一呂現家長 / potential 家長會

Homama2004

原來係技巧鞋,我以為係專業鞋.在一城商場以前齋舖對面的運動用品可能會便宜一點.都幾快會穿爛一對.

我囡囡低年級時都有玩體操班,但後來撞時間便沒有玩.

咁看來我同事仔仔可能呈分試時失手囉!!真慘.....

alicetong

大家早晨！
仔仔皮膚一向唔好,上星期五去完沙灘玩... 星期六行完書展
返去開始發燒,食左退燒藥好d,半夜都有幫佢探熱,朝早又無事？腳眼開始有敏感濕疹好痕,誰知尋日下午發現腳趾側含膿
係想睇街症無帶身份證,電腦無記錄要2百幾蚊..所以無睇到？
尋晚先生同仔仔去威爾斯睇急症,非緊急要
輪候4小時..大約等左3個鐘到,醫生話敏感濕疹唔擔心
但腳趾甲側連肉含膿膽心細菌感染,要介開放膿,打麻藥
之後傷口無咁痛..佢更驚兼大哭..之後先生同佢講道理勸 服佢否則要全身麻醉...(因話去過沙灘)所以要收佢入院觀察一晚,先生2點半返
0黎睇住女女(因無帶工人),我再去醫院陪個仔...坐係度點訓
都訓唔著,半夜小朋友又喊...今朝同先生交收再車女女返屋企再返工,現在是半夢半醒之間..好在無咩事？今朝醫生巡完房已經可以出院0拿？

alicetong

homama,
謝謝通知,打去天利行問都係未齊,佢叫我落去落住100蚊訂先？咁妳有無落到呀？


聽妳地咁講..今年得30個呂小學生入番呂中？同事個仔入番呂中都算幸運...可惜佢志不在此..喇沙是也？最終扣唔到門都要返呂中啦！又加埋師兄姊中一編班試影響師弟妹的banding,妳地咁top都擔心..我就無咩好擔心0拿？

Homama2004

Alice,我無落訂,打算整晒書才去買.

我大囡一點也不top呀! band 1尾到唔尾呀!聽家長話不知是否浸會那間中學第一年收中一,培基沒有面試機會那裡都收了.明年便多個選擇,浸中交通比較方便.

可能在沙灘被砂石"介"到少少,借"d"意.香港不止空氣污染,沙灘+公眾泳池都係咁...

如濕疹可以在watson買Catephil cream / QV cream 來塗,皮膚科醫生都係用這些產品.我自己都是用Catephil 來洗面$99一大瓶. 另煲些清涼的飲品比全家飲用,如竹蔗 / 五花茶,我沒時間便會沖三冬茶清熱配方比細路飲,味道比較苦,但家姐就十分喜愛.

祝你仔仔早日康復!!今晚回去早點休息    .

candytl

ALICE,

希望你仔仔快啲好番, 脚起濃, 小心感染呀. 我也是買QV cream 俾我細囡塗濕疹的. 小朋友一病, 大人細路都辛苦.
宜加天氣好熱, 都係盡量避免参加户外活動.

Homama,

我也蒙查查, 聽bk媽咪講先知係技巧鞋.
培基睇黎都幾多人揀, 口碑唔錯

alicetong

Homama,
浸中在那裡....是否直資呀？

其實佢睇皮膚科醫生已經有一年0拿？起初比蚊咬到出水含膿變花斑腳...D媽咪成日問我係未比蚊咬...點解咁勢利？又〝野〞蚊,佢對蚊咬特別敏感真無計？相反妹妹就皮膚靚靚咬完會自動消腫？

另外呢個仔好多壞習慣,起初咬手指,(已改正)...跟著眨眼..(亦已改好..)現在是見親趾甲白邊都用手去(撕)總之指甲變左得番3份2..所以有傷口感染囉？一定要借呢個機會更加解釋比佢聽點解要介掉此壞習慣呀？媽咪家姐就成日話我比讀書壓力個仔？...佢先咁樣喎？

多謝妳關心同心得？我真係好少煲涼茶比佢地飲就真...妳所講0既※Catephil 來洗面$99一大瓶.※敏感皮膚可以嗎？...

alicetong

Candy,
多謝關心...
講開戶外活動..好在8月10號到個仔先去游泳班,(比皮膚科醫生知道又鬧死 ),今年都係第一次去海灘玩就搞單咁0既野？唉..真無奈呀？

alicetong

天口咁熱...
大家會煲咩湯水、涼茶比家人飲呀？分享下呀....

candytl

alice,

我冇特別煲涼茶, 因兩個囡小小苦都唔肯飲.
湯就經常煲粟米+馬蒂+紅羅白+瘦肉 , 清清地, 幾好飲.
或者冬瓜+海帶+瘦肉.

"浸中在那裡....是否直資呀？"----沙田石門

"媽咪家姐就成日話我比讀書壓力個仔？...佢先咁樣喎？"----我覺唔係囉, 我細囡也是經常"mitt"指甲皮, 當佢靜落黎百無聊賴時就來 . 我通常引開佢注意力, 俾啲嘢佢做.

Homama2004

alice,

浸中的網址: http://educ.hkbu.edu.hk/school/

Candy講得對,佢哋多半係無聊才有這些舉動.不要擔心.我細囡BB時至兩歲,每逢冬天便"爛面"出濕疹,好彩大大下就無.但佢啲皮膚係差啲.....我哋啲壓力好似大佢哋好多喎!! 又要顧份工又要顧家...

※Catephil 來洗面$99一大瓶.※ 唔知有沒有串錯,中文譯名舒特膚,敏感皮膚都可以用.係朋友妹妹在法國醫院做護士介紹用,澳洲牌子.

湯
竹蔗芧根紅蘿蔔 (在街市西田有方便包)
五花茶:一粥面旁那間藥房$10-12一包,我媽媽話那間的料好啲有埋云苓,可以分兩次煲,水滾落洗好湯料,再滾時細火20-30分鐘,隔"jar"後才落黃砂糖<-又係一城啲藥房有售,再大火滾時熄火便可以飲用.我細囡就喜歡凍飲,佢話好飲過可樂
冬瓜/老黃瓜薏米瘦肉湯 (在街市西田有方便包)

西田現有巴庫豬肉出售,用天然飼料,好似比較健康!!我細囡現在一吃便知,佢話這些豬肉沒有那陣"騷"味喎!大約比平時的豬肉貴1/4左右,人口不多都值得一試.

alicetong

Candy, Homama,
多謝妳地提供的好料..哈哈！
我最叻就係走去藥材鋪( 西貢 )平好多...話0岩呢個天時飲
0既湯料( 5個人份量 )...唔理佢係乜？通常都係煲豬展肉居多..
homama,妳呢個↓
竹蔗芧根紅蘿蔔馬蒂煲豬展真係好好味架？..拍下d竹蔗仲入味
青紅蘿白南北杏蜜棗煲牛秋魚湯亦好清甜.
合掌瓜紅蘿白律子栗米煲豬展

原來西田有呢種巴庫豬肉出售..咁健康架？真係要留意下呀？
其實講到廚藝我就最差...因為我係最細0既..通常小時屋企工作只係洗碗同掉垃圾...哈哈哈！可想而知我工人如何？阿Mum都半桶水...    我媽咪成日話我不竟是兩仔女之母....仲嘆口氣個隻.....     

妳地都講得0岩..佢D壞習慣一排又會好番...千其唔好轉過排頭呀？

尋晚仔仔住一晚醫院,(可能小朋友半價)50大元,包埋10支抗生素,每日飲4次,總共一個星期份量,先生都話囉藥時問有無執錯兼搞錯..?? 原來醫生問過仔打唔打針?(只是一大枝咁多)佢怕痛換來十支抗生素的結果...哈哈哈！

Homama2004

我細女前兩年在學校3號閘口被黑蜂蟞傷,發到好似隻豬耳咁. 佢痛&喊到哇哇聲!!未試過,嚇死我哋!!

在威記等了四小時看醫生,便拿了兩樽像洗潔精份量的藥水,我記得那藥劑師係家姐同學的爹哋,我還記得我笑問佢唔係咁誇張呀!佢話這是最細的份量喎...

但後來看番公司醫生話敏感不用服抗生素,應是吃抗敏藥.如第二次蟞傷便要小心因體內已產生過一次抗體,希望無第二次啦!!  

廚藝 > 我還可以啦! 小學二年級自己返屋企,洗定米洗定菜等媽咪回來.我喜歡煮嘢!看我&囡囡size都知...有時累到想死 不煮飯想出街吃,啲囡會衣衣哦哦話街啲嘢唔好吃...好彩老公大多會主動洗碗,食嘢又不會嫌三嫌四...   

alicetong

大家早晨！
homama..原來政府通常賣大包..一味大大枝藥水比佢嚇餐飽..(等你地下次唔敢0黎)哈哈！   :tongue: ※第一招..等四個鐘仲慘過相睇？※第二招婆仔阿巫肯定覺得好低？大大包藥..食極都有？我就覺得費時失事？哈哈！老公睇清楚份量小所以要飲得多..其實d膠樽都唔環保兼浪費啦！

講開我老公細個家境麻麻兼老豆一手揍大0個隻(3個)..5歲已經係全村第一家人有有電飯煲識得煮飯兼煮嘢..只不過依家洗手不幹咁解？一定煮得比我好...有人煮比我食..我都一樣無要求啦...哈哈哈！

candytl

"好彩老公大多會主動洗碗,食嘢又不會嫌三嫌四..."------我老公相反, 揀飲擇食, 東嫌西嫌, 佢自已唔識煮食架播, 我就一般般, 好過賓姐姐咁啦.  
"不煮飯想出街吃,啲囡會衣衣哦哦話街啲嘢唔好"-----我啲囡就    , 話媽咪煮得唔及街上嘅好食

alicetong

  我老公一般都唔會嫌三嫌四0既..如果講就話咁你煮啦.一定會收晒聲..哈哈！其實兩公婆要返工,揍仔女..放工仲煮埋一餐應該感激才對..我覺得職業婦女壓力仲大,搵錢之餘家頭細務..萬一仔女唔聽話..似乎女人罪名大d..唔識管教...？等等.
我都唔敢想象自己無工人的日子(一年後等女上埋小一)我又唔係頭頭是道d人....分分鐘變傻婆都似...哈哈哈！

( 所以一定要兩公婆互相忍讓..多讚美少埋怨..但知道道理亦未必完全做得到正是凡人..不過肯提點已經係成功0既開始？)

我兩個仔女一定話街外野比阿媽好食..剩係一個麥當奴已經敵唔過...哈哈哈！

claudiaho

各位早,

尋日無番工, 因為呀仔出水痘, 嚇得我拿拿淋同佢睇醫生, 都唔知點解大熱天時會出水痘? 我記得通常都係春天時候左右至有, 好彩佢都唔係太多, 我叫工人姐姐小心D睇住佢, 一唔係搔穿D水痘就大件事 , 你地D小朋友有冇打水痘針呀? 我就失敗啦, 成日想同呀仔打水痘針, dum

candytl

我屬天蠍座. 黎個星座嘅人性格強烈衝動, 主觀意見強, 頑固和易發脾氣, 一但受激惱，憤怒是無人能比的. 好彩我我老公唔係天蠍座, 唔係就火星撞地球喇.

claudiaho,

不要太擔心, 通常7-10日內會好翻的. 我大囡讀K3時俾佢表姐傳染出過,  唔係出好多粒, 食醫生俾嘅藥&查藥膏, 一星期就冇事. 細囡返k1前帶佢打咗針, 希望佢唔會生.

Homama2004

claudiaho,出水痘便要小心呀!我細囡打了水痘疫苗一樣出"假"水痘-沒有水泡.你不用內疚水痘疫苗有效期十年八載,我兩個囡可能要再打.越大個出就越辛苦,所以出了可能更好.(凡事從好方面想呀!)我媽媽那時叫我煲"子草茸糖冬瓜&彭魚鰓煲粥比囡囡飲"(對不起!唔知寫得對不對呀!),前者還可以,後者就非常難吃的...

Alice, 你仔仔好番啲味!!

兩大老細分別從日本及上海番來,做到死下死下,看來今晚都煮不成飯....其中一個老細仔仔還要我幫佢湊埋日本帶回來的Marimo(淡水藻波波) ... 因佢哋全家跟著又去trip.好彩上網找到香港有得賣,如不是養死就大件事 做到眼瞓...真係老了.

希望明天有時間再談....

candytl

alice,

係渦, 頭先唔記得問你仔仔點? 好啲未?

"Marimo(淡水藻波波) ... 因佢哋全家跟著又去trip.好彩上網找到香港有得賣,如不是養死就大件事 "----homama,
係咪金鱼的一種呀? 你老世擺係你office, 叫你幫佢照顧?

Homama2004

係咪金鱼的一種呀?  
不是,我想係海藻一種
http://www.mandom5354.com/marimo/marimo.htm

你老世擺係你office, 叫你幫佢照顧?
唔係老細,係老細個仔仔(英基中一),佢哋原藉台灣.

做到就快死.....趕呀趕...