95區家長大都會

tracyfo

yeeli..你好, 我會架啦...^^

你小朋友最近點呀?

tracyfo

alkyng, 哇...成60人咁多...我見過有人係會所攪生日會, 地方好大, 有人叫M記姐姐上來同佢地玩, 都見過有人請出面d攪手, 好似令到d小朋友好開心...我都無試過, 你攪完, 到時請教你

alkyng 寫道:
MIHOLO:

你終於返來.... .

上年我響m記幫兩個女攪生會(一歲及五歲), 加上又係第一次響m記開, 所以一次過請晒d親戚朋友連同學仔, 都有成60多人, 我係響寶琳村入面間m記, 個間講到明可以座60人的, 埋單千五蚊左右, 本身我都預左要2千, 但結係千多元, 我都覺得好意外 , 其次就係蛋糕, 我舊年響美心訂左個5磅熊貓蛋糕, 折左都要800蚊, 好好彩剛剛夠食, 最後就係預d錢買回禮小禮物比小朋友.

  

yeeli

alkyng

多謝晒你

要自己準備個芭比公仔架     

yeeli

tracyfo

我小朋友呢倫都ok,老師同我講佢係讀到書寫字好靚又快咗,都有聽話,上堂識答問題,不過話佢比較容易受人影響,容易分心,放完長假返學會心散咗,我希望佢可以改善呢方面,
我停咗故事同卡通畫堂,宜家上跆拳道,比佢活動多d,學下嚴格既守則,等佢上小學會好d. 另比佢聽下劍橋英語
我想比佢下年考Starters.

HALAHA

yeeli,

劍橋英語我都幾有興趣, 你係屋企自己教呀?

yeeli

HALAHA

係呀,我自己教,都有英語碟比佢學.
你要唔要劍橋sample網址

HALAHA

yeeli,

好呀, 不該晒.

yeeli

http://www.cambridgeesol.org/support/dloads/yle_downloads.htm

HALAHA 寫道:
yeeli,

好呀, 不該晒.

呢個網站,係専教小朋友上網學劍英,好似要$150-$160, 係另一個bk媽介紹,我自己未用過.

http://yle.eclass.hk/login.php

yy02

HALAHA 寫道:
yy02,

係呀, 啱啱噚日學校觀課, 我問咗啦, 應該有無學劵都有外籍.

你囡囡讀邊間幼稚園呀? 學費不使1千, 真係好平喎. 咁攞咗學劵即係免費.

TKO宣道

MIHOLO

ALKYNG

M記都ok不是太貴, 反而是蛋糕 不過送給小朋友一般都要公仔是貴些少.
另外我想問以妳經驗通常同學約有20幾人那應預多少人數呢 ? 因須預家長位的. 又不知大約有多少同學會到   自己朋友容易控制人數.

MIHOLO

yeeli

我也祝妳 "生日快樂 " "老公越大越聽話 " "心想事成" 仔仔聽教聽話"   

妳好叻連劍橋都可以自己教    扺贊  
我就不行了, 故須去學習英文位音. 仔仔學緊故自己也須努力.

yeeli

MIHOLO

又多謝晒你,又老一年啦
我都係可以教佢Starters咋,係小一小二程度咋,
再上就唔知得唔得囉,
我都係學歷有限公司,你唔好笑我   

alkyng

yeeli:

我今日先響到想緊, 你真係好掂, 所以都覺得你個小朋友將來都會好出息, 至於我就....唉, 英文同普通話都唔多掂, 依家真係會覺得自己以前唔努力讀書, 除左會影響自己外, 其實都會影響下一代, 自己想親力親為都唔得.

yeeli

alkyng

我都唔係咁好架咋,我都係細個環境唔好,唔可以安心讀書,
唔怕話你知,我好細個我既爸爸出便有女人,無返屋企得我媽咪照顧我同我細佬,所以好細個要幫手賣報紙,因為咁樣我媽咪先至入信佛,真係改變好咗好多,我先至信,所以我知好多野係自己命唔好都可以努力去補返,宜家我老公都要返夜學架,全家一同學習.我自己重一路學日文架 alkyng你都好為你女女,佢大個會知你有幾鍚佢,一齊努力,goodnight

alkyng

yeeli:

嘩..你地一家真係好犀利, 你平時要打理屋企, 照顧個仔, 自己又要學野, 原來仲學埋日本tim, 響咁忙0既情況下你都仲有時間去扮靚, 我真係好佩服. 唔知點解自己仲未有呢份恆心, 有時堅持左幾日, 又會將d野拖慢左, 我最大弊處就係下午好多時忍唔住走去瞓覺, 咁樣又浪費左兩三個鐘, 所以我知自己呢個弱點, 唔可以自己響屋企自習, 所以決定比錢報名去睇英文併音班, 同個女一齊學 , 不過好彩識到你, 依家我有時常偷懶, 都會記起你, 然後同自己講要好似你咁努力d      

alkyng

miholo:

以我經驗去過咁多小朋友攪的生日party, d小朋友多數都係帶一位家長出席的, 舊年我都係咁預計, 至於同學仔出席個方面, 總之我有邀請的就會當他一定到, 舊年我請左成十幾個同學成, 只有一位無來咋.

alkyng

HALAHA:

你今年有無響德寶訂兩本英文教科書的dvd呀, 即phonics & welcome english, 因我今天清潔cd櫃時, 發覺下期個set多左一套(即第6冊) , 如果你無訂到的話, 我比左你啦, 因我唔想浪費.

herman-mame

alkyng,
妳和囡囡在那處一齊學併音班呀？我都想考慮和亞囝一齊去學。

HALAHA

alkyng,

我遲咗, 所以無得訂. 班主任叫我自己係出面買, 本來我唸住算數啦. 你有呀, 好呀, 多謝先.

有無試過帶PRISCILLA睇中醫呀? 今日wingwing有一,兩聲咳, 我唸住帶佢睇中醫.

CARMA

yeeli,
HI!你個小朋友係咪都係讀德寶架?請問係邊到學跆拳道,我都想比仔仔學