民生媽咪會

ElsaPoon

So,

多謝關心, 仔仔已經好返好多, 今天還可以返學.

So

鯖鯖媽咪 >>
唔緊要，麻煩哂你覆﹗
個價錢又幾抵喎﹗等我搵日出去望

傻媽媽

elsapoon, 小朋友無事就好喇! 因為佢地病仲慘過自己病呀!

ElsaPoon 寫道:
So,

多謝關心, 仔仔已經好返好多, 今天還可以返學.

ElsaPoon

Venus,

我試過打去體操班, 但時間唔夾. 今天剛剛在網上報了香港青年體育會的體操班, 希望仔仔喜歡玩.

Venus

ElsaPoon

你個體操班, 貴唔貴, 有冇網址, 唔該

Zoey

我是小學部媽咪, 妳們好!  見妳地講開體操班, 在剛過去既高班畢業禮上面, 就有一位畢業生小男生, 憑 '體操' 項目在個人才藝環節裡面表演, 看得我們都目瞪口呆, 難度有如看緊我們國家隊既自由體操表演, 還取過全港同齡組別公開組冠軍, 我記得他好像是在 '體育學院' 接受訓練.

Venus

各位媽咪

聖誕節慶祝會, 學校老師會話比你地知小朋友個角色扮演, 到時家長為子女自行準備(例如: 免仔要著白色衫).

最近又係選幼稚園的時候, 當初我選民生及培正, 好多家長都話培正好好, 但民生就唔好,而且仲要踩得好緊要, 所以當時培正唔收我個仔時,我不知幾失落, 反而民生收我個仔時, 我都不是很高興只是沒有其他選擇, 但現在我見個仔讀得很快樂及我們這裡的家長也很投契, 所以覺得險些被誤導沒有選擇這所學校, 我本人所愚見其實所有學校都有自己的好與壞, 是呼你

Venus

zoey

係呀, 體操其實真係唔錯, 不過香港不太注重體操, 比較注重學術, 所以孩子的身體都不是太強壯, 我都會繼續比個仔做體操, 等佢身體好d.

Zoey

hey, Venus, take it easy!

我地唔需要刻意去對別人說學校點好點好, 我地覺得好未得 law!  我都從來冇對過自己既決定後悔過, 動搖過, 有朋友問我好唔好, 我會叫佢陪我番學校睇下, 自己去觀察, 唔好只聽我講          .

Venus

ZOEY

我以前住香港區, 結婚後住九龍, 所以對九龍區的學校不太清楚, 所以要問人, 今年我有幾位朋友都要找學校, 佢地問我我都沒有hard sell 民生, 我只有講出好處與壞處, 叫他們自己選擇, 反而他們見我仔仔開心同進步, 都想報讀民生.

ElsaPoon

Venus,

如果網上報名就$200/4堂. 你可參考以下網址:

http://www.youthsports.com.hk/index.htm

ElsaPoon

Venus,

我上年也幫仔仔報培正, 結果是落選, 是有些失望但覺得民生也有他的好處. 至少這間學校的學生也很純樸. 另外, 我覺得民生的家長無論幼稚園或小學的家長也很融合 (至少在BK內的家長是這樣).

我覺得小孩子的身體是重要, 有好的身心才有能力讀好書 (如果小孩子有書源的話).

另不知道老師何時通知我們關於聖誕節慶祝會的資料呢?

tungwai

我覺得民生這間學校幾好, 至小我現在都唔會後悔比個女入了這間學校, 而且, 我個女都很喜歡返學及讀得很開心, 有時我覺得學校就算好, 都要看夾唔夾個小朋友, 好似我個女讀了一年學前班, 而那間學校在區內都算幾好, 但我個女讀了一年, 到今年七月都重係哭住話唔返學, 我都唔明點解, 不過, 過去佐都算啦

ElsaPoon
我都好想快 D 知聖誕節慶祝會的資料呀, 現在我每放工一返到屋企, 就會第一時間看個女個書包個 FILE 有冇通告呀, 心急死我啦

ElsaPoon

tungwai,

我同你一樣, 我一見到仔仔, 便看一看他的書包有冇通告. 哈!哈!

菲媽

Tungwai,

Hi, 我都係小一媽媽, 起初入民生我都係貪佢可以直升小學,
唔使左煩右煩,由K2直到現在, 小女都讀得很開心,
特別係升小一, 完全沒有不適應的問題,
因為學校安排得非常好, 在K3下學期,
學校已有很多模擬小學課程, 如寫手冊,選班長,座位排列等…..
學校環境一樣, 同學又係一樣, 課程函接得非常好,
所以小朋友好開心….

仲有, 我依稀記得, 唔會出通告, 口頭通知聖誕節主題是什麼?
因為每班表演都唔同, 所以你要問下個小朋友.

Zoey

其實講開, 我又想講          , 幾年前我幫囡囡報了近 10 間幼稚園, 在填報名表上, 幾乎佔了80% 都要填埋家長履歷職位等資料, 所以學校那張只係 A-5 大小既申請表反而令我好 touching, 那時我常常問我 husband, 考既係小朋友, 點解要好似查家宅, 咁究竟係未要考慮埋家庭背境, 咁妳地就自己諗喇!  學校是純撲的, 很多學生和家長也是, 之前曾有升學專家用 '有高度凝聚力' 來形容學校!  小學老師給我的感覺, , 到目前為止, very good!  我女在小息時, 肚子餓給老師知道了, 老師帶了囡囡進教員室給她餅吃 (起碼在我讀過多年書裡面都未試過);  還有, 阿女話要送聖誕卡比班裡面出了名的 '惡人' (我女成日比佢蝦, 好多 cases 不能盡錄), 我問她點解仲要送比佢呢, 阿女話, 她同埋一些同學仔都想寫 d 野鼓勵佢, 想佢以後乖 d, 唔好再成日比先生罰, 開心番 d, 那樣才可以跟她們一起升班呢!  有時有 d 事, 我自己都做唔到, 一切都係淡淡但係好舒服既感覺!  

By the way, 做了大學入學工作近十年, 對這校中學既師生有好高既評價 (若果唔係, 早幾年我唔會選它).  Oops ~ 說遠了, 我們的小朋友還是幼稚園和小學的學生!!  

This is my personal choice & experience, 努力呀各位          !

Venus

多謝小學部 zoey, 菲媽, 回應.

tungwai, elsapoon

我都有問個仔聖誕節的事, 但當然佢係唔識答, 我都好心急.

ElsaPoon

Venus,

我今晚都問過, 他話老師冇講過.

Zoey

又搭個咀, 我想妳們也不用心急, 我記得之前囡囡既聖誕聯歡會, 若小朋友真的要上台做甚麼特別的, 都是早不多一個星期才通知, 其實可能都是如提議穿甚麼顏色的衣服, 而有少部份班的 Miss 才可能雖要做一些特別的裝束如做聖經故事人物等.

So

多謝Zoey、菲媽咁照顧幼稚園部既媽咪呀﹗令到我