條條大道通羅馬

nintendo

對，條條大路通羅馬。

其實 99% 的人都係普通資質，最難是家長明白仔女的能力。
人有冇成就，不看資質，看自知之明。
的確，香港地真係幾好，選擇從來不缺。
D 人成日話 LS  唔好，但每年都有好多精英培訓出來，大把名醫大狀名人都係官校津校產品。

讀 IS  ，但自以為是，自視過高，將來都係死路一條。
小朋友要了解 (和接受)  自己的特質和能力，肯學肯努力，將來一定是成功人士。
我兩個都讀 IS，其實 IS 都係學校，學校設施再好，老師再好，將來學生成就如何，也要看個人。
國際學校學生的成就，真係可以好極端，好多入 IVY LEAGUE OXBRIDGE，亦有唔少真係讀唔成書。
單看 RESULT ( 入大學) ，再計埋 opportunity costs ( 學費等費用) ，未必真係值。不過教育都要看過程，國際學校的確有和本地學校不一樣的學習經驗，這也是很多人覺得比多少少錢也值的的原因。

我知有 D  初接觸國際學校的人，會覺得大開眼界；又可能家長心裡面覺得，自己有本事有能力負擔國際學校學費，有少少成就感；但小朋友讀國際學校，不等於 "自動" 平步青雲。
做人要最緊要踏實，有間自己滿意的學校，值的開心；但開心過就好，要快 d 返回現實，唔好以為讀國際學校就可以乜都唔理。好多人過完六年小學 honey moon time，到中學埋身搏鬥，先知仔女完來一直蜢車邊，要追得好辛苦。
通常在國際學校讀高中讀得好的，有幾個特點 (1)  從小有正面學習態度 (2)  父母不會看輕小學階段，放手不理，反而是積極參予孩子的學習 (3)  明白自己的幸運 (能負擔國際學校開支)，同時存謙卑之心，不要少看其他人。

poonseelai

nintendo 發表於 12-6-21 11:41
對，條條大路通羅馬。

其實 99% 的人都係普通資質，最難是家長明白仔女的能力。

你分析得十分詳盡，我只想補充一點，相信大部分家長不會認為LS唔好，讀IS就叻過人，其實只是不同人在不同階段有不同選擇。夢想學校最好是學費平（或免費）、校舍大又靚、師資正，開心學習又成續標青。我自己也是讀LS，只是香港教育制度變得太快太急，我實在看不清亦不明白。回歸後一刀切只剩下一百多間英文中學嚇了我一大跳，只好在能力許可下為女兒選另一條路；而快要推行的國民教育就....?

poonseelai

仲有，有一天我俾LS家長睇唔起，我大女兒一幼稚園同學入了一間受歡迎小學，還入了精英班，有一天跟她媽媽講開學習情況時她說：「你哋學校當然只會教到D學生蠢蠢地，如果教精你哋中學𨍭走，邊個俾學費。」

oooray

回復 nintendo 的帖子

"存謙卑之心，不要少看其他人"
這是佛的景界。

ANChan59

回復 ILBC 的帖子

無論IS/LS/IB乜都好，適合孩子本身再加家庭教育，長大後必是社會棟樑！

**********************




Great conclusion..... insightful.

elmostoney

你讀過某一個system, 先會了解嗰個system o既不足

我就係.  係香港讀書到中一, 之後去外國, 先至驚見, 原來上堂唔係老師大哂! 原來我可以將自己係課外所學, 甚至老師都未必識, 但係同課堂有關知識帶入來! 原來學生可以同老師討論! 原來冇範本答案!  原來考試好唔係靠背書! 原來課餘係有時間閱讀! 原來有d同學讀書唔得, 只要唔係操行唔得, 都可以發掘佢地所長, 讀書唔係唯一被認同嘅方法!  原來同學間唔一定為成績比高低, 有team work,會互相幫助!  

呢個係一個新世界,我當時都要時間適應.  亦因為呢種個人體驗, 我決定, 只要能力許可, 我會送仔女入IS.  特別係而家新LS時代, 當大家為左考直資比$8000入面試班, $400/hr, 仲要爭崩頭; 當一間官小老師可以為左校際音樂會校隊攞亞軍而係全隊人前祈禱求神原諒; 當我屋企位普通話家教同我講, 二年班要寫"慚愧"呢d咁難嘅詞語, 佢都嚇左一跳; 當好多家長課餘訓練到小朋友十項全能; 當大家為入小學, 竟然要為小朋友做portfolio, 好似去求職面試咁...我就知道, LS唔係我個杯茶, 而我亦知道, 我家孩兒資質一般, 實在不能在這樣的環境生存, 只會迫瘋我地全家.

elmostoney

老實講, 如果有間唔洗錢學校, 又冇而家時下d學校咁癲, 我真係唔會同錢闘氣, 比d細路入 IS 讀, 我諗呢d係大部份中產父母嘅心聲.  如果有d父母以為其他人送仔女入IS讀係為左耀武揚威, 我只能搖頭歎息, 真係太冇common sense.

因為我個女追唔上, 老師叫我同佢做多少少串字, 我最初想係外邊搵d  class比佢上幾個月, 睇左兩個centre,唔洗再睇, 因為我發覺呢d center都係cater towards LS, 佢地嘅目標就係好細個就要串d好難嘅字, 而呢d字對五六歲嘅小朋友係冇物意義.  或者大家都train到d小朋友好勁, 三四歲已串字, 所以去到五六歲去串呢d難字只係一個進階,但我接受唔到, 亦唔認同咁去學英文.  language needs to come natural, 學左呢d字, 當然就要做句, 係呢個年紀, 點用呢d字發揮呢? 最後我搵到d 英美spelling workbook, 簡直perfect, 由淺入深, 慳返$同時間, 唔洗去上堂.

elmostoney

我要補充, 我甚至對校舍要求不大, 我唔洗學校有泳池, 有物好靚設備, 我重視只係師資同教育理念 - 唔係單指成績個種, 而係身心品德平衡發展.  揀學校, 設施對我來講重來都係排第尾.  有d太富貴 IS, 一來自問冇條件入, 亦唔太認同佢地某d practice或風氣, 二來收生又緊, 我家孩兒恐怕亦冇機會, 所以報都費事 -- 都係出於自知之明.  

annie40

在这里我特别喜欢听middle school , upper school 或大学孩子的家长交流, 因为他们是过来人, 早就洞察世情, 当家长的甜酸苦辣, 早已尝透, 罗马就算未建成, 都最少起好间烂鬼石屋仔, 他们的见解,我就算多不明白, 也会用本ipad抄录, 经验是今年觉得人家坚持的道理, 是小题大作, 我个女是与别不同, 以我的家教, 一定有防疫力的, 点知明年就中招了............是何必当初.

希望不管是岩听或唔岩听, 都要抄下nintendo, Anchan, 仔仔爸的明言, 未来十年继续想想, 非常有益的.  

关于billigual 中英语, 有家长是乐观主义者, 很好!  但现实还是现实啊! 走着看吧!