旺角基督教服務處雋匯幼兒學校

10396

您地就好la,同一班可以交流上堂情況，我女女去左c班，都唔知到上堂既情形   

fionkwok

HI, 我返來啦!

ckk,
你個女好大隻呀! 有幾多磅呀? 你可以放咁耐假全程陪佢呀! 你女今日有冇喊呀? 你都好斯文呀! 唔多出聲既? d班有5個小朋友都係2月出世架, 果個月點食蛋糕呀? 咁多!

10396,
唔怕, 過多個星期, 我地d小朋友又可以同埋一班啦! 到時再交流啦! 如果你真係想知女女既情況, 我諗可以打俾老師問吓, 佢地一定答你既, 放心啦! 我覺得d老師真係好好人呀! 真係好多謝佢地呀!   

fionkwok

yenchan,

你舖頭d野攪掂曬未呀? 我地都返咗成個星期學啦! 仲未見你出現既? 好掛住你呀? 係咪你自己揍仔仔返學呀? 唔知幾時至見到你呢?

twins,
收pm啦! thanks!

waiwaichu2003

twins,

Please check pm.

咕怪媽媽

多咀問下，ABCD班係有乜分別？入學時以乜野劃分？

Twins

fionkwok, waiwaichu2003,

我買左包書套啦, 只係$1.00就有一個, 好抵~

請check下你地個貓箱喎.

zimba

咕怪媽媽 寫道:
多咀問下，ABCD班係有乜分別？入學時以乜野劃分？

d班: n1, 2-3歲
c班: n2, 2歲8個月
b班: n3
a班: n4

zimba

早晨呀! 各位媽咪:

你地小朋友返學返成點呀?

聽講d班小朋友的鞋袋係thomas款, 唔知係唔係呢? 唉, 你地就好啦! 我細囝跟哥哥買, 係猫猫款咋.

waiwaichu2003

Good afternoon喇,各位!!!

zimba,
我囝囝上星期分離時,中段已經開始喊la(老師播返錄影帶時睇到),我返到去時,見到佢係由老師從課室抱出黎(其他小朋友係外面玩緊),一路抱住時仲係度喊緊,睇到"心"到痛埋~睇黎佢仲需要一段時間去適應喇!
係呀!鞋袋係thomas款,普普通通la,不過就真係幾平既,我係街度見到要成10蚊一個,但佢而家平一半,5蚊咋! 其實唔同款未仲好,特別d麻!
你細囝返學仲使唔使適應呀?

twins,
收到d相la,唔該晒,好得意呀!
我想問d相係harddisc度,如果想好似你咁放上嗰個網,使唔使轉format呀?
我都做左個膠套la,我仲諗住今次叻返次la(2蚊一個),點知你買嗰個仲平我1蚊,唉~

fionkwok,
你囡囡點呀?今朝打去學校請假先知你囡囡同我囝囝一樣病左,冇乜事麻?我囝就有d燒,尋晚已食左1次退燒藥,但今朝仲有燒,所以都係唔返學la,明天都唔知返唔返到學tim,唔知可唔可以延長"陪"小朋友返學個適應期呢?

yenchan,
好耐冇你既消息,近排進展如何呀?

ckk,
你囡囡今日係學校試睡ok嗎?有時間上黎傾下!

fionkwok

各位媽咪, 午安啦!!!

waiwaichu2003,

吓! 你仔仔又病咗呀! 我女都係有少少燒, 佢就去咗睇醫生啦! 醫生話佢喉嚨有d發炎, 有d痰囖! 鬼咩! 我女成日放隻手入口, d指甲俾佢食到冇曬, 明明剪曬d指甲啦! 佢都可以咬到既, 唔病有鬼囖! 佢而家食咗藥訓咗啦! 你仔仔有冇睇醫生呀? 真係慘啦!     

zimba

waiwaichu2003, fionkwok,

你地小朋友都病咗呀, 係屋企休息下都好啦. 我細囝初初返學都係返2日, 病3日, 返2日, 病3日咁. 第3星期先連續返學. 不過, 佢咁反而仲適應得好d, 可能可以比佢喘喘氣. 另外佢可能有哥哥係學校, 所以而家返學都無喊.
我相信你地小朋友熟咗學校d老師之後, 就唔喊架啦.

waiwaichu2003

fionkwok,

我囝囝都係有d喉嚨發炎,發燒,眼敏感,唉!佢成日周圍摸跟住再捽眼,有乜辦法唔眼腫呀!

fionkwok

zimba,

多謝關心! 我又覺得小朋友返學病就預咗啦! 就算今年唔返出年返幼稚園都係會病架啦! 只不過要佢早d適應啫! 不過, 最衰佢就係新生適應既時候病囖! 都未適應完就返唔到學, 而其他小朋友可能已經適應咗啦! 咁就比較麻煩啦! 希望佢快d好返, 可以快d返學啦!

我個女返咗咁多日都冇話要喊! 不過就會話唔返學囖! 問佢返學唔開心咩? 佢又唔識答, 但係一返到學校, 佢又好開心喎, 唔知點解呢? 佢連完全分離都冇喊呀, 我都覺得佢幾叻女架! 另一問題就係訓覺啦! 但今日又返唔到, 唔知會點呢?

twins,
我女同waiwaichu個仔都返唔到學, 得你個女咋! 佢點呀? 應該放咗學啦! 婆婆打咗電話俾你未? 肯唔肯訓呀? 明天學校又係點安排呀? 等你消息呀!
另外, 已收mail啦! 多謝曬!　    

fionkwok

waiwaichu2003,

你個仔就摸跟, 我個女就食手指, 都係衰架啦!
想請教吓咁多位, 有冇辦法可以幫佢地介咗去呢?

waiwaichu2003

fionkwok,

而家有冇時間呀,call我傾la!

咕怪媽媽

唔該晒 zimba。
我仲以為同一級裡面分  abcd班。

zimba 寫道:
[quote]
咕怪媽媽 寫道:
多咀問下，ABCD班係有乜分別？入學時以乜野劃分？

d班: n1, 2-3歲
c班: n2, 2歲8個月
b班: n3
a班: n4[/quote]

fionkwok

waiwaichu2003,

你打咗電話返學校未呀? 我剛剛打咗啦! 主任話今日佢地冇返, 如果明天返到學, 都會做返今日小朋友做既野, 就係俾佢地訓15分鐘度, 你個仔仔好d未呀?

waiwaichu2003

fionkwok,

剛剛問左主任,如果明天真係返唔到,最好打多次電話請假,順便可以講下阿囝阿囡d病況進展如何喎~
至於適應期方面,佢話今日既流程係由大肌肉活動開始分離,直到小朋友在校食埋飯/"坐"床後,家長先返番學校見小朋友,之後,老師會同每個家長講番小朋友在校去廁所/食埋飯既情況;而假設阿囝星期三先返學,佢既流程就會同今日一樣,但如果佢嗰日ok既話,先會比佢同其他小朋友一樣留晏小小(我諗機會好微la),大致上係咁la,不過主任話你囡囡應該可試下同其他小朋友一樣留晏d喎!

fionkwok

waiwaichu2003,

係? 頭先主任又冇同我講話我女可以留晏d喎! 咁睇得起佢?佢只係話睇吓佢肯唔肯訓, 通常留15分鐘, 真係可以至會再call我地咁! 但係佢話有個小朋友今日自己除鞋訓上床喎, 真係叻啦!
有冇打返屋企問吓仔仔點呀?

twins, ckk
你地小朋友今日發展成點呀? 主任話有好多小朋友唔肯食飯喎! 佢地ok嗎?

waiwaichu2003

fionkwok,

仲係有d燒,不過就唔肯食野,而家都係比奶佢食咋!

zimba,
thanks!
"病"-我都預左架喇,不過係"適應期"度病,就驚影響個進度,冇計la!