日日掛住打機, 真係好激氣.

Yanamami

Ahling2004 發表於 12-4-3 09:53
我那個知道有家庭聚會就一定出席, 同家人出去短線1,2天旅行只要預早同佢講, 佢都OK. 至於平時叫佢同父母出 ...

似是而非o既歪理.  人人都做緊o既野唔等同正確&應該做.  我女同我講呢句話時, 我會同佢講, 你既然覺得自己大個女, 禁好應該有分辨是非的能力, 有腦分析乜係應該做乜野唔應該做, 唔通人人食煙我又食?  人人吐痰我又吐?  你係應該做正確既事. 人做你又做只代表你無腦分辨是非, 咪同我講你已大個, 因為你仲未係.

samuel89

Ahling2004 發表於 12-3-28 11:10
放假就盡量拉佢出去行下街, 盡量減少留係屋企時間; 爸爸有時都會同佢一起玩, 但係佢就係唔懂的控制自已, 樂 ...

打機上癮系現世紀最大難題,同清朝果陣既鴉片煙一樣都系人類自作孽既苦果......

作為父親我當然希望阿仔可以遠離d唔好既"noise", 生活得"有規有矩",冇風冇浪甘成長......
但而家流行既online game, 對d中小學生來講,同d所謂既軟性毒品比較更加軟性, 為害更加深遠, 最恐怖既系打機上癮既禍害好容易俾家長,學生自己所忽略, 我相信打機上癮既學生自己都知道,明白自己在浪費緊自己人生中最寶貴既學習階段青春,但就因為禍害系"軟性",..... "遲d戒", "free 下先", "同班考得好既同學仔都打得仲多啦(我阿仔抗辯既理由)"等等理由將打機上癮問題淡化......
但作為父親我無意強制阿仔戒左打機上癮, 始終我有本事限制佢打機的習慣,但限制唔到佢打機的"心"......所以打機上癮問題既然系阿仔必經既唔好既"noise"(冇可能回到未有online game既時代, "禁絕"只系自欺欺人),要戒都只好睇阿仔自己既決心, 唔系我既主觀願望.......

Ahling2004

回復 samuel89 的帖子

絕對同意. 無的強來, 唯有等佢自覺及反醒.

Ahling2004

回復 Yanamami 的帖子

我都係同你用同樣的理由同佢講, 佢聽左又無出聲. 即係點嗎? 總要同我講, 邊個邊個同學仔都係打到三更半夜啦, 佢老豆都係到3:00才叫佢關機.   成日話別人的父母如何放鬆, 咁人地有PROMOISE 比父母, 佢又唔知. 平時為了激勵佢的向學斗心, 就會話你不如學下邊個咁學習方式, 跟住佢又同我講: 每個人都唔同, 佢又唔等於我, 唔好拿來同我比較啦.

Yanamami

Ahling2004 發表於 12-4-5 10:03
回復 Yanamami 的帖子

我都係同你用同樣的理由同佢講, 佢聽左又無出聲. 即係點嗎? 總要同我講, 邊個邊個同 ...

我從來唔會俾我女輸打贏要.  無double standard.  呢d對話小學都有, 我會話: 好抱歉, 家有家規, 佢屋企俾, 唔代表我屋企俾. 你18歲前我有法律責任管你, 請忍耐. 你仲係我管轄之下, 請守我規矩.  你要我唔好羅你同其他人比, 請公平點, 都唔好羅其他父母同我比.

samuel89

回復 Yanamami 的帖子

Ahling2004

我平時都係同佢講, 佢最多唔出聲; 之後又會唔記的.  次次咁樣聽完, 我個內心都好唔舒服: 點解個仔咁樣睇我地? 平時家庭應有的溫暖,關心我地都比哂, 點解佢總係覺的自已父母不如別人父母, 真係好心酸....

Yanamami

Ahling2004 發表於 12-4-11 10:50
我平時都係同佢講, 佢最多唔出聲; 之後又會唔記的.  次次咁樣聽完, 我個內心都好唔舒服: 點解個仔咁樣睇我 ...

我相信他是听到的.  有一天他會明白.  孩子咀裏說"我恨死你", 但心裏是清楚父母的關心的.  青春期的孩子多不可理喻, 別太上心, 繼續的關心就可以了.  有時用些幽默感去取代喋喋不休的教訓(我自己仍在努力中, 不易做到呢!), 是可以緩和不少衝突的.  能和孩子保持密切關係, 捱過這幾年反叛期, 希望會有好日子過.  鬧翻了關係, 情況便只會惡化下去....

Sumyeema1

tomatowu 發表於 12-3-24 18:02
有冇辦法將部電腦速度較慢，等佢打機打到冇癮，我屋企個寛頻成曰斷&慢，我仔有時打機打到火滾唔鬼打一:happ ...

好奇一問
樓主，你有無試過哩個方法？

LittleKidult

我仔前幾日考AL bio, 考前一晚打機打到零晨成點

wong191

Ahling2004 發表於 12-3-6 13:12
現在管教小朋友真係好似過五關斬六將. 一浪接一浪. 永遠都有事等父母煩惱,頭痛及解決, 為父母真不容易.
亞 ...

我個仔23歲. 係中一到中三都係鍾意打機/online game, 我都有同佢傾,第日佢想做咩, 佢答我話唔知. 當時我都好頭痛. 唔想佢hea 一世. ( 似我 )
直至上左中四佢開始覺得自己唔掂, 唔夠人好. 自動要求去補習, 晚晚做功課加溫書都攪到成點幾兩點先有得訓.
(我知學校當時都有比壓力佢地) 而家大學畢左業, 仲讀緊博士學位.

有時....我覺得佢地唔係太聽我地做父母講野, 你搵 d 外人同佢傾多d. 或者有幫助佢認真諗下自己條路點行.

加油~~~~

mo-ma

你令我想起，我公司(投資銀行)請左個summer intern,有雙degree，讀緊master。佢好乖，又識人情世故，入左黎吾夠兩星期，有好多同時以為佢係上年嘅u grad因為佢乜都知，連d前綫trader都like，真系好醒。
有一次講起我個仔沉迷打機，佢話佢由中一至中三都係，打到日夜不分，同細佬一齊打，兩個成績都好差，又連阿爸阿媽都當透明。我問佢點樣開hue注重返學業，佢只系話有一日佢突然覺得好厭，好無聊，於是就停左打機。佢話吾洗太緊張，始終佢會停喎。我都系等緊呢一日！

dobbybabie

各位家長唔使慌,其實有套軟件非常好,是政府每年向軟件公司買版權,只要家長去听讲座,就可免費攞.上www.cyberpatrol.com.看看。再打去  影視及娛樂事務管理處  問那裡有關於cyberpatrol 7.7過滤軟件講座听和攞.讲座會教你安装方法.

dobbybabie

這個世界永逺有奇跡,但不一定會降临在你身上.所以我唔買六合彩.

kilykilyk

dobbybabie 發表於 12-4-16 08:36
這個世界永逺有奇跡,但不一定會降临在你身上.所以我唔買六合彩.

講真啱,好多時唔係盡心教導,佢就會聽,就算佢聽,佢明白後果都會做,
佢自己唔識醒,講乜都無用

Ahling2004

聽左咁多家長們的意見, 總結論就係要: 忍. 等佢有一日終會醒過來.  我都好期望及盼望有呢個奇蹟快快降臨, 讓我的孩兒早些醒. 否則做父母的內心真係好痛.  依家真係講咩都聽唔入耳.

好似前二日, 一家人係外邊吃晚飯, 吃飯途中問佢今次的測驗成績出左沒( 唔問都唔講, 要問多幾次才肯講), 又係好多科都唔合格. 本來我都預左佢唔好, 一邊拿書, 一邊望電腦, 點會溫入腦. 出來咁的成績係預左.  但係亞仔總要死撐話: 好多人都唔合格啦, 邊個邊個讀書好叻都唔合格啦, 又話自己方式係對的.  我真係聽入耳好嬲, 忍唔住話佢: "別人唔合格唔代表你都係, 點解講極你都唔明. 算啦, "資質"的野都無的強求"  點知佢一聽就大發脾氣, 話做父母的點會話自已仔"資質"有問題, 跟住就當場擺吃飯抗議及黑口罵面, 想喊咁.  那一刻我真係好心痛, 作為一個母親最擔優係怕自已個仔吃唔飽,訓唔好, 穿唔暖. 佢竟然拿擺吃飯來威脅及抗議.  那種滋味真係好難受, 好難受.   最後我同佢SAY SORRY, 都表明: 就算你幾差, 幾衰都係我孩子, 媽咪唔會嫌棄你. 媽咪當時講的"資質",真正意思唔係話你有問題, 只係提醒我自已及你, 凡事順其自然啦. 如果你覺的唔對, 我可以道歉." 可能係我唔應該講資質呢2個字, 但真係無話可勸, 想激起佢的斗心, 原來係錯的.  之後2日我都無同仔有交談, 因為我實在有需要冷靜, 真係好唔明個仔的過份激的行為及唔吃飯的抗議, 佢明唔明已傷左父母的心.  反正想我咩都唔講,唔管.  咁我就放手吧, 由佢自由飛翔, 見步行步啦.

kilykilyk

Ahling2004 發表於 12-4-18 10:17
聽左咁多家長們的意見, 總結論就係要: 忍. 等佢有一日終會醒過來.  我都好期望及盼望有呢個奇蹟快快降臨,  ...

雖然我個情況無你咁嚴重,我一向叫仔有咩事都同我傾下,但我個仔唔會咁做,要自己渣主意,
如果唔比佢渣主意,佢就講大話騙你都要做到為止,我也決定放手..

sowasabe

回復 Ahling2004 的帖子

吾好意思.我都話你錯,點解人身攻擊.無論"資質"是差或好,都不應在此時此刻話佢資質吾好.你想用激將法如激不起反而佢諗反正亞媽都話我"資質"問題啦.不是我未盡力,算吧啦.甘以後就無勁力去求上進仲死.
人在不開心的時候很容易講出最傷人的話而不自覺,大人都係甘,何況小朋友如何控制情緒,緊係想出最打擊你的方法出來反駁你.所以,在最不開心的時候,先停一停,黑面可接受,但出口傷人好難收復.吃飽了再傾.
其實係有仔女的父母都好明你的心情,我既係女,現己中五,當年中一至中三都係甘一放學上face book , msn , 上綱, 打game.....直至10點才開始做功課.(小學時,一到家即時做晒功課架),不過亞女好彩成績都吾差,但我也不想見佢生活無晒時間表,亂晒.甘又點,大個啦.硬碰一定是父母死硬,因為佢地真係未長大嘛.只好扮可憐,扮死,成日同女講,我明我明你地同學大多數都係上face book , msn , 上綱, 打game....最衰亞媽無錢俾你去外國讀書,,再甘打機..唉..全港只有不足20%可升大學,我真係諗到心口痛,你地現在未明,到明己太遲啦....如此不斷重覆又重覆甘講. 如果有次考得吾好,我就話:你甘聰明,甘好資質..只可惜上綱害左你..唉! 媽媽等緊你長大呀....所以,同亞女是保持有傾有講亦知佢同學對佢有如何的影響.佢都認自己浪費太多時間在綱上,叫我見佢玩到吾收手時提提佢,到考試時,強硬不讓佢再玩電腦.所以,我地會在合時時互相檢討.

Ahling2004

謝謝你們, 我都知自己今次處理的不當. 有時真係覺的自已不懂做人父母, 不懂教, 才令個仔變成依家咁.

有傾有講係每個父母最開心的溝通方式, 但我那個強又唔得, 軟又唔得. 當我地勸佢時, 提佢時, 佢就會好不耐煩及大聲答:  得啦.  有時我真係嬲到覺的佢已無藥可救,唔想理. 但每次見佢咁投入, 又會不自覺的去提下佢, 佢黑面或大聲咪由佢, 我當睇唔到.   問題係佢根本當我地開解, 勸告及關心係耳邊風, 自把自為. 好像好快會飛咁. 晚晚都係11:30之後才做功課, 唔使溫書, 總要同我地講以後考入大學做助教賺錢出外留學.  天呀, 點解咁天真, 咁的成績, 連大學門都入唔到啦, 總係度發白日夢.  講極都唔明,  我真係好累, 好累. 累到有時我都唔想對住佢.   

sowasabe

回復 Ahling2004 的帖子

這是一個過度期,最重要是不要將大家關係弄壞.忍...忍...再多幾分關懷俾佢.
我女是一個乖,純,聽話受教的女孩, 剛升上中一時也遇到反判時期,話佢時亦不耐煩甘"知啦,知啦..好煩呀" 甘回應我.還同同學msn時罵我.一個在小學時又貼身,又乖既女孩突然甘樣,仲同同學一齊話亞媽,我真係心痛又失眠.點算呀,點幫佢呀,
我都只可以扮吾知,大家保持良好關係先,原來佢地在中學時期,會同同學傾吓屋企嘢,同時佢地係知家人真係關心佢地既.
只要佢地對自己有要求, 亦有自信,也相信讀書要勤力.當佢地有目標時就會發力,就會上.
暫時亞仔成績不理想,你同佢傾,考得不好的地方是不明的要盡快補上,離大隊太遠就好難追回.又解釋俾佢聽全港畢業生只有不足18%的大學學位供應,甘你估你在校內要考top幾才有機會取得一個學位.你又可以參考吓亞仔學校過往升大學的百分率而要求佢朝此目標追上.等佢自己有要求,肯發力進步空間可大呀.