我想講, 除左一般自閉, 仲有非典型自閉, 即唔齊晒d徵狀, 我仔就係
佢表面上同一般小朋友一樣, 無hom頭埋牆, 唔大叫, 唔排斥社交, 但骨子裡唔在乎, 佢可以小息同個唔識既人玩, 玩完唔care人地叫咩名, 亦唔打算下次再約, 下次又搵另一個"39唔識7", 無所謂, 同班同學可以過左成個學期都唔記得個名
上次我99突然去左(我地一齊住, 佢走時我仔8歲, 共住8年), 打999, 救護員上黎, 急救, 我62+老公勁喊, 周圍打電話, 又趕去醫院, 你都估到情況幾混亂, 我從醫院返去打算心理輔導, 發現我仔零影響, 我忍唔住問"究竟你知唔知咩叫死左架" 我仔答我:我知, 心臟停止跳動咪就係死左lor <--你話係咪噴飯
我仔就係咁
adhd就肯定架喇, 已經食緊藥, 而家再緊排期check多次自閉 (因為之前醫生講完就算, 最近學校發生左d事, 教育心理學家寫紙我再排), 老師話估佢資優(因為佢d行為+學習模式), 我都好頭痕
不過同意樓上有家長講, 咩症都好, 佢都係我寶貝仔, 點都會鍚佢, 人總係一個combo, 有好既, 有唔好既, 做得唔好就補足佢, 雖然攰d, 但好有成功感架 |