有讀寫障礙小朋友媽媽請入

~仔仔媽咪~

原文章由 dickielam 於 08-6-25 13:23 發表
或者你都可以試下小童群益會有一些course係專為有學障小朋友既, 唔錯架, 我見我仔上了一半, 認字方面有進步, 所以你不妨試下.

但我仔有埋過度活躍,之前參加過出面d活動都搞到係人都怕咗佢(包括個導師)...所以暫時我都未敢放手俾佢JOIN出面d課程住...我諗住呢個暑假都係自己响屋企教仔英文同數學(呢兩科佢真係完全唔掂...=.=)咋...!!!等佢之後食葯嗰度令佢明顯定番d我至考慮同佢報出面d活動...費時又搞到人地上唔到堂時,我自己又睇到好心up同憤怒啦!

klyie

仔仔媽咪

我囡囡都同妳仔仔一樣, 但,我囡囡應是輕度讀障.
我之前參加過小童群益會的 讀寫障礙課程,
真係幾有用的,因為除了小朋友要學習 , 同時家長們都要學習.
怎樣教導小朋友. 中 英文拆字.
而且, 出面呢d課程好貴. 上課期間,家長可以和其他家長,
導師分享教導方法和訴下苦, 無咁大壓力. 是不錯的.
我見囡囡上完後,都明白怎樣拆字.
今個暑假,你留意下,佢地多數係星期六下午上課.

dickielam

你所講的是否"沒有眼淚的學習", 因為我仔上緊, 我都覺得唔錯, 同埋聽其他家長講, 佢哋呢個都幾出名幫到小朋友架, 你試下報名.

原文章由 klyie 於 08-7-11 15:08 發表
仔仔媽咪

我囡囡都同妳仔仔一樣, 但,我囡囡應是輕度讀障.
我之前參加過小童群益會的 讀寫障礙課程,
真係幾有用的,因為除了小朋友要學習 , 同時家長們都要學習.
怎樣教導小朋友. 中 英文拆字.
而且, 出面呢d課程好貴 ...

klyie

我是早2年,囡囡升讀p2時學的,叫 讀寫多樂趣.
家長同一時間係第二個room 上堂, 妳係米咁?? 當年$300 好平.
其實學左真係有用的.

abbey1229

你先同佢睇醫生先, 醫生自然會教你可以點做, 當然你再要加油喔, 唔好咁易放棄!

原文章由 heyli 於 08-3-18 20:58 發表
唉﹒... 大囡七歲剛評估到有讀寫障礙，仲有專注力不足同過度活躍！我每天要花上很多時間機械式，去叫佢坐好d，專心d上補習，也要花上數陪時間，去叫佢唔好咁多小動作， 還有個準備讀k1妹要教，我不知可以怎幫助女 ...

龍姑娘

原帖由 ~仔仔媽咪~ 於 08-3-19 15:48 發表


入學習障礙協會駛唔駛經社工介紹架?裡面有無咩訓練去幫小朋友?收費貴唔貴架?同埋佢地搞唔搞掂我仔呢類咁失控咁無專注力既小朋友?

加入特別學習障礙協會唔需要社工介紹,你去以下網址下載入會表填妥後,連同$50支票及評估報告副本,寄去協會就得勒。
因為評估報告副本係證實你個小朋友係特殊學習障礙,而呢個係家長自助組織,除了兩個職員係社工外,其他成員都係學障家長,果度你一定搵到同路人,互相扶持互相鼓勵！期望未來能夠見到你！
http://www.asld.org.hk/

smallmama

應該是同一樣的, 現在也是$600, 好經濟又好實用呢.

原帖由 klyie 於 08-7-12 09:59 發表
我是早2年,囡囡升讀p2時學的,叫 讀寫多樂趣.
家長同一時間係第二個room 上堂, 妳係米咁?? 當年$300 好平.
其實學左真係有用的.

klyie

我覺得其實除左家長面對,學校老師都很重要. 我囡今年升P4, 年年9月開學,我都會打電話同班主任講下,囡囡ga情形,好讓佢地知道. 今年我都如是這樣,我都未入正題,班主任已經同我講佢知道.我真的好開心,因為呢個班主任未開學前已經做晒功課,了解晒班中的同學.相信呢一年我同呢個班主任可以幇到我小朋友.
返左學大約三星期,學校改革左好多,用左好多資源幫有需要小朋友,而且不用天天寫太多字,(是全班同學)我囡開心好多.家長會時,都聽到其他家長好讚成不用寫太多生字.(他們的小朋友是無事的)學生可以多些時間看其他書.
學校還有很多調適,除了囡囡的班主任,我去家長會時抽了小小時間同囡囡其他科老師傾,他們很好人,而且個個都好專業(他們明白到讀寫障礙,不專注和過度活躍)要調適,盡量幫助我這些家長.我真的好慶幸我囡囡入到這間小學.
因為我知道有些學校,老師是不願去理這些學生的.

SOSOCHEUNG

我老公唔係好接受個女有讀障, 覺得佢好煩! 叫個女做功課,溫習就日日似戰場. 連隔離都知我哋日日開火 我個女所有嘢都要我去理, 原本由老公教數學但係個女真係個腦轉唔倒! 講極都唔明每次都係災難性收場 我要返工, 又要去上家長課真係好疲倦, 好灰心!!! 我最怕個細女都有問題!到時真係死都唔掂.

JollyTsang

做家長既唔可以灰心架, 咁樣對你個女都冇幫忙. 你帶去佢做治療啦.好有用架. 加油呀!!

原帖由 SOSOCHEUNG 於 08-9-26 08:51 發表
我老公唔係好接受個女有讀障, 覺得佢好煩! 叫個女做功課,溫習就日日似戰場. 連隔離都知我哋日日開火 我個女所有嘢都要我去理, 原本由老公教數學但係個女真係個腦轉唔倒! 講極都唔明每次都係災難性 ...

HEIPAN

~仔仔媽咪~
你要加油呀,你有什麼唔開心就上來寫啦,實在湊佢地真係好辛苦,越發火就死得越慘~~

我個仔就是自閉加讀障/學障(因為未正式評估,所以未確定),佢就好在學校對佢比較容忍,所以我接學校的投訴電話就唔多,不過屋企人就成日都投訴...

實在,大家都好明白,湊佢地壓力真的好大..從另一方面來來,其實佢地係好幸福..

留一點私人空間畀自己,如不然我地都會頂唔順,實在我地都只是人而不是神:p

LKS媽媽

我有兩個讀寫障礙、肢體協調障礙、語言遲緩、專注力不足的孩子，不論我用盡所有的心血去講去教，都是沒辦法的好好完成她的功課，每天都在打仗似的，由天光做到天黑，三年級的TSA卷陸續有來，上學不足一個月就發幾次癲，手執間尺隨手掃下去，雖知是無意義的，但長期下去點算好呢？

JollyTsang

你可以找ＤＲ．　ＮＧ，　應該可以幫到你的．


http://www.waytogrow.com.hk/about_us.htm

原帖由 LKS媽媽 於 08-10-2 02:25 發表
我有兩個讀寫障礙、肢體協調障礙、語言遲緩、專注力不足的孩子，不論我用盡所有的心血去講去教，都是沒辦法的好好完成她的功課，每天都在打仗似的，由天光做到天黑，三年級的TSA卷陸續有來，上學不足一個月就發幾次癲，手執間尺 ...

Wishhavebb

我係一位補習老師, 我果班都有兩位有讀寫障礙同過度活躍, 所以都明白你地辛苦, 我果度d家長就係教唔掂, 先叫d仔女去補習社, 但其實冇用, 間補習社唔係我開, 但我都決定唔做, 因為一個人要看四個細路, 重要有問題既, 但我最唔明, 就係d家長, 明知仔女有問題, 但佢地重好期望補習社可以幫到佢, 一對一既補習老師都唔得啦, 何況係補習社 ??? 但d老闆為咗要錢, 唔理禁多, 收咗先算, 我都覺得好無良 !

不過我都學到一d教呢類小朋友既方法, 就係要先講明佢要做d咩野, 做完先可以玩, 係做既過程中, 要有專人看住佢, 唔好俾佢走開, 要放個鐘係佢前面, 幾多個字先可以休息, 因為佢地要知道幾耐先可以達到目標, 如果一尾要佢做, 佢一定唔肯, 跟住如果佢做完, 先可以俾佢玩, 要堅持同日日都係感, 因為呢類細路, 唔可以日日唔同, 要好有規則, 如果唔係, 佢地會適應唔到, 唔聽你講, 其實我都好想教好兩個小朋友, 但由於補習社真係做唔到, 所以我都冇法可以實行 !

Wishhavebb

你去請個補習老師, 一定要一對一果d, 唔好去補習社, 冇用, 因為要搵專人看管住, 起碼佢教佢數學, 唔駛你老公教, 都會好好多 !  分擔你教功課既壓力, 會好d !

原帖由 SOSOCHEUNG 於 08-9-26 08:51 發表
我老公唔係好接受個女有讀障, 覺得佢好煩! 叫個女做功課,溫習就日日似戰場. 連隔離都知我哋日日開火 我個女所有嘢都要我去理, 原本由老公教數學但係個女真係個腦轉唔倒! 講極都唔明每次都係災難性 ...

vane

HI...各位...
我仔仔(7歲)終於...昨天做完評估了.....
証實佢係有讀寫障礙..... ....

smallmama

唔緊要, 只要做父母陪佢一齊, 佢哋都會有進步的, 加油!
我仔同你仔一樣大 (7歲), 但佢舊年12月係學校幫佢評估已知佢有呢個困難, 所以我明白你的, 一齊努力吧.

原帖由 vane 於 08-10-7 10:22 發表
HI...各位...
我仔仔(7歲)終於...昨天做完評估了.....
証實佢係有讀寫障礙..... ....

EMMA88

我有一朋友, 她女兒在幼稚園時中英文寫字已間中倒轉來寫.
她女兒好乖好留心的. 當時朋友認為只是小朋友還細, 不要太著急去學習.

現在升上小一, 都會間中將d字加或減筆劃.
佢吾多喜歡讀字(有d逃避吾想讀), 看故事書要朋友讀給她聽....

一般來說字體倒轉或加減是否已是寫障??
因為她的女兒在說話或其他方面都幾ok.

smallmama

未必, 我仔中文字都唔係太多加減筆劃, 但經評估是中度讀寫障礙(仲要係中英文), 所以都係經評估好d.

原帖由 EMMA88 於 08-10-8 15:49 發表
我有一朋友, 她女兒在幼稚園時中英文寫字已間中倒轉來寫.
她女兒好乖好留心的. 當時朋友認為只是小朋友還細, 不要太著急去學習.

現在升上小一, 都會間中將d字加或減筆劃.
佢吾多喜歡讀字(有d逃避吾想讀), 看故事書 ...

貓大姐

唔好太擔心, 有讀寫障礙 都唔係太難對付, 只是比多些不同方法幫小朋友...
眼見 那些 自閉, 過度活躍, 怎至有多樣證問題的, 更難搞...

我表姐有對孖仔, 兩個都有過度活躍証 (要食藥), 其中一個又有讀寫障礙, 佢都帶小朋友參加好多 訓練, 她自己也參加講座, 睇書自學, 依家好好多啦

我地要多支持自己小朋友, 多與學校聯絡, 等小朋友開心學習, 學野自然快上手

原帖由 vane 於 08-10-7 10:22 AM 發表
HI...各位...
我仔仔(7歲)終於...昨天做完評估了.....
証實佢係有讀寫障礙..... ....