有無BB讀青衣卓思幼稚園?

rizsum

係呀, 中秋係力行爸爸一齊去.
都唔知點先可以令仔仔唔好喊!!

我見焯南同彤彤都好精靈, 識好多野, 哥哥係唔係大仔黎架?

easonkinki

係呀,相信佢係全班最大,佢1月1日出世,遲人1個鐘出世就要比多1年學費
哈哈!b仔返學成日自稱哥哥,d同學仔叫佢做哥哥,好好笑,可能向屋企多數叫佢做哥哥,不過大仔黎講佢講野唔叻,好多女同學講野仲叻

rizsum

嘩, 元旦BB, 有無什麼奶粉優惠呀.
在VCD內的哥哥好活躍, 仲好大食添

easonkinki

kakaka~
你指哥哥係焯楠嗎?
聽日輪到我可以睇啦!
唔知有無影到佢蝦同學仔
係呢?你地會唔會向到升K1,
同B仔最fd果d都唔向到讀呀

easonkinki

原文章由 rizsum 於 07-10-2 11:45 硐表
嘩, 元旦BB, 有無什麼奶粉優惠呀.
在VCD內的哥哥好活躍, 仲好大食添

唉講起就失望啦!我向聯合生架!無野送
我生緊果時先好笑,助產士叫我努力話出面有記者等緊元旦bb,佢話隨時可能要上鏡,我更係唔想啦!又殘又樣衰(話晒戰鬥完)
生完姑娘話:恭喜你!你係聯合第1個1月1日出世的bb呀!
之後我睇報紙佢講頭3個出世的bb,第3個同我仔相差4分鐘

rizsum

係呀, 哥哥即係焯楠.  因為老師係咁樣叫佢, 我仔仔返屋企都會叫哥哥玩玩.

原文章由 easonkinki 於 07-10-2 17:56 硐表
kakaka~
你指哥哥係焯楠嗎?
聽日輪到我可以睇啦!
唔知有無影到佢蝦同學仔
係呢?你地會唔會向到升K1,
同B仔最fd果d都唔向到讀呀

easonkinki

我都知呀!一開學老師都有講,話個個都叫佢做哥哥,因為向屋企,我會話佢係大哥哥(佢之前成日蝦妹妹),用哥哥妹妹黎稱呼佢地,不過我多數叫焯楠哥哥
今日終於輪到我地睇隻碟啦!
差唔多要接放學lu~
係呢?你地有無網上的bb相簿架?
等我知道你地的bb係邊個嘛
http://www.babyhome.com.tw/bb/63376

VENFA

easonkinki,

你睇唔睇到隻dvd? 我之前係屋企兩個dvd機同電腦都睇唔到要去朋友屋企部機先睇到, 噚日問開葉老師野, 佢同我講話都有家長睇唔到隻dvd, 所以問下你.  我朋友幫我copy左一隻dvd, 呢隻我可以係屋企自己睇到.  若有需要, 我幫你copy一隻啦.

係dvd裹面, 成日見到焯煵, 我叫彤彤講我知每個小朋友既名比我知, 佢見到焯煵, 都係叫'哥哥'.  最搞笑係佢指住'哥哥'跟住笑笑口話'哥哥'好靚仔. 比佢笑死我.

easonkinki

咁搞笑~
焯楠最鐘意的女同學係"S LI"<<<唔識串
可能因為每日都坐佢隔離的關係,
佢早幾晚仲話掛住"S LI"想返學,
我話夜晚學校關門架!明天先見啦!
而家d小朋友人細鬼大

easonkinki

隻碟我睇到呀!不過尋晚唔開心呀!我去煮飯,諗住比b仔自己乖乖坐定定睇隻DVD,佢個衰仔拎把交剪剪到個碟套碎晒,激死我啦!而且佢返左學之後曳左識扭計,有時真係比佢激到我o咸,我相信你地睇完隻DVD都會記得我仔,因為全班得好小男仔而我仔又成日蝦女同學,我覺得係因為妹妹出世之後屋企多左個人同佢爭玩具所以佢無咁鐘意女仔

VENFA

係呀, 我個囡番左學之後都曳左, 成日大聲叫'no' 'no', 又打人, 話又唔聽.
我問過miss ip, 佢話彤彤係學校唔係咁, 希望只係短時間係咁, 遲d會改善啦.

原文章由 easonkinki 於 07-10-5 15:19 硐表
隻碟我睇到呀!不過尋晚唔開心呀!我去煮飯,諗住比b仔自己乖乖坐定定睇隻DVD,佢個衰仔拎把交剪剪到個碟套碎晒,激死我啦!而且佢返左學之後曳左識扭計,有時真係比佢激到我o咸,我相信你地睇完隻DVD都會記得我仔,因為全班 ...

ill

我個仔係N1 a pm的,佢28/9出世,so2/10才正式入學的,佢返左4日學,都沒有cry,但miss ip話有d 小朋友第2個week先cry的,下個week返1.5hrs,唔知會點呢?仲有,佢唔肯比老師同佢去vv,你地有冇好方法呀?

easonkinki

[quote]原文章由 VENFA 於 07-10-5 16:52 硐表
係呀, 我個囡番左學之後都曳左, 成日大聲叫'no' 'no', 又打人, 話又唔聽.
我問過miss ip, 佢話彤彤係學校唔係咁, 希望只係短時間係咁, 遲d會改善啦.
彤彤算乖啦!
我仔頭一星期好乖之後就開始曳啦!<<<老師講架!
你地會唔會向到升k1?
如果係會唔會轉返am班?

easonkinki

原文章由 ill 於 07-10-6 22:41 硐表
我個仔係N1 a pm的,佢28/9出世,so2/10才正式入學的,佢返左4日學,都沒有cry,但miss ip話有d 小朋友第2個week先cry的,下個week返1.5hrs,唔知會點呢?仲有,佢唔肯比老師同佢去vv,你地有冇好方法呀? ...

其實返學耐d就好自然會比老師帶去VV,唔洗擔心,佢見到其他同學仔去VV佢又會跟住去,佢咁細個又無cry,媽咪應該多D讚佢叻叻
慢慢黎啦!唔好心急!

VENFA

easonkinki,

我昨天交了留位費, 不過我都會比佢考下其他學校, 若考到先再考慮是否仍在卓思讀.  如果會, 我會選am班.
你呢? 會不會考其他學校?

easonkinki

我唔會考慮其他啦!我仔讀n1我同佢報左4間,4間都收,淨係迦南&另一間幼兒園都加埋比左成2千蚊留位費,無啦啦!唔見左幾千銀,焯楠而家讀得開心,日日話鐘意返學掛住葉老師&同學,我唔想比太大壓力自己同佢呀!
之前有諗過讀九龍塘,但唔想佢細細個每日咁辛苦答校巴,比得佢讀名校分分鐘讀直資私校,亦有好大機會入九龍塘小學,到時又會擔心佢跟唔上,我見卓思派位都唔錯,所以費事再煩簡學校lu~
遲D我會搬去葵涌果邊,諗住出年焯楠轉全日班,我就可以返工
其實我覺得小朋友開始大有佢的思想,如果佢鐘意向到讀你又同佢轉,佢會唔開心(除非要搬屋離學校好遠)否則小朋友又無話讀得唔開心就無謂轉lu~
因為我見我老公個fd的仔仔讀左3間幼稚園,佢好曳,由第2間轉第3間的時候佢都唔開心

VENFA

其實我係新搬黎青衣架.  我之前係西九龍住, 都幫bb報左九龍塘既迦南, 比左留位費, 點知後來先唸住搬去青衣, 所以卓思都係5月份先報, 我唔係好熟呢區, 之前學校有派到今年畢業生派小學的資料, 不過我唔熟呢區, 所以唔知叫好定唔好.

所以比佢考下出面d幼稚園, 最好有得直升, 如果考到, 第時唔駛再煩考小學.
另外, 我姐姐個仔e家讀緊聖多默幼稚園, 聽佢講, 呢間幼稚園派位好好, 有d去油天, 大天, 聖瑪嘉利等, 所以佢開放日都想去睇.

vn

Dear all,

遷校問題我都好頭痛，　見個女讀得幾開心(上午班)，放假都話要返學．我係中學老師(不是在青衣任教）, 同事話我知，佢之前係青衣教小學, 當時無ｂａｎｄ　１小學, 整區學生程度唔係幾好. 依家先好d，有banding 高d的小學, 不過都又谷成績, 讀得辛苦. 所以我搵定些一條龍, 由幼稚園讀到中學, 希望唔駛煩.

ioi

vn,

我都係教中學的. 但係唔清楚葵青區的情況, 只係大概查過呢區好的中學唔多, "林護"好似係其中一間好的, 聽朋友講, 讀"聖公會荊冕堂幼稚園", 之後就讀"聖公會何澤芸小學"或"聖公會青衣邨何澤芸小學", 之後可以升讀"林護". 朋友又話長亨邨果間"何澤芸"好d. 不過係咪有一條龍我都未查證.

但我覺得"荊冕堂幼稚園"程度無卓思咁深, 規模又細d. 而且讀卓思的小朋友都一樣能夠升去果d較好的小學, 所以未知點決定呀. 而且banding都會隨住時間而有所變化, 到時"林護"係咪仲係band 1都唔知.

你有冇好提議呀?

原文章由 vn 於 07-10-11 12:18 硐表
Dear all,

遷校問題我都好頭痛，　見個女讀得幾開心(上午班)，放假都話要返學．我係中學老師(不是在青衣任教）, 同事話我知，佢之前係青衣教小學, 當時無ｂａｎｄ　１小學, 整區學生程度唔係幾好. 依家先好d，有banding 高d的小學, 不過都 ...

ill

我是小學老師，在葵青的聖公會小學教書，可以話比大家知，青衣最好的小學係保良局世德　ａｎｄ聖公會青衣主恩，ｃｈｏｉｃｅ　ｇｒａｄｕａｔｅ的學生都有好多入左呢２間。ｓｏ我都比我個仔在ｃｈｏｉｃｅ讀，其實我都ｌｉｋｅ　ｋｌｎ　ｔｏｎｇ的學校，但如果要個小朋友自己ｂｙ　ｓｃｈｏｏｌ　ｂｕｓ我又唔放心，ｓｏ都係青衣區算ｌｕ。我已經交左ｋ１留位費了。