女兒的Maths補極都沒有多大幫助，有無計？

virgokaren

熱狗爸：

“披住兔皮o既狗”應該好可愛架，我真係好想見識下！
至於狗太，可以買件young look d 的晚裝，她 04年著完，05年可以俾狗叻女著，如此類推，你明年開始每年都係買一件之嘛！

拿！係度搭下咀，我又學識好多野啦！
以前我對簡體字好抗拒，近年貪平，先至學識左好多簡體字，但大部份都識睇唔識寫，點似得熱狗爸你，隨手一拈又帶出咁多好例子。

簡體字中的"阴"和"

MomMom

No.  I did not study 文學。  I studied Science subjects.

hotdogpapa

MomMom：
多謝讚賞！
一)        博學勉為其難可以講(因為“熱狗”家貧書少讀，自悲心作祟下偶爾都會拿本書在手，充一充半個知識份子也好；有興趣之內容也會一睹...久而久之對各種事物也略知一點皮毛…)
二)        “才”字就遠離我了！“熱狗”既冇金銀(財)寶、老狗亦開始為棺(材)本頭痛、公司亦打算把我(裁)掉…乜“才”都冇了…
三)        至於教女，邊個唔會做架？各施各法而已！你睇我好~我睇你好！
四)        “熱狗”浪得虛名；其實只得一副“臭皮囊”！不用偷，用得著~隨便拿用！
五)        波叔(?)唱：“擔番支大雪茄、充生哂認經理…”就會時有所聞…但講大話貶低自己，有咩需要？生逢六、七十年代，讀書往往是一件奢侈o既事，反之而家有書唔好好讀o既學生…“熱狗”無限感慨！

hotdogpapa

Virgokaren：
一)“狗”也！狼、狽之後代經人馴化而已，始終是野獸；“可愛”只不過o係迪士尼《餓到傻左》時之創作，不盡不實也！
二) “狗媽媽”遇人不淑，識到“熱狗”；捱了半世、飽經風霜、依然兩手空空，得個囡囡；芳華漸逝，睇怕點Young都Young唔起，應慳得慳好了！
三) 哈哈…“熱狗”不是正在操練寫作嗎？所以隨手一拈都要有野寫(仲要扮哂野個隻，懶內容豐富…)；o係一篇文章換唔到一碗魚旦粉o既年代，唔學下點呃稿費，唔掂唔掂…點完成“寫作”大計耶？
四) 陰(阴)、陽(阳)，真係好似象形文字；不過我寫(木日)為楊、(水日)為湯時又唔得啵…
五) 北方粗口都好勁架，早幾日先學到“悶出鳥來”！嘩…
六) 繁簡冇得爭！一個十幾億一個幾百萬、一個奄奄一息一個商機無限、一個往前跑一個向後退…所以聽講薰妮都話要出o黎唱番歌仔：“逝去了的都已逝去…”！
答案：帝制崩塌，天下共和！首屆國會曾提議奉粵語為中國“國語”聽講當時廣東話只差一票而落敗！只因孫文怕左d外省佬不滿(廣東人坐大…)而四處遊說人家改投…唉，side料矣！如果孫老闆唔係廣東人，佢老人家一定會贊成；而共產黨執政都怕唔會改啦~~毛澤東同劉少奇都係湖南人、周恩來浙江、朱德四川！冇個係講京腔o既北大人…廣東話多傳神呢！單是：“頂你個肺”、““開心到飛起！”都再冇其他形容詞可以咁深切表達到…如果大陸用左粵語！江澤民就唔使：“too simple， sometimes naive.”（太天真了，有時甚至幼稚~老人家一定認為國語一定唔夠猛，先至用英文…不過英文都係咁斯文…）；粵語一句低b、昂車、攪點哂啦~老江！

virgokaren

      
hotdogpa：
你唔單止食得飽，仲笑死我！！！
如果霑叔唔係西去矣，我以為佢化名熱狗爸添！
你仲話無"才""財"，我就無身材。

原來廣府話曾經有機會成為國語架？
點解你話如果孫老闆唔係廣東人，佢老人家一定會贊成？
孫老闆唔係指孫文嗎？

hotdogpapa

virgokaren
女人冇“材”便是德乎？唔好唔好...
孫老闆(文)以大局為重，岩既！
不過佢又早去了，如果唔係~中國會變成點？
好似歐洲~四分五裂？
好似蘇聯~瓦解？
唉...

virgokaren

(嘻！偷偷更正了。)

小女子無才又無材，講到政治和歷史只好 ，有請熱狗爸指教。

hotdogpapa

virgokaren
一)        “熱狗”不能吃也；一則香港法例所不容、二則此狗年事已高，國民只揀老貓嫩狗，千萬不可調轉、三則太大件恐怕你食唔落…哈哈
二)        笑！可以強身健體，有益也…請繼續！哭，可調節情緒，亦無害！唯世俗人自幼教導之下，此為女士之專利耶！男兒有淚不可流~無緣分享！
三)        講起霑叔，無疑是一位奇才；“熱狗”都睇唔少佢o既報導，但超人(林榮超)竟然將他與蘇學士比：
《霑叔真才子~林超榮角度：霑叔去後，真正的香江才子又少一人！ 他代表香港最精英的創作人，有中國文化的根柢，也融會西方創作。放眼今古，黃霑應該屬於蘇東坡這一級的才子…云云》
霑叔好叻好叻好叻！但同九百年前之蘇子相比，還是笑死“熱狗”吧！
論文，蘇東坡是唐宋八大家之首。
論賦，一定天下無敵…後冇來者！赤壁賦仲有邊個唔識？“熱狗”無緣修讀都識背啦。
論詞，只有辛棄疾可以相提並論。
論詩，弱左d，不過一句“問汝平生功業，黃州惠州儋州…”就令人感到非常婉惜….
論書法，宋四家也之也~黃州寒食詩，墨寶依然存o係台灣故官博物館！有邊一個書法家唔想一睹其風采？
論畫，佢o既竹石又是天下一絕！
*哈里兄兄在嗎？哈里兄中學時修中國文學！意見如何？
四)        而家興瘦身，女人要瘦唔要身材，男人有咩計？希望對手板可以縮細d啦！
五)        政治？唔o岩熱狗矣！呢d係小數人玩o既遊戲(仲要有錢有勢。)，總之世界唔會有真正民主的…
六)        講歷史，無線之楚漢驕雄一定教壞細路！

哈里波特

熱狗兄, 我應該修正, 我係修(抄)文學唔係讀文學.  我話你知我以前點去"讀書"---真係唔好比我個女知道.

文學老師太多野抄, 成日測驗, 考試, 默課文.  我最憎讀書, 但老師規定唔合格要留堂抄marking scheme "x"咁多次.  頭兩次有讀書, 但都唔合格, 自此以後, 我叫老師留定個位比我, 我索性唔讀, 橫死掂死.  我那時個d功力, 全靠日日罰抄得番黎.  Anyway, 我好感激以前所有老師, 最少有學返, 唔會學壞.  其實對住班band 2-3的學生, 真係好慘.  因為以前好貪玩, 所以有時都會明白小朋友的心態, 講真, 我好配服自己個女.  She is really tough. 好硬頸, 佢認為要做的野, 一定做到比你睇.  在讀書方面, 呢個堅持還未落實, 希望佢有日想通, 找到自己的方向後, 勇往直前.

講返熱狗, 你簡直crazy, 怪獸黎架. 可以記得咁多唔等駛的野, 呢 d 野似乎和生活無關.  你部腦有幾多"激"ram呀???

3G

各位大佬,大姐,尼度既標題係:女兒的Maths補極都沒有多大幫助，有無計？一入來睇,原來大部份都唔知係文學呀??定擦鞋??唔該你地另開新主題啦,唔好令我地d有需要既家長,入來睇哂先呻笨 .唔通你地以為尼度係聊天室咩??

一個爸爸

3G :....女兒的Maths補極都沒有多大幫助，有無計？...入來睇哂先呻笨 ....-(

那麼,你的子女有甚麼數學上的困難,一起談一談吧

哈里波特

3G 寫道:
各位大佬,大姐,尼度既標題係:女兒的Maths補極都沒有多大幫助，有無計？一入來睇,原來大部份都唔知係文學呀??定擦鞋??唔該你地另開新主題啦,唔好令我地d有需要既家長,入來睇哂先呻笨 .唔通你地以為尼度係聊天室咩??

唔駛咁大反應, 有時大家情不自禁je. 唔駛**呻笨**咁嚴重呀!

HPChingchingma

唔好意思！！

我想插咀問問題呢！

我是我個仔有問題，
有時佢的功課 (無去補習社 )
佢的數學橫式 step 好奇怪， 老師話 step 寫出清楚才有分，但仔仔答案就正確，但仍要當錯。不知仔仔心急還是認叻，很多時寫的怪 step 出來。( 很多時是跳左一個或二個 step 的 )如果繼續係咁，好不好替他上 Maths 補習班呢？。下學期快要報分，萬一唔再糾正他思想，我怕佢好容易失手。好多時 Maths 他的分數有 80 - 98 ，他亦試過。如找補習 F.7學生 O.k. 還是 專補數學的教社，最後還是真的需要做 Sir的補習好呢？( 但真係學費好貴   )

eviepa

程程媽 寫道:
唔好意思！！

我想插咀問問題呢！

我是我個仔有問題，
有時佢的功課 (無去補習社 )
佢的數學橫式 step 好奇怪， 老師話 step 寫出清楚才有分，但仔仔答案就正確，但仍要當錯。不知仔仔心急還是認叻，很多時寫的怪 step 出來。( 很多時是跳左一個或二個 step 的 )如果繼續係咁，好不好替他上 Maths 補習班呢？。下學期快要報分，萬一唔再糾正他思想，我怕佢好容易失手。好多時 Maths 他的分數有 80 - 98 ，他亦試過。如找補習 F.7學生 O.k. 還是 專補數學的教社，最後還是真的需要做 Sir的補習好呢？( 但真係學費好貴   )

程程媽,

懂得做數是本，唔駛俾人扣分是末。

到高中時老師自然會用好多時間去教Step，唔駛咁心急。補習容易造成倚賴，搏唔過。

mschrista2000

其實你可以好似我朋友仔仔咁，請私人補習老師，一星期只補2-3天，又唔會好貴，又唔會令小朋友做成依賴，又可以幫到佢。

如果你要介紹我可以幫你問我朋友架  :

hi123

我覺得如果屋企無人管到小朋友，請補習是唯一的做法。
我個仔的同學(F.2)都有請上門專教數，他還是一敗塗地。關鍵是：不理解、得過且過、撞中答案便以為自己識，於是便跳過該練習。
至於我個仔，小學的數學都可以，但上了中學就...唔得，我就認為他英文能力差，以至解題困難，經常粗心大意，即使答案正確，步驟錯又失分。但他又不肯聽我解釋某些step的重要，唉！還是由他撞板。
我就認為：最好買一本有steps的answer補充數學給他做，每天做10-15題，風雨不改，跟answer形式作答，無得「抵賴」。一本好的補充+一位指導員好過佰幾元一堂的補習老師。
實際的效果，還看我個兒子今次考試出來的結果了。

一個爸爸

hi123 寫道:
我覺得如果屋企無人管到小朋友，請補習是唯一的做法。
......我就認為：最好買一本有steps的answer補充數學給他做，每天做10-15題，.....。

(一)"我覺得如果屋企無人管到小朋友，請補習是唯一的做法。"
同意,但係真係要個補習老師識管, 如果補習社,同幾隻馬騮玩起上黎可能仲一發不可收拾

(二) "最好買一本有steps的answer補充數學給他做，每天做10-15題，.....。"

er...不盡同意,只知形格而不明所以,有危機. 小心

virgokaren

請問：
如果補習，一星期一次，每次個半小時足夠嗎？

又，如何才得知到底補習有效與否？
只看成績嗎？

家長數學唔好，
點至check到個小朋友係咪真係明？
點至知道個數學補習老師是否識教？

Thx！

哈里波特

可以多 d 同小朋友猜謎, 考IQ.  小學生的數唔係太難, 家長詳閱他們課本, 應該可以應付得來.  買d作業, 做幾份, 就估計到有無進步.  你係經理, 有時也要抽 check 員工做d野對唔對路啦.

As a parent, cannot be lazy.

*******************
家長數學唔好，
點至check到個小朋友係咪真係明？
點至知道個數學補習老師是否識教？
*******************

hotdogpapa

virgokaren：
哈哈…特首唔係叫人“終身學習”架咩？唔識教更加要學...學海無涯嘛...不過人生有涯呢！