04年9月入讀小一家長請進！

carollam310

我女女尋日一落車就一輪咀話我知佢打針冇喊到.話有個女同學賴尿,又有同學喊.佢話自己一D都唔驚,不過個護士好惡.佢仲吩咐我要留意佢半夜有冇發燒. :  :

kitty

hello  各位,
好耐冇入過來了~
我都覺得我以前寫的字和現在的有d 出入 ,有時都會教錯仔女,但我們以前又冇人話我錯喎~

另外,我女女已打左針,在十月中度,佢打完之後就發燒,好彩都冇事,佢話知要打針好驚,但又唔喊得,因全部人都冇喊.
身體檢查亦都做完,在十月尾,一切都ok.
牙齒保健就下個星期學校帶去,佢一隻牙都唔甩過~

佢都是剛剛測完驗,成績最一般啦~
默書而家都開始上軌道,因頭一,二次冇乜掌握點溫,次次串來串去都唔記得,不過好彩都合格,而家參考完大家的串字方法真的好有幫助,由其是我專登串錯比佢聽呢招!

每日一篇中英數,你們是佢自己做定點?我女就自己做中文,做完比我睇下岩唔岩,英文我覺得對小一就深左,次次都要我解釋比佢聽,有時教到我發脾四,都唔知係我女英文程度低定係真係深,你們小朋友明唔明呀?
數學就佢當玩遊戲咁做,日 日都玩下~

探熱這一樣一開學已唔洗了~

Vin

乜原來數學都有每日一篇嗎?
我都唔知~~係唔係嗰個learncafe.com??
我冇乜同個女上呢個網~~haha~唔知點解我冇乜興趣~~
中文嗰個,有時我覺得啲內容幾無聊~~~
不過每次入到去都會聽哂廣東話同國語~~
但係國語嗰把聲....成日都聽到我毛管棟
同埋佢個網成日都上唔到嘅~__~"
至於英文嗰個,對佢哋嚟講程度係比較深~
當然內容同埋啲練習題都要解釋俾佢聽~
但係我同我個女都幾鍾意上呢個網~
我個女喺佢學校分數排行榜排第一位架~~haha
尋日學校頒咗一個襟章俾佢同埋第二,三位嘅學生~

kitty

vin,
嘩~你女女咁勁架...你都功不可沒喎~
我女女間學校冇獎架,只有宣佈頭三班最高分的,如
6B,1A,3B等佢地全班都高興,同埋覺得自己有出一分力,我有時大意都會做錯一兩提架,不過由於我女女間小一冇用英文書,所以我都會每日上一上希望可令佢有幫助,最慘我自己都危危扶果隻,而家小一就比較易些,但上多幾年我都驚自己搵唔掂,所以我而家得閒都做下我仔(F.3)的作業,等自己唔好唔記得~
中文我都好小聽普通話的,又係要解比佢聽,因有多書面語佢都唔係幾明,我通常早上先易入,試過剛剛唔知時晚上食完飯上來上去都入唔到~
數學都係今個月開始的,我女女超鐘意玩,這個唯一唔洗我教她的,同埋鐘意幾時玩都得,佢一得閒就入去玩,可能你女女間學校遲下都有~

數學是這個:map.school.net.hk

Vin

kitty,
其實我哋小朋友有得上呢啲網~學校係唔係要俾人架呢?
呢方面我真係唔係好清楚~
不過我女女間學校好少人上呢兩個網~
可能間學校少人,每級只得兩班,
而且好多學生屋企都係冇電腦嘅~
其實我啲英文都唔係好掂架咋~~因為細個嗰時冇好好咁讀書~__~"

Vin

Astrid

早晨 !!

今日係第一日考試 .... 唔係, 學校叫評估    

e-mame

各位：

你地仔女個書包重唔重呀？

我個仔帶

麟媽媽

亞仔今日個書包都好重，因為之前短週，特別多功課，仲有呢排測驗，老師派番晒D作業、補充練習、工作紙/簿返屋企溫習，到今日又要帶番晒去學校喎，好重啊！今日仲要帶番親子盆栽回校….最終今朝我送個仔返學，如果唔係佢自己一個實拎唔掂！

carollam310

我個女把口真係.......阿女上星期四打完針返黎叫我睇實佢,話護士講過打完針可能會發燒.點知真係發燒.又鼻水,又咳.都唔知關唔關支針事,
我個女個書包都好重,佢又瘦喎.書.作業.補充練習.工作紙.簿.仲有file.重到死.仲要拎個食物袋呀陰公
:wink:

joey1010

我個女上星期三打完針返黎,touch wood到今天到沒有異樣.

麟媽媽

大家呢排忙測驗，咁靜既？
我想問下大家有無邊個既小朋友未開始甩牙？我仔真係一D動靜都無，其實甩完下門牙之後幾耐先甩上門牙？有無邊個小朋友小一已甩埋上門牙？
因為我個仔去見牙醫，補了一隻大牙，牙醫說個隻牙十歲、八歲先換的，如果唔補怕到時蛀得深。而亞仔兩隻上門牙中間有少少蛀，好似有個細細窿係中間，但唔係黑色的，牙醫說不用補因快要換，但呢幾日亞仔都話上門牙後面唔舒服，我見佢上門牙後面牙肉腫腫地，咁點好呢？係咪熱氣還是中間蛀牙影響？

karencircle

麟媽媽>>如果熱氣無理由只會門牙個d牙肉痛。會不會他食野時燙到呢？或者同囝囝看下醫生，有case是後面隻牙要出，頂著前面隻牙令到牙肉發炎。

我囡囡都很早，太約6個月左右就出牙仔，但現在6.5歲都未甩牙，好彩上星期去做牙科保健時，醫生話牙仔健康，叫佢等出新牙。

我今早去左觀課，阿囡見到我在場，成個人緊張晒，彈琴彈到手指硬晒。連老師都叫她放鬆些。

我個囡書包都很重，她還要喜歡將那2本厚厚的聖經同字典帶來帶去，話帶返屋企同我地玩查聖經同字典遊戲，第2日又帶返學校。

carollam310

我個女一早就甩了上下門牙了.4隻冇晒,現在連上門牙右邊那隻都甩埋.總共甩了5隻.下門牙兩隻出左新牙.上門牙只出返一隻.不過呢一隻大過以前o個隻好多 所以我咪話佢出牙出得好古怪o羅

肥仔媽咪

我個仔七月出世暑假前只換了兩隻下門牙而且都是要去醫生度脫因為新牙快出晒隻舊牙都唔甩, 現在見有新牙在犬齒個位後出今次唔知駛唔駛又要去脫?


Carol,

通常新牙都是大隻好多的而我覺得仔仔的新牙顏色和牙齒都冇咁靚.

carollam310

肥仔媽咪:
               係啦,新牙真係冇舊牙咁靚.又大又怪. :cry: .
各位媽媽:
            有冇發覺有好多媽咪都好擔心小朋友測驗,考試成績,亦都唔識同小朋友溫習.見到其他topic D媽咪為左小朋友測驗成績唔好而唔開心,搞到我都緊張起來.阿女23-26號考試.本來我唔緊張架.但見到其他媽咪咁.搞到我都緊張埋.

kitty

麟媽媽,
我個女都未有動靜呀...佢好似仲大你個仔半年添,我個女四月尾,不過我大仔果時都係七歲幾先開始甩牙,可能我地比較遲小小掛~

KITTYMAMA

入

KITTYMAMA

carollam310 寫道:
各位媽媽:
            有冇發覺有好多媽咪都好擔心小朋友測驗,考試成績,亦都唔識同小朋友溫習.見到其他topic D媽咪為左小朋友測驗成績唔好而唔開心,搞到我都緊張起來.阿女23-26號考試.本來我唔緊張架.但見到其他媽咪咁.搞到我都緊張埋.

就係要睇多d, 等自己清醒d, 警惕自己.

麟媽媽

適逢天氣轉涼，想問下大家，你地D小朋友著冷外套著得粗嗎？唔知點解，由幼稚園開始亞仔D冷外套都勁起毛粒！佢地夏天校服有件灰色的線衫外套，著左一個月左右已經起晒毛粒，而家冬天校服又有同款但係冷衫，睇怕唔到一、兩個月又會殘晒，起晒毛粒！我而家都唔會買得太大件比我仔，因為都唔慌可以著多一季….
你地有無呢個情況？