校都幾照顧啲女仔，例如聽講座時，大家都坐地下，但女仔著住裙仔就坐晒去後排櫈，這樣不僅可以俾女仔坐得斯文，男仔也同時學到要有風度讓女仔坐。呢啲細節學校都注意到，我自己係好欣賞的。

其實德信的男仔同女仔都幾斯文淡定的，做家長義工帶小朋友外出時，都感覺到老師好著重教禮儀、禮貌，雖然大部份係男仔，但搭車時、等待時都好安靜，有耐性。著重德育的家長，真係可以考慮德信。

至於學術，其實我覺得都幾好的，但當然每個家長的要求都不一樣。

kh_wong

回復 jomami 的帖子

應該不是大部份FTM，我估係一半一半，我自己就要返工，有時會請假參與學校活動，暫時覺得無乜問題，不過當然FTM可以更容易跟進小朋友在校情況。

MicFred

回復 kh_wong 的帖子

係呀！我大仔依家成曰講"唔該"。