優才有意接辦臻美學校??

dabbycheung

原帖由 eviepa 於 09-6-14 09:05 發表


由於這是傳統學校，所以普遍家長都各施各法，在已經不輕的功課量下再加補習，視考試分數如黃金珍寶。

我個仔小學時係讀大埔某傳統小學，所以你所講既情況我深表認同。當年就係因為唔想個仔同自己再受呢D苦，所以雖然有政府Band 1英中唔讀，而山長水遠比個仔去讀優中。

edea

原帖由 唔係一舊飯 於 09-6-14 02:03 發表


我並非優才家長, 只是有份聽簡介會, 估計那位會員所指的「特別隔離區」是由於校方怕小朋友影響家長專心聽簡介會內容, 特別抽調人手另設臨時活動室讓小朋友玩.
我當初致電留位時曾查問過可否帶孩子到場, 但對方表 ...

謝謝, 我覺得這個分析很合理!

KnN

我想問下學校係咪好想接手臻美?
我見到友版既討論, 好驚喎, 咁既口氣同偉論, 我真係支持唔住. 而家仲教育局要求臻美先解僱員工, 會唔會分簿gt本身既人手, 尤其好老師. 我未入黎gt, 可能有d 野我未清楚, 希望大家多多指教.

ecore

原帖由 KnN 於 09-6-16 22:28 發表
我想問下學校係咪好想接手臻美?
我見到友版既討論, 好驚喎, 咁既口氣同偉論, 我真係支持唔住. 而家仲教育局要求臻美先解僱員工, 會唔會分簿gt本身既人手, 尤其好老師. 我未入黎gt, 可能有d 野我未清楚, 希望大家多 ...

放心，教育局要臻美先解僱員工應是要臻美現辦學團體先結算教職員的公職金...，臻美的教職員是會留任簽新約！無論那一個辦學團體都不能在七月中組全新的教學班底！

揀選新辦學團體的決策權在於教育局，李教授、校長說只盡力而為，不必太擔心！

[ 本帖最後由 ecore 於 09-6-16 23:55 編輯 ]

竹葉青

我都唔係優才家長,但我都有去今屆簡介會,個簡介會商唔商業就睇家長點睇啫,我個人就唔覺,都係介紹優才各樣教學模式同理念,仲介紹得好清楚主要既各科教學模式,優才既特式多元智能同才華班講得好清楚,學生讀書環境心態等等,都介紹得好清楚明白,唔會係聽時好似好,但再想一層又好概括咁＂即係點呀＂果種感覺。加上之前留位時有問可唔可以帶小朋友Ｄ職員都話唔好，但我地係一向一手一腳照顧又冇工人老人家又湊唔到喎，咪硬住頭皮帶埋仔女黎諗住叫佢地坐埋一邉玩，點知學校真係超體貼呀！知道有我地ＥＤ咁唔聽話既家長，居然特登派幾位職員照顧住Ｄ小朋友，令我可以安安樂樂咁聽簡介（免得當場出羞），只係這點以令我對這校加了好多分，走時我對仔女係度掛住睇電影唔肯走呀，校長又會係另一個室等家長提問，可惜當日趕住走只聽到佢回應一個問題，但Ｅ個問題又另我更加深，就係有家長問學校係咪好多資優生咁對非資優生會否不公平，校長答佢每一個小朋友都不一樣資優唔代係學術上又好成績，有Ｄ只係有某一個才能特別好如音樂，體育，藝術或語言等.各有所長,學校就係會將每一個小朋友才能發掘出來.我聽到這裏巳覺得很滿意,起碼唔會因學生學科方面平平而被忽略.如叫我仔去好似家姐既傳統小學我諗我要辭埋份工兩三日又要見家長果隻.
我之前一D都冇諗過Ｅ間學校架因為遠我住天水圍點都未諗過去到TKO揾學校,但我死都唔會係天水圍揾學校架(我一向應為朋背係好影響小朋友)到我剛要為小兒找小一，先仔細咁睇下有咩活動Ｄ校規又冇咁嚴既英文直資私立小學，咁啱有次我係旺角等女上堂之際先發現有間優才係旺角咪即上埋BK八下先知原來小一至三係旺角,咪即同老公相糧,又咁啱有簡介會咪即管聽下囉,睇下有乜唔同心態去聽,唔聽唔知聽完就死火,我同老公勁LIKE教學模式同理念,攪到原本一心一意只考私直英小,因而家巳比優才勁吸引住三心兩意唔知點好.不過聽聞這校係勁多人報所以都唔到我三心兩意,只能睇呀仔到時咩做化啦.到時考到咩都要講住先啦,我點都會放棄大抽奬架喇!

唔好意思問多個問題呀,如小兒真係咁好幸係第一輪入到優才,咁會唔會要即時註冊架,定都會等第一輪津小派位時同期註冊架,因大女時考幾間直資都係會等到係第一輪津小派位時一齊註冊架,到時先決定讀邊間咁.因我見咁多間直資優才係最早IN架.

真係唔好思咁長氣,我只係想分享下自己感覺咋,同埋我寫野係唔多掂架又組織差多錯字,希望大家多多包容.感謝謝.

原帖由 唔係一舊飯 於 09-6-14 02:03 發表


我並非優才家長, 只是有份聽簡介會, 估計那位會員所指的「特別隔離區」是由於校方怕小朋友影響家長專心聽簡介會內容, 特別抽調人手另設臨時活動室讓小朋友玩.
我當初致電留位時曾查問過可否帶孩子到場, 但對方表 ...

軍魁星

原帖由 ecore 於 09-6-16 23:50 發表


放心，教育局要臻美先解僱員工應是要臻美現辦學團體先結算教職員的公職金...，臻美的教職員是會留任簽新約！無論那一個辦學團體都不能在七月中組全新的教學班底！

揀選新辦學團體的決策權在於教育局，李教授、校長說只盡力而為，不必太擔心！

放心晒!

軍魁星

今日約左兩個讀銅鑼灣聖保x的一年級小朋友去Noah, 等到而家都未出得門口, 話佢地仲補緊習, 由早9點補到11點wor. 夜晚返來仲有一個鐘.  一年級炸.....

[ 本帖最後由 軍魁星 於 09-6-17 10:50 編輯 ]

EYUNG

原帖由 軍魁星 於 09-6-17 10:40 發表
放心晒!

你放心啦! 星期日貴校到臻美做簡介, 好明顯是想要學校, 不要學生, 所有的中學生都不作安排, 讀完初三便自行轉校, 小學部亦不會採用GT模式, 感覺唔到一視同仁.

所以貴校高層都是抱平常心, 接到就奇!

軍魁星

原帖由 EYUNG 於 09-6-17 11:58 發表



你放心啦! 星期日貴校到臻美做簡介, 好明顯是想要學校, 不要學生, 所有的中學生都不作安排, 讀完初三便自行轉校, 小學部亦不會採用GT模式, 感覺唔到一視同仁.

所以貴校高層都是抱平常心, 接到就奇! ...

講開又講, 優才無需擔心收生不足的問題, 亦唔係請唔倒老師, 試想想貴校除左間校舍之外, 仲有乜野係優才想要既？ "愉快學習, 不求成績"的核心價值？

(以上只是個人意見, 絕不代表校方或學校整體家長的意見.)

KnN

原帖由 EYUNG 於 09-6-17 11:58 AM 發表



你放心啦! 星期日貴校到臻美做簡介, 好明顯是想要學校, 不要學生, 所有的中學生都不作安排, 讀完初三便自行轉校, 小學部亦不會採用GT模式, 感覺唔到一視同仁.

所以貴校高層都是抱平常心, 接到就奇! ...

真係好無禮貌, 咁我都唔客氣, 睇你地既偉論, "臻美人"點睇得上眼"gt模式", 左一句催谷, 右一句唔支援全面發展, 而家又黎要一視同仁? 定係接手學校要再係貴校分開2班, 一半行"臻美"mode, 一半行"新校mode"?
臻美未開到高中, 你地要求接辦團體保證你地6+6 ? GT 小學上中學, 升班都有既定要求, 我諗係每間學校都有呢個正常要求, 臻美攪到咁, 我深表同情, 但對你地既語調態度, 我好疑惑.
所有apply for 接手既團體都係有目的嫁喇, 要穩定既學生源唔係嗎? 有邊個真係白武士?

軍魁星

原帖由 EYUNG 於 09-6-17 11:58 發表



你放心啦! 星期日貴校到臻美做簡介, 好明顯是想要學校, 不要學生, 所有的中學生都不作安排, 讀完初三便自行轉校, 小學部亦不會採用GT模式, 感覺唔到一視同仁.

所以貴校高層都是抱平常心, 接到就奇! ...

貴校家長最鍾意的福建中學, 睇睇個網頁, 咪成版講成績如何如何, 成績好不好我唔敢落結論, 但覺得從網頁上睇, 顯示其注重成績的程度遠在優才之上.

dabbycheung

各位優才家長：

本來我對於優才接辦臻美真係無乜意見，但自從見識過對方家長，真係怕怕！

依家我令願優才唔好接辦臻美，我地自己開開心心，真係唔想再惹麻煩！

snowball

EYUNG,

你真係好冇禮貌喎, 估唔到你身為臻美既家長, 會咁樣講野........唉, 真係令我好失望.  

dabbycheung, 我support 你, 如果對方d家長係咁冇品, 何必要同佢地一齊呢?  
"依家我希望願優才唔好接辦臻美，我地自己開開心心，真係唔想再惹麻煩" <- 我完全同意

原帖由 EYUNG 於 09-6-17 11:58 發表

你放心啦! 星期日貴校到做簡介, 好明顯是想要學校, 不要學生, 所有的中學生都不作安排, 讀完初三便自行轉校, 小學部亦不會採用GT模式, 感覺唔到一視同仁.

所以貴校高層都是抱平常心, 接到就奇! ...

[ 本帖最後由 snowball 於 09-6-17 13:11 編輯 ]

edea

優才討論區一向很和平, 為了保護這份和平, 我決定把這個話題關上,  各位優才家長, 要解釋的都解釋過, 要澄清的都澄清過, 無謂為了其他人而動氣, 我們愛我們的學校, 我們了解我們的學校, 這就足夠了, 還是讓和平留在我們優才的討論區, 要挑釁開戰的請別進來吧.

優才討論區版主
edea