九月小一用什麼帶飯好呢?

anitatata

CMMANDY
精神緊張人都快d老呀，快d keep返個靚靚呀!   

anitatata

9xx 好合理架啦，一d都唔貴，係呢你小朋友讀邊間小學呀?
thx

Astrid 寫道:
我今日收到學校既信 .... 我 6月26日就開家長會啦 .... d 書薄費成 $9xx 一個學期      

Easy媽咪

嘻....5月尾時我大仔6歲生日時...叫左d朋友送禮物比佢用黎返小學用......d禮物好正呀!
其中包括有：
飯壺一個(zojirushi)嘩...好正架...有成3格架~~仲好貴呀($289)
保溫/冷水壺一個(thermos)
毛巾盒一個
小食盒一個
嘻...嘻....夠哂用喇~~~   

ling媽

Astrid,
你囡囡係班中大女，唔使驚。我囡都係97年尾出世的，不過今年9月升P.2，佢係班中細女。佢又係細細粒，記得上小學前佢連落樓梯都要扶住欄杆落，我都驚佢揹住個書包點算，又要搭校車，又要上落樓梯，所以我會揀輕身唔太大個嘅書包比佢。另我囡間學校有locker比佢地用，有d書呀文具呀可以放o係locker等個書包輕d。

不過，大家都唔使咁擔心，小朋友嘅識應力好強嫁，無大人o係度佢地會互相照顧嫁。最好番左學之後同同班同學交換電話號碼，就算家課冊唔知寫嘜都可以搵個人問吓嘛，仲要問多幾個號碼喎，因為佢地好多都"夢夢"地，一個唔知都有第二個後補嘛！ 不過要留意之後佢地會唔會煲電話粥喎，唔係講少，我係在職媽媽，日間得亞囡同工人o係屋企，個同學就周不時打黎同亞囡煲粥，煲親起碼半粒鐘，我知道後就叫亞囡返學同個同學講話佢媽咪我唔鐘意成日煲電話粥，問完功課就要收線喇！所以大家都要周不時向亞仔亞女攞料，睇下佢地d同學係點呀！學校今日發生嘜野特別事呀！我亞囡o個班就有好多騎呢野發生喇！(唉呀離晒題添)

我囡讀半日制，有兩個15分鐘嘅小息，我會比d餅或者旦糕麵包之類佢帶返學食，頂晒攏都係魚肉腸，不過佢有d同學會帶零食如薯片呀、魷魚絲呀、媽咪麵呀之類，好似大食會咁嫁，好彩我囡話佢無share食，佢地有d小朋友會share野食嫁。

Astrid 寫道:
買書包對我黎講有一定既難度 ........

一定唔可以太大 & 太重 .... 又唔可以用拖個隻 (一反就會扭到手)

因為我個女雖然係 97年尾出世, 不過佢個 size 只係似一個4歲既小朋友  :cry: :cry:

你地有咩好提議  

ANGELAIP

我囡都係今年小一生, 雖然佢係適齡生, 但佢生得細細位, 我都好

Astrid

都係自己區內學校咋 !!!  

anitatata 寫道:

9xx 好合理架啦，一d都唔貴，係呢你小朋友讀邊間小學呀?
thx

Astrid

ling媽,

多謝你回應, 因為咁岩我同一部 lift 樓上同樓下都有個妹妹派埋同一間小學, 我地幾個阿媽都係全職湊佢地 .... 所以我都唔太擔心 !! 我女行路好穩陣, 佢好細個就會自己照顧自己, 仲有照顧埋妹妹 ........


angelaip,

我大女同你女差唔多重 ..... 佢仲要定期返醫院覆診 (growth), 我今日會同佢去睇下有無咁細件既校服買先 ....  

kitty

我個女都係今年升小一(佢雖然四月尾出生,但佢都係好細粒,17kg)好彩我地學校在屋企樓下,加上讀半日都ok的,而我就買左個輕身,細個的書包比佢,佢出年就轉全日制,到時同妹妹一齊,我會每天送飯比佢兩個食~
我個仔以前小息時我會預備小食比佢,用個盒仔裝住,餅,蛋糕仔,魚肉腸....


twinsma,
你仔仔小一架la,我成日仲以為佢仲係四歲添~

twinsma

Easy媽咪 寫道:
飯壺一個(zojirushi)嘩...好正架...有成3格架~~仲好貴呀($289)
保溫/冷水壺一個(thermos)
毛巾盒一個
小食盒一個
嘻...嘻....夠哂用喇~~~   

Easy媽,

飯壺一個(zojirushi)同保溫/冷水壺一個(thermos)加埋好重喎, 會唔會孭得好辛苦??

不過兩樣野都好正, 我諗我會用普通水樽, 輕少少。

twinsma

kitty,

我個仔又係17kg咋!! 我大仔五歲幾啦, 孖女都快四歲, 而家佢地三個讀同一間幼稚園, 可以一齊帶返學放學。九月就要兩頭 "tan" (不過我返工架, 唔駛自己走來走去)

各媽咪,

我都收到信啦, 7月先買書做校服, 佢地書費7百幾。

ANGELAIP

Astrid,
今早打電話回學校, 佢地話要6月尾先有齊書單, 現在都唔知可以做什麼

Easy媽咪

twinsma,
飯壺同水壺加埋又真幾重,不過我會每日渣車送仔返學放學架.....佢都係行一段小路程....我想ok啦!     

佢平時返幼稚園都係咁架.....一放學即刻比個書包我....都唔會自己拿架  :-x  :-x

我地在26/6家長日會安排哂d野呀.....