ST. ROSE LIMA K1 2006

RainbowGirl

hello, Venus,

Nice to meet you!
My daughter also studied in 下午幼愛班-Pooh Pooh group.  What is the name of your daughter?  

venus72

HI, rainbowgirl:

我都好開心識到你!我囡囡叫莫蕎慇呀,咁你囡囡叫咩名?
我前日派左生日邀請咭比你地,你有無收到呢??到時有無興趣黎一齊玩下??

RainbowGirl

Hi Venus,

My husband will bring my daughter to the party in coming sat.  See you next time!

AprilKY

Hi all

我剛剛才知道，原來家長日係唔可以帶小朋友去的，如真的要帶都要有人看着她。

我真係第一次做人家長咋。

翠瑩媽咪

anitawong21

AprilKY

唔係wor，我昨日湊放學時都聽到有家長問過，老師話家長日唔洗帶小朋友回來，但如果找不到人湊的話，都可帶埋去

AmyWonglo

家長日主要係取成績表, 照片及傾吓小朋友學習上的表現及問題. 如果帶小朋友, 老師會讓她在課室一旁玩.  但課室唔大, 家長與老師的對話, 多少會聽到一些, 所以最好唔帶.  

不過, 學校有時會同時讓一些商家展銷, 例如圖書及皮鞋. 如覺得要亞女自己揀, 就要帶埋小朋友了.

最緊要是帶個袋裝成績表和照片.   

AprilKY

Thank you, Amy.

anitawong21

Oh!做乜靜晒架？各位去曬邊呀?

好煩呀!下學期要日日做功課

szesze.betty

anitawong21
Hi!
我都幾擔心日日要同佢做功課,我放工返到屋企都成七點,
食完飯都八點.好彩一向都叫工人餵左個女食飯先,否則同佢一齊食仲耐.

今日問過學校,係咪12度可以著啡色長褲,佢地話係.不過我問得唔係太清楚,唔知實質幾多度以下先可以著,大家知唔知呀?

anitawong21

szesze.betty

我都唔理幾多度，總之覺得凍就著褲，因為14or15度市區氣溫，但我們在新界仲會凍多幾度。其實我們最凍是早上落樓的時間，因為樓下很大風，唔著長褲好似唔係幾放心。不過早幾天不是很凍，我工人傻下傻下比左條灰色褲過呀女著返學，之後我問呀女老師有冇鬧，呀女話冇wor

妳張相個bb是仔還是女，好靓呀!e+有多大呀?  

szesze.betty

anitawong21
我地都係住新界,朝早的氣溫同下午相差好遠,我比童童戴曬頸巾,冷帽上車架.
你比灰色褲亞女著?咩唔係要啡色架咩?
我仲未試過比褲童童著,唔知如果果日係著裙,你會唔會加多件冷衫比佢呢,因為我覺得如果係學校除左件外套,只係著件恤衫,好似好凍.

係個女仔黎架,今日

anitawong21

szesze.betty

呀女得一條啡色褲，剛好那天洗左未乾，所以工人比灰色褲亞女著，其實我都唔知要著咩色，我比果一條啡色褲亞女著是因為是「丈跟」褲頭，去wewe唔洗解鈕

如果好凍呀亞女會冷衫校摟一齊著，裡頭仲有羊毛內衣

五個月bb好得意 我個細仔coming sunday就9個月大嘞，最近學會認人，成日要我抱 係要我抱呀!爸爸同工人姐姐都唔要，我一放低就「媽媽呀...媽媽呀」o甘 唔停

不過妳話好少時間陪佢有d內疚，我都有同感。雖然我一路都冇返工，但不能好像已然湊家姐o甘，得一個小朋友，我可全日24小時陪伴左右，始終呀媽得一個，帶得家姐去興趣班就冇時間陪弟弟，同得弟弟玩又幫不到家姐溫習，唉

szesze.betty

anitawong21
見你d post 全部半夜出,原來你係全職媽咪,真係羨慕.

你都係有個細b架!9個月大都好好玩呀,又開始學行,又開始講野,真係好得意架.

你囡囡讀邊班架?童童係仁班,下學期開始就轉左布甸狗組.

你囡囡依家學緊咩呀?童童學緊彈琴和ballet,原本仲有溜冰,不過佢唔鍾意,所以學埋呢個course就算.唔學溜冰都唔知,原來小朋友唔鍾意的野,你迫都迫唔黎,我起初以為任何活動小朋友都會鍾意(因為有得玩),但可惜唔係,佢第二堂玩左15分鐘就話累,死都唔肯出去溜,真係無佢乎!

anitawong21

szesze.betty


亞女是讀信班的，e+在tom lee上緊music wonderland，有得玩下電子琴lor，不過學琴和ballet就冇她份住，因為她大、小肌肉及概念發展有些遲緩，論論盡盡o甘，無謂浪費金錢，唯有遲d train番好至學啦。不過要帶她去上幼兒綜合訓練和參加社交小組，回家仲要做功課架 e+仲要排隊等職業治療，所以都好忙

我都唔想o甘夜上網，但日間真冇乜自己時間 :giveup，拿！今晚早左d啦，因為見隻臭b躺臥在床唔郁，以為會訓教，咪偷偷地出來上網lor，誰知過了不久又喊住叫「媽媽媽」嘞 ，e+咪唯有抱住隻臭b打機lor，完全冇睡意，仲陰陰嘴笑添呀隻臭b

joeszewai

唔好意思, 打攪一陣
我囡剛被取碌2007 k1, 唔知大圍有無school bus 呢 ? 我可點問到呢 ?
點解張信無am or pm 呢 ? share 下d 經驗呀

奇拿

all,
請問大家點解會選擇聖羅撒呢? 佢0既課程深唔深呢?有無課本呢?中英文水平點呢?
係咪報得呢間都係target想讀番佢0既小學同中學呢?
麻煩晒.

atbaby

anitawong21,
我囡囡都係信班架,佢呢個學期轉左pooh pooh組. 你囡囡係邊組架?  你明天會去藝穗fun fun fun嗎?
joeszewai,
我識有媽咪住沙田都有坐校車,我諗都經大圍既,你註冊個日記住填左表比校車公司,佢地收齊資料,就會通知你上車時間....有d小朋友會搭街車,不過我囡都係搭校車,所以我無街車資料,希望有其他媽咪幚到你.

elly0702

盈媽媽:

我明天會叫Elly帶兩個心型蘿蔔糕回校, 請放心!!

另外, 大家好耐冇一齊傾計, 請問各位幼兒班家長有沒有興趣Gathering, 在盈媽媽生BB前, 大約在3月第一或第二個星期(星期一至五, 暫時未定), 地點會在將軍澳, 以便盈媽媽, 請各位報名姊妹們及提議!!

Elly's mom

anitawong21

joeszewai,

恭喜妳的小朋友考入st rose，am or 冇o甘早知道，暑假左右啦！不過提醒妳註冊千萬不要遲到，舊年我老公最後一日去，夠鐘前2分鐘才趕到，學校一夠鐘就關大閘嘞!

atbaby

sorry我個腦中左毒，幾日冇上來吹水，唔知妳留言比我添 亞女本來是pooh pooh組的，不過lee兩日成日話自己係咿唷組小組長

藝穗fun fun fun個日我冇去，要湊bb呀，不過我老公帶左個女去，亞女好開心wor，回家後show晒d製成品過我看

anitawong21

elly0702

情人節食心型蘿蔔糕 !!! 好有心思呀，