···························

maybo224

填滿小朋友所有的時間空間，解釋每一件要他學習的原因; 那孩子自己思考的時間在哪裡？玩耍的時候在哪裡？ 是真的接受，還是太小，不懂或不敢反對？？ 這麼小就要溫習到12點，到了小學豈不是用睡覺了！ 小孩子並不是父母的一部學習機器。

maybo224

沒有休息日的嗎？

maybo224

大佬！人嚟！！ (  對不起！我實在忍不住，太粗俗了。)

Cake111

原帖由 healthybaby 於 12-07-24 發表
好恐怖！我以為是坐監先會有呢種生活

我都覺得好恐怖，無怪乎咁多高小成績優異生粒聲吾出就走去跳樓，仲毫無徵兆。自小朋友投訴額外練習太多，我已減1／3，仲搵個比較適合的方法去就佢學習。以前我都試過打鬧，但根本就吾work，反效果不但是破壞親子關係，更甚係佢咁細個已識拖慢完成功課至冇時間做額外exs，後來我發現問題所在，大家便協議做少d。我而家係希望平日完成哂學習，周末可真正放假，等大家休息輕鬆下。

pigpigchow

回復 施爾歐 的帖子

你講得好好aR~

mamee

要咁谷法，其實係咪將會讀間好難既小學？我自己覺好phonics, 再有良好既閱讀習慣，已經好足夠應付普通小一課程。

roccolamar

其實我幫我小朋友報讀了一條龍小學，因為我唔想有精英班到時小四要谷佢，我想佢小學可以輕鬆d直上一條龍中學，間小學係唔算好谷的小學。

小朋友係咪好唔開心？我小朋友仍然很愉快學習，在K3這1年期間，我從來沒有打過他，更不會因為學習問題打過他，他倦我會讓他休息，他不懂我會用不同方法教他輕鬆學習及吸收。他K2時我沒有幫他溫所以他有很多不識，但我K3發現後便開始幫他補底，K3上學期他自信心開始慢慢建立，他發現原來他自己都可以做到，以前他要「裝」其他小朋友答案，覺得自己很蠢，現在是其他小朋友「裝」他答案。

有些基本功是想小一前建立，小一後便會停，例如珠心算(學了1年學識四則運算及心算，上星期剛完)、故事班及言語治療(大約2個月訓練，以增強他的表達能力及理解能力，這些都是學習能力的基本功，9月前會完，但上了1個月進步真的很顯著)、游水(今年5月中才剛學、學了2個月己識游蛙式現在學自由式，打算學晒4式便停應該學多2個月左右，而且學校下學期有考試，佔10學分，小朋友本身都想識游水因其他表哥己識游)。

至於麵粉花是他自己堅持吵著要學的，沒辦法。

跆拳道是慢慢內化成自己感興趣的科目，而且一星期才一日，平時都不用花時間練。

Phonics大約98個音，我自己己教了3/4左右，但仍然keep住俾NET教順便學埋oral。我覺得佢學phonics無乜壓力又不用做功課，只係同NET傾下計玩下就吸收到，現在一般英文字都拼到，又幫到佢串字。

日文其實我都無讀過，但我用左記憶法幫佢記晒平假名片假名50音，再開始記一些簡單生字。他由上日文堂唔知做乜開始，到他識晒50音開始...開始建立自信再慢慢有d興趣。上堂默書時他次次100分好開心，食日本野時見到d日本字都識讀番出來，都唔知幾開心。我覺得幫他掌握適合他的學習方法，從而建立自信心是非常重要，再而慢慢引起他的學習興趣及持績力。其實日文唔駛溫好耐，每日2-5分鐘己非常夠。

至於西班牙文，基本字簡單字佢都識，但暫時要等9-10月無咁忙才慢慢教，但唔會push好急，只當興趣keep住，等佢再大點自己決定。

至於starter，因為佢唔識解題目，所以考試前用了頗多時間教他解題及生字，因時間短，所以有一個月要教到12點。但現在他己懂解題，上小一己問題不大，所以現在讀movers只是keep住下，沒有壓力的。

其實小朋友仍有時間睇電視玩lego及圖鴉，但我從來不給電子遊戲機他玩的。在家或街外，如果悶，我只會給他很多紙大家一齊鬥畫畫或玩lego。但我覺得很多其他小朋友所謂hea，其實都是玩遊戲機，在街及地鐵成日拿著手機玩電子遊戲。如果其他家長覺得唔好俾小朋友學咁多野是給他大量時間玩遊戲機，咁我寧願俾我小朋友學多些課外活動，最起碼全部是互動，同埋全部有親子參與！

roccolamar

yuenkw 發表於 12-7-24 13:28
回復 roccolamar 的帖子

其實我認識的家長，好多都安排類似數量的課程比小朋友，不過可能我呢 d 係 BK 算 ...

我小朋友是讀普通屋村幼稚園，所以我認識的家長只安排很少課程比小朋友，但我認同小朋友在小一前打好基礎有一定的學習能力，到時唔駛咁吃力。

本身鍾意睇書又睇得快，所以早期看了很多兒童心理學、教養方法到後來的不同學習方法、腦神經發展等，我覺得只要找對學習方法，學習都可以很輕鬆。有時言語訓練或講故事可以用同他玩遊戲時或頃計時與他做，連他己做完練習都唔知，好輕鬆就做完訓練。

小一數學不難，但有好多文字題要識解題。我記得睇過一本書，一條題目如果要3分鐘要做完一題，如果你四則運算快的話，你便可以只分10秒計算，留下大部份時間2分半理解題目，慢慢就會快人一步做完。如果你四則運算未攪惦，又要計數又要理解，你便會好論盡。公文比較著重操數比較悶同埋上堂唔係點教你，無做錯才可升級。所以我建議你找一d真係教佢四則運算的方法，學完便可停。我以前俾我兒甥女學公文數，我現在都好後悔，上堂唔係好教你點解錯有乜技巧及原理，只是不停叫他做，攪到他學唔到仲怕左數，毫無成功感！

我知道小學開始忙，所以在小一前幫他打好基礎。因我都見到其他小朋友幼稚園好輕鬆好hea，到小一追得好辛苦，個人又好無自信，這叫做先甜後苦。如果見到佢追不上又幫佢唔到，這批人慢慢就由中遊變為下遊，到升中通常是band 2-3學校，到時在band 3學校由於在學業上長期落後找不到成功感及自信，慢慢就會另找方向建立自我，有些人便會學壞，這些人我都見唔少！所以我在他可以應付的情況下，我會教他適合的學習方法輕鬆學習。與其給他玩電子遊戲，我寧願他學其他野或玩lego！

樓主，其實你幫小朋友打基礎並沒有問題，只是親子時間比較小及最好研究一些適合他的學習方法讓他輕鬆學習。學習最好不是迫的，我從來沒有打過他。如果他做不到或慢，我會嘗試不同方法幫他或令學習更加有趣味性。我們雖然都要上班，但我小朋友的親子時間仍然很多的，他的笑容仍然好天真。幼稚園老師的評語仍是天真活潑、愛笑愛玩！

roccolamar

yuenkw 發表於 12-7-24 15:57
回復 roccolamar 的帖子

哈，原来呀原本同您的小朋友做同學。

哈！咁你意思係而家唔係？你小朋友現在讀邊間？

仔仔錫錫你

如果無念住轉校，重有無需要考mover 增添無謂壓力呢?

roccolamar

仔仔錫錫你 發表於 12-7-24 16:34
如果無念住轉校，重有無需要考mover 增添無謂壓力呢?

又唔係谷考試，movers同starter有很多重覆，溫故知新之餘，學多d生字又有何況？每個星期學串幾個生字，又會幾辛苦呀？識多d生字有助他理解題目！每日幾分鐘都溫完啦！好過其他小朋友用成個鐘玩手機遊戲，都夠我幫我小朋友溫到5-6樣野！

CHIULHJ

roccolamar 發表於 12-7-24 16:59
又唔係谷考試，movers同starter有很多重覆，溫故知新之餘，學多d生字又有何況？每個星期學串幾個生字，又 ...

Hi roccolamar,

Please check pm.

maybo224

我相信很多家長從小朋友出生到現在也都閱讀了不少關於兒童心理，親子教育等………書籍或報章。我也看了一大堆，為什麼從未看過這樣密集的親子學習方法？在那一本書有講到？請告訴我，可以嗎？沒有安排十數樣活動給孩子的參加，就沒有親子時間嗎？孩子就只會在家裹hea住上網打機嗎？？誰說的？？？？小一前完成你訂立的目標後，小學生活就會輕鬆了嗎？當然會！但到時真的不會報讀其他課程嗎？想"贏在起跑線上"的同時，請不要先累壞了孩子。

healthybaby

我諗其實好多中產家長都有編排緊密既時間表!不過有一點希望你們明白，你唔相信愉快學習，係你自己既經驗領悟出來，而唔係阿爸阿媽逼你地逼出來。或者你地好彩，生到個好聽話既小朋友，所以先會任由你地擺佈，又或者你地自己都做得傀儡太耐，所以你地好希望有人繼承你地既地位，咁既人生，對於我來講實在太悲哀了

healthybaby

或者無聊講下自己既經歷, 我自己係一個好反叛既人,我從來都唔想聽阿媽講野,覺得佢好煩!所以我覺得逼仔女都係無用. 屋企裏只得我一個讀得成書, 其實我由小到大都唔洗點讀都考得幾好,記憶力極好(不過而家生完兩個咩記憶力都無晒)上大學都可以讀得好hea,(我唔係晒命,因為我d仔女真係完全遺傳唔到)但我從未珍惜過任何一個機會,只因我自己既態度唔好, 呢樣野令我就算讀書幾叻,都唔係好有成就(好彩我係女人&有老公養家), 比起我成績差好多,但因態度好, 都可以有好既成就! 但係我從來都唔羨慕其他人,因為呢個就係我既人生,唔係阿媽要我得到既人生! 現在有我幸福的家庭,有健康的子女,真是得來不易!
我覺得培養仔女要有感恩的心, 感激得到的一切, 其次係態度,工作及學習態度唔好, 做任何野已經係失敗左! 所以學野不是多,是要在學野的經歷培養出仔女的正確人生觀,呢樣先至係最持久的教育!
我阿女性格似足我,但無運氣,讀書能力弱, 所以我覺得,生左佢好似要我將自己人生既路行多一次咁, 我覺得我自己都成長緊!
我自己都學習緊,點樣可以對子女有信心d,唔好成日睇到佢地既不足,而不停要佢地學呢樣那樣 !
或者你地有無諗過自己既人生係點? 你地係唔係自己無自信,係唔係都係做野好辛苦呢? 係唔係做人好大壓力呢?覺得自己和子女欠缺了什麼,所以不斷去用學野來填補呢d空隙呢? 學習了解自己,了解子女,才會令子女成長得更健康!

Sumyeema1

林嬌嬌

原帖由 healthybaby 於 12-07-24 發表
或者無聊講下自己既經歷, 我自己係一個好反叛既人,我從來都唔想聽阿媽講野,覺得佢好煩!所以我覺得逼仔女都 ...

講得非常之好。最近我再讀鄧X琳的著作，一篇話，父母不是子女的老闆，不可期望付出了金錢學這學那，便陪養出全能小孩。小孩應有自己獨立思考的空間，表達自己喜歡與否的感受。其實小朋友在家hea, 是否父母也沒有協助小朋友學習安排自己的時間和生活呢，例如，在家可以看書畫畫聽音樂，到公園走一走etc... 這些才是小朋友會記得的童年生活。父母安排小朋友課程，原意是好，但適量才能消化。