子女的期望 vs 父母的期望

asweetmom

little_yolky 發表於 17-4-10 12:45
唔係喎, 依家港澳學生好似有優待, 唔駛咁高分都考到, 有D中學仲有推薦計劃添。 ...

朋友個仔上年入左人大，dse 6科29分。

asweetmom

greentea000 發表於 17-4-10 17:45
你有心理準備佢留內地發展、結婚生仔、唔返香港嗎？

我5個返內地讀醫科相關既表哥表姐，只有1個回港。

我預左佢留低幾年做野，但結婚生仔就……唔好啦！咁我再諗諗

asweetmom

greentea000 發表於 17-4-10 00:08
我68x，表姐71x，5科，每科滿分150，加埋750。
無700分都唔好諗中山大學醫科，表姐果班有人係73x取錄。
...

你地成績咁好，有咩讀書方法？

simonwan

1998Ruby1998 發表於 17-4-9 17:03
回覆 asweetmom 的帖子

清華、北京、浙江、人大、上海呢幾間難入架，我上一屆有一個師姐入左清華。

清華北大系最top, 人大都系頂級，浙大已經差些，上海大學系國内系二三流。
上海最好的大學系復旦、交大、同濟。

simonwan

greentea000 發表於 17-4-10 00:17
個家長有另外搵普通話老師，人地叫價$300/小時，中文系+普通話二級甲等，時間又唔就，咪推我去考囉，互惠互 ...

比得300個鐘，我就唔會揾個香港人，仲系普通話二級甲等教普通話。點解唔揾個母語系普通話？

greentea000

simonwan 發表於 17-4-12 00:12
比得300個鐘，我就唔會揾個香港人，仲系普通話二級甲等教普通話。點解唔揾個母語系普通話？
...

內地個個講普通話，點解仲要有普通話測試？
係中文系+普通話二級甲等$300/小時，唔係普通話二級甲等$300/小時。

simonwan

greentea000 發表於 17-4-12 00:20
內地個個講普通話，點解仲要有普通話測試？
係中文系+普通話二級甲等$300/小時，唔係普通話二級甲等$300/小 ...

香港人學普通話，主要學語音，揾個北京人唔駛300.
而且，北方用詞一定系大陸人才熟。香港中文系畢業都系甘話。
剩系講兒化音，系無規律可言，幾時可以用，幾時唔可以用，系約定俗成。就算大陸人，唔系北京土生土長的話都會用錯。

greentea000

IloveJJ 發表於 17-4-11 09:41
內地咁好嗎？點解唔想返香港?

首先係專業資格問題，返港考醫生牌合格率非常低的。其次係大學階段拍拖好普遍，唔少仲係日後結婚對象，本來事業上無打算留低既可能為感情留低。再計下時間，本碩博8連讀+工作經驗少少地都10年，萬一考唔到醫生牌會甘心留港做一份普通工嗎？唯一返港既係一早打定主意，所以只讀5年，又順利考到牌。
除非讀個無專業資格既學位，否則返內地讀要小心衡量。

greentea000

asweetmom 發表於 17-4-11 22:05
你地成績咁好，有咩讀書方法？

我地有預早一、兩年買定內地高中教材，平時有讀下，做練習同試題當然唔少得。大部分內容同香港一樣，唔會讀得好辛苦，係要熟悉下Ｄ用字同題目形式，除左英文科全部中文試卷。

greentea000

simonwan 發表於 17-4-12 00:32
香港人學普通話，主要學語音，揾個北京人唔駛300.
而且，北方用詞一定系大陸人才熟。香港中文系畢業都系 ...

人人學普通話目的唔同，要求既師資自然唔一樣，所以無話咩價錢抵或唔抵。
某同事仔女學普通話，又要補埋中文科，更要求考埋PSC最少達二級乙等，對方係退休中學中文科科主任+PSC一級乙等叫價$500/小時，都要排到暑假先有時間。

自由市場係好公平既。

greentea000

little_yolky 發表於 17-4-11 17:51
我office房唔開冷氣的, 但就真係無運動, 我真係比其他人少好多汗, 人哋件衫濕晒, 我都仲未出第一滴汗。到我 ...

我做運動最大動力係減壓，近來就多左預防骨質疏鬆既考慮。做運動係會上癮既，做開唔做周身唔舒服。

greentea000

MrBeast 發表於 17-4-11 21:21
出汗主要是散熱，added benefit 就排出體內的salt，中國菜，尤其是工人姐姐煮，通常都高salt，0食、麺包其 ...

唔做運動又要排鈉，飲食上要高鉀，內地建議鉀3600毫克/日。

little_yolky

greentea000 發表於 17-4-12 01:23
我做運動最大動力係減壓，近來就多左預防骨質疏鬆既考慮。做運動係會上癮既，做開唔做周身唔舒服。 ...

可能我有童年陰影。我小學 & 中學時, 一個禮拜兩日PE, 通常PE完第二日, 會週身骨痛, 真係痛到飛起, 痛完兩日, 第三日又上過PE, 再痛兩日, 即係成個禮拜為咗PE唔停咁痛, 所以我好憎上PE堂。而且, PE堂又悶, 一堂7-8個字, 先跑圈好多個做熱身, 跑完都十幾分鐘, 過咗一半, 之後玩埋D嘢一D都唔好玩, 小學擲下豆袋, 跳木箱, 中學就籃球、排球、疊球、田徑, 勁悶。所以考試一直長年攞D, 係miss生仔果時計平時分唔駛考試至有B。

little_yolky

IloveJJ 發表於 17-4-12 09:08
原來你女係遺傳咗你既體育細胞!
Btw,周身骨痛可以游水，唔識游可以揹浮背游，一樣達到做運動既目的
...

講到游水.......我學咗5年, 包括人人話實識既市政局游班, 亦跟過小組學, 教練包括港隊代表、大學校隊教練(係教校隊果D, 唔係校隊), 但係.................不過, 我感覺到好似水感好咗D, 我應該就嚟識游了。


阿女就算運動細胞咁差, 但學咗一年唔夠, 都已經識自由式同背泳了, 依家學咁蛙式, 佢話蛙腳好難學。運動呢家嘢, 都係要細細個學至好。

greentea000

little_yolky 發表於 17-4-12 08:56
可能我有童年陰影。我小學 & 中學時, 一個禮拜兩日PE, 通常PE完第二日, 會週身骨痛, 真係痛到飛起, 痛完兩 ...

PE堂我都麻麻地，叫做relax下，並唔係好enjoy。除非有自選活動果日，我喜歡打羽毛球、排球，咁就上得勁開心。如果睡眠不足，精神好差，就話俾老師聽唔舒服，去保健室補眠。果度有個鬧鐘，我估學校都知學生會利用PE堂zzZ

我小學已經開始搽防曬霜先返學，PE堂運動完Ｄ手腳有一條條白色。PE老師有同班主任投訴，班主任叫佢直接搵家長。阿媽完全唔認為有錯，仲教PE老師邊隻防曬霜唔會曬傷曬黑，個老師勁無奈！

我地PE係連續兩堂上，我又hea做保命，肌肉酸痛無咁勁。PE老師又幾好人，考試手鬆，考之前3星期俾我地練習，所以基本有C。

同事之中再唔想運動既因為有仔女，星期六日陪仔女玩/練多少都叫做有Ｄ運動，仔女大Ｄ既有Ｄ仲大膽挑剔阿媽身材，逼住又做多左運動。暑假同你女一齊游水啦，佢地順便練氣，你又可以繼續學識游水，唔識游識浮大字形係水面都好爽架！！！

greentea000

真係無人重視中學自行報名表列明既各項比重嗎？

有Ｄ面試佔成50%、特長30%，真係無暗示嗎？

家族係極之重視呢個明示，分分鐘改變策略。

greentea000

首先，我認為學校對白紙黑字既野係十分慎重的，寫得出黎就係一個立場。但係家長睇唔睇 / 有幾重視，學校控制唔到，收到一堆非目標考生，無得in唔出奇。
俾我選擇都係小組面試優先，比個人面試知道多好多訊息，可以更全面更正確咁評估 / 比較個學生。部分學生小組面試正正常常，小組面試連發言機會都搶唔到，負面想法：收左佢要多Ｄ關愛佢，即係佔用多Ｄ資源。小組面試OK，再個人面試更深入了解個學生特質。如果二選一，除非考生質素一向隱定地符合要求，咁我先會放棄小組討論呢個淘汰賽，直接個人面試決賽。即係我認為，傾向小組討論既學校考生質素參差，直接個人面試既學校考生質素較高。選in學校亦比全in學校有自信，考生質素欠佳自信何來？