政府S位一問

Capricorn2521

謝謝您。孩子智能及認知方面，由3個醫生及其他治療師都講過沒問題的，最大問題係情緒及社交，我亦同現在的老師有共識，這些都是必要主力訓練的。

老師有經驗, 好似好嚴但其實好有愛心 ==>我亞仔之前個私人pst就是了，我很感激她，亞仔在佢嘅訓練吓進步了不少，亦教了我很多。

原帖由 kelvin_hmlau 於 10-10-29 18:00 發表
希望你願望成真, 出年個仔有能力由魚缸游出大海.

不清楚你孩子智能如何, 最好搵一間包容性低 (即係個仔自己唔食飯就將碗筷收起. 如果個仔智能ok 應該知道下次要點做). 老師有經驗, 好似好嚴但其實好有愛心. (樂天個 ...

pocoyo123

你明白佢地唔會互相影響就好啦, 以前我都覺我亞仔唔差, 唔想佢同其他自閉小朋友一齊上堂, 成日担心佢學埋D衰野返來, 后來先知根本唔會有問題, 你其實唔須考慮太多, 依家先兩歲, 你可排S+I位, 到有位先諗啦, 就算係S位, 你讀一個月唔對路, 你可即走, 無人會留你, 其實, 好多家長成日話讀左S位出唔返主流, 根本係錯的, CAC會係每個有需要小朋友5歲-6歲都返去做小一評估, 如果評估時你話會讀主流, 佢都會比你讀, 除非小朋友係智障, OR 嚴重自閉, 根本無影響, 有D媽咪話, 有小朋友輕度智障, 佢媽咪一樣比佢返主流, 只要有學校收就OK, 我覺得好多媽咪個小朋友第一步都未做到, 就諗小一的問題, 真係諗多左囉, 大前提唔係讀唔讀S位, 係小朋友讀唔讀到I位, 我係過來人, I位真係要在出面有訓練, 而且耍多,加上在家都要多做訓練,  因I位真係好流, 如經濟&時間唔捉夠,就要諗清楚

原帖由 pinkdoll 於 10-10-29 19:26 發表
明白 多謝你意見呀

我係細孖有自閉 大孖冇自閉 只係發展遲緩6個月 大孖任何發展都俾細孖好好多  佢哋日日一齊生活 我都睇到大孖冇俾細孖影響到自閉

亦就係因為大孖同細孖的分別 所以我先咁快睇到細孖有問題

講真 ...

Capricorn2521

同意。

其實我都吾擔心孩子出吾返出流，只不過係希望在增強基本功訓練之後，ready嘞，希望佢可以同同齡小朋友有更多互動。畢竟家裡只有一個孩子的，會比較自我。但我知要按步就班，不能心急。

點解咁多人問s位定i位 ? 係因為..以我經驗，cac個醫生係建議你入乜位，好似顧問咁...要家長同意，咁好似個選擇權响家長手上，而家長們又未接觸過，所以好疑惑。其實有你這樣有實戰經驗的分享是十分有用的。

我的家庭醫生話，i位同普通位的分別好少，只係每天30分鐘抽出來個別訓練，其餘時間係大班上課的，所以讀i位首要條件係能遵守課堂規則及聽從課堂指令。而且一般幼稚園/幼兒中心係冇咁多大型訓練設備，訓練感統及大肌肉。

如有出入，請補充。

原帖由 pocoyo123 於 10-10-29 22:54 發表
你明白佢地唔會互相影響就好啦, 以前我都覺我亞仔唔差, 唔想佢同其他自閉小朋友一齊上堂, 成日担心佢學埋D衰野返來, 后來先知根本唔會有問題, 你其實唔須考慮太多, 依家先兩歲, 你可排S+I位, 到有位先諗啦, 就算係S ...

[ 本帖最後由 Capricorn2521 於 10-10-30 10:05 編輯 ]

kelvin_hmlau

佢地唔會互相影響就好啦!?

其實都唔敢講, 因為有社交班的家長說她兒子在S位學左好多衰野, 但我不知道這是否屬實.

可能孩子讀過S位一段時間的家長可以比d意見.

Capricorn2521

其實都不用太擔心的。  我記得我仔初入學時都有尖叫 (入學前吾會)，不過我即時教佢吾想要時你要講"我吾要呀!"，不可以尖叫，所以依家就冇咗啦。

再講，就算主流學校其他學生的生活習慣也有不同，亦未必全是我們可接受的，我覺得我地要教孩子學懂分辨是非，接受差異，對佢將來才是有用，因為學校係社會的縮影，好寫實。

仲有，如果孩子能模仿，表示其學習能力不弱，應該開心。不過，如果真係接受吾倒或改吾倒，可以跟班主任商討一下對策。

原帖由 kelvin_hmlau 於 10-10-29 23:49 發表
佢地唔會互相影響就好啦!?

其實都唔敢講, 因為有社交班的家長說她兒子在S位學左好多衰野, 但我不知道這是否屬實.

可能孩子讀過S位一段時間的家長可以比d意見. ...

[ 本帖最後由 Capricorn2521 於 10-10-30 10:34 編輯 ]

pocoyo123

絕對同意
每人都有差異, 接受他人, 先可有進步, 不要以為係人地影響你, 有可能係行為問題遲左浮出來, 媽咪就以為係他人感染, 要知道我地D仔普遍係固執, 不易改變, 不輕易受人影響, 所以, 我諗呢個問題唔須太怕

原帖由 Capricorn2521 於 10-10-30 10:27 發表
其實都不用太擔心的。  我記得我仔初入學時都有尖叫 (入學前吾會)，不過我即時教佢吾想要時你要講"我吾要呀!"，不可以尖叫，所以依家就冇咗啦。

再講，就算主流學校其他學生的生活習慣也有不同，亦未必全是我們可接受 ...

BeBe媽媽

Capricorn2521,
我剛剛路過....想講下我仔間I位!
係學前明明話每日個別IEP 30MINS,點知幾日前才知一星期得一次30MINS....唉!

pinkdoll

排咗私人training, 搵緊普通n位,  除咗有個playgroup報到名外 其他都係要等

所以趁呢段時間問下人攞啲資料呀

原帖由 Capricorn2521 於 10-10-29 22:39 發表
照計剛剛開學，出年4月派位，你應該都要出年9月先有位，不如上吓自費training先，一邊train住，一邊問吓治療師嘅意見，咪仲好。

kelvin_hmlau

今天參加了E位學校的旅行, 發現小孩情況普遍不差. 部分對答如流, 亦很合群.

小兒最差係社交, 個別訓練幾合作. 現在E位學校加左幾個 group 比佢 (音樂, OT), 希望有d 進步.

pocoyo123

想問下乜野係E位學校? 乜E位唔係早期訓練咩, 我聽D媽咪講E位係去協康呀, 基督教服務處呀上堂嘅, 乜有學返?

原帖由 kelvin_hmlau 於 10-10-31 22:18 發表
今天參加了E位學校的旅行, 發現小孩情況普遍不差. 部分對答如流, 亦很合群.

小兒最差係社交, 個別訓練幾合作. 現在E位學校加左幾個 group 比佢 (音樂, OT), 希望有d 進步. ...

kelvin_hmlau

你說得對, 應該說早期訓練中心才對. 說成學校係因為通常同菲傭講 training school. 該E位中心沒有學返, 小孩們係返緊主流. 定期有一d旅行及參觀.

Capricorn2521

oh...no !

原帖由 BeBe媽媽 於 10-10-31 00:08 發表
Capricorn2521,
我剛剛路過....想講下我仔間I位!
係學前明明話每日個別IEP 30MINS,點知幾日前才知一星期得一次30MINS....唉!

apple~y

原帖由 kelvin_hmlau 於 10-10-31 22:18 發表
今天參加了E位學校的旅行, 發現小孩情況普遍不差. 部分對答如流, 亦很合群.

小兒最差係社交, 個別訓練幾合作. 現在E位學校加左幾個 group 比佢 (音樂, OT), 希望有d 進步. ...

請問你小朋友排0左幾耐e位,先有位
我排0左差不多一年啦,仔仔都3age幾
小兒主要問題發展遲緩,語言遲緩
現在語言能力主要說單字,疊字,兩字詞(例如:早晨,唔該)
短句完全未得
時時見輪候名單差4,5個月,都唔知排到幾時
等到頸都長

kelvin_hmlau

小兒唔知算唔算好運, 排了一年左右便有E位服務了. 本區出名的E位係協康郭葉, 不過新開了一間E位中心 (主辦機構同陳蔭川一樣). 因為收到風, 所以轉左排呢間, 所以先咁快有. 昨天旅行知道有人住慈雲山都收到風誇區過來.

個私人OT同我講, 排得最耐的係ST. 第日記得叫個仔讀ST, 唔好讀OT(因為OT做到勞損). 我話有無可能呀, 依家有speech delay, 接受服務, 將來有無可能做ST!? 佢話世事無絕對, 呢刻唔得唔代表將來唔得. 我們又對望大笑了.

Capricorn2521

近來亞仔鐘意唱 "it's a sunny day, sunny day, sunny day....." 於是跟老師傾起，佢話因為教咗天氣，所以教呢首歌。記得以前在BK聽過有D媽媽說，S位乜都好，只係冇英文。原來又吾係完全冇.... 我梗係順勢教賣佢rainy day同 cloudy day啦。記得以前又聽過話s位只教自理，小朋友畢業連自己個名都不識寫...我都有了心理準備學術要自己教。不過，老師昨天跟我說，他們每人都有功課薄，因為亞仔3歲只要畫橫直線、點對點連線及在1"x1"空格內蓋印即可，而4歲或以上才要寫字 (她只說她那一組情況)。她每天都跟亞仔睇同一本社交故事書，她說亞仔已經識讀書上的所有文字，當然佢係未理解的，老師會用口語再教佢。看來以乎又吾似吾重視讀書寫字....中文歌方面，亞仔近來會唱"一個,兩個,三個小朋友....."直至七個 (原曲係ten little indians)...因為佢果組有七個小朋友... 應該係教數數目呢！

[ 本帖最後由 Capricorn2521 於 10-11-4 11:26 編輯 ]

kelvin_hmlau

我相信妳的選擇很明智, 亦選對了S位學校, 兒子在進步中.

有時真係要自己試過才知道, 道聽途說只能作參考.

BeBe媽媽

見到你地小朋友咁進步,我都好鄧你地開心,希望我個仔都可以爭氣啦!
大家一齊努力啊!

Capricorn2521

經過3個月來的學校生活和訓練，學習方面漸入佳境。這個星期見完班老師，說亞仔已經認識所有本月的生字/圖片/實物，如：冬天，聖誕樹、手墨(mitten)，毛衣、頸巾，聖誕鐘，聖誕老人、等等... 要加速佢認字的進度。(老實說，我一早已知文字係佢的強項，這是我預期中事)。社交方面，見到小朋友會開心笑，會主動親親小朋友，可能不懂用力，小朋友不喜歡，老師教他拍拍肩。唱聖誕歌...唱完中文版又唱英文版，所以老師話，學期初set的IEP好多items都meet倒，在個別訓練中也看出他有很好的解難能力，下學期要set一個較高的計劃比佢。回家做功課又非常熱衷，有時會自己拿書包要求做功課。我很高興他在學習上的進度。

可是，不知是否他的認知愈強，近來好似愈來愈難服待。在家中，成日哭著，又要東，又要西，好似要get attention咁。比咗A佢，又話要B，比完B又吾要，又話要C，咁我就火啦....成日鬥佢。可能係咁，佢變得比以前moody。唉..... 又可能係我見佢能力強咗，對佢要求又高咗，耐性少咗...... 似乎我都要先檢討一下自已，再研究對策。問過老師，他在校也容易發脾氣，但也好易氹，一陣間冇事，又笑過。

capricorn 2521....加油... !!!

[ 本帖最後由 Capricorn2521 於 10-12-10 16:37 編輯 ]