2010~2011 小一家長請進!

小鄧

仔仔係藤條型, 應該唔會有腳仔多肉的問題, 哈哈, 現在穿的都是偏闊的了, Dr. KXXX的黑鞋好似好重呀, 小朋友ok嗎? 再想想辦法吧。

aquarius828

早晨!

其實我都覺得DR. KXXX D黑鞋好似重了一些, 但我小朋友著落去佢又話OK, 舒服, 所以我就算了, 加上佢地D服務又真係OK喎, 又話幫我小朋友加咩高(定厚D)鞋墊丫, 又CHECK腳, 所以都係幫襯佢算了

其實, 有無其他家長分享下D小朋友著邊種黑皮鞋嘅呢? 可以輕D, 又健康D, 又舒服嘅呢?

原帖由 小鄧 於 10-8-6 17:58 發表
仔仔係藤條型, 應該唔會有腳仔多肉的問題, 哈哈, 現在穿的都是偏闊的了, Dr. KXXX的黑鞋好似好重呀, 小朋友ok嗎? 再想想辦法吧。

小鄧

似乎我地今年的家長比較文靜, 我翻看上年小一的家長, 這個時段已經好多討論, 又或者我們關心的問題, 他們已經一一討論了, 所以好似好靜......
或者分享下我現在的心情, 知道就快開學, 但又唔知做咩好 ? 除左買有關物品開學用, 安排暑期興趣班, 假期就去玩之外, 在學習上好似冇咩做過, 鄰居話8月中應該收拾心情, 拿出小一的書本, 跟小朋友看看, 溫習備課等等, 我心想每科備第一課得唔得呢? 我驚看得太多課, 到教時都未必記得。

小鄧

關於黑鞋, 相信Dr. KXXX有信心保証, 我早兩個月join左佢會員, $30入會費, 先送3對白襪仔, 我媽媽話d質料好好, 抵啦。1個會員卡可以最多寫4個人名, 而每到生日月就有coupon買鞋, 我地其中一個8月生日, 所以等緊佢寄coupon俾我幫仔仔買鞋, 應該平d 添, 我都應該會買晒黑白鞋。

aquarius828

早晨小鄧:

我都係DR. KXXX 嘅會員, 點解我從未收過佢D COUPON, 咩COUPON嚟架

aquarius828

我就未同小朋友睇循小d書本, 只係比佢做下d小一習作(因為幼稚園幫我地買咗d小一習作)... 仲有學下嘢咁咋...

係呢.. 有次諗住同小朋友一齊買下文具仔, 等佢開心下 (有得比佢自己撰下嘛), 點知佢一撰就撰個有機關嘅筆盒, 仲係果度係咁玩人地個筆盒, 我求其同佢講, 個筆盒又重, 又"tat tat tat聲", 會嘈住人, 唔好買e個啦, 於是帶開咗佢了... 你地預備咗小一開學要用嘅嘢未丫?

小鄧

我係5月join 會員, 個售貨員話生日月有coupon買鞋平d (連平時唔會減價的都可以買), 但我就未收到coupon, 收到就知係咩東東, 到時再話你知。
文具我就盡量買的平實d, 我買左個淨色拉錬網袋做筆袋, 冇野玩, 冇公仔, 因為筆袋係小朋友最貼身之物, 成日放上書檯的, 會掛住玩囉, 仔仔都話想用陀螺筆袋, 我話學校唔俾用, 想小朋友專心上課, 但就俾佢返興趣班時用這個陀螺筆袋, 都叫有得用囉!

小鄧

aquarius828,
你間幼稚園咁好, 俾左d習作你地做, 我地那間都有一本啦, 多合一練習, 第一個星期已經做完了。

aquarius828

wow~~ 咩有陀螺筆袋架, 我未見過丫
係丫, 小鄧, 同你諗法一樣, 如果買機關筆盒, 小朋友就會顧住玩, 唔聽書, 所以no way...

原帖由 小鄧 於 10-8-10 13:04 發表
我係5月join 會員, 個售貨員話生日月有coupon買鞋平d (連平時唔會減價的都可以買), 但我就未收到coupon, 收到就知係咩東東, 到時再話你知。
文具我就盡量買的平實d, 我買左個淨色拉錬網袋做筆袋, 冇野玩, 冇公仔, 因 ...

aquarius828

小鄧.. 唔係俾架, 要買架

原帖由 小鄧 於 10-8-10 14:31 發表
aquarius828,
你間幼稚園咁好, 俾左d習作你地做, 我地那間都有一本啦, 多合一練習, 第一個星期已經做完了。

aquarius828

我join咗佢member有幾年啦, 收都未收過一張, 如果你有, 真係要話聲我知丫, 我問返佢拎, 你知啦, 佢d鞋又唔係平, 幫補下都好丫嘛, 係咪先...

原帖由 小鄧 於 10-8-10 13:04 發表
我係5月join 會員, 個售貨員話生日月有coupon買鞋平d (連平時唔會減價的都可以買), 但我就未收到coupon, 收到就知係咩東東, 到時再話你知。
文具我就盡量買的平實d, 我買左個淨色拉錬網袋做筆袋, 冇野玩, 冇公仔, 因 ...

小鄧

冇問題, 收到coupon再講。 至於陀螺筆袋, 我其實仲有個係鐵盒筆盒, 係屋企附近街市內的小商店, 玩彈乒乓球遊戲送的, 市面我都未見過, 所以一到我手就9秒9收起左個鐵盒, 俾左個筆袋佢就算, 因為小朋友成日弄跌野, 跌袋好過跌盒, 冇咁嘈。

小鄧

書包方面, 我買左SPI淨色冇公仔的, 仔仔看中了有公仔的, 好彩售貨員feel到我唔想買, 就幫手話公仔款得中碼冇細碼,中碼要到起碼3年級先用得, 仔仔就好順口話咁3年班要來買，真係多謝晒售貨員幫手，有d野叫做3年又3年囉。你日後見到個4眼仔背著紅色書包的 (都幾sharp), 就係我仔仔。

aquarius828

我就買咗個LEGO嘅, 有個POLICE公仔係上面的, 仔仔話背得真係好舒服, 我就由佢了, 因為書包始終係佢日日背... 加上LEGO又真係幾輕身, 講真... 書包E家嘢我都研究咗好耐, 最後撰咗佢...

不過, 聽人講, 書包好易爛, 因D小朋友鍾意叫人時, 會"扯"住人個書包的, 哈哈哈

原帖由 小鄧 於 10-8-10 18:08 發表
書包方面, 我買左SPI淨色冇公仔的, 仔仔看中了有公仔的, 好彩售貨員feel到我唔想買, 就幫手話公仔款得中碼冇細碼,中碼要到起碼3年級先用得, 仔仔就好順口話咁3年班要來買，真係多謝晒售貨員幫手，有d野叫做3年又3年囉。 ...

[ 本帖最後由 aquarius828 於 10-8-11 12:19 編輯 ]

小鄧

拉人書包這玩意我地讀書時都是這樣的, 不變定律，鬼叩個書包有幾寸距離, 想快d叫到個同學，咪拉人書包囉。

檸檬花

hi... 各位家長.....
我想同我姪女報讀循道小學(2011年9月)小一，佢住旺角富榮花園，來緊9月份要報.....
1)要如何填志願機會才會大D？
2)同搭校車大約幾多一個月？
3)全日班放學後，學校是否有冇小朋友在學校做晒功課先走架？(因放學回家沒有人幫佢做功課，)
4)請問有沒有家長住附近，有冇補習班可以介紹吓，補習普通話及英文的。

aquarius828

檸檬花: 您好!

1. 我只知如果你自行派位撰佢(計分), 統一甲部/乙部都撰哂佢作為首志願, 機會一定係大D的... (但當然都係睇彩數啦)
2. 本人唔係住旺角的, 但你預5佰幾~6佰蚊到啦...
3. 我小朋友今年先小一, 由於新校未起好, 要延到出年先正式全日制, 現在都仲係分上/下午班, 所以唔知有無人會答到你...
4. 勞煩其他住旺角嘅家長解答了...

希望幫到你少少咁多啦

原帖由 檸檬花 於 10-8-15 22:03 發表
hi... 各位家長.....
我想同我姪女報讀循道小學(2011年9月)小一，佢住旺角富榮花園，來緊9月份要報.....
1)要如何填志願機會才會大D？
2)同搭校車大約幾多一個月？
3)全日班放學後，學校是否有冇小朋友在學校做晒功課先走架？(因 ...

aquarius828

咁又係, 諗起嚟都真係覺得好好笑

原帖由 小鄧 於 10-8-12 10:52 發表
拉人書包這玩意我地讀書時都是這樣的, 不變定律，鬼叩個書包有幾寸距離, 想快d叫到個同學，咪拉人書包囉。

小鄧

aquarius828,
please check PM.

小鄧

檸檬花,
1) 我的經驗是第一輪我得15分, 首名子女+適齡=15分, 冇份, 第二輪放第一志願, Bingo! 朋友第一輪唔知選咩, 第二輪放循小第二, 油天第一, 結果派第三志願。
2) 富榮校車好似$600內,
3)小朋友未入學, 唔知功課安排, 但點都好, 讀到小學都應該抽時間睇睇功課好d, 我有朋友讀上午班, 下午會安排到就近補習社3小時, 安靜地做功課及溫習, 皆因家有另一小朋友攪攪震而已, 回家後爸爸亦要再花少少時間睇睇的。你姪女入學時, 應該返全日, 都可試試這方法。
4) 富榮的補習室好似有兩三間, 集中在一條街, 家長可以放工時間行一行, 比較一下。