保良局唐乃勤初中書院交流區

ling71

真是被細少激死!!   

昨日校要外出活動, 要佢在LOCKER取回運動鞋回來要著, 佢先肯講, 佢有日無鎖LOCKER, 對鞋無佐, 唯有即刻買過對(要佢自己比錢), 昨校回來新的白色鞋上, 居然有很多紅色擦痕(話在佐敦的活動地方弄成), 洗不掉

佢一d都唔愛惜自己的物品,  唔CARE自己的外表

bk1026

小兒都是同一類人,日日要提佢放野入locker(Atlas,H&E,etc),佢就成日忘記,要日日背個沈重的書包返學~~

2kidsma

我個仔都是昨天出去, 你個仔是那一班?  我個仔是 1F, 不知會否同一班.

yan98

買本記事溥放係筆袋，一打開就見到，亞女成日甩甩漏漏，而家都改善左。

noel2010

原帖由 alice.2007 於 11-11-10 08:30 發表
除了 noel2010 兒子過著較''富豪''學生生活外，唐中學生都算樸素平實呢!

只是過着一般中產家庭的生活吧, 和他現在玩開的中學同學和認識的同輩差不多了。不見得是富豪生活。

霖霖B媽咪

原帖由 alice.2007 於 11-11-10 08:30 發表
除了 noel2010 兒子過著較''富豪''學生生活外，唐中學生都算樸素平實呢!

我平日都有送囡囡返學, 眼見唐中學生都係較為簡樸. 亦可能因為它屬於深水步區,所以同學們的話題都絕少跟風追慕名牌..... 我見佢地至多都係用outdxxr背包 (其實都唔多).... 好似未見過一二千一個既背包... 亦可能我唔識果d名牌...

開學時, 為了迎接中學階段, 囡囡希望去muji買一些文具返學用, 回到學校時, 同學都用好羨慕既眼光望住囡囡既文具, 但其實那些筆都是十元以內既價值...所以我自己見囡囡班中既名牌情況就冇乜.... 再加上學校唔比帶電話, 佢地亦少左一個互相比較既項目.

又再講, 學校halloween party, 我有份出席做義工, 眼見同學們既衣著都唔係太過浮誇, 都好踏實, (又可能當晚燈光較暗, 我睇得唔多清楚 )  所以祟尚名牌既問題, 我真是不太擔心, 就算有, 作為家長, 在旁提點下, 應該都可以幫到小朋友吧.

ling71

原帖由 yan98 於 11-11-10 20:38 發表
買本記事溥放係筆袋，一打開就見到，亞女成日甩甩漏漏，而家都改善左。

往時要佢寫張紙貼在手冊面, 點知佢可全日都使取出來寫家課   

好, 要試下yan98你的方法先.

ling71

原帖由 2kidsma 於 11-11-10 18:19 發表
我個仔都是昨天出去, 你個仔是那一班?  我個仔是 1F, 不知會否同一班.

2kidsma, 仔是1A, 佢哋去佐敦, 貴公子班外出好似去大埔

我見校網當日外出的相片, 佐敦的埸地不是舖紅色, 真不知仔鞋上紅痕何處來, 激氣 :evil:

2kidsma

我都唔知相睇,  等我望下先.   仔同女真係唔同, 自理能力好和成熟.   我個仔都係好B,  不過我現在都放手,  由他去.  希望佢可以學好自理能力.  

bk1026

唔知大家有無填到"深圳中學交流"嗰張form?好似舊年自行搵學校啲表咁~~又要測驗成績,又要獎項,仲有個人專長 俾佢挑起了慘痛回憶~~~

alice.2007

原帖由 noel2010 於 11-11-11 00:24 發表


只是過着一般中產家庭的生活吧, 和他現在玩開的中學同學和認識的同輩差不多了。不見得是富豪生活。

請不要怪我''少見多怪''，可能我攀不上中產一族，不知道
中產家庭的小朋友是過甚麼生活。
(我先生年薪過百萬，可能是''中慘'' 多過''中產''，每年要交重稅呢!)。其實我們都只是讀屋村中學，我第一對名牌波鞋是自已做暑期工賺錢買的，我先生讀完預科後一路工作一路讀書，直至完成 Master ，現在都是算是專業人仕，平時衣著每件不會過千元，所以我見你幾篇post寫道:
''的確他的使費頗大,中一二開始是名牌,明晚着返學套衫都成二千,鞋要千多元,可能他的小學 同學和打波的朋友都是消費一族''
.
''例如買模型槍和模型車這些過萬的玩具''
.
''他的層次已不是一般小孩想的,高消費是和朋友的生活圈子吧。''
.
''像昨晚和幾個中學同學去踏單車然後晚飯,都是正常活動。晚飯原來去了酒樓自助火煱。現在中學生怎會像我們只去麥記和快餐店''
.
''最近出了限量版外套, 都成千元''
.
看完你的post後有些較個人看法，未必個個家長認同:
.
我和先生都認為小朋友只是一張白紙，縱容他們追求名牌享受是家長的責任，自小教導正確觀念是很重要的，不能給他們覺得''人地有自己一定要有''的想法，如果他身邊朋友是這樣我會以此作反面教材，一個12,3歲初中生未有工作能力就要高消費，除非他生於大富豪家族，將來畢業後已有CEO比佢做，否則一般中產家庭小朋友就算大學畢業後相信都要靠努力才可有一番作為。作為家長應多時間陪伴他們成長，不是以金錢填補他們心靈，偶爾獎勵是應該的，但絕不能濫用。
.
我現在是全職主婦，所以每天早上都可以送小女到校門，一來可傾吓計，二來可看看學生言行，基本上都可以的，偶然都聽到幾個男同學在地鐵說俗語，但亦見過一星期起碼三次一位男同學(應是中二、三)都是搭的士上學，下車時手持I-Phone(我和小女都不是用I-Phone)，心想:可能他家人是駕的士開工時順道送他上學吧!如果每天搭的士很重皮呢! (應不會是 noel2010 兒子?)
.
有一本書叫''港孩''，已出到第八版，作者是黃明樂，我覺得作為家長應要看此書，我亦聽過她的講座，很實用很合適時下家長。
.
以上只是本人看法，看了不喜歡請見諒!

2kidsma

沒有收到, 是否叻的同學先至有得去.   我只收到英文補課的通告．

bk1026

應該就唔係~因為之前有張通告問左有無興趣去,if yes,再要填我講嗰張表,再要經學校審核後再睇下approve邊啲學生可以去;但又無講話名額多少,但就免費的@@@@

ling71

我有見張通告, 仔比我簽時話不想去, 所以見佢填到張表鬼五馬綠, (無技能, 學科低分, 普通話差 ) 佢得呈啦, 校一定唔批佢去

收到英文補課的通告又話無佢份:-x

[ 本帖最後由 ling71 於 11-11-14 13:13 編輯 ]

2kidsma

收唔到英文補課的通告, 可能係佢英文 ok, 所以不用補.

原帖由 ling71 於 11-11-14 13:10 發表
我有見張通告, 仔比我簽時話不想去, 所以見佢填到張表鬼五馬綠, (無技能, 學科低分, 普通話差 ) 佢得呈啦, 校一定唔批佢去

收到英文補課的通告又話無佢份:-x ...

ling71

原帖由 2kidsma 於 11-11-14 13:25 發表
收唔到英文補課的通告, 可能係佢英文 ok, 所以不用補.

佢英文得, 就唔會computer同IS衰咗啦,

霖霖B媽咪

原帖由 yhk329 於 11-11-14 14:47 發表
各位唐乃勤的家長,想請教一下
小女雖然仍是初小階段,但想快些了解一下升中的問題
希望各位幫幫忙

-請問就讀保良局的小學是否會加分或優先呢
-報名的人數是否多呢
-與顏寶玲的分別在那裡呢
-入讀的學生多屬那個bandi ...

我試下答你, 不過你只可作參考 :
1. 保良局有冇分加? 我估冇, 亦唔聽過老師講過有. 亦唔見好多保良局小學既學生有特別多係依間學校. (但可能有, 我唔知)
2. 顏保玲係直資, 要比錢, 學校好著重英語. 我對依間學校了解唔深, 你可以去顏保玲個website睇睇.
3. 學校冇講, 不過校長好強調學生質素每一年都有大幅度既提昇.  亞女身邊, 有唔少來自有名氣既小學, 佢地底子都唔差. 而在深水步, 荃灣得地區, 有好多學校老師都推薦學生入依間學校 (這是我聽今年中一其他家長講的, 因為我本身唔係依區既學生), 所以我相信學校既知名度係不斷提升緊. 競爭相信會越來越大.

不過你小朋友仲係初小...來日方長, 你不況慢慢睇下來年學校既發展再作決定, 好好為小學生涯準備吧.

yan98

據我所知，上年及今年青衣間保良局小學有2x-3x幾人入左唐中