請問有沒有讀小一小朋友的家長是晚上8:00後先返屋企. 妳們覺得時間夠用嗎 ?

AndyRain

反而工人我就覺得好難under my control了.  因為我有細路係佢手, 話佢又怕佢對d細路唔好, 又怕佢唔likely突然間話唔做, 咁無人接佢地放學就大獲了.  所以有時都係自己硬食. 唉!!!!!  再過多三年我諗我唔駛再有呢種加鎖了, 因為到時亞仔上中一, 有咩事佢可以幫手接亞妹. 而家佢都係自己搭小巴番學的(我帶佢去搭車, 係佢學校門口落車). 因為星期六趕唔切, 所以要亞仔自己搭巴士去銅鑼灣或灣仔等我(視乎個日去邊到食lunch).  放心, 我俾左個cheap cheap手機亞仔的, 有mei事佢可以搵到我, 我亦可以搵到佢的.  so far都未試過去錯地方.  但係咁樣就可以train up佢會認路, 懂多些地方及大膽些.  但係我唔知咁樣係咪虐兒或疏忽照顧喎.  但係我撲得去接呢個, 帶埋佢番轉頭接亞女又已經遲晒到, 到時d工作人員又會黑面, 亞女又會驚到喊!!!

而家郁d又話拉又話鎖, 但係立法的人有無諗過我地d家長係要番工的, 只有番工時間, 沒有放工時間.  有時都無辦法所以要獨留個小朋友係屋企, 叫佢自己做功課等我番黎.

bnene 寫道:
工人的效率，也是自己教出來。最重要是該她明白她每天應該做甚麼。

以往請工人時，我會跟她說清楚，不可以長時間呆在廚房，也沒有理由告訴我一頓飯可以煮兩小時，除非是家裡請客大排筵席的日子吧。每天她要甚麼時候起床，甚麼時候做好甚麼，是要訓練她去做的，她做得慢，當然是故意拖時間了。

我大兒子較為早熟一點，自我照顧能力較好，是可以照顧自己的。我們考慮到這一點，才決定不再僱用工人的。而我也見過有小朋友P1已開始自己坐公共小巴上學及放學的（我們有問過他的！）所以我孩子不算「強」了。

我自己都是由小一開始自行上學及放學的，每天還要做家務，四歲開始抹地，六歲開始洗碗至中七畢業！

ydoris

唉,自從個女孩俾小巴勾住頸巾車死,前幾日個10女走左去大陸..我一路都係15,16俾吾俾阿女自行放學.
自從阿姐因為吾記得帶佢既八達通攪到阿女遲到,佢差不多大半年都吾肯姐姐帶返學,到而家都係我帶完佢返學先返工架.我好無耐要用阿姐,因為有個3歲半既細女.只係等到大細女都上小學先有轉機.我地每一個媽咪都好努力咁去做架啦,有時真係覺得好辛苦.

bnene

我工人都曾經以為我是沒有她不行的，但她忘記了我從孩子小時候已訓練他們自己照顧自己的，K1-K2已學會了自己吃飯，不用餵，不用追的。做功課也不用催的，因為大兒子上小一開始，我便不容許他在我面前做功課，小兒子上小一也如是，試過沒有做給我罰了，所以以後也不敢，就連字也要寫得整齊，否則我都是全版擦掉要他從頭開始做，並告訴他是他自己剝削了自己睡覺及玩的時間。

而工人要做的，就只是打掃、清潔及煮飯而已，這些功夫我也做得來的，沒有了工人，我們一家反而更和洽，完整性更好。

當她走的時候，我告訴她我們不再請工人了，所有家務我們自己來做，而且會比她做更好及更有效率的，一個月就省了三千多塊，又不用受她氣了。她一臉尷尬地說孩子可以照顧自己的。

AndyRain

係啦!! 上次頸巾單野之後我都有驚過, 但係若我帶佢番學先番工, 那我一定遲到的.  d老細係唔會明白/體諒你, 覺得你係有需要所以先至遲到(10-15分鐘). 放工如無必要又要準時或遲少少即刻走. 佢地根本唔會明白, 我地放完呢份工, 係即刻跑番去做第二份工的. 根本我地係無得停手的.  所以雖然我有驚, 但係我地呢d打工仔又可以點呀!!!

我地d女人又要搵飯俾佢地(細路)食, 又要煮飯俾佢地食!!!!! 有無人會體諒下我地的?? 無架, 從來都無架!!!  "呢d係你自己屋企既問題!!"

AndyRain

你兩個孩子上晒小學才可以這樣考慮.  再加上你的孩子生性/自律才可以咁做.  

我都覺得無個工人係屋企好, 唔駛對住佢, 有番d family time. 所以而家叫奶奶個工人幫手接放學, 買餸, 清潔等, 我覺得係最好的. 錢又唔駛用咁多, 有人幫輕下, 又唔駛有陌生人係屋企過夜!!

Kittymummy

AndyRain, 你講得好. 依家d老細真係crazy, 吾會明白/體諒你,even 女老細/上司都係一樣. ot得多又話你個efficiency低. 吾ot又話你吾ot, 講到好似番嚟吾駛做. 放工番到屋企又要立即開工, 做餐死.....

bnene

由於我大兒子較為懶散，我們在家裡安裝了鏡頭，用意是要監視孩子讀書的，也可以瞭解工人在家的情況，所以較好了。

我的老闆，都是那種不許上班遲到，下班也不許準時走的。不過我告訴過他，現在我要準下班，但自動把加班時間提早在八時十五分至九時前，他便無話可說了。

我另一個老闆（更麻煩的！），我預了他會不滿的，如果他要抽稱我的話，我會每天早上七時四十五分叫他回來開門的。

bnene

我們的原意，是小兒子上了小三才不用外傭的，不過因為工人要走了，又再找不到現成的，思前想後，都是決定不再用了。我的孩子也不算自律，今天又被人投訴了！沒辦法，唯有是慢慢來吧！

AndyRain

哈哈, 我以前都有以webcam黎monitor我個仔的, 但自搬屋後部電腦放係房就無法再用了.  

我明你的做法與想法, 但係d老細只會覺得你係一個麻煩既員工.  唔多唔少對你既印象都會扣心.  although佢覺得你唔係想吞pop, 但係....... 總之就係麻煩人一名啦.

唉.......我成日都俾我奶奶同我亞媽激到死死下的.  我奶奶看住我個仔, 我個仔係到睇電視, 佢又無本事話得我個仔聽, 但係就唔會打俾我地由我地阻止我個仔睇.  咁我點知道呢?? 就係我幫個仔check功課時, 睇到佢有d功課做左一d無做一d攞.  同佢亞媽講左一次又一次咁樣會黑死個細路, 你有你講, 佢當你耳邊風. 個時佢未請工人, 放暑假 湊住我個仔, 後來我先知道, 原來我個仔有成個月無食午餐的, 但係從來無人話過俾我知. 我唔明佢點做大人的, 個細路話唔肚餓就由得佢唔食.  佢發緊肉的, 點可以呢.  你無本事叫佢食就出聲等我叫啦. 唉......... 我發晒爛咋鬧有無搞錯(同我老公講), 跟住我老公都即刻打去鬧佢亞媽. 從此之後, 免得過, 如唔係必要, 我都唔俾我個仔去佢亞媽屋企, 費事我咁辛苦去搵錢養個仔, 倒頭來就俾佢亞媽寵壞了, 教唔番.  我有時都要聽我老公的有骨說話架, 佢話人地幫你湊個仔仲想點喎.  我話, 佢都係佢地既親人黎架, 都想佢好架.  我講既有邊一句係話錯佢架???!!! 佢亞媽仲叫我生第3個的, 我地已經話無錢養呀, 佢話 "天生天養"喎.  發顛的.  所以而家有咩野我都要佢幫手架(以前就叫我亞媽幫手多), 等佢講 "天生天養"講得咁口響!!! 完全不付責任!!

今個禮拜個工人放假叫佢亞媽睇住佢地, 第一日我個仔又已經一路做功課一路睇電視了, 又係無人講我知的.  我又係係check功課時check到出來的!!! 真係所托非人!!! 不過最衰個老公無本事要我做野幫屋企, 唔係我就唔駛咁激氣仲要聽我老公d咁既說話!!!