比華利幼兒園.

hktt

hi littleeva & iron,

你地去左邊度呀?

littleeva

hi hktt

這兩天比較BUSY.
我諗您囡囡都係發夢 , 我仔有時都會嫁.
冇野. 唔好擔心.
係啦.上次您囡囡話姐姐打她件事點呀 ?  

hktt

littleeva & iron,

重未問囡囡，因返屋企時已忘掉!

IRON

hi hktt,

我忙搵工人呀, 睇左一大堆介紹, 今早去agent度睇vcd, 終於簡左一個等覆, 如果唔掂又要再搵過, 好煩呀......

傲楊都試過幾次訓教開口講野, 不過唔知佢講乜, 如果佢半夜醒就要搵"奶珠", 我仲餵緊人奶架; 上次病完之後聽奶奶話食保嬰丹&珍珠末, 訓教又好似真係定過以前, 唔知係其實大個左丫定係果d野真係有效, 我都唔明解. 妳女女之前有無玩到"癲"過龍所以咁呀, 我睇書話玩過左龍反而訓唔好喎.

hktt

IRON

昨日已致電問何主任，她說無玩太過火及無食提子包，都唔知點解?

我都有聽過保嬰丹&珍珠末，請問有何用嫁?是否在余仁生之類的藥行有得賣呢?

hktt

hi littleeva & iron,

果日同何主任傾開，佢話係黎緊 (日期如無記錯) 28/2 會有個親子旅行，地點未定實。

真係開心，終於可以見倒囡囡的其他同學仔媽咪了，大家話係唔係?

IRON

hi hktt,

我都係早排仔仔咳唔斷尾先聽奶奶話去余仁生買猴棗末&保嬰丹&珍珠末先識架喳, 其實都唔係好明點解呢d野有效, 不過仔仔咳就真係好番晒; 奶奶話無事無幹都食我都有d懷疑......睇返保嬰丹就清熱化痰定驚, 珍珠末就安神定驚清熱明目, 如果妳信既就試下食囉, 余仁生話晒老字號信得過卦, 我見bk媽咪們都係話買呢間既.

仔仔好返之後腸胃一直未搞好因之前食得西藥太多, 而家一星期飲一次開奶茶d臭臭都係時不時一粒粒, 我已經俾多左果汁佢飲都唔掂, 奶奶就教一星期俾一次保嬰丹佢清熱喎, 今朝先俾左一樽佢食, 又試下掂唔掂囉; 唉, 我尋晚好憂咁(因見仔仔又all一粒粒, 而且仲未肯坐係度all)同老公講有左仔仔真係辛苦, 又要顧呢樣又要愁果樣, 諗起以前自由自在不知幾舒服......後黎見佢無出聲好似好內疚咁我又後悔點解咁樣同佢講 ~_~ 因為一直係佢想要bb.

littleeva

HKTT & IRON

有親子旅行都唔錯. 希望快d出通告. 我最近都冇打電話比何主任.  唔知子軒近來在校情況如何.  


iron

您仔仔有冇話條返學褲 "吉" 我仔次次著親果條 "用"褲 都話吉. 今朝佢同個工人講 "姐姐e條唔吉.(著緊是運動褲) 果條吉 (佢指住掛起果條用褲)"

我都唔知點算.我有check 過條褲,唔覺有野. 但仔仔次次著親都話吉. 咁點算. 您有冇此問題. 請指教.

IRON

hi littleeva,

妳又忙d咩呀?? 子軒而家見到我會同我打招呼啦, 佢同傲楊一樣係慢熱格, 所以咁老友囉, 呵呵呵.

IRON

hi littleeva,

會唔會有d位少左dd"裡"布呢?? 妳返去check真d, 我羅去俾人改短時特別叫人睇真, 如有d裡布唔岩位就會吉架; 另外我叫工人洗後用多d柔順劑浸, 咁條褲就軟熟好多, 希望幫到妳啦.

littleeva

IRON

不要咁憂啦. 個個做呀媽都係咁. 我仔病時我都好愁. 希望病果個是自己.  

hktt

hi iron,

請問保嬰丹 & 珍珠末都係定驚的，咁是否兩樣一齊食呀?

果次囡囡入院時認識一位媽咪教，如小朋友食得太多西藥，可以煲粥時落D准山 or 煲湯又落D。我有時煲湯都會落d，粥就未試過啦。

你老公可能覺得係佢令你咁辛苦的，覺得內疚，但其實照顧一個小朋友係要雙方付出的 (我老公就唔係咁樣)，唔好話邊個責怪邊個 LAW。

我就因為結婚太內，同老公都覺係時候生BB啦。

IRON

hi hktt,

個sales話兩樣一齊食無問題, 不過我就隔開, 食保嬰丹後幾日先食珍珠末, 但我真係覺得無乜需要無事無幹都食, 所以食左一次珍珠末後就無食, 而家只係食保嬰丹, 如佢訓得唔好先再俾佢食; 我諗如果妳試就俾珍珠末女女食啦, 因為佢只係訓得唔安神又唔係熱氣. 我都執左湯料(玉竹沙參淮山......)煲俾佢飲啦, 唉......

我都唔係責怪老公, 只不過好愁又無乜辦法時講幾句, 我諗佢無乜野既(因為我時時都會"發洩"下, 呵呵), 但尋晚真係覺得好無奈又無助, 做左咁多野效果都唔好; 以前佢好down時(架車一花左或撞左佢都好down)我都安慰佢, 可以用錢解決既問題都唔係問題; 不過家下係用錢都解決唔到既問題, 唉......

hi littleeva,

多謝妳既鼓勵, 我IQ麻麻不過EQAQ都OK, 我會再諗辦法去試下點好, TKS.

hktt

hi iron,

做父母真係難，又擔心呢樣又擔心果樣，但係我 e+ 覺得開心左，重要有時同囡囡傾計tim (不過只有我講，佢就無反應，有時答一兩句)。

囡囡一歲半前我好緊張嫁 (總之就係乜都緊張個人啦)，後來發覺有好多野都係我自己攞黎緊張，eg 囡囡跌倒我要佢自己起身，所以e+每逢跌倒都係佢自己起身及不會炸嬌。

我寫得唔係太好，唔知你明唔明呢?因我都有d唔明自已寫乜!

IRON

hi hktt,

好多謝妳安慰, 我明妳講乜, 妳意思係叫我唔好俾咁大壓力自己; 有時真係自己羅黎緊張, 不過可能我身邊既小朋友已經長大(家姐哥哥d仔女都已大學畢業), 所以d老人家特別專注傲楊, 成日話我應該點點點, 有時聽佢地講得多自己都以為係, 好似我媽之前成日問仔仔點解成歲幾咁耐都唔識講野, 駛唔駛搵語言治療師呀, 初初我都不以為意, 聽得多後都覺得仔仔有問題, 反而係何主任叫我唔駛急睇定先, 早兩日同何主任通電話佢話仔仔完全無問題啦, 係學校有傾有講, 真係擔心過左龍, oh.......


hi littleeva,

今朝見到子軒返學, 我岩岩上返車係司機位, 但佢好似未訓醒咁無表情只係轉頭望實我一路行, 呵呵.

hktt

IRON,

真係好彩你明啦。

另有一減壓方法就係搵朋友傾吓 law (得閑可打比我呀)，我有時都係咁嫁，傾完都會好快唔記得 (因無記性)，所以如果我第日搵你地傾計，你地要理我同比意見我呀，唔準話我煩嫁。

littleeva

HI IRON & HKTT

我近來好busy 公司要埋年結. 星期六交. 下星期一就會得閒.

iron  唔好意思. 昨晚和仔仔溫書. 發覺多左本書. 是傲楊.  今天不用帶書包. 星期一會帶番比您. 真係唔好意思.

我打tel 同何主任講左. 其實是順便問下子軒在校情況.
何主任話子軒幾好. 中交堂有留心.
英交堂 就 ....上 "多分ly" 堂唔專心. 何主任話何能個老師比較死板d michelle 堂就ok.  咁我就問是否個個小朋友都係咁, 定還是子軒係咁. 佢話個個都係咁. 真奇怪既然知道某老師有問題為何學校不改善......


   

IRON

hi littleeva & hktt,

前幾日"千辛萬苦"簡果個工人竟然回覆唔做, agent叫我地再上去簡過, 真係頭痛! 尋日去永安買仔仔新年服(學校要果套)又係煩, 簡到款又無size, 夾硬買左套長d諗住去改袖點知返黎又發覺布料有問題, 又要羅返去退貨之餘仲要去第二間搵, 又頭痛......妳地買左未呀??有無邊間多款又有size呀??

hktt, 梗係無問題啦, 呵呵. 不過我有個減壓方法係用熏衣草沐浴露沖超熱水涼, 沖完條氣就會順返, 呢個方法係我d閨中密友同老公/男友鬧完交後用既, 點知我係因為個仔先用, 呵呵呵.

littleeva, 原來本書係子軒度, 哈哈哈, 佢地真係老友啦乜都一齊用, 唔好講唔好意思啦.

hktt

HI IRON,

乜咁煩呀!唔緊要大把時間，簡岩先LAW。

上年果套係奶奶在吉之島買的，今年如岩著就唔買lu。

我都想試吓，不過 e+ 果度係企缸，可以用嗎?同埋我有鼻敏感，可以用嗎?

hktt

IRON,

係第二個 TOPIC 見倒你係 "陽光" 請工人，咁岩我又係呀，我第一、二個工人都係果度請嫁。