潛能未展的資優生

叮鈴

原文章由 701003 於 08-4-30 16:26 發表

大約等到mami腦細胞差唔多死晒，mami面皮厚晒~到果時佢哋ge腦荀就會慢慢生埋

我而加面皮仲好薄，睇怕仲有牌等:;pppp:

coni

p-ma & 甜芋,
想問下有冇人同你地提過你地個小朋友有可能係有"專注力失調呢"?  睇到你地寫小朋友的情況, 我覺得有專注力失調的機會大過資優好多, 另一方面說, 資優的又有很多兼有ADD. 我記得以前見過個有過度活躍的小朋友, 係不由自主的爬高的..

[ 本文章最後由 coni 於 08-5-1 00:59 編輯 ]

康仔媽媽

P-Ma:

你的兒子現在上課的情況怎樣?

正如你提到的, 如: [討厭寫字，所以很多字他都不懂寫或照抄又抄錯、抄漏，因而失分。......所有他交的功課，都很潦草。] &
[其他科目都不錯，像數學和常識，.............
現在我最擔心的是英文科，他又不肯寫，又不肯讀，又不肯看，因為英文真的有很多都要死記，我倒是沒他辦法。]
他對學習的興趣不大, 尤其是英文, 是他最弱一科.
強迫真的沒有, 我曾用各種方法, 威逼利誘什麼是出齊, 就是拿他沒辦法.


你可會發現你的兒子那方面比較優勝呢?
以成績計, 小兒的數學不錯.  他對沒有太多字的科目會比較有興趣哦.


另外, 正如你所說  [我覺得要讓他愛上學習才是最重要的。]  現在我就是苦惱, 要用什麼方法, 才可令他 愛上學習呢!

康仔媽媽

甜芋, 妳好.

[為咗做功課,曾經搞到我地親子關係麻麻地. ......試過做到夜晚11,12點.一就欠交.家課日誌都唔寫.考試成績都麻麻地.]
小兒都係咁, 但他是今個學期開始咁差, 小一時沒有這些情況出現呢. 我問他為何會沒有寫, 他說是寫漏了, 所以我而家叫他在每日的最後一個小息時, 檢查一次家課冊, 看有寫漏功課, 是有改善了, 但有時仍然有寫漏, 需要經常提醒他先得.

[佢最唔中意做數學功課,考試時亂答......見到佢0既試卷.數學有一部分係亂寫0既.比大細佢都搞唔掂.
我懷疑佢有數學障礙,......7+8,都計唔到.]
小兒的數學一值都OK, 但有時一些很簡單的數學問題, 他都會答錯. 原因是他不專心, 無心機...等. 他試過考試有一PART, 全部無做. 原因是他看漏了.

小朋友是很不小心的, 以前我會想, 為何咁簡單都會錯 或不識答. 現在我會提自己, 不可用大人的角度去看, 要體諒他還小, 比多D心機向他講解.(不過, 我還是經常給他激死)

[佢好中意航天科技,武器,潛水艇.模型,簡單的物理化學知識,佢都好有興趣....但偏偏學校0既書,佢唔睇.]
中意航天科技,武器....這些都很好呀, 起碼對看書有興趣, 已行多一步.

[仲有,佢越溫習越唔識.依家佢去功課班做功課了.]
我都有想過, 現在是我教他功課的, 我都在考慮緊係咪給他去功課班.

康仔媽媽

恭喜妳, 請教你是用什麼方法令他開闢的呢?

康仔媽媽

甜芋:

小兒英文都好差, 很抗拒這科.
[英文0固度,26字母,佢識晒了,係唔係呀? 你有冇試過同佢一齊睇音標呀?揾一啲方法,幫佢入門. 比如:同佢講,OO結婚時,發咩音?咁EA係一齊時,又點樣?

我地試下,呢種方法唔得.再諗. 真係好需要耐性.]

我會學習你這套教法, 很有趣呢. 自己無想過這樣教他呀, 同我講解小兒情況的老師都有話要用有趣的方式吸引他去學習, 相信他會喜歡這套的.

謝謝你的分享. 希望能多些分享你的教兒方法呢.

[ 本文章最後由 康仔媽媽 於 08-5-1 18:24 編輯 ]

康仔媽媽

都是你個仔自己開闢, 如果不是, 真是很難幚到他呀.

希望我個仔都得啦, 可以好似你咁幸福就好啦.

康仔媽媽

原文章由 甜芋 於 08-4-30 15:47 發表


003 : 你囝囝班主任真係好呀! 睇到我感動. 呢種老師,記佢一世0架!

係呀, 老師一班睇咁多學生, 都唔理得咁多. 我個仔的班主任就係咁啦. 她從不會主動提出我個仔的問題. 即使我提出問題, 她都會推躺了事.

康仔媽媽

原文章由 甜芋 於 08-4-30 16:11 發表


呢0固老師,真係好好! 真係做教育的老師. 你話我仔咁0既成績, 都唔知轉唔轉得成.下星期一,我老公去學校呀.

你的小朋友, 現在讀哪類型學校呀??

康仔媽媽

原文章由 701003 於 08-4-30 16:26 發表

大約等到mami腦細胞差唔多死晒，mami面皮厚晒~到果時佢哋ge腦荀就會慢慢生埋

你講得好好笑呀. 我驚我真係死得佢都無開闢呢

康仔媽媽

原文章由 coni 於 08-5-1 00:48 發表
p-ma & 甜芋,
想問下有冇人同你地提過你地個小朋友有可能係有"專注力失調呢"?  睇到你地寫小朋友的情況, 我覺得有專注力失調的機會大過資優好多, 另一方面說, 資優的又有很多兼有ADD. 我記得以前見過個有過度活躍的 ...

我都有想過小兒是"專注力"不足的問題, 想和他報讀"提高專注力"的課程, 上網找過, 選擇不多&費用較高, 及是一些短期課程, 又不知收效如何. 所以還在尋找中, 不知有沒有相關的課程能提供呢?


致於他是"潛能未展的資優生", 是他老師(注校的心理學家)告訴我的.

康仔媽媽

很高興有咁多mami一起討論呀. :)


這2個星期忙於找活動教學的學校資料, 本人居住黃大仙區的, 本區我只知道"真鐸小學"活動教學, 問過它暫不收小二生. 而跨區要考慮交通, 時間問題, 及不知那間適合. 所以還在尋找中.


另一方面, 我和先生商量過小兒的情況, 都怕他轉校的話, 要很長時間才能適應新校的生活. 所都諗住問下告訴我小兒情況的心理學老師. 才決定如何做好.

701003

原文章由 康仔媽媽 於 08-5-1 18:15 發表



係呀, 老師一班睇咁多學生, 都唔理得咁多. 我個仔的班主任就係咁啦. 她從不會主動提出我個仔的問題. 即使我提出問題, 她都會推躺了事.

唉，有D傳统名小學視外向活動型資優生係擾亂學習ge壞分子，只求佢哋乖乖地唔好搞事，好多時要罸企，甚至叫佢哋離開班房 咁樣ge教育，對資優生影響好大，因為佢哋天性敏感，覺得被忽略、孤立，有D會變本加厲咁破壞校規，有D會產生自卑感！所以我傾向活動教學，着重品德教育多過重學習成業，主張校園融和，關愛為本ge小學！
去到中學反而較需要用腦思考，可以選出名中學！

叮鈴

原文章由 701003 於 08-5-1 20:22 發表

唉，有D傳统名小學視外向活動型資優生係擾亂學習ge壞分子，只求佢哋乖乖地唔好搞事，好多時要罸企，甚至叫佢哋離開班房 咁樣ge教育，對資優生影響好大，因為佢哋天性敏感，覺得被忽略、孤立，有D會變本加厲咁破壞校規，有D會 ...

我個仔係活動教學的學校一樣失敗。
不過，好多名為活動教學的，都係一樣功課、考試多多。


我仔最憎抄寫生字的功課，佢認字鍾意靠對眼，唔鍾意寫，試過叫佢認三個生字，認唔到，默極都唔識，又死唔肯用筆練習，於是逼佢寫該幾個生字每個寫二十次，佢寫完三秒後，我問他那幾個字點寫，佢竟然寫完一樣唔識，激到我發狂。無可能叫佢寫一百次吧？

於是，我用a4紙大大的寫上那幾個字，叫佢坐在門口前，拿著那個字望五分鐘至十分鐘，如果都唔識就繼續坐。望望望，佢為免再繼續被罰坐，於是好快識左。

所以，老師叫佢做抄生字功課，對佢來說，完全係浪費時間兼手力。佢寫緊時個腦同支筆係分開，完全唔協調架。所以，有幾次，我特登在佢抄寫完後，即刻試同佢默，佢完全唔識，亦唔記得方才寫過乜。

試過有次，叫佢串十個英文生字，佢可以拿著張紙，四個小時都唔識串。



我唔知佢幾時先會緊張自己的分數、名次。
但我本人其實係欣賞佢的學習態度，他興趣廣泛，很喜歡涉獵不同的知識。他不為分數，純為為喜愛學習而學習，真的很難得。

只是香港這個教育制度不容許佢地自由發揮...， 以致我必須經常因功課和成績問題跟他關係出問題，影響親子關係，真係好辛苦。

[ 本文章最後由 叮鈴 於 08-5-13 22:11 編輯 ]

P-Ma

"他對學習的興趣不大, 尤其是英文, 是他最弱一科.強迫真的沒有,......"


康仔媽媽 早晨

我發覺你囝囝跟小兒真的很很很相似，連不喜歡英文和數學較好都一樣。

701003

原文章由 叮鈴 於 08-5-2 00:49 發表


我個仔係活動教學的學校一樣失敗。
不過，好多名為活動教學的，都係一樣功課、考試多多。


我仔最憎抄寫生字的功課，佢認字鍾意靠對眼，唔鍾意寫，試過叫佢認三個生字，認唔到，默極都唔識，又死唔 ...

我死仔包初小都係咁樣為咗功課、默書、考試， 我打佢打到想推佢落街，又試過連人帶書包咁掉出垃圾站 激到我成個瘋婦咁！最後我大女同細女話唔想無咗個細佬/哥哥，但亦唔想有個瘋mami，唉，一諗到兩個女咁乖咁生性(佢哋係自動波，年年都攞學業獎學金)無理由個仔咁死蠢！最後送咗佢去"地獄補習班"做晒功課先至返屋企！避免咗我入青山ge宿命

甜芋

原文章由 叮鈴 於 08-5-2 00:49 發表


我個仔係活動教學的學校一樣失敗。
不過，好多名為活動教學的，都係一樣功課、考試多多。


我仔最憎抄寫生字的功課，佢認字鍾意靠對眼，唔鍾意寫，試過叫佢認三個生字，認唔到，默極都唔識，又死唔 ...

哈囉!叮鈴. 我囝囝同你囝囝情形真係有啲相似. 不過,佢係數學表現出黎差啲. 佢凈係可以做10條題目,跟住,就會腦中一片空白. 我用過各式各樣的辦法.依家變咗,佢唔想做時,佢會講,想做而又做得到0既,我就讚.

但係我囝囝係航天,太空,生物,樂器都有濃厚的興趣. 前兩日,佢沖涼時叫我過去睇佢. 原來,佢用空樽裝滿水下墮時同空樽下墮比較,發覺,重量越重,下墮的速度越快.成正比. 當時我讚佢係小牛頓. 跟住,就係浴缸度,我即時問佢:"如果係真空況態或者氣壓唔同時,情形會係點樣?" 所以,同佢講好,星期日去圖書館揾資料.

禽日,佢睇咗半日樂器.各式各樣的樂器的名稱,發音的原理.

夜晚食完飯,佢跑完返黎,做數學題,凈係做咗5個,跟住,佢就話,好攰,想瞓覺,就走去睇書了.

甜芋

原文章由 甜芋 於 08-5-2 10:43 發表



哈囉!叮鈴. 我囝囝同你囝囝情形真係有啲相似. 不過,佢係數學表現出黎差啲. 佢凈係可以做10條題目,跟住,就會腦中一片空白. 我用過各式各樣的辦法.依家變咗,佢唔想做時,佢會講,想做而又做得到0既,我就讚.

但係我 ...

哈囉 ! 康仔媽媽. 我囝囝讀緊傳統官立小學. 佢學校要求唔嚴格,唔交功課,都係老師紅筆寫家課日誌.唔會閙. 所以,佢返學返得好開心. 但係同同學仔相處麻麻地. 佢話,佢請佢地食嘢,就黎.唔請,就走晒. 所以,佢覺得同學仔麻麻地. 同佢0既關係係建立係食物的基礎上的. 呢方面,我開導咗佢好多次. 依家好咗好多.

我覺得英文0固度. 康仔係未入門. 你試下用音標輔助佢. 俾0固感覺,英文係唔需要死記. 其實好易啫. 可能幫助會大啲.

甜芋

原文章由 甜芋 於 08-5-2 10:43 發表



哈囉!叮鈴. 我囝囝同你囝囝情形真係有啲相似. 不過,佢係數學表現出黎差啲. 佢凈係可以做10條題目,跟住,就會腦中一片空白. 我用過各式各樣的辦法.依家變咗,佢唔想做時,佢會講,想做而又做得到0既,我就讚.

但係我 ...

003 : 禽晚,我囝囝做咗幾題蘇太0既練習,跟住又發作啦.我叫佢去瞓覺. 佢一下子攬住,大聲咁喊. 一路喊,一路話:"媽咪,攬下我呀. 我最愛你了. 只要你最中意我.......嗚.....嗚.......我最愛你呀...媽咪呀....嗚.....嗚......"

唉!我當時攬住佢, 係度諗: 佢係唔係真係有啲病態? 係扮0既,定係控制唔到?

701003

原文章由 甜芋 於 08-5-2 11:23 發表


003 : 禽晚,我囝囝做咗幾題蘇太0既練習,跟住又發作啦.我叫佢去瞓覺. 佢一下子攬住,大聲咁喊. 一路喊,一路話:"媽咪,攬下我呀. 我最愛你了. 只要你最中意我.......嗚.....嗚.......我最愛你呀...媽咪呀....嗚.....嗚 ...

佢想唔做練習 佢咁聰明，專攻mami要害，可喜可賀！我仔就唔及佢啦，只作沉默對抗 不過佢哋用用下D招數無效ge話，就會表面順從，係等二D方面再出招！甜芋你接招啦！