旺角基督教服務處雋匯幼兒學校

ckk

Hi fionkwok & waiwaichu2003,

你地小朋友好d未呀?
原今日都有幾位同學仔都病左返唔到學,希望佢地快d好返啦!

我囡囡今日放學後都打敗仗了,佢係發燒同咳,希望佢明天可返到學啦!   

講返今日進度,分離時佢已經喊啦,老師話佢只肯食幾口飯,但坐床又ok喎! 不過最擔心佢如廁o既問題,因為這個星期同佢介片佢好抗拒咁

係啦!你地覺唔覺得小朋友這星期好似"嗲"左呀.

Twins

fionkwok, waiwaichu2003, ckk,

擒日囡囡都有發燒呀, 但見佢精神都ok, 所以有比佢
返學, 但返到學校先至知你地兩個小朋友都病左,
唔知今日好d未呢? 不過我囡囡今日返唔到學啦, 佢
仍然發緊燒,流鼻水,今早飲奶仲嘔tim喎.

李老師話囡囡擒日既進度又好左, 幫佢著衫會講唔該,
有尿尿去又同李老師講, 至於訓床李老師話囡囡肯訓同
好鍾意, 只係唔肯用被. 另外食飯就只係食左3匙, 而
飲湯就ok, 唔肯食蜜瓜law.

好啦, 我要做野lu......你地有野都可以打比我架,
我都好想知今日既情況.

waiwaichu2003

早呀,各位!

fionkwok & ckk,
你地囡囡今日點呀? 好d未? 有冇返學呀?

Twins,
連你囡囡都病埋呀,有冇睇醫生呀?定係食番上次d抗敏感藥呀?

今日我囝囝繼續留係屋企,冇返學呀!
今朝4點幾同佢探都仲係發燒38.4度,於是嗱嗱聲起身餵佢食退燒藥,好倦呢! 佢尋日到今朝都凈係肯食奶,其餘乜都唔食,成日要"痴'住張床,唔多肯出廳玩,基本上,要食住退燒藥先可以退燒,所以我諗佢可能連天日都要請假!唉!都唔知幾時先可以追上其他小朋友d進度!!!

尋日冇返到學,所以夜晚攞番上星期學校派嗰d習作紙出黎同佢重溫一下,估唔到當我唱ddduck/吹波波/手指公時,佢全部都有印象,一路笑,一路郁手郁腳,咁表示佢上堂都有"聽書"既,冇晒曬老師同我咁落力既"演出"!

waiwaichu2003

呀,仲有想問下你地比老師個email address,試過收email未呀?

Twins

waiwaichu2003,
原來囡囡後來都返左學呀, 因問過佢返學好唔好,
佢又話好, 但又話好累好要訓覺喎, 所以都唔知點
解會返左學校既.......

囡囡今早食唔到退燒藥, 因今日嘔奶, 晏D打電話再問下點.

我都好想知學校幾時會send日誌比我地睇, 咁你有冇
試過收呀?

waiwaichu2003

Twins,

咦!咁今朝你囡囡個張體溫紙點寫呀?
我就係冇收過,所以問下你地,可能仲係適應期,老師可以日日派習作紙比家長la,唔知尋日同今日有冇再派呢?

Twins

waiwaichu2003,
好似照寫幾多度呀, 學校擒日都有幫囡囡簡唔中探熱,
之後學校想再同佢肛探, 但亞囡唔肯.......

fionkwok,
今日你囡囡返學返成點呀?

waiwaichu2003

Twins,
oic! 咁老師都算係幾好喎,間唔中同小朋友探熱,不過"肛探"就.....,咁so far你囡囡今日返學返成點呀? 肯唔肯食飯? 如果肯食飯就應該冇乜事既,唔似得我囝囝一唔舒服就乜胃口都冇晒!

fionkwok & ckk,
今日返成點呀? 好心急想知今日個進展怎樣?

fionkwok

HI 咁多位!!!

我女放咗學啦! 而家又要再去睇醫生啦! 因為仲有d咳, 所以要同佢睇多次! 一陣返來再同你地講吓今日既情況啦!  bye!

Twins

waiwaichu2003,

早晨呀~

如你囝囝發燒會唔會係屋企肛探架? 我除左係醫院試過之後,
一直都冇用過, 所以囡囡一定會好抗拒. 今日你囝囝點呀?
有冇返學呢?
擒日囡囡係學校訓到成隻豬咁呀, 仲有4個同學仔都訓到,
包括fionkwok既囡囡, 同星期六一食野個位媽媽既囝呀,
所以哩幾個唔可以準時放學, 要2:30pm先至可以湊走.
至於食飯囡囡就食左半碗到, 食apple就同miss lee講話
好硬, 真係比佢吹脹.
仲有原來擒日學校又有video睇呀, 我地兩個又蝕左tim .
上星期六我問過miss lee d video有冇得copy比我地d
家長, 咁擒日佢地回覆左我啦, 話會剪輯返比我地呀,
真係開心啦~

fionkwok,
你囡囡擒日睇左doctor點呀? 聽我屋企人講你囡囡又係
唔肯食藥, 真係都幾麻煩......得閒上o黍報下料啦.

CKK,
你囡囡係學校肯唔肯訓呀? 食野方面OK嗎?

waiwaichu2003

早呀!各位!
今日d心情麻麻地,阿囝今日繼續stay係屋企養病,明日同後日恐怕..........
你地有時間上黎就話比我知學校既情形la,thanks!

fionkwok

morning all mami,

今日揍阿女返學, 10點到就要走啦! 返咗屋企, 途中有種若有所失既感覺, 冇咗阿女係身邊, 有d想喊呀! 而家係屋企, 又覺得好靜, 好唔習慣, 唉! 平時佢係屋企又覺得佢嘈, 而家返咗學又好似小咗d野咁!      
阿女已經完全退咗燒啦! 但係仲咳囖, 最怕佢咳, 好鬼煩, 所以又買咗d野返來煲湯囖! 佢尋日係學校肯自己食藥, 返到屋企, 又  又西都唔肯食, 嘔返出來, 要出動間尺至好d, 真麻煩!!!

twins,
冇錯呀! 尋日主任錄咗佢地訓覺既情況, 真係好得意呀, 兩個成隻猪咁! 你囡囡今日仲有冇燒呀? 今日我地走時佢都冇喊到呀! 係窗度裝入去都肯玩呀!你囡囡表面有d弱不禁風咁, 內裏都應該ok架! 放心啦!
係呀! 主任話遲d會燒返d video俾我地架, 遲d都有得睇架! 我女都冇試過係屋企肛探呀! 係診所就有, 都係d姑娘做咋, 我有d驚呀! 不過, 尋日醫生都話耳探唔係好準喎, 叫我肛探喎!
話時話, 揍囡囡返學果個係你家姐定媽咪呀? 我又聲到老師叫姨媽既? 我仲成日叫佢婆婆, 真係唔好意思啦!

fionkwok

waiwaichu2003,

做mud心情唔好呀? 仔仔仲係燒呀? 半夜要起身同佢食藥, 會快d好架! 睇多次醫生啦! 有冇同佢用退熱貼呀? 我女臨訓都有同佢用架! 同埋唔好同佢著咁多衫, 希望仔仔可以快d好返啦! 好掛住佢呀! 今日仲有好幾個小朋友冇返學, 孖仔同少遠都已經3日冇返啦! 所以唔使咁擔心, 我地同仔仔打氣啦!      

今日好似多咗小朋友喊呀! 可能有d尋日係學校訓, 唔慣啦! 又可能係d小朋友"爹"我地囖!

今日阿女同twins囡囡都係放2:15pm, 因為佢地兩個尋日都訓得好啦! 而ckk囡囡都返咗學啦! 一陣返去揍阿女時, 睇吓有冇特別情況再話過你知啦!

lioxi

hello!我係lioxi媽咪呀!
今曰好多小朋友喊,就連我囝囝都喊,佢見咁多人喊,都忍唔住眼濕濕,所以我走返轉頭欖住佢囉!佢就喊啦!
有Ｄ小朋友一到大肌肉室,就話:[媽咪,我唔玩啦!][我唔鐘意返學呀]好慘呢!
聽日會送到門口就lu,真係有Ｄ担心!

fionkwok

lioxi,

你好呀! 你會幾點去學校接仔仔呀? 我可能1:00到就會去旺角等佢, 驚佢今日訓唔到咁耐呀?

lioxi

我maybe1:45啦!不過鄧主任尋日話就算醒咗,都会要佢安靜瞓係度喎!唔使担心,佢咁獨立!

waiwaichu2003

fionkwok,

唔該晒!
今朝同阿仔探都係38.4度,個人即刻冇晒mood,又冇得返學,仲要比我家姐罵我阿仔返學緊要定係個病緊要? 唉~~
乜仲有其他小朋友3日都冇返咩?
你同twins個囡真係叻,咁快已適應係半陌生地方瞓覺,食野個方面慢慢黎la,通常小朋友梗有小小偏食gala!

lioxi

你食咗lunch未呀??會唔會一齊食呀?

fionkwok

waiwaichu2003,

如果燒咗咁多日, 不如試吓同佢塞肛啦! 會快d架, 同埋俾多d水佢飲, 仔仔肯唔肯飲水呀?

fionkwok

lioxi,
未知喎! 可能同老公食, 介唔介意一齊呀?
仲有, 唔好將小朋友d名寫係度呀! 可以幫我delete咗去嗎? 去"編輯"果度改咗去就得啦! 你都係, delete 咗仔仔個名啦!