06年9月入讀蘇淅幼稚園K1既家長, 入唻交流下啦!

十月媽咪

cankan,
我今日問過老師, 究竟頭part果個聚餐, 家長可唔可以入埋課室同小朋友一齊參加, 老師話可以的, 但就唔會畀家長響課室留足咁耐, 會早少少叫家長離開準備入禮堂等睇表演, 原因係有d小朋友見到家長在場, 會喊得很厲害的, 老師要用d時間控制佢地既情緒, 同埋老師要同佢地著番d表演服飾啊! (我諗阿女呢班既表演服, 係老師親手做的, 所以唔駛額外畀錢買啊)

至於歡樂世界入面, 有好幾間餐廳的, 有西式, 有中式, 有快餐之類, 好方便, 所以玩歡樂世界, 肚餓的話, 隨時都可以搵到地方食野的, 不過好唔好食就...呵呵...見仁見智喇!  

bbdou

21號的表演係分咗三場，上午兩場，下午一場，好多家長都會來睇自己的小朋友表演，場面將會非常混亂。
到時禮堂會分為前後兩部份，前面係俾小朋友坐，後面同樓上係俾家長坐，每班小朋友表演的時候，司儀會請表演班小朋友的家長到台前拍照，所以唔需要急住往前擠，到時我都會幫手做吓義工，維持吓秩序，請大家多多幫忙合作，謝謝！

CanKan 寫道:
我返黎啦！

wewetwet,

學校係冇規定有幾多家庭成員去，幾多都得，不過你要有心理準備果日應該係會幾混亂既；每一班都有成30幾人，再加埋最基本每個小朋友會有兩個家庭成員﹝父母﹞，有 d 可能唔止，k1 上午有6班，重有 k2 同 k3，雖然佢地將表演時間分左兩場，但係平均每場都有成六班禁多。

cankan

CanKan

bbdou,

多謝你既資料。

CANKAN

CanKan

十月媽咪：

我今日都問過老師，佢都係同我講話聚餐既時候家長係可以同小朋友一齊，同埋佢會叫小朋友企好等我地可以同佢地影集體相。

另外老師佢俾左D衫我睇，係白色長袖恤衫，前面縛蝴蝶結，紅白格仔短裙，有埋底裙，套衫幾靓，質地都唔錯。

joeytcy,

果日係會著住套衫返學校，女孩子要著白色襪褲同白色鞋，老師建議紮一條梳向一邊既"邊"，好似以前陳寶珠年代果 d。老師話會出通告俾家長。

cankan

十月媽咪

bbdou,
謝謝你既資料! 而家想像下, 都估計到到時會係有幾混亂!  

cankan,
咁就好喇, 咁我諗套衫應該可以平時都著得, right? 咁就無嘥!  
當日阿女係著校服裙, 不過唔著灰襪, 要改著白襪褲, 著番黑鞋, 嘩, 好彩唔駛我地著白鞋啫, 咪都唔知買唔買好, 因為阿女除左對白波鞋之外, 係無白鞋架喇!

話時話, kelly今晚跳唔跳舞呀? anson好似兩三個星期無見過kelly喇!     好掛住佢既呢!  

wewetwet

CanKan,

其實我們掉Duty好易架,只要上公司網,send吓 invitation or 收下invitation,雙方同意就可用電腦攪掂晒,和掉Duty的人大多都可能素未謀面.
而請假只需打個電話,講低Staff number即可,唔會有人知你乜樣,也不會留意你係乜水,因為我們每日都約有幾百人sick leave呢!

現在已掉了去擯城,不需去Auckland了,希望21号見到你地啦!

joeytcy

埃及旅行

http://community.webshots.com/user/bennyjoey

joeytcy

昨日我同老公一齊去左接個女放學........終於第一次見到佢班主任李老師.......

十月媽咪

joeytcy,
好正呀, 日日都咁好天, 去旅行, 我最鍾意就係呢d天氣啊!

另外, check pm吖, 我send長隆d相條link畀你睇吖!  

CanKan

十月媽咪：

Kelly 上星期有去跳舞，Anson 應該見倒佢啦！上星期日上午亞女去補堂，亞女都問我點解見唔倒 Anson，我咪同佢講 Anson 係番星期五，星期日只係補堂，所以咪見唔倒佢囖！佢地可能真係好掛住喎！不過亞女今個星期五唔去跳舞，因為做冬提早左上堂時間，而果段時間正直亞女既午睡時間，所以寧願選擇補堂。

cankan

joeytcy

好正呀...長隆...亞女見到肯定好想去....我想問問大笨象表演有無分時間架.................

十月媽咪

其實所有表演都有分時間架, 每日有幾場, 大象表演好似分三場, 仲有白老虎表演, 猴子表演, 不過因為我地睇唔切其他表演, 淨係睇到大象表演咋, 如果你早去到, 應該可以睇晒咁多樣的, 佢地門口有個時間表, 動物園內亦響唔同位置有時間表, 所以你可以就時間睇各種動物表演架!

你個埃及之旅都好正呀, 我睇到...嘿嘿...係我好想去呀!    

CanKan

各位媽咪：

尋日睇亞女本手冊，原來1月5日輪到k1表演兒歌欣賞會，果日 yau 要請假啦！

你地老師有冇俾到聖誕節本假期作業你地？係咪要做完之後交返去架？今日唔記得問老師添！

聽日係聖誕 party，星期五仍要照常返學架！千其唔好擺烏龍以為星期五開始放假，要返埋星期五下星期先開始放假。

cankan

十月媽咪

joeytcy,
嘩, 你好勁呀, 咁多人響個禮堂, 都畀你認到我係邊個添! 厲害呀!        仲有柔柔呀, 跳得好勁呀!

cankan,
嘩, 我見到kelly跳得好落力呀, 有姿勢又有實際, 好掂呀!
我個女呀, 跳跳下, 跟左佢後面幾個男同學匿埋響個幕後面呀, 要老師捉番佢出唻呀, 真係問你激c唔激c!   

joeytcy

下....又有showtime....不過我請唔假lou.....cankan如果你個日去..到時比d相我睇......可以嗎

joeytcy

十月媽...

我個女個朝唔show我....最後原來係因我為我唔比糖佢食...不過我都堅持到底唔比佢食........
不過我覺個日有d亂亂地.....尤其散場...d小朋友落番去個陣時都.........
阿姑媽話係屋企見到yauyau跳得好勁...相反個日就痳痳地.......不過我唸下年會好好多架啦

CanKan

十月媽咪：

果日禮堂前面實在企得太多人啦！我好努力去望先望倒 anson，不過轉頭就搵唔倒佢，原來佢走左去後面，怪不得搵極都搵唔倒啦！

cankan

CanKan

joeytcy,

好！若果我去，我俾 d 相你睇呀！

cankan

CanKan

其實果日我都覺得幾混亂，實在人太多，家長亦唔係好清楚學校既安排係點，所以咪企哂係度唔走開，驚 miss 左自己個小朋友果 part.

cankan

十月媽咪

cankan,
我見到你好乖咁坐定定響家長席度睇表演呀, 不過學你話齋, 前面真係企得太多太多家長喇, 所以真係無辦法睇到的! 我同隻佬就走到去禮堂最後面, 有個矮牆, 牆前面有D櫈, 不過我地唔係坐響D櫈度, 而係坐響個矮牆度, 高高的, 無遮無擋, 所以至睇到KELLY同柔柔咋!