大家覺唔覺得負擔好重？

cherrieshum

原帖由 jenniferzhu 於 10-12-31 15:14 發表
一向都覺得負擔重，無論點都要生活下去架，有錢學多樣食好的，錢少就使少的嘍。
我地現在要供樓，要供養父母，要供養囡囡讀書，想生多個都唔敢。
政府話出生率低，叫我地生多幾件，大佬，現在社會咩都要錢，我又唔想做無良父母，唔想生完仔 ...

貴有貴養，平有平養，不須和別人比較。反而真的要積極考慮生多一個，小孩有伴，將來壓力、負擔也會減少；現在獨生兒可能很開心，萬千寵愛在一身，但將來就要雙陪奉還。試想想，如果我們將來老了，他一人照顧或來醫院看我們是何等辛苦！壓力是多麼的大啊！！因此，為了小孩真的要積極生多一個！

[ 本帖最後由 cherrieshum 於 11-1-2 16:46 編輯 ]

DGJS

負擔好重. 如果考到好直資或派到好津校, 可能有些不繼續學啦.

ho_yan2406

原帖由 cincin_ko 於 10-12-30 11:39 發表


其實對一個幾小朋友來說, 每天已上3-4小時學 (未計車程), 放左學仲要上堂, 都好辛苦呢~
我看過書, 呢個年紀要一定的free time 比佢free play (not playgroup).  如果唔係會有反效果, 佢會在上playgroup or 番學時 ...

我都覺得咁會辛苦,所以一筆過俾學校學好d英文,唔想放學去補習,興趣班呢d如果佢真係有興趣都會俾佢上,但唔會日日返嘛

夢B

覺呀,總之一有左小朋友之後開支就大好多,換大左層樓,又要請工人,讀書最'金' 以前諗住讀津校,但大抽獎真係好唔保險,而且好多名校都轉左直資,咁好自然又會話讀間好d幼稚園第日考直資都大機會d,咁呢d幼稚園又冇學劵
係......好多人會話冇人搵支槍迫你去揀冇學劵幼稚園,冇人叫你去考直資,係你自己揀又懶3懶4,不過有得揀時總好過冇,都係想比最好個女姐!
但如果個女真係讀直資,我真係冇能力再生多個了,我只係一般打工仔咋

ho_yan2406

原帖由 cincin_ko 於 11-1-3 14:52 發表


yup ! agree !!!
頂多都係1-2樣...

學1,2樣但係學得精,好過日日都學唔同野但冇樣精
我暫時只想佢學琴,游水同溜冰,但只係得溜冰要俾錢學,當然到時都要睇佢想唔想學

ho_yan2406

原帖由 夢B 於 11-1-3 09:53 發表
覺呀,總之一有左小朋友之後開支就大好多,換大左層樓,又要請工人,讀書最'金' 以前諗住讀津校,但大抽獎真係好唔保險,而且好多名校都轉左直資,咁好自然又會話讀間好d幼稚園第日考直資都大機會d,咁呢d幼稚園又 ...

多個人開支一定大啦,淨係保險都要供多份...讀書呢d我又覺得你係有一定既能力先會諗直資私校,如果真係負擔唔同就完全唔敢諗,差都要讀架啦...

JHsbb

我都覺得皮費好重..我自己就2個小朋友, 大仔K1學費連校車2200, 興趣班2000(4200), 細女剛剛返學N班學費連校車3820, 淨係2個讀書都成8千銀一個月, 加埋工人3780(未計食)萬2喇, 所以想工人做埋呢張約(仲有1年)就唔請, 留返D錢比小朋友, 但老公唔想我辛苦又捱出病, 所以又想請工人至佢地升晒小學....但我真係想慳返錢呀....

easybring

兩個小朋友有很多互動, 對情感表達/會話/腦筋也好.  有相有量, 也有競爭的時候.

原帖由 cherrieshum 於 11-1-2 16:44 發表


貴有貴養，平有平養，不須和別人比較。反而真的要積極考慮生多一個，小孩有伴，將來壓力、負擔也會減少；現在獨生兒可能很開心，萬千寵愛在一身，但將來就要雙陪奉還。試想想，如果我們將來老了，他一人照顧或來醫院看我們是何等辛苦 ...

haydenden1023

生兩個我都想
無錯, 平有平養
好可惜自己已37歲
生左個細都擔心無體力去教

cherrieshum

原帖由 haydenden1023 於 11-1-5 11:21 發表
生兩個我都想
無錯, 平有平養
好可惜自己已37歲
生左個細都擔心無體力去教

不必擔心，女人為了小孩會發揮出無限的小宇宙，到時你一定能搞定的！！

夢B

原帖由 cherrieshum 於 11-1-5 11:32 發表


不必擔心，女人為了小孩會發揮出無限的小宇宙，到時你一定能搞定的！！

哈哈,呢樣又係真喎,生仔咁辛苦都得,真係冇咩唔得
我c6都話我生左呀女之後肯捱左好多