子女的期望 vs 父母的期望

asweetmom

回覆 little_yolky 的帖子

新聞傳播系

asweetmom

greentea000 發表於 17-4-12 00:49
我地有預早一、兩年買定內地高中教材，平時有讀下，做練習同試題當然唔少得。大部分內容同香港一樣，唔會讀 ...

我係指平時點讀書、溫習

asweetmom

simonwan 發表於 17-4-12 0:07
清華北大系最top, 人大都系頂級，浙大已經差些，上海大學系國内系二三流。
上海最好的大學系復旦、交大、 ...

我不要求咁高，樓主家咁勁都無報清北，我求其前30、40名大學就好。

greentea000

asweetmom 發表於 17-4-13 23:03
我係指平時點讀書、溫習

我用八環優化學習法 (by湖北大學黎世法教授)

制定計劃>>>課前自學>>>專心上課>>>及時複習>>>獨立作業>>>解決疑難>>>系統小結>>>課外學習

greentea000

asweetmom 發表於 17-4-13 23:07
我不要求咁高，樓主家咁勁都無報清北，我求其前30、40名大學就好。

我地又真係無人報北大、清華、人大呢幾間，不過一定會係211同985裏面。讀咩專業係比讀咩大學優先，專業係跟成世，除非轉行(我地極不願意，代價太大)。

asweetmom

greentea000 發表於 17-4-14 00:18
我用八環優化學習法 (by湖北大學黎世法教授)

制定計劃>>>課前自學>>>專心上課>>>及時複習>>>獨立作業>>>解 ...

完全無聽過！好似好複雜，效果如何，容易上手嗎？制定計劃係咩計劃？課前自學係預習？
我幾個女最近迷村上春樹，日睇夜睇，值得睇嗎？

1998Ruby1998

回覆 asweetmom 的帖子

我理解就係：
制訂黎緊一個月／一年讀咩課題，然後要預習一下，起碼唔好一舊雲聽書，上堂要專心，有唔明即刻問、即刻清，唔好等到好耐之後先複雜（會唔記得曬 d 野），除此之外都要做適量練習，確保自己明白同用得到，做錯嘅題目就代表自己 concept 未清。做完練習就做個小測驗再次確保自己對於個課題有 100％ 能力掌握，有時間就做課外練習。呢個方法同大學讀書模式相似。

效果就因人而異啦，我自己用呢套方法覺得都尚算有效，起碼有唔明可以即刻知道，亡羊補牢。村上春樹嘅挪威的森林唔錯架，不過我建議起碼中二先睇，因為本書涉及嘅題材有 d 黑暗。睇完真係有一種悲哀、受打擊、措手不及、空虛嘅感覺。

brother4

上面讀書分二條隊，本地及外地人  ，本地大學生太叻IQ高記憶力強，宿舍及考試都分開

asweetmom

brother4 發表於 17-4-14 09:19
上面讀書分二條隊，本地及外地人  ，本地大學生太叻IQ高記憶力強，宿舍及考試都分開
...

香港學生交內地學生一樣學費，仲可以咁優惠咩都分開？

asweetmom

回覆 1998Ruby1998 的帖子

你感覺個方法係有效率定有效果（成績）？
今日望左下，村上春樹好多產，有幾十本，小說、遊記、散文。係咪小說最好睇？

brother4

asweetmom 發表於 17-4-14 22:35
香港學生交內地學生一樣學費，仲可以咁優惠咩都分開？

上面入大學的學生好叻，所以要考試分 分開排，否則本港生可能排尾尾，同樣上面的學生讀本地二大的law，一樣是top及讀的輕鬆，朋友孩子要好努力才有好成績。。

1998Ruby1998

回覆 asweetmom 的帖子

成績我就唔知啦，因為未考試，不過起碼係有效率左。都係果句，因人而異，有 d 人鍾意一次過，有 d 人鍾意一步一步，要慢慢研究下邊個方法對自己最好。
村上春樹嘅作品各有各好睇，冇話邊個最好睇，都係睇返讀者自己鍾意邊類。

asweetmom

回覆 1998Ruby1998 的帖子

即係你大一先用呢個方法？中學用咩方法？

asweetmom

brother4 發表於 17-4-14 22:52
上面入大學的學生好叻，所以要考試分 分開排，否則本港生可能排尾尾，同樣上面的學生讀本地二大的law，一 ...

分開排仲肉酸

1998Ruby1998

回覆 asweetmom 的帖子

大學我只係需要讀一科，上課時間短，一個禮拜得 12 個 learning hours，而大學課程都係咁安排，先預習再上堂後複習，所以先可以用呢套方法。
中學我連訓覺時間 6 個鐘都冇，更莫談溫書方法。日日朝八晚九，星期六日都要補習，食飯時間連 15 分鐘都冇，仲忙過打工仔，所以認真坐低溫書複習嘅機會真係冇咩。如果你要歸類我中學嘅讀書方法，我覺得同填鴨冇分別，食到幾濟都要食。

shadeslayer

1998Ruby1998 發表於 17-4-14 23:23
回覆 asweetmom 的帖子

大學我只係需要讀一科，上課時間短，一個禮拜得 12 個 learning hours，而大學課程 ...

效率如何？

1998Ruby1998

回覆 shadeslayer 的帖子

有課前預習係好 d，起碼唔會咩都唔知就走去上堂，同埋開學第一堂就派計劃表，每一堂教咩，所有教材、資源同埋課堂錄影都會擺上網。Lecture 堂之後有 seminar，如果 Lecture 上到一舊雲就可以趁 seminar 小組提問。因為大部份課堂 3 點鐘已經上完，一日得 2-3 Learning Hours，加上唔係日日有大量功課，所以基本上可以返到屋企即刻溫書，唔明就 send email，通常班教授都可以即日答覆。有時候教授會出 optional homework，做唔做都冇分加，不過大部份人都會主動做。
我放假前制訂左「溫書做功課大計」，呢 3 個禮拜我都可以日日完成到目標，感覺唔錯。就算我要顧及洗衫、執屋、買野，都可以分配到時間娛樂同工作。

greentea000

asweetmom 發表於 17-4-14 06:08
完全無聽過！好似好複雜，效果如何，容易上手嗎？制定計劃係咩計劃？課前自學係預習？
我幾個女最近迷村上 ...

我小學開始用，不過中學先完全自己做曬8環。要應用呢個方法係易上手，做幾多就睇個人需要。
低小：專心上課+及時複習+獨立作業
高小：課前自學+專心上課+及時複習+獨立作業+解決疑難+系統小結
開始自己預習、主動搵資料/問人(父母、老師)解決疑難、自己寫總結

制定計劃：做1個全年計劃，分配時間、精力，提高效率、執行力。計劃中包括學習、運動、課外活動、課外閱讀、休息，跟據進度隨時修定。
課前自學：我係集中係星期六、日預習全部科目下星期新課，每科花10分鐘，標記唔明白地方。唔係好多老師提倡預習，有Ｄ甚至認為預習左會唔留心上課。

簡化版叫六因素，做到都基本有系統。
課前自學>>>專心上課>>>及時複習>>>獨立作業>>>解決疑難>>>系統小結

我無睇村上春樹，日本作品暫時睇左以下幾本，無特別迷邊個。小說類係會上癮，追劇情，一有時間就睇，所以學生時代自己盡量安排係長假期睇，一氣呵成。
菊池寬：珍珠夫人
芥川龍之介：羅生門
渡邊淳一：失樂園、光與影
東野圭吾：白夜行、秘密、放學後
菊與刀

greentea000

brother4 發表於 17-4-14 09:19
上面讀書分二條隊，本地及外地人  ，本地大學生太叻IQ高記憶力強，宿舍及考試都分開
...

宿舍分開我知，考試分開係指唔同試卷？

greentea000

spcc今年共收校外100人，其中學校提名+才藝計劃共收22人，咁學校提名 (助學/獎學) 佔總學額7%(約 16 名)，即係才藝計劃先收6人，94個位要靠成績，好適合有成績無才藝既學生。
我好欣賞spcc，好多野好透明，唔使估估下。除左有數據亦列出明確要求，方便估計勝算。家族近3年有5人考過(非推薦計劃)，2取錄1後備。可惜費用可觀，又遠，未有人入讀。