2007年8月開學宏福幻兒園既媽咪一齊入來傾下

天藍

Dear all,

以家好大雨大家出門記得帶傘!!!

hongmimi

原文章由 天藍 於 07-8-6 09:38 發表
Dear all,

以家好大雨大家出門記得帶傘!!!

天藍，
我每日一入到公司未夠鐘食lunch/放工就唔洗旨意有機會行番出去(好似俾人禁錮咁 )，所以大大雨都唔關我事......  

我之前成日話要34歲退休，呢個日子不斷迫近，睇怕都係發白日夢...............

放工返屋企就最開心, 見到仔仔我就乜煩惱都無晒!!!
完全同意，我成日對住匡匡話：THANK YOU囝囝多謝您! 就係因為咁解!!

hongmimi

各位,
擒日可以同大家見面，真係開心:D 原來大家既小朋友都咁活躍，反而匡匡最怕醜 呢排佢成日郁d發皮四，擒日番去之後未停過，要完呢樣又要個樣，轉頭又話唔係，典地喊到唔收聲，爹地夜晚黎到都攪唔點最後喊到訓左.............

唔好意思! 10月咁耐真係未知! 另外我正向老公咋緊型:evil:......唔制呀! pcdogxx有旅行去我又要去，成功既可能會九月尾(老公生日)或十月中(匡匡生日)去....所以真係未知。

希望我可以早日成功 早日知道日子啦!!

天藍

hongmimi / pcdogxx,

你地就好有旅行去~~
本來今年6月我都係諗住同仔仔一
家人去singapore玩, 但因學校家
長日個日子遲遲都未出, 所以為左
仔仔人生中第一次既學校家長日,
所以今年都取消左去旅行, 以家
等仔仔開學有假期先再作旅行打
算。
你地去到邊到好玩記得到時介紹下,
因我都好喜歡去旅行, 以前未生仔
之前我都有年年去最少一次旅行,
有時都會兩次, 以家生左仔仔比較
困身同去得遠仔仔仲細怕會應付唔
到, 都係近近地東南亞去下玩。

原文章由 hongmimi 於 07-8-6 10:58 發表
各位,
擒日可以同大家見面，真係開心:D 原來大家既小朋友都咁活躍，反而匡匡最怕醜 呢排佢成日郁d發皮四，擒日番去之後未停過，要完呢樣又要個樣，轉頭又話唔係，典地喊到唔收聲，爹地夜晚黎到都攪唔點:give ...

626mama

hongmimi,pcdogxx,

唔好意思呀，昨天我入左去唔記得打電話，話比妳地知，
我一跟ElainAiolia入左去。真係好唔好意思，要妳地抱埋bb等我。

係呀，擒日可以同大家見面，匡匡有d怕醜，不過大d會冇咁怕羞。有發皮四咩，好以唔覺喎。

擒日妳番去乘車有冇位坐呀，我乘車時，發現到那個站時，唔係好多位靜。
最後喊到訓左............. 係咪下午未訓覺呀。


各位,

大家知10月先再約。
妳向老公咋緊型成功。我失敗呀。

我以前都係年年去旅行，我賺到d錢都係去晒旅行，我阿媽問我值唔值得。我答佢，我唔係去旅行，都係會用晒d錢，我老公冇乜去旅行引，攪到我都冇得去。

pcdogxx

各位,
真係好高興尋日出黎同你地聚一聚,  估唔到遊樂會裡面會有個咁好既遊戲室.. 我去左咁多次都唔知呀..  以後可以帶多d鈞渝去果度玩下先..   不過阿女唔知係咪玩得太開心, 尋晚訓訓下又喊幾聲..  又典黎典去, 跟住訓下又喊..  都唔知佢想點..
不過今朝佢好似有d鼻水呀.. 希望唔好病啦..

Hongmimi,
多謝你個八達通套呀..  好靚...  真係想搶左佢黎自己用..

我生左咁耐除左出trip都冇去過旅行, 所以想襯鈞渝未返學帶佢去一次..   其實去唔去旅行多數都係我決定, 因為係我自己出錢嘛..  不過開頭老公唔想帶鈞渝去, 佢地怕煩, 同埋話佢去左都唔知啦, 但係反正佢地又補咁少錢, 去影下相留做紀念都好呀..  

咁如果你去, 你會揀去邊呀?   襯匡匡兩歲前去平d呀..  過左兩歲就要俾小童錢架喇..

尋日匡匡做乜咁怕羞呀,  佢玩得好靜呀,  有時都唔知佢le埋左去邊, 子聰好似大哥哥咁同鈞渝玩, 軒軒就好開心咁周圍走, 佢地好攪笑, 下次真係要一齊再出黎玩..

乜匡匡又係鍾意拎起爸爸d睡衣攬住架?  我另外個fd個仔又係咁呀..   佢描述到果個情況係好似d二奶迷戀個老公咁.  好誇張...
點解會咁既   

天藍,
昊藍好d未呀?   尋日班小朋友玩得好開心,  626mama仲睇埋個BBQ場喇..   九月就唔到, 唯有十月再攪啦..

希望九月尾日本唔好打風落雨啦.  上次去日本又落雨又凍, 好掃興!
我都係會去東南亞先, 因為我唔鍾意坐長途機, 好辛苦.. 我會暈機浪架..

626mama,
唔緊要啦..   我地都係坐左係門口一陣之嘛..   

你要脅佢啦..  咁辛苦生左個仔都唔慰勞下, 又要湊又要教..  唔出去放鬆下人都會癲架..  哈哈..  

軒軒有冇話玩得開唔開心呀?  嘻嘻

ElainAiolia,
真係辛苦你尋日要踩到咁晏..  俾我實眼訓到暈低左lu..
可能子聰比鈞渝大, 所以鈞渝好鍾意同佢玩...  佢地玩得好開心
好鍾意佢識講咁多野..  有問有答..  好得意..  唔知要過多幾耐鈞渝會講多d野呢....

626mama

hongmimi,

多謝妳的禮物呀，
軒軒返到婆婆度，
EE成日同佢係度玩，
0都~~上車，0都~~落車。

626mama

我有些問題想問下大家，
1
.私校 - 要比學費的
2.直資 - ??????????
3.津校 - 政府津貼，唔洗比學費。

唔知1.3.正確不，2就唔太知是什麼。

hongmimi

各位,
匡匡唔知係咪岩岩訓醒就見到咁多人怕怕醜咁，俾佢激C。我話左佢家喇! 成個過程我淨係見佢同子聰係屋仔裡面玩過一陣，其餘只係捉住我要我同佢玩，鬼咁唔合群，小朋友一齊玩嘛! 真係失禮晒! 見面禮小小意思o者! 唔洗多謝!

天藍，
昊藍都有禮物仔架! 下次拎俾妳呀!

妳而家間公司有咩做得唔開心? 我有時都好似妳咁，特別係見到有d人吞pop唔洗做，自己就做到CC下既時候........但諗深一層邊有一份工係好開心咁番架! 咪算數囉! 我公司木台頭貼滿匡匡d相，睇完醒一醒神又做過囉! 快d做完快d收工返去同佢玩好過!

妳都好呀! 我未生之前都唔常去旅行，主要係我老公無咁多長假。係咪呢! 果時唔去，而家仲困身。

我未成功呀! 因為我老公都就黎要放緊d大假，我咪承機咋型囉! 加上諗住要去就係匡匡11月開學之前去嘛! 未必得o家! 咁妳下次學校有假先去新加坡囉! 返學緊要，我都係咁諗(話晒俾成二千幾蚊一個月學費)。妳去過新加坡未? 我就未，我都係睇東南亞，總之唔洗舟車勞頓應該都ok!

626mama,
傻啦! 我同pcdogxx一路行一路傾，到左係門口傾到忙晒型，突然想起妳好準時家嘛! 無理由未到，就諗妳一定已經到左兼且ElainAiolia帶左妳入去喇!:D

軒軒好乖呀!自己除鞋放上鞋架，叻仔!

妳地擒日全部搭地鐵呀? 仲以為可以同妳同車傾下計添?係個車站都等左幾耐，好彩有位坐，我仲係車到開左餐奶俾匡匡食，個衰豬病好之後仲係無o麥胃口，唯有飲奶補番數。
飲飲下佢又訓著左，唉! 攪到我鬼C咁辛苦要抱著豬仔落車。佢病之前寧願玩都唔肯訓，上個禮拜婆婆又病，兩婆孫日日下午訓足三粒鐘，唔知係咪咁訓慣左。

ElainAiolia,
唔該晒妳擒日既arrangement兼且做埋嚮導，見妳返工咁辛苦，又要返學，off-duty係個好媽媽:loveliness: ，仲有時間去做瑜珈，返完夜鬼C咁眼訓仲招呼周到照顧我地......我淨係攪一個仔都lie咁hair，佩服佩服!!

pcdogxx,
麻煩同妳honey講聲唔該，我一秋二能咁要佢幫我拎把遮拎足全程。

匡匡平時係真係好鬼癲架! 正一紙老虎:tongue:! 我話完佢之後，邊個一問佢識左小朋友開唔開心….佢就一手打落果個人塊臉到 ，唔俾再提佢無用豬單野! 呢排又發皮四又打人，都唔知點教。

[ 本文章最後由 hongmimi 於 07-8-6 22:25 編輯 ]

hongmimi

好似係.....唔知岩唔岩....

1.私校 - 要學費
2.直資 - 要學費(有貴有平 - 數百至數千)，睇每年收生而定
3.官校、津校 - 政府津貼，唔洗學費

天藍

626mama,

我所知:
私校 - 要比學費, 政府無資助。
直資 - 要比學費, 但比私校平, 因政府有補貼, 但不是全資助。
津校 - 不用比學費, 政府全津貼。

我所知係甘多, 唔知有無其她媽咪有補充!

原文章由 626mama 於 07-8-6 16:46 發表
我有些問題想問下大家，
1
.私校 - 要比學費的
2.直資 - ??????????
3.津校 - 政府津貼，唔洗比學費。

唔知1.3.正確不，2就唔太知是什麼。

天藍

hongmimi,

你又甘夜都未訓???
見到你留言, 話我仔仔都有禮物真開心,
無出席都有禮物, 你唔使甘客氣, 真係
多謝晒~~

Dear all,

各位有心!我仔仔星期五晚上已沒發燒,
但到我病, 我星期六和友人同仔仔
出完街回來之後, 晚上流鼻水又咳,
後來食左藥星期日下午我家
人帶了仔仔去佢地屋企玩, 我可在
家小睡片刻, 今早已經好好多。
所以星期六自己病, 仔仔已退燒,
我都唔敢同你地出去, 因怕傳染
比你地, 同你地既小朋友, 因下星
期要開學唔好病。

626mama,

嘩~~乜你又甘夜未訓, 你又online
今晚甘多人???

[ 本文章最後由 天藍 於 07-8-6 22:59 編輯 ]

626mama

pcdogxx

死啦，係咪軒軒傳染到比鈞渝呀，
真係唔好意思呀。

軒軒好開心呀，成日講住佢地三個名，不過講匡匡最多，
可能佢日日係樓下玩開個小朋友，有一個都係叫康康。

各位,
睇落，個個都喜歡同子聰玩，子聰係最受歡迎。
軒軒都好喜歡同子聰玩滑梯。

天藍,
呵呵~~~我唔止睇左個BBQ場，仲睇左個保齡球場。

天藍

我走啦~~
我要
明天見!!!

hongmimi

天藍，
唔多謝! 希望昊藍鍾意。

唉呀! o麥到妳呀? 而家d天氣咁，真係要小心d! 感冒要休息多d先得。

11.唔夜....老公要溫習今晚無返青衣，無野做咪上黎囉! 不過而家去沖涼lu，然後都 !

626mama

hongmimi,

匡匡多d出街，多d同小朋友玩時，妳想叫佢行埋來都唔得呀。
之前軒軒都係咁，成班小朋友一齊出來，得佢一個痴住我，
而家....係我跟住佢。

我12:05分到到喇，不過唔入得去住，好在門口有椅子坐，
我地一家三口咪坐係度，坐坐下，有人叫，
我立即同圍望下個小朋友係邊度，我記得我同ElainAiolia講，
妳係子聰呀咁。

軒軒係屋企都係自己除鞋放係鞋櫃度，
穿就自已去鞋櫃拎來穿，不過對新涼鞋就要幫下手，
舊0個對，佢可以自已穿。

走時，我同老公乖車去旺角買野，買佢d電腦野，
買完都立即乖車回家。
軒軒一上車就訓左，我係條街抱住軒軒一個鐘等佢買野，
抱到死死下。訓左真係好難抱。

626mama

天藍,

我叫我老公比部notebook比我用，
而家又冇反學，得閒咪上下來。

原文章由 天藍 於 07-8-6 10:45 PM 發表
626mama,

嘩~~乜你又甘夜未訓, 你又online
今晚甘多人???

626mama

今日天氣真係好好多。

WMCHAN

原文章由 626mama 於 07-8-6 16:46 發表
我有些問題想問下大家，
1
.私校 - 要比學費的
2.直資 - ??????????
3.津校 - 政府津貼，唔洗比學費。

唔知1.3.正確不，2就唔太知是什麼。

有次入錯媽媽會所06年4月, 原來有一媽媽很有心, 提供大量教育心得. 包括以下資料 (I copy & paste from that)
P.S. The message is too long and I cannot totally upload to the system, so I delete some. For details, I suggest visiting that web.

1) 現今 HK 既小學主要可分為 4 大類 :

(a) 官立/津貼小學 (Govt schools/Govt Subsidized Schools)
呢個係全港有最多學校, 因為呢d學校係由政府全資或大量地津貼, 收得阿公錢...就當然要由阿公去"幫"佢地分配學額喇...而 under Govt 9 年 free education 既機制, 家長就唔駛俾學費既, 有好多有名學校都屬此別, e.g. 協恩, 喇沙, 英華小學, 油天, Marymount, Maryknoll Convent etc ....

(b) 私立小學 (Private Schools)
呢d講明係"私立", 即係由該辦學團體自己俾錢辦喇...但因為辦學真係所需不菲, 所以呢d學校一定要收學費先可以生存, 學費收多少視乎該辦學團體係咪有錢咁喇....亦睇名氣, 係有名個d就有機會收得貴架喇 (e.g. 佢地話自己係雙語教學呀, 學校又大呀咁, well ..羊毛出在羊身上, 家長係"消費者", 自要同學校一齊負擔呢d開支架喇....一般而言, 我見過私小學費由 HK$2xxx - HK$6xxx 不等... e.g. 培正小學, 民生小學, 高主教, 女拔萃, 禮賢小學, 九龍塘小學都屬此類

(c) 直資 (Direct Subsidy Schools, 簡稱 DSS)

DSS 最大特色 : (a) 可以收家長學費 (b) 阿公會就該 DSS 既學生人數按人頭去津貼一個數目 (c) DSS schools 有自主收生權...阿公唔過問 ==> 嘩...呢個最 attractive, 係校長都唔想受政府干預太多架喇....你地亦知阿公係 short ge, 一時一樣架...一陣又母語教學, 一陣無那那又要分 CMI (中中) /EMI (英中) , 發起癲又話 334, 真係人都癲....小學要保障到佢學生可以升到好中學先有用架嘛...唔係揾鬼去讀咩....

因此, 有d學校 (尤其一d名校) 為保自主性, 而做 DSS又可以仍有 govt subsidy ar ma...咁佢地又係名校, 駛乜擔心冇學生丫...so 大家不難發現有好多傳統名校 (e.g. 男拔, St Paul Co-ed) 都轉 DSS, 費事同阿公斗纏喇...反正大把 old boys/girls 去 support, 亦有好多家長千里迢迢都要去報, 而呢d學校d學費都都唔算平, 以 2005 price 計: DBS $3800/month, St Paul 仲要 $4800 添...La Salle / Maryknoll 呢d未轉係因為天主教區唔想因為要自主權就令有d負擔唔起既好學生 lost 左一個力爭上游既機會, 所以就唔俾佢辦個d學校轉喇.....不過.....響咁既情況下 (乜人都可以派入去) 會唔會仲可以保持到 high banding 呢....我都唔敢講....then 就要拭目以待喇...

d) 國際學校 (International Schools)

天藍

WMCHAN,

Thank you very much!!!
好詳細呀~~

原文章由 WMCHAN 於 07-8-7 15:16 發表


有次入錯媽媽會所06年4月, 原來有一媽媽很有心, 提供大量教育心得. 包括以下資料 (I copy & paste from that)
P.S. The message is too long and I cannot totally upload to the system, so I delete so ...