04年9月入讀小一家長請進！

Vin

麟媽媽,
你仔仔好生性,我女女咁耐以嚟都未試過一次自己自動去溫習架~

joymama,
仔仔冇乜事就好喇~
我諗經過今次之後,佢會更加知道好好保護眼睛~

Astrid,
如果你女女平時做功課都應付到的話,
考試都唔需要太擔心架喇~
只係提醒下佢要注意平時成日出錯嘅地方就ok~

karencircle,
睇嚟你女女對於讀書方面都有啲恐懼喎~
會唔會係佢老師俾好大壓力佢哋?

麟媽媽

唉！自從個仔上左小一之後，才知自己的中文水平原來如此的不濟！亞仔三次中文默書都是95分，錯的字都是我教錯的….
第一次「放」字：原來右邊的橫是要過下面的丿的，我教兒子寫成「夂」，我以為啱但原來錯！
第二次「耍」字：我一直都以為個「耍」字同個「要」字差不多，只是個西字少一橫劃，點知上面原來是個「而」字！點解我寫左幾十年都唔知自己錯？！
第三次「綠」字：兒子將右下的寫成「水」字，竟然又錯！我讀左「聖保祿書院」十幾年都係寫「水」字架，無人話我錯既？！原來唔係「水」字，應寫成四點！

亞仔琴日都話點解跟我地寫都錯既？我真係覺好失禮….唔得，快D買番本字典先！

karencircle

麟媽媽，
是呀！我都好似發現新大陸咁，同囡囡做功課時，發現有好多字我一直以來都寫錯左 。好彩囡囡很常堅持自己的寫法，我又馬上用電腦打出來放大來看核對下。個「綠」是四點的嗎？   

Vin,
囡囡學校老師都好nice，她係對英文有抗拒症，我已經一路同佢做緊心理輔導，進度需緩慢但已經有進步

肥仔媽咪

自幼稚園已發覺我們一路啲中文寫法跟佢地現在教的有些出入所以好早我已買了中文字典, 每逄有疑問就查字典.

麟媽媽

係啊！唔係「水」字架，基本上好似的，右邊都係好似「水」字咁寫，但左邊是兩點，好似個「冷」字個兩點咁寫啊~~真係唔講都留意唔到呢！

karencircle 寫道:
麟媽媽，
是呀！我都好似發現新大陸咁，同囡囡做功課時，發現有好多字我一直以來都寫錯左 。好彩囡囡很常堅持自己的寫法，我又馬上用電腦打出來放大來看核對下。個「綠」是四點的嗎？   

carollam310

我個女女今日要打針. : .晤知會點呢.o岩o岩送左佢上校車.佢知道今日自己要打針.但又冇話驚.晤知到時會點呢??   

karencircle

今天囡囡去做牙科保健，老師話帶張診症咭同新牙刷。但張紙上寫要帶牙料保健紀錄冊    ,都唔知是what??

carollam310

晤知係咪間間學校唔同呢.有D學校既學生己經做左牙科保健同身体檢查.但係我女女兩樣都未做      .佢D牙又甩到好古怪.我想佢快D做牙科保健呀

麟媽媽

我個仔只係做左身體檢查，一共去了兩次，因我仔有散光，所以佢地refer左亞仔第二次去見埋眼科醫生。
至於牙科保健無通知喎，亞仔都仲未甩牙，D牙鬆都唔鬆下，都唔知幾時甩？！可能佢遲出牙啩，佢成9-10月大先出第一隻牙咋！我朋友個女甩左好多牙，佢大我仔6個月，甩左成6隻了，連犬齒都甩了，佢4個月大已出牙仔了，可能早出早甩。
我都簽左名比亞仔打針，唔記得幾時打添，你地唔講開都唔記得左，番去check下張通告先。得閒上黎同你地傾下真好，大家交換下心德，又有人提點下，穫益良多！

Vin

係呀係呀~佢哋而家啲中文字嘅寫法,
同我哋由細到大嘅寫法都唔同嘅~
搞到我哋呢啲家長都好似要重新學過寫字咁~~

至於"身體保健"同"牙科保健",
因為全香港有咁多小學生,所以輪候嘅時間會有分別囉~
我女女都仲未有通知幾時會有牙科保健呀~

Astrid

呢個星期太多野啦 ....

星期二 : 中默
星期三 : 數學評估
星期四 : 中文評估

我只係叫阿女將 d 生字寫 3次就算啦 ..... 如果咁溫法, 佢唔癲我都癲呀      

carmen33

我個仔個間學校就打左針.呢個星期成日叫佢地做閱讀報告,已經放學返黎又要做功課,佢又要睇電視,又要玩,而家仲要睇圖書,六歲人仔仲忙個d大人.您地話係香港讀書真辛苦,鬼叫無本事比佢讀國際學校咩.           

肥仔媽咪

我個仔讀私校但直至現在甚麼保健和通知打針紙都未見過.

karencircle

肥仔媽咪，
我個女都係讀私校，Ｄ牙科同身體檢查Form在開學時派嫁，係政府的學童保健計劃，應該全港小朋友都會有，無分什麼學校的。

Astrid

我就 ....

打針 ==> 未有聲氣
牙齒保健 ===> 都未有聲氣
身體檢查 ===> 亦都未有聲氣

    

Cheung

carmen33,

我都系咁話, 有咩辦法!鬼叫自己冇本事咩.




"您地話係香港讀書真辛苦,鬼叫無本事比佢讀國際學校咩."      

karencircle

囡囡昨天做左牙科保健啦。牙科保健冊是當天派的，以後幾年都keep住用。她牙齒健康，護士同她洗牙及教她正確刷牙方法，需時1小時內。因囡囡昨天是假期，所以要自己去，在場見到很多同學。另見有間學校包車，一班一班由老師帶去的。

e-mame

Astrid 寫道:
我就 ....

打針 ==> 未有聲氣
牙齒保健 ===> 都未有聲氣
身體檢查 ===> 亦都未有聲氣

我個仔都係未聲氣.

請問而家返學前駛唔駛探熱呀? 因為亞仔話老師都冇check 佢d record.

肥仔媽咪

karencircle 寫道:
肥仔媽咪，
我個女都係讀私校，Ｄ牙科同身體檢查Form在開學時派嫁，係政府的學童保健計劃，應該全港小朋友都會有，無分什麼學校的。

咁唔通我睇漏咗, 返去再睇真先, 唔該晒!

請問而家返學前駛唔駛探熱呀? 因為亞仔話老師都冇check 佢d record.

不用了!

karencircle

e-mame,
我囡囡學校同校外興趣班都已經沒有看／收體溫紙，只是自己慣左手同她check下，我都無找紙mark低。