阿仔由早到晚都數數字

cloudwingwing

好擔心，我仔又係好鍾意英文及數字，2歲幾可以認到1-199，又係鍾意睇page number, 睇隧道number, 巴士number, 記得我同c6電話號碼。他講野又係唔叻，唔識同小朋友玩及溝通，但聽99講我c6細個講野又係唔叻又怕醜，唔鍾意同人玩。

HaYi

好迷數字的我見好多是亞氏保加 - 高功能自閉.

以男仔為多, 上網check 下.

angelko

原帖由 hung223 於 13-04-16 發表
以下係本人的經歷，唔係想嚇大家，只希望大家除了留意個仔天資外，更要多留意個仔的與別不同的過份沈迷，及 ...

我仔同你仔仔情況相似,當時你仔仔幾多歲呀? 會唔會同人傾計? 我仔3歲半,會說話但未去到可以交流既地步,只可以一問一答! 你仔仔最後駛唔駛冶療?

angelko

原帖由 hung223 於 13-04-16 發表
以下係本人的經歷，唔係想嚇大家，只希望大家除了留意個仔天資外，更要多留意個仔的與別不同的過份沈迷，及 ...

sorry,剛剛再覆睇原來係2歲半開始,請問其間言語溝通正常嗎?

S-Kwok

原帖由 iamadc 於 12-12-29 發表
謝謝分享！你仔幾大？我都唔想迫佢多學，返正中四前學的都是低等數學（只是運算）！

搞笑是我買了個計數機 ...

我嗰仔終於揾再同道中人，小朋友玩車玩超人，我仔細細個已經好鍾意玩計數機，一玩可以成個鐘。2歲玩到依家6歲半都鍾意玩

ltcx1x1x1x1

哈哈..我仔仔由2歲到而家4歲半都是沉迷數字，數學，文字...... 每次買野送比佢, 佢都係要英文字母或數字貼紙...

細個教佢A-Z, 佢剛3歲時我發覺佢可以倒背Z-A..
日日叫我考佢數學及英文串字
近期教佢玩四子棋, 佢KO 晒所有屋企人, 朋友...

希望佢唔係有問題啦!! 不過佢最喜歡同小朋友一起玩..

rilak

我仔同你地case都差不多, 佢依家三歲幾大, 一歲果時超鐘意英文字, 依家沉迷數字多於英文
兩歲打後就瘋狂鐘意數字, 細個時鐘意記mtr站, 顏色, 形狀, 依家鐘意寫no. 玩泥膠同其他玩具, 畫畫總有數字, 睇書一見數字就大大聲讀出嚟, 同佢出街又會數吓有幾個人係我地周圍, 出街見到數字嘅野/似數字嘅野佢都會留意到話我知, 聽歌會記得總共有幾多首歌, 邊一首係第幾首歌! 刷牙吐幾咗多啖水都要數出嚟

近來喜歡記車牌號碼, 手機號碼, 巴士車no...鐘意用手指數數字, 有時囉埋我隻手數, 當然也非常喜歡用計算機, 試過唔比佢囉計數機玩就大喊發脾氣, 呢排鐘意計加減數, 開始有興趣背乘數表, 常常用搖制按電視, 因為電視機show左85, 襟完笑哂話我知我襟咗85高清翡翠台, 總之有關於數字上嘅沉迷真係多不勝數

iamadc

完來阿仔都有幾多同類
佢最近有自己背1-5乘數
迷地鐵地圖，係high level reader
社交弱，老師話佢唔多講野, 要想很久才答
我們比佢去社交班，姑娘都話佢反應慢, 建議我們比佢去遊戲治療
我們覺得佢唔係蠢所以慢。因為佢係小心和logical 的人，所以佢會想完才答
例如老師問佢who are you? 佢要想完才答 I am a boy. 他不會想像他是動物etc 他是要對的答案
佢迷地鐵數學像亞氏，但佢的特徵唔強，佢會答問題，但對陌生環境反應很慢
現在都係conclude 佢唔係亞氏
我們可以做的就係帶多點佢去唔同地方(不過佢坐完地鐵又會背一輪）

piglet0529

原帖由 iamadc 於 14-11-09 發表
完來阿仔都有幾多同類
佢最近有自己背1-5乘數
迷地鐵地圖，係high level reader

想問是否專業人仕conclude唔係亞氏保加呢? 我仔差不多五歲時見CAC兒科醫生, 評為自閉譜系, 老實講當時係因為老師反映有問題我叫老師寫信而個醫生睇完信先發現, 我仔其實症狀不明顯, 醫生提及為高功能~亞氏保加, 其實有小小流, 出年再見精神科, 我有聽過不同既talk, 如果話亞仔係資優加社交困難也可以, 現社交上過的社交班後已進步了不少只欠主動但已很互動, 所以想問下你那裡再評一下?

Chujai

我小朋友有類似狀況，被評輕微阿氏保加。我想問有無家長試過介佢地沈迷嘅野？會點介？

piglet0529

原帖由 Chujai 於 14-11-11 發表
我小朋友有類似狀況，被評輕微阿氏保加。我想問有無家長試過介佢地沈迷嘅野？會點介？



  ...

我仔好迷星球, 年頭恐龍熱曾成功令佢喜歡恐龍, 但過後又再沈迷, 依家同佢多說人體, 佢都有興趣但始終最愛星球

cl_kaka

Chujai 發表於 14-11-11 10:08
我小朋友有類似狀況，被評輕微阿氏保加。我想問有無家長試過介佢地沈迷嘅野？會點介？



  ...

我小朋友都係輕微既阿氏，當佢過份沈迷一樣野時e.g.睇新聞，世界地圖，國旗，巴士路線⋯⋯，我就會限佢每日只可睇20分鐘！我亦會直接講點解唔比佢睇既原因！當佢重覆不停問／講有關內容時，你可以輕輕答佢1,2次，佢再問／講時就同佢講，你問／講左好多次喇，我地唔再講呢樣野喇！但其實好難介得晒，只可以令佢地無咁沈迷！

Chujai

原帖由 cl_kaka 於 14-11-11 發表
我小朋友都係輕微既阿氏，當佢過份沈迷一樣野時e.g.睇新聞，世界地圖，國旗，巴士路線⋯⋯，我就會限佢每日 ...

佢成日ABC123，中英文串字寫字，勁睇書。我諗緊好唔好俾學D學術嘅野或者學寫書法或畫畫，唔知會唔會幫到佢轉移沉迷

iamadc

其實我說conclude 可能不太對，因為這是遊戲治療師的講法，佢認為仔仔亞氏的特徵唔強。佢唔係背對每個站，亦唔係沉迷到你distract 唔到佢。如果佢現在玩火車，我會問佢很多社交情況，如婆婆有無位坐？這個站有無餐廳，然後帶他玩其他野。如佢話有餐廳，我們會玩餐廳。

Chujai

原帖由 iamadc 於 14-11-11 發表
其實我說conclude 可能不太對，因為這是遊戲治療師的講法，佢認為仔仔亞氏的特徵唔強。佢唔係背對每個站， ...

其實我個仔同你個小朋友一樣，係少少沉迷但絶對可以distract到。阿氏有輕有重，所以小兒係輕微阿氏。

cl_kaka

Chujai 發表於 14-11-11 11:43
佢成日ABC123，中英文串字寫字，勁睇書。我諗緊好唔好俾學D學術嘅野或者學寫書法或畫畫，唔知會唔會幫到佢 ...

個人意見：如果小朋友成日串字寫字睇書，咁就應該去學D動態D既野！我就帶我小朋友去上社交班，之前有去過畫畫，不過佢唔like而家停左！亦會差唔多日日帶佢去公園放電！

Chujai

原帖由 cl_kaka 於 14-11-11 發表
個人意見：如果小朋友成日串字寫字睇書，咁就應該去學D動態D既野！我就帶我小朋友去上社交班，之前有去過畫 ...

我有上社交班加日日公園，只是諗緊好唔好加D學術野幫佢轉移沉迷

cl_kaka

我想問下大家，同我小朋友上社交情緒班既姑娘我小朋友有齊亞氏既特徵，但大陪份都係好既，記性好，背野叻，對數有興趣，只係社交弱D，所以就算佢真係有亞氏都只係好輕微！
但帶時我覺得佢係屋企既情緒上落會大D，亦會固執D！你地小朋友係返學或去街時，係唔係都會無咁固執呢？

我小朋友曾經試過好沈迷一本故事書，迷到晚晚臨Sleep前都要睇，係屋企時亦會不停講住有關故事既內容，我後尾就定左只可以逄星期三睇呢本書同講有關於呢本書既內容，咁佢都可以慢慢做到，而家亦只會好耐先拎呢本書出黎睇一次，但每次睇都仲會好興奮！咁你地覺得算唔算係屬於控制到佢既沈迷？

cl_kaka

Chujai 發表於 14-11-11 14:39
我有上社交班加日日公園，只是諗緊好唔好加D學術野幫佢轉移沉迷

你係邊上社交班，我係灣仔呀！如果想轉移沈迷，你要睇下佢有無興趣，我仔好喜歡學台拳道，但亦仍然會好迷地圖呢D野！帶過佢學跳舞，佢又好迷，迷到行緊街都會跳返學緊既舞，最尾我停左唔比佢再學跳舞！所以我覺得佢地沈迷一樣野時，係要想辦法唔好令佢地過份沈迷，當佢地由沈迷一樣野轉移沈迷第2樣野，我地咪一樣好頭痕！