將軍澳富康德寶(DEBORAH)

車厘子qt

HI ! 各位,
中秋節快樂~~~~!

PERRYNMOM, whyeye >> 囡囡無事啦!返左幾日學!而家睇中醫幫佢調理下身體,因之前食左太多西藥呀!

wing530 >> 我搵左新工啦!用左2個星期就搵到,人工仲多過以前,不過要開OT,第1日返工就要開OT到9:00pm,好慘,不過人工及福利好就算了.

我而家返工超忙,所以少左上黎,我會多數在晚上上網,如果唔駛開OT太耐的話.

yi

車厘子qt,
It's a pleasure to hear that yr bb has recovered.

How do u 過 mid-aut. festival with yr bb?
yi

wing530

車厘子qt, 嘩~ 你好犀利呀, 咁快搵到新工, 條件仲好過以前, 不過, 怕唔怕夜得滯呀, 咁咪好少見到兩個囡囡囉~

fifi, hinhinmom, halaha,

你地中秋去左邊度玩呀? 我個環保燈籠竟然係........冠軍呀~      我估有d參賽者唔得閒o黎, 所以由我頂上都未定呀~    連我d屋企人個個都唔信, 仲話我"符碌"tim呀, 不過, 又真係幾開心架~     

中秋晚會(屋苑)果日真多人呀, 我都無玩遊戲, 剩係帶anson去公園玩咋, 好彩你地都唔得閒, 如果唔係, 我真唔好意思呀~      

聽日我結婚8週年喇, 時間過得真快呀~ hehe.... 又係假期, 又有fire works 助慶, 當年真係無搵錯日子呀~      

HALAHA

wing530,

你好犀利呀!成日話自已整得不好,原來係咁犀利,下次都不會信你. Anyway, 恭喜你!!!!!!
8週年結婚記念日,真係一個值得慶祝的日子,預祝你們白頭到老,越來越恩愛.

fifi,
現在係不係暫定7/10, 7:00pm, 唸唸下都係叫外賣好啲,我唸wing530都不會整嘢食, 但係我會帶啲小食給小朋友食, 好不好呢?

你啲28/9捐咗錢之後, 有冇派[便服日貼紙], 點解我無既??

wing530

HALAHA, 多謝你呀~

唔好唔信我呀, 我無講大話架~     

我整左2隻唔同款既米奇燈籠, 同事&屋企人個個都話唔靚, 不過, 我自己就鐘意環保個隻, 無人support我, 連我老公都係, 所以, 我咪無信心囉~       

7/10, 我可以煮abc字母粉, 加d芝士, 好唔好呢? stephanie & wingwing食唔食架? 幾好味, 唔錯架~ 如果叫外賣, 會叫咩呢?

頭先班主任打電話比我, 原來訂cd果度, 要而家訂埋下學期, 下次無得再訂喎~

[便服日貼紙], 我見有喎, 貼左係件"3"度呀, 會唔會wingwing撕左出o黎呀?    

fifi

wing530,

我都係o甘話，你真犀利，兩個燈籠都有獎儸，仲有冠軍儸哦，恭喜，恭喜     

我星期二夜晚都去唔到維園啊 六點幾出去接老公沒出將軍澳已經開始塞車，接到侷，見到週圍都人多車多，都怕怕啦，最後都係決定放棄。陪個女落clubhouse玩下，再落樓下同侷玩燈籠同熒光棒蘿，就o甘過o左

你結婚周年準備去邊度慶祝啊？你D今年8周年啊？我D都係（第一次註冊計，我D註冊過兩次 ）不過我D係5月，兩次都係同一日。

HALAHA，

我D而加暫訂07/10夜晚7：00pm，食麽，仲沒唸定；我唸住可以整雞翼，sandwich，salad，但唔知Anson同你個女鍾唔鍾意食？

Stephanie 好鍾意你比果張Twins的牒，成日拎住叫我play比侷睇

你沒儸到公益金的貼紙麽，Stephanie星期二返屋企有貼住哦，今日仲有張優惠券。

HALAHA

wing530,

vcd,不如我買上學期,你買下學期,好不好? 上學期我可以copy給你.

wing530

fifi, 係呀, 星期二好塞車呀, 果日我放工返o黎, 周圍都好塞呀~ 我最後都係無去維園, 原本尋晚去既, 我地去左椰林閣食晚飯, 都拎好哂野, 點知anson食飯時, 食到佢唔鐘意既"菜", 佢就嘔喇, 仲嘔到成褲都係, 連我都中招呀, 所以咪取消行程囉, 唯有去clubhouse度玩~

聽日都未知點架, 我老公要返工呀~ :evil:  :evil:  :evil: 不過, 半day咋, 想搵d兩日一夜玩下, 但係anson第2日又要上英文堂, 所以, 唔知點, 你地有無好提議比下我呀?      

fifi, 我唔係好明你講咩喎, 點樣都係第一次註冊計，你D註冊過兩次? 又點樣兩次都係同一日呀? 唔明! 係咪一次係澳洲, 一次係香港, 但又同一日? hehe.... 唔明??
    

HALAHA, 好呀, 我買下學期啦, 我都問過miss, 佢又話vcd會好d喎~ hinhinmom, 你會唔會買cd呀?      

fifi

wing530，

係呀，你無估錯，兩個地方，兩個年份的同月同日儸（第一次同第二次隔左三年）

你都要快D唸好聽日去邊度啦，因爲聼日一定処処都好旺場。我都係度煩緊出唔出去玩，有朋友約我D去深圳小梅沙度假村，但你知啦，我驚過海關多人，又驚果度治安唔好，仲沒定到。但今日就去sogo買o左D BB即食面，就算去都唔使煩個女唔知食麽好

wing530

fifi, 深圳小梅沙度假村我去過喎, 不過, 已係n年前喇~    印象中幾好架, 有沙灘, 有其他設置玩, 不過, 好似搭好耐車喎~

哈哈, 你講起兩次註冊, 我都係喎~      我仲係同年同月同日tim呀~     

係咁既, 我book左一間影相&拍video既, 我當年果日係好日子, 好full既, 我要訓左1晚街先排到期架! 當日, 拍video果個人發現部機有問題, 要返去換機, 最後, 佢趕唔到返註冊署, 我地又要進行喎, 又唔可以遲到, 咪唯有進行啦, 咁只有影相, 儀式完後, 佢先返到, 我地梗係"炸"哂型啦, 佢同註冊官講話我喊哂, 個官同情我之餘, 原來係識既, 咁咪又入去多一次, 做番之前既野囉, 個個都覺得好好笑, 仲話: 唔好笑呀, NG架喇~     

wing530

hinhinmom,

hinhin今日有無返學呀? anson同我講, 話hinhin無返學喎, 同埋, hinhin而家係"綠組", 唔係"橙組"喎? 乜轉左組咩?     

今日, 我再問anson, 你有幾多個"老友記"呀? 以前得1個, 就係owen, 而家2個, 就係owen + hinhin呀~     

hinhinmom

wing530,
我好幾日無上bk呀, 我老公copy緊d dvd, 部電腦會變左好慢, 所以索性唔上law~
hinhin30/9有返學呀, 話時話, 我都唔係好清楚hinhin你o羊組呀~~     
係呀, anson話同hinhin係老友記呀~??hinhin都話係呀, 佢中秋帶返學校食o既提子都食晒呀, 我問佢有無請anson食, 佢話有wo~   

中秋o個晚, 我地成11:45pm先返到tko呀, 所以無打電話比你law, 返到tko, o係樓下同hinhin行左一個圈就返左屋企"目訓"覺la~~

wing530

hinhinmom,

Oh~ I see! 唔怪得唔見左你啦~    

copy dvd攪唔攪到呀? 我已全部copy好喇, anson已睇緊喇~       hinhin有返學呀, anson都懵懵下, 又話唔見hinhin, 又話佢唔知坐左係邊度, 又話hinhin係綠組, 都唔知係咪既??      你無問過hinhin係咩組咩? 可能我八掛喇, 乜都想知架~    佢地以前, 兩個都係"橙組", 而家, 我都攪到........    

hinhin都話anson係佢老友記呀? 等我話比佢知先~   下? anson食提子既咩? 我都唔知喎? 我比佢, 佢就一定唔食既, e+係學校好d喇, miss suen都話佢食野方面已改善左喇~

中秋好彩你唔得閒咋, 因為好多人呀, 如果叫左你出o黎, 又無野比你玩, 咁就唔係幾好意思喇~   

   

pinkpink888

fifi ,halaha, wing530:

我很失望，未能參與你們的聚會，因為7/10要出席喪禮(大吉利是)!!!
有機會的話，下次再見吧!!

wing530

pinkpink888,

唔緊要喇, 下次我地再約過, 總有機會既~

hinhinmom, 你參唔參加我地7/10 party呀? 仲有, 你去唔去24/10 (下午1~3點)halloween party, 大人$50~$100, 係將軍澳廣場, 我估d小朋友既年齡應差唔多掛~ 我都唔識佢地架, 都係d bk mom攪既, 我想去呀, anson都想扮鬼扮馬呀~   

hinhin原來一直都係"綠組"架, 我一直以來都攪錯左, 因為第一日返學, 我見hinhin坐左係anson對面位, 到我走時, 又見hinhin坐左去另一張檯, 我以為hinhin走去果度玩tim, 原來果度先係hinhin個位, 唔怪得anson成日話搵唔到hinhin啦~ 我星期六有事搵miss suen, 所以順便一問呀, 你話我幾"八"喇~    

HALAHA

pinkpink888,

不緊要啦,希望你下次就到時間.

wing530 & hinhinmum,

你仔仔在學校學的中,英文單字和數目字係不係全部都識?我囡囡都o.k.,但顏色就差啲,但我覺得係屋企敎佢,好似吸收得不係咁好,你們通常會點做呢?
個啲字卡係不係全部都可以拆開.

wing530 & fifi,

7/10的聚會係不係己經決定咗自己整嘢食,我想知道我應該整啲咩嘢?

HALAHA

wing530,

你係不係己經買咗下學期的vcd,快快覆我啦.

klnbay

2nd hand full set of summer and winter school uniform, school bag, birthday bag, towel box an cup for sales.  Pls PM me if you are interested.  I bought these stuffs from one of the mommy here in BK

hinhinmom

wing530,
我都想參加7/10 o既halloween party呀! 點報名呀?? 要準備d o羊呀?? 不如我地一同去啦~~ (如你報名, 記得搵埋我呀~)0

hehe... 我一直都唔知hinhin係綠組架~       

HALAHA

hinhinmom,

7/10係我們的聚會,不是halloween party,你都來參加啦.