番禺會所華仁小學

麟媽媽

死啦！亞仔病情好反覆呀！
上星期佢咪個鼻唔妥，食傷風藥好左D，
點知早一兩日開始咳，又再睇醫生開埋咳藥，
琴晚話喉嚨好痛…藥就照食喇，
點知今朝仲發埋燒，今日無返學了。
聽日TSA 考口試，頭先打去問班主任，
佢話如果聽日仲持續燒，就唔好返了，
因為如果惹開晒，星期尾測驗多人病就弊！
咁又係，到時亞仔好番，但惹比人累左人就唔好了。
我問老師唔考TSA 得唔得架？佢話係拉全校既分，
而唔係個別學生既，不過要有醫生紙證明囉。
而家諗緊好唔好轉醫生，呢個兒科BB 開始睇，
不過，D 藥好似唔多夠勁咁….
醫生問過亞仔識唔識吞藥丸，佢唔識吖嘛，
醫生話藥丸快好D，最後都只係開左4枝藥水咋。

nancytse

麟媽媽,

祝麟少早日康復！
我仔最怕飲藥水, 呢頭飲果頭嘔返哂出黎, 但佢吞藥丸又冇問題wor (touch wood!!!!!) 我見阿仔個醫生通常開d藥丸都係細細粒或者半粒份量。 如果你仔個醫生話食藥丸快好D, 咁不如試藥丸la.

麟媽媽 寫道:
醫生問過亞仔識唔識吞藥丸，佢唔識吖嘛，
醫生話藥丸快好D，最後都只係開左4枝藥水咋。

chelsea

麟媽媽,

Speedy recovery to 麟仔.

He maybe hunger for soccer game that made him unwell.

Chelsea

ms99

麟媽媽,

麟仔好快好番的，通常小朋友都係病情反覆，
好似一個 cycle咁，所以我睇開個兒科都好醒目，
每次都會開定其他藥畀我看門口，
次次我都會覺得好抵，好似 package 咁大大包藥攞走，
不過咪又係一條數，我老公成日話我傻傻地。
真係食藥丸快D好?? 我唸對症下藥就 OK，信醫生就得嘞。
其實打針先最直接有效，不過小病是福，等身體再強D嘛。
唔好掛住考試住嘞，都係抖夠先去測數啦，
祝麟仔早日康復，麟媽媽笑逐顏開。

ms99

raymond1981 ,

如果再唸到多D不可思異故事記得講嚟聽，
返工好悶啊!
其實你太太知唔知你成日同我地傾計呢?
如果佢唔知，對佢嚟講就真係不可思異了。

kookooloo

[quote]
ms99 寫道:
早晨! 一個星期工作的第一天,祝大家工作順利.

kookooloo ,你數

kookooloo

麟媽媽﹕

祝麟仔早日子康復﹐唔好擔心測驗啦﹐身體要緊呀。。。你都係喎。。

chelsea

Morning friends :)

麟媽媽

各位有心了！最終琴晚同亞仔睇多次醫生，
太夜，去左樓下商場D panel doctors 咋。
佢開左消炎藥比亞仔囉，我最唔鐘意….
個醫生話亞仔喉嚨同扁桃腺都腫晒，一定要喎。
不過，食左真係退左燒，亞仔都話無咁暈，
之前佢軟Lai Lai，一味中個頭係我大脾度。
亞仔訓著左之後，變左成個水人！！！
D 藥好散，佢出汗出到成個枕頭濕晒，
我諗係D 消炎藥喇，今日佢應該精神好多了。
而家輪到我鼻窒窒，喉嚨乾…
拿拿林拍左2 粒Panadol cold & flu extra，頂住先。

麟媽媽

Kookooloo 講開post 相，我有一張相比大家睇︰


呢2 隻大熊貓住係番禺香江動物園，上次老公影既，
熊貓食野會搵位坐，之後慢慢食個「鍋鍋頭」，
佢坐到好似個人咁，好得意架！
我見佢地養熊貓好鬼粗咁既，熊貓館好簡陋，
唔知點解係HK 特別D，起間熊貓館貴到飛起。

chelsea

Morning friends :)

麟媽媽

我想問吓你地測驗嗰個星期會唔會有默書？

nancytse

麟媽媽,

我仔有.
o岩o岩過左o既星期一有中默.
我記得之前都試過.

kookooloo

麟媽媽,

我仔都有﹐明天英默﹐好慘呀﹗﹗
數學測驗都未溫習掂﹐仲要英默  

呢幾個星期認真充實﹐不停溫習﹐又要做英文圖書project & 常識專題。。。

不過﹐我都好佩服呀仔﹐人仔細細﹐個腦可以比我地塞咁多野入去﹐仲要做其它野。。。簡直係一個[size=xx-large]勁字 ﹗﹗

[size=xx-large]佩服﹐佩服 ﹗

麟媽媽

kookooloo,

英文圖書project？？！！
又好似舊年咁，睇左本書整番一樣野咁呀？
死囉.... 我仔好似未動手做喎.....
幾時交？Compulsory 架？
如果唔夠時間，整張書籤你話得唔得呢？

好在常識專題研習做好了，唔係屎得。

SINDY-MOTHER

麟媽媽 :

英文圖書project 要係 12/4 或之前交.

麟媽媽

吓？！12 號？？！！
我個無魂頭提都無提過呀！
睇怕真係只夠時間做書籤囉....

SINDY-MOTHER 寫道:
麟媽媽 :

英文圖書project 要係 12/4 或之前交.

February

Click Reading for Creativity Competition

麟媽媽 & SINDY MOTHER,

你地係唔係講緊呢個呀？不過唔知是否一定要交呢？我個仔都未做呀！