九月入讀蘇淅幼稚園

Childcare

我就沒想過去，因可能給christmas party的混亂情況嚇怕。在自己學校都咁亂，更何況1000人的大旅行(名額有1千人)？如果不是咁大型，我都會考慮。   :-x

yuenfai

每年的旅行通常第一天便已額滿，多考慮一天都沒位了，且較少出現混亂情況。

wongnysw

今日天氣又凍左, 各位小朋友有無著多件衫呀?
收到通告話27, 28號K2K3有評估, 所以放早D. 我隔離屋個小朋友讀K2, 上星期睇過少少評估內容, 都幾深喎, 小朋友同家長都好大壓力呀......希望各位小朋友都表現出色啦.
下個月有成兩個星期復活節假期, 又要諗下有咩節目lu.......唔知學校會唔會有特別活動o既呢?

JC

wongnysw,
都幾深架, d英文對答我同個仔溫時佢都唔係好識,中文要看圖寫返個字出來, 可能唔係好識, 跟住寫都仲得既. 有時我話要同佢溫習佢都仲問,點解要我溫習喎, 唔想溫, 因為平時做完功課就係玩,唉 攪到自己都好緊張.

connie04

wongnysw,

好彩你提一提我先記得27號個幾日早放, 真係大頭媽.  早上個月遇到K2同校車的媽咪, 佢都有話寫D生字好深, 又測驗又要背歌, 真係會小朋友同家長都好大壓力架, 不過那媽咪都有講, 唔好以為其他學校會淺D, 其實都會深,
上學期, 看到你提及老師叫你幫囡囡溫下生字, 我才懂得也要幫囝囝溫習下, 如果唔係日日玩, 到K2 佢辛苦時, 我更辛苦, 之後我便自設每天也要有數分鐘是LEARNING TIME, 把一直老師教的中英數生字溫一次,也跟著和囝囝每天溫, 其實係想佢學習集中力, 對咁細個小朋友來說已是很困難的, 以前一見我寫D生字出來, 佢就減, 話好驚, 之後比D糖之類的獎勵佢, 到現在已不用"獎勵", 有時還會主動拿紙出來要求讀生字, 下一步要幫佢開始寫下字, 我都擔心有一天要同囝囝對持做功課, 不過上BK 大家交流下意見, 真係好好.  

wongnysw

我都聽聞話蘇浙K1時好輕鬆, 一上K2就突然"加快步伐", 小學更加係功課多到嘔, 所以我都有D緊張. 其實我本身主張放任政策, 皆因我自己細個讀書父母沒有迫過打過, 完全係自己話事, 鍾意就溫書, 或者同家姐玩成個下午, 只要做齊功課就OK. 雖然我也不是高材生, 但我覺得細路仔讀書都要有無天份或緣份, 我不一定要自己仔女考十名內或讀名校, 只要平均就可以, 如果真的要迫, 好似好淒涼咁.
由於我要返工, 有時間我都盡量同個女溫下書, 自己又整D教材比佢做下, 例如畫直線、畫曲線、寫英文字母、數數等等. 做得幾多得幾多. 我返工時家中只有奶奶、工人仲有個細仔, 所以我想明年K2比亞女讀全日班, 在學校多D時間可以老師教, 自己都無咁辛苦.
如果有家長唔嫌棄, 想要我D教材參考, 可以把Email PM給我, 大家交流下吖.  

康媽

JC,

我都覺得要睇圖寫字係幾難，同默書無分別，我個仔都係要睇住黎寫，同埋可能中文字多筆劃難寫d，佢都幾抗拒寫中文。不過，我諗住算啦依家都係幼稚園，唔想逼得佢太犀利，最緊要佢仲有興趣去寫，總知盡力而為啦。

十月媽咪

各位蘇幼既媽咪,
你地好, 我囡今年九月會入讀蘇幼K1上午班, 以下有D問題想請教大家:
1. 由TKO維景灣畔去蘇淅, 我應該聯絡邊間褓姆車公司呢?
2. 我想知道K1每日既上堂時間表係點樣?
3. 課程大約會教D乜野呢? 譬如英文會唔會由最簡單既A-Z開始教呢?
4. 每日有冇功課OR每星期只做一次功課?
5. 多唔多要家長參與既活動?
6. 多唔多要家長一齊做既親子習作呢?
唔好意思呀, 咁多問題, 希望你地可以為我解答, MANY MANY THANKS!    

wongnysw

我試下回答啦.
k1上學期未有功課, 下學期會有少少練習, 例如點點、連線, 一般係一星期一張練習. 英文方面, 由a-z教, 上學期可以學晒26個字母及相關詞語, 下學期內容多dd. 另外教拚音, 會堂上聽CD, 一齊做練習.
至於要家長參與既活動及要家長一齊做既親子習作, 我個人認為少. 活動係自由參加, 唔得閒唔參加都無問題.
校車方面, 要問下有乘校車的小朋友才知道了.

JC

康媽,
問過老師,看圖寫字係一組詞語, e.g. 牛奶 -- 佢會係有一個字做提示, -- x奶, 咁小朋友就寫返個 "牛"字上去咁, 都好d有提示,唔係完全靠記.

jc

康媽

JC,

唔該晒。不過，我個仔寫中文字真係唔掂，有時就算睇住寫都會寫錯，希望大個d會好d啦。 :-|

JC

康媽,
真係要多d練習至得,每日我會另外再比佢做一頁寫字,寫多d真係越寫越靚,初時呀仔都寫得唔好,而家好左好多,不過我見佢d同學寫得仲好,好公整.有次佢同學見到呀仔寫d字,居然頭ling ling 意思係我個仔d字唔靚, 真係比佢吹脹.:-x

有時我讀個字佢都識寫返出來.

JC

qiyangmum

JC & 康媽,
after sean finish his homework, i will let him write what i said to practise his writting skills & help him to memorize those words...

he can write quite well now, he got C for writing last time, hope can get B this time


  

康媽

qiyangmum & JC,

我個仔上次writing都係得c，希望今次好d啦。我最近都買左d寫字練習，等佢練多d。但最麻煩係佢唔鍾意寫字，成日都要逼佢。 :-x

十月媽咪

wongnysw,
唔該晒你呀! 我個女

connie04

十月媽咪,

你問學校佢地會比電話你找褓母車司機的了, 如果你果度上車, 應該20-25分鐘內車程可到校.  
好多學校k1都寫字了, 其實k2 才寫字, 已是好好的了, 但只係有d字好似寫得深左d.   

didikoko

各位k1or above 的媽媽...

我係一個仍然三心兩意的媽媽...想請教各位媽媽.....
我想問下...如果俾你地再選擇, 你地仍然會選擇 蘇浙 嗎?

十月媽咪

connie04,
咁又係, 又真係好多學校k1都已經寫字, 我都唔擔心得咁多, 反正早d寫, 希望到佢k3畢業果陣, d字唔好寫到打大風咁, 我都好安慰咯!
原來姆褓車司機係可以問學校架, 我見面試果陣, 學校淨係畀左張水蛇春咁長既校車表我, 但無架啱駛的, 所以以為要自己搵姆褓車呀!
不過都有媽咪pm左d資料畀我, 遲d我都會打個電話問問呢個司機有關詳情!  

JC

JC

十月媽咪,
可能係呀囡既小肌肉發育得未夠好,所以好似發軟蹄,所以係唔讚成太小就楂筆寫字,我個仔在學期初寫既字都係蟲蟲字,而家至有力d同比較直.唔駛擔心.

JC