08-09年根德園準家長,呢度繼續

fatbabyfat

jumbo_mandy,

總之我地大家一齊努力啦

喂喂, 你有無比你囡囡睇電視嫁, 睇得多唔多嫁, 我老公同我d 朋友話我比得太少電視我個女睇喎. 你知嗎, 我同我老公都好深近視, 我唔比佢睇咁多係怕佢好快會近視呀.

你對小朋友睇電視又有咩comment 呢? 我唔比肥妹睇電視又係唔係好唔啱呢? (都唔係一d 都無得睇嫁, 每晚都有15-30mis嫁)

原文章由 jumbo_mandy 於 08-1-10 12:10 發表
fatbabyfat
St. Mary係可以係自行收生階段收生ge, 最多得幾個位, 但會睇幾多分, 25分就應該實得, 20分就如果太多人就要抽簽, 15分? 應該唔駛諗啦。 不過, 我都會試, 唔得再等大抽獎, 至於dgs, marykroll, 未唸咁 ...

stliu

fatbabyfat & jumbo_mandy,

jumbo_mandy, 點呀, baby, 一排唔見你! 我去左KinderU聽talk架喇, 係未試堂囉, 因為試堂要俾錢, 雖然可以扣返響之後報D堂度, 但我未知仔仔會唔會上, 我地時間上安排又點, 所以未諗掂幾時俾佢試堂呀.
哈, 你地兩個都係女, 真係可以傾傾去邊間小學喎.
我阿仔都好慢架, 要25分鐘, 到時佢7:20分要上車, 好早就要起身, 我而家都好擔心. 其實夏天仲好D, 佢好早醒, 但冬天就



嘩嘩! 我朝早做左少少其他野, 你地就有咁多個post了, 好勁啊!

原文章由 fatbabyfat 於 08-1-10 11:50 發表
jumbo_mandy,

我明你講咩呀, 我就係叫你唔好灰心得 15 分呀, 佢地讀得完kv 都應該唔會太差, (我又唔係好明, st. mary 無得自己去考嫁, 其實呢方面我唔係太熟呀).

其實我另一d 朋友話, 大抽獎的機會都幾高嫁喎, 你 ...

fatbabyfat

stliu,

哇, 你今日好忙呀, 我同jumbo_mandy 講左好耐都唔見你回應喎, 好在, 你而家都出現啦.

有時真係比肥妹激死嫁, 佢放假日日都準時7點起身, 想佢遲 d 起身都唔得 (因為大小姐起身即係我又要起身), 到返學啦, 想佢7點起身, 又日日都7:45 先肯起身, 真係無計, 專同我作對.

好在一開學係summer, 好stliu 話齌, summer 好過winter, 3 都唔使著咁多.

原文章由 stliu 於 08-1-10 12:15 發表
fatbabyfat & jumbo_mandy,

jumbo_mandy, 點呀, baby, 一排唔見你! 我去左KinderU聽talk架喇, 係未試堂囉, 因為試堂要俾錢, 雖然可以扣返響之後報D堂度, 但我未知仔仔會唔會上, 我地時間上安排又點, 所以未諗掂幾時 ...

jumbo_mandy

原文章由 stliu 於 08-1-10 12:15 發表
fatbabyfat & jumbo_mandy,

jumbo_mandy, 點呀, baby, 一排唔見你! 我去左KinderU聽talk架喇, 係未試堂囉, 因為試堂要俾錢, 雖然可以扣返響之後報D堂度, 但我未知仔仔會唔會上, 我地時間上安排又點, 所以未諗掂幾時 ...

stliu
妳....妳....唔好再叫我baby, 如果唔係我要搵番件羽絨出黎著架啦 。
KinderU 試堂後, 我同妳報料呀下, 妳聽完個talk, 有冇乜感想呀?  我淨係覺得而家join, 好似有d老B feel。

jumbo_mandy

fatbabyfat
雖然KinderU個talk都話最好no tv, 但係我都有比佢睇30mins.倒ge 兒童教材碟, 我覺得只要不太多是不會影響專注力的, 至於易近視, 其實我都預左, 因為我同我老公都係近視 , 但諗到第日都會多接觸computer, 結果都一樣, 唯有叫佢大個去做lasik啦

stliu

fatbabyfat,
哈哈! 我個仔同你個女一樣呀, 返學又係唔願起身, 放假又走來7點就醒, 好在佢而家都有D同情心, 起身之後唔一定來摷醒我地, 等我地瞓多一陣, 係一陣咋喎, 8點都係要起身架喇.
差D唔記得答你添! 我仔仔每日睇好少電視,暫時係臨瞓前睇一陣, 大概10分鐘, 佢而家睇緊"Cars"反斗車王, 其實已經睇左幾個月呀... 我已經全部劇情識背喇, 不過仔仔都仲係要睇囉, 佢好鍾意車架!


jumbo_mandy,
好喇好喇, 我唔會再叫你"baby"喇, 只係咁耐冇見你, 一見你來chat我又諗起點解果時我會咁手快快打錯你個名囉!
其實KinderU的理念我好buy架, 不過同你一樣都係覺得我仔仔好似"老"左D, 你去完試堂話我知啦, 你響邊個centre呀? 如果我上都係MK. 我之前都同仔仔閃過一排咭架, 不過後來佢冇興趣, 停左咯!

原文章由 fatbabyfat 於 08-1-10 12:23 發表
stliu,

哇, 你今日好忙呀, 我同jumbo_mandy 講左好耐都唔見你回應喎, 好在, 你而家都出現啦.

有時真係比肥妹激死嫁, 佢放假日日都準時7點起身, 想佢遲 d 起身都唔得 (因為大小姐起身即係我又要起身), 到返學啦, 想 ...

[ 本文章最後由 stliu 於 08-1-10 12:56 編輯 ]

jumbo_mandy

stliu

我都係mk上呀, 我個女仲大妳個仔成個月, 仲老B呀 , 而且即使join, 我都要3月份至得, 我問佢地咁3yrs.後讀有乜course, 佢地話只有pth, 冇英文course, 到時....

stliu

jumbo_mandy,
其實佢應該係CWB最多課程呀, 我對法文同西班牙文有興趣, 可惜MK未有導師住呀, 希望佢遲D可以開多D course啦, 因為唔可能個個禮拜同仔仔過海上堂呀, MK算近D囉.

原文章由 jumbo_mandy 於 08-1-10 13:04 發表
stliu

我都係mk上呀, 我個女仲大妳個仔成個月, 仲老B呀 , 而且即使join, 我都要3月份至得, 我問佢地咁3yrs.後讀有乜course, 佢地話只有pth, 冇英文course, 到時.... ...

jumbo_mandy

原文章由 stliu 於 08-1-10 13:10 發表
jumbo_mandy,
其實佢應該係CWB最多課程呀, 我對法文同西班牙文有興趣, 可惜MK未有導師住呀, 希望佢遲D可以開多D course啦, 因為唔可能個個禮拜同仔仔過海上堂呀, MK算近D囉.

...

stliu
我淨係想個女學住Eng. & PTH先, 其他lauguage都係遲d再算啦, 因為我又想佢學多d野, 但又驚佢太辛苦, 最基本就已經要學swimming, music, painting, eng. & pth... 諗起...自已都驚

fatbabyfat

jumbo_mandy & stliu,

jumbo_mandy, 你要比囡囡學咁多野, 真係諗起都驚喎, 重有就係條數好kum 計喎

我自己諗住肥妹3歲會同佢轉呀, 之前我係紅磡都會海逸上my music box 同 my gym 時, 個到有間教英文好出名嫁 (應該同kids gallery 同一個group 嫁), 次次都有好多媽咪等放學, 我聽佢地講, d 口碑都好好 (因為只收最細3歲開始).

不過我最心誼的都係英國文化協會, 因為真係個個都話無得頂, 可惜真係遠左少少同埋禮拜六無堂, 平時要返1:30, 我怕我老公話個女會太辛苦, 佢實唔比, 因為時間上都好趕囉.

另一個比較方便d的叫 learning plus, 又係口碑都唔錯, 係jordan,又係要3歲先收囉.

我又想問下你兩位意見, 你地會唔會比小朋友返 d 咩野面試班呢, 我估明年都會有好多媽咪比 d 小朋友去考 cckg, 我有個別幾個朋友都打算比佢地返呢 d 面試班囉.

原文章由 jumbo_mandy 於 08-1-10 13:25 發表


stliu
我淨係想個女學住Eng. & PTH先, 其他lauguage都係遲d再算啦, 因為我又想佢學多d野, 但又驚佢太辛苦, 最基本就已經要學swimming, music, painting, eng. & pth... 諗起...自已都驚 ...

stliu

fatbabyfat & jumbo_mandy,

咁我都認真諗諗同仔仔報咩興趣班先. 其實佢而家除左返nursery就冇上其他興趣班, 想同佢報但又未知上咩, 都會俾佢學琴, 但諗住三歲先開始. 睇來, 都應該要幫佢報下其他. 唉, 真係條數好kum 計呀!

原文章由 fatbabyfat 於 08-1-10 14:33 發表
jumbo_mandy & stliu,

jumbo_mandy, 你要比囡囡學咁多野, 真係諗起都驚喎, 重有就係條數好kum 計喎

我自己諗住肥妹3歲會同佢轉呀, 之前我係紅磡都會海逸上my music box 同 my gym 時, 個到有間教英文好出名 ...

jumbo_mandy

stliu, fatbabyfat
興趣班其實我都係諗住3 yrs.先至學(painting 要4yrs.), 而家只係係brain up & little monster 上緊playgroup咋, 如果決定讀KinderU, 就唔會讀呢兩間playgroup 架喇, 免得duplicate 左。

我諗住係kv會讀到k3, 冇諗住考cckg 呀, 不過升小學時, 我諗都會讀面試班, 應該有d幫助掛。

stliu

兩位,
唔知點解我成日好似失憶咁, 明明睇左想答, 打緊又唔記得左! 面試班我未諗呀, 不過應該唔會讀了... 我覺得太commercial, 好似一個模咁出來呀!

原文章由 jumbo_mandy 於 08-1-10 14:55 發表
stliu, fatbabyfat
興趣班其實我都係諗住3 yrs.先至學(painting 要4yrs.), 而家只係係brain up & little monster 上緊playgroup咋, 如果決定讀KinderU, 就唔會讀呢兩間playgroup 架喇, 免得duplicate 左。

我諗住係 ...

stliu

各位,
早呀! 今朝又係好忙! 你地係咪都好忙呀?
fatbabyfat & jumbo_mandy,
唔見你兩位喎!

原文章由 stliu 於 08-1-10 15:00 發表
兩位,
唔知點解我成日好似失憶咁, 明明睇左想答, 打緊又唔記得左! 面試班我未諗呀, 不過應該唔會讀了... 我覺得太commercial, 好似一個模咁出來呀!

...

fatbabyfat

stliu & jumbo_mandy

早呀兩位, 你地今日好忙呀, 差不多12 點都未見人喎?

我想問下你地, 你地有無試過同仔仔或囡囡鬥氣, 唔彩佢地呢, 佢地又會有咩野反應呢, 我尋晚嬲左個女, 今朝無彩佢, 佢都好有性格, 知我唔so 佢, 佢又無理我, 我今日真係好唔開心.

我老公成日話我小器, 叫我唔好同細路計較, 佢梗係咁講, 因為肥妹真係百份之二百鍾意佢老豆, 永遠唔會講 no daddy, 只係講 no 媽咪, 事原係我尋晚想同肥妹瞓, 佢唔肯, 一定要 daddy 同佢瞓, 重要喊晒咁, 我又怕佢喊到嘔, 所以好嬲咁出左去. 之後梗係我老公同佢講話佢唔肯, 叫肥妹出離同我 say good nite, 因為我真係好唔開心, 所以無應到肥妹.

跟住今朝我無so 佢時, 佢又無so 我囉, 有時我真係好唔開心嫁, 我真係比你地艱難好多先生到佢, 我唔係話自己偉大, 亦唔係要肥妹好愛我, 不過有時佢咁對我, 我真係好難受囉.

我都唔想係個女面前失控, 但係我真係控制唔到自己的情緒囉.

我今日真係好唔開心, 好傷心呀

原文章由 stliu 於 08-1-10 15:00 發表
兩位,
唔知點解我成日好似失憶咁, 明明睇左想答, 打緊又唔記得左! 面試班我未諗呀, 不過應該唔會讀了... 我覺得太commercial, 好似一個模咁出來呀!

...

jumbo_mandy

午安呀! stilu, fatbabyfat

今朝忙左少少, 因今日想盡快做哂d野, 今晚約左人黎我屋企, 做我好耐冇做ge野(竹戰) 。

fatbabyfat

湊細路真係考EQ, 我老公都成日有妳呢個問題架, 就係個女唔多"痴"佢, 會幾唔開心, 我遇到呢d情況, 一般都會explain 比佢知,
湊細路要比多d耐性, 亦會explain比個女聽, Daddy番工同做左好多野都係為左佢, 為左全家人, 係非常錫佢的, 這樣對佢係唔可以的, 同時週不時亦去圖書館借關於父親, 家庭d書比佢睇, 加深佢對Daddy的仰慕分, 並強調"we are happy family", 果然呢排有改善架!

fatbabyfat

jumbo_mandy

多謝你的意見.道理我係好白明嫁, 可能真係我 EQ 唔夠 (我老公都成日咁話我), 到發生的時候我有時真係會失控囉, 你估肥妹會唔會以後唔SO 我呢  或者我都會學下你咁做, 希望有用啦.

jumbo_mandy, 原來我地有同一樣的愛好, 就係(竹戰), 我未生肥妹之前真係一個月打到兩三次嫁, 而家, 一年先打到兩三次, 我為左佢咩都得, 佢少少都好似感覺唔到咁, 我真係好hurt呀

原文章由 jumbo_mandy 於 08-1-11 12:11 發表
午安呀! stilu, fatbabyfat

今朝忙左少少, 因今日想盡快做哂d野, 今晚約左人黎我屋企, 做我好耐冇做ge野(竹戰) 。

fatbabyfat

湊細路真係考EQ, 我老公都成日有妳呢個問題架, 就係個女唔多"痴"佢, 會幾唔開 ...

jumbo_mandy

原文章由 fatbabyfat 於 08-1-11 12:22 發表
jumbo_mandy

多謝你的意見.道理我係好白明嫁, 可能真係我 EQ 唔夠 (我老公都成日咁話我), 到發生的時候我有時真係會失控囉, 你估肥妹會唔會以後唔SO 我呢  或者我都會學下你咁做, 希望有用啦.

jumbo_mandy, 原 ...

fatbabyfat

我讚成妳繼續唔so肥妹bor, 直至佢向妳say sorry, 不過要成家人合作, 唔好比佢搵到靠山, 否則妳唔so佢, 大把人so佢, who care 妳ge重要性? troube 2 較難教, 佢地又鬼咁識睇眉頭眼額, 但又未太識分錯對, 如果一次得程, 以後佢都用唔so妳呢個方法就唔好啦! 朋友, 湊女係長久戰, be happy!  

"竹戰"呢家野, 而家好少打啦, 不過以前我差不多每個weekend都打通頂架 , 為人阿媽之後.....冇計

stliu

fatbabyfat & jumbo_mandy,
哈哈! 你兩個係"雀后"! 我唔識打麻雀架, 我試過有次去飲,成班人冇野做等開席, 係咁拉住叫我打, 搞到俾friend鬧(當然係玩的), 因為我係連邊邊攞牌, 一排排幾多隻牌都唔知呀!  

fatbabyfat,
我好少生氣到唔啋阿仔架, 同埋佢亦都冇乜行為令到我唔啋佢, 唔好誤會, 唔係佢特別乖, 只係通常佢有乜唔對路, 我會當場訓話/解釋俾佢聽, 好少用沉默對抗佢. 沉點呢招通常用來對付老公 . 因為我覺得唔啋阿仔, 佢都唔知乜事, 所以我用解釋, 用口水攻勢囉! 我好多道理架! 仲要佢答我明白/知道先肯罷休!

回想之前仔仔細D時, 佢係勁痴爸爸架, 有時我呢個阿媽真係可有可無架, 我當時都好唔開心, 我都有試過想同佢瞓, 但佢係點要爸爸陪, 唔要我(佢都好強烈反對架), 我都唔開心架(試過喊添呀, 又係覺得好委屈!), 但都冇辦法.
我同意jumbo_mandy所講, 要大家配合. 即係好似你話你想陪女女瞓, 佢唔肯, 仲喊晒, 咁呢個時候, 你老公都要配合你, 要同女女講, 爸爸好鍾意媽媽, 所以女女都要鍾意媽媽... 諸如此類, 如果你老公只係迎合女女的心意, 但冇俾到訊息你女女, 咁佢就唔知道問題響邊囉. 而亦都覺得你唔啋佢, 佢冇損失, 因為仲有爸爸嘛! 你地要同一陣線咁俾相同訊息佢.

今晚返去, 如果你下左"啖氣", 不如試下同女女講返, 問下佢知唔知點解媽媽唔開心, 點解唔啋佢... 小朋友好得意, 基本上做野係唔會顧人地感受架!!! 哈, 佢又唔係大人! 但都要俾個正確觀念佢. 媽媽都咁錫佢, 陪佢瞓覺係錫佢, 點解唔可以. 當然,要爸爸陪亦冇錯, 但如果媽媽要陪, 亦唔應該喊晒, 扭計架!
講返我仔, 可能我自己用多左好多時間/心機陪佢玩, 帶佢坐交通工具, 其實佢而家都好鍾意我, 我唔敢講話佢鍾意我多過爸爸, 但我係"守得雲開見月明呀"! 好似呢幾日, 我老公出差, 我晚晚陪佢瞓, 同佢講故事, 尋晚我老公出差返左來, 諗住, 好喇, 到佢陪仔仔瞓啦(好順理成章咁諗), 點知, 到瞓覺, 仔仔又係話要我陪! 我唯有就範啦, 我老公就冇乜野, 因為佢可以做下自己野, 我呢, 又要貢獻果30-40分鐘響房入面同佢一齊囉!
嘩! 我又好長氣添!
唔好唔開心啦! 呢個真係長期戰來架, 當然其實又唔係戰... 但真係訓練EQ呀... 自從做左阿媽之後, 我EQ真係高左好多啊!

原文章由 jumbo_mandy 於 08-1-11 12:38 發表


fatbabyfat

我讚成妳繼續唔so肥妹bor, 直至佢向妳say sorry, 不過要成家人合作, 唔好比佢搵到靠山, 否則妳唔so佢, 大把人so佢, who care 妳ge重要性? troube 2 較難教, 佢地又鬼咁識睇眉頭眼額, 但又未太識分錯對 ...

fatbabyfat

stliu,

真係好多謝你side 咁多時間, 寫咁多野離安慰我同解釋比我聽.我估你今日都應該幾忙, 唔係你一早上左離啦.

我都會試下你同jumbo_mandy 的方法囉, 希望work 囉.講真, 聽完你地兩個講, 我個心都舒服左好多啦, 多謝兩位.

原文章由 stliu 於 08-1-11 13:17 發表
fatbabyfat & jumbo_mandy,
哈哈! 你兩個係"雀后"! 我唔識打麻雀架, 我試過有次去飲,成班人冇野做等開席, 係咁拉住叫我打, 搞到俾friend鬧(當然係玩的), 因為我係連邊邊攞牌, 一排排幾多隻牌都唔知呀!  

fatbab ...