有冇bb剛夠兩歲便讀幼兒園嫁?會唔會好難適應呢?

肥B媽媽

剛剛返學就一定會較容易病，因為由一個無菌的家庭，去到一家很多菌的學校，所以會較易病，尤其是咳和鼻水真係無停過，不過遲D身體會強壯，就不會咁易病。

謙仔媽咪

Candy925 寫道:
2. 插班好處係其他同學已習慣返學, 唔會喊, 咁小朋友初入學時冇咁易受其他小朋友影響而喊不停, 相對地老師都會有多D時間handle自己個女, 因為其他同學好多野已上軌道, 唔洗花太多時間教, 可集中留意及照顧自己個女/仔.

我都係因為呢點, 所以比bb 1月插班.

CLI

我囡上年夠兩歲試過入了幼兒園, 喊到飛起, 因為佢較靜和害羞, 加上在幼兒園小朋友太多,老師兼顧不了. 後來我去了朋友的小組playgroup半年, 囡的害羞情況好了, 才去幼兒園,一兩日就笑着bye bye.

Candy925

好高興咁多位覺得我D意見有用, 大家交流下湊仔心得其實幾happy.

elodie
我個女返港島堅道偉X幼兒/稚園, 返半日, 好彩 so far冇因為返咗學而病. 不過我都認為個個小朋友唔同, 有D朋友個bb真係返咗學病唔停, 但佢就好似未返學前都經常病, 所以可能本身體質唔算強, 容易染病. (我個女食人奶大, 所以可能會好D)

shanma
我個女都勁'痴'我, 或者同食人奶有關, 佢初初返學時我試過企門口裝到眼濕濕, 見佢喊到好似隻龜咁'扒'喺地, 隻鞋都飛甩咗, 個個老師走去氹佢都唔掂, 佢仲起身攞埋書包喊住走去門口, 大聲叫媽咪話要走, 我當時就企喺門後, 佢見唔到我, 不過我就心都實埋, 冇幾耐D老師氹佢去playground玩, 老師抱住佢, 佢平靜咗一陣已差唔多夠鐘 (頭幾日返時間短D). 所以初時唔只小朋友, 做亞媽都唔好受, 但當過咗個段時間, 而家日日見佢好enjoy school life, 就會覺得冇mug野, 當係人生必經階段囉.  :wink:

MissLing
希望你bb順順利利開學 & enjoy la.

cheuk_cheuk_ma

好開心能分享你地既經驗，我呀仔今年9月入幼兒班n1(2003年7出世），佢平時都見人都打招呼，見小就走過去講BABY BABY，見我�老公同工人出門口就有喊，不過一陣就冇事，有得玩有野食就唔記左，唔知到時返學會點呢！？
MISS話開頭會由媽咪跟小朋友一齊返學，咁佢返全日，唔知是否吋步不離呢？     

cheuk_cheuk_ma

3loks:
佢依家開始怕黑，死都唔肯入房，要我入佢至肯入，但唔開燈佢就死都唔肯關門，仲拍住心口話驚驚，點算！？     

cherly

做媽媽見佢咁勁心痛！but 過後就好好笑！:

shanma
我個女都勁'痴'我, 或者同食人奶有關, 佢初初返學時我試過企門口裝到眼濕濕, 見佢喊到好似隻龜咁'扒'喺地, 隻鞋都飛甩咗, 個個老師走去氹佢都唔掂, 佢仲起身攞埋書包喊住走去門口, 大聲叫媽咪話要走, 我當時就企喺門後, 佢見唔到我, 不過我就心都實埋, 冇幾耐D老師氹佢去playground玩, 老師抱住佢, 佢平靜咗一陣已差唔多夠鐘 (頭幾日返時間短D). 所以初時唔只小朋友, 做亞媽都唔好受, 但當過咗個段時間, 而家日日見佢好enjoy school life, 就會覺得冇mug野, 當係人生必經階段囉.  :wink:

shanma

我個女已上了一個月學, 初頭一星期,每當我離開時她都哭得很慘,真的令我很心痛.但現在她大致已適應下來, 雖然我離開時還會哭, 但也會同我說bye bye .其實小朋友的適應能力真是很強.

cellcellu

我囡囡個case同大家差不多...佢依家26個月農曆年前開始插班, 點知返完第一日學已經比同學仔傳染...病到了....吿了2日病假.

好了, 放完年假返學頭2日都好好地幾開心, 但第3日放學後成日話"媽媽唔見左", 仲不停話"唔返學玩玩", 到第4日我帶佢返學臨走佢拖實我唔比我走....跟住當然喊得好悽涼啦, 我唯有眼濕濕走lor.

佢今日又有鼻水....我好唔捨得佢返學...覺得佢好悽涼...雖然我知呢個係必經階段....但真係好心痛... 都唔知佢要幾耐先會適應....見到佢喊...我又想喊 :cry:  :cry:  :cry:

irenenghm

我囝囝臭b都係呀! :cry:  :cry:
新年後我就比佢以暫托形式試學, 佢第一日返(半日)就已經好叻, 唔使人陪, 重話要食埋午飯先肯走添. 咁我就諗住佢會ok啦!之後就每星期返2個上午, 我就諗住比佢試下返全日啦!就係咁, 就出事啦!佢上午朝都好地地, 但一到食完飯要佢瞓覺佢就開始搵人(搵婆婆), 到婆婆去接佢時(3點幾), 老師話佢一路都無瞓過, 一叫佢瞓佢就喊啦!亦因為呢次之後, 佢每逢返學時一到食飯時間佢就開始搵婆婆啦!而近排老師重話佢洩左好多添呀! :cry:  :cry:
上星期我試下同佢轉過另外一間, 佢果日都有喊呀!but, 佢返完一朝之後就成日都話要返新果間唔返舊果間, 所以我而家諗住幫佢定8月入學, 咁佢到時都2歲半, 希望佢真係可以返到全日啦!

曉晴

Candy925,
我囝囝都係食媽媽奶, 我都驚返n1 時會大喊, 我打算10月比佢返, 佢又係好黐我, 你囡囡返學時, 仲有冇食媽媽奶架?

我想問下:
全日幼兒園下午小朋友會有午睡時間, 如果小朋友不肯睡, 怎辦? 我怕我的小朋友會大叫, 騷擾其他要睡的小朋友, 因為他睡覺是很麻煩的, 明明係眼訓又不肯訓想玩