2005年出世或~宏福幼兒園媽咪~(PART II)歡迎新朋友加入

hongmimi

pcdogxx，
係囉! 慢慢黎…   鈞渝女仔性格文靜d啫~

有無攪錯，平我五毫字~ 唉! 我買咩都要買兩份架，一份要放係婆婆到，仲諗著兩支平d有著數添!?

我都唔明佢會有咁大反應，都未刷落去。我聞下又幾香呀! 好似吹波膠味咁。跟著出返去同佢講刷開果支係好細個BB仔用，而家匡匡返學大個仔嘛! 好似子聰咁大個都係用呢隻架! 不如下次你再試下~ 佢睬都唔睬我~ 唉! 佢一有陰影d野就唔洗只以佢會再掂，睇怕我果兩支牙膏都係送俾妳地喇~

珠海ok架?! 咁我都無咁驚，超市有屈臣氏買，咁我上去個袋都唔洗咁重，妳知唔知呀，我奶奶話新年流流叫我地預備一家人送一份禮品(總共4家人)，幾重呀~~ 咁妳要咩味道既康師父麵呀?

hongmimi

626mama,
今日唔見妳，都知妳好忙，唔緊要~ 妳有時間再上黎啦!

我都有聽過，好耐之前我妹妹講俾我知，初時好驚；但後來又話係個女人作古仔，都唔知邊個真~ anyway我都會特別小心，多謝大家關心，我一定會好好保護匡匡....

匡匡都係2月5日著中國服，學校話屋企無中國服唔好特別去買，費事浪費，所以我仲未諗掂，如果著就要買過，因為之前既都唔岩身喇~

其實我都唔知匡匡係咪生日會主角之一，佢返黎好開心講好多野俾我地聽，話老師將滑梯推埋一邊，中間放張枱開party，一齊唱生日歌，我問係英文定中文，佢話唱英文。又話自己吹蛋糕，老師仲送左個馬騮仔腰包俾佢做禮物，佢就成日係屋企帶著帶到跌左落pat pat到，唔知係咪學校幫佢補祝番呢?? 諗下諗下，是旦啦~ 係唔係匡匡都當自己生日，嘻~

whatever

我仲未開始比牙膏Toto刷牙住。我依家比凍滾水佢刷，佢就吞晒D水。雖然話有些牙膏可以食，但我諗食得多都唔好。

ElainAiolia

hongmimi,
既然無可備免要返上去:;pppp: ，咁你o地除o左小心D匡匡外，自己都要小心呀 ！

子聰未上過去大陸，係因為我鄉下都唔係上面 :tongue: (反而o係大澳) ，另外，爺爺係孤兒，佢養母 (住香港o既) 係聰爸做o左呢行無耐已唔係度  ，奶奶個媽媽 (我都係見過一次) 係子聰出世前or後o既時候都走埋  ，上面而家剩番奶奶個細佬同細妹係度，佢o地都經常o黎香港，所以慳番唔使上 。

你買果隻牙膏o岩o既 ，因Oral B兒童牙膏得一種 (只不過有唔同公仔o者 ) ，係食得o既，牙醫話咁寫以防有D父母就咁比小朋友自己刷牙 ，而大量吞o左落肚o者，咁我問佢幾多為之大量，佢話一日食到半支牙膏就叫大量，但都唔會死o既，只係可能個肚或個人會有D唔舒服 ，及穩陣起見，若真係吞o左咁多，睇o下醫生安全D。

匡匡話好"嗱" ，其實我表妹個女都有試過咁樣，唔知關唔關於味道事呢 ？我唔知佢係用邊隻味，但我買o左Winnie the Pooh比佢個女用，又無試過話"嗱"o咼，子聰之前都係用Winnie the Pooh (好似係Berry Bubble味 - - - 藍色) ，而家用緊三個公主，係生果味 - - - 粉紅色，二隻佢都無話"嗱"，OK o咼，你試o下睇o下匡匡果支係乜o野味，或者轉用另一隻先la。

你奶奶又會咁搞笑 ，要一家人送一份禮物o既，其實夾埋送一份禮物另外每家人求其折現o米得o羅 。

聽你咁講，間學校都幾好o咼 ，而匡匡又讀得好開心 ，仲講咁多o野比你o地聽，又唱生日歌，佢真係適應得唔錯o咼，咁而家返學有無唔捨得同埋喊呀？你o地又覺唔覺得佢返o左學，好似講o野多o左同o力o左好多呢 ？

ElainAiolia

hongmimi / 天藍,
我出o左o黎做o野先搬入青衣，所以我唔係青衣讀書:;pppp: ，但我個妹係讀天藍果間中學o架，唔知你o地會唔會識呢？因我年紀大D o麻 ！

天藍,
我諗而家天氣咁凍 ，可能都要買過件厚身D o既中國服比子聰5/2著至得。

咁多謝定你D糯米雞la 。

今日學校都無乜通告，你可以放心la 。

pcdogxx,
鈞渝星期六晚又真係好扭計o咼  ，你o米好慘o羅，勁眼訓，都好呀，其實可以知道佢潛意識都係仲意返學o既 ，只不過佢表達方式唔同o者 ，比D時間佢:time: ，佢遲D會識講比你知o架 。

喂，康師父麵係o米真係咁好食o架 ？你同626mama係咁hard sell ，收o左好多廣告費呀？搞到我都心思思想搭單叫hongmimi買D番o黎食o忝 ！

whatever,
我都應同你咁諗 (唔比牙膏比D小朋友刷住) ，但因子聰食o野好雜，而就咁用水或之前講果隻萍果香蕉味牙膏刷，D又黄又黑o既牙漬 ，刷極都刷唔走，所以先咁快比牙膏佢用o者。其實大家既小朋友成長步伐有快有慢，唔係一定要大家一樣，只不過我o地諗住大家可能都有需要 ，將大家認為好而又價錢平o既o野攞出o黎分享 ，避免大家買貴o野o者。我o地幾個乜都講，你唔好介意就真 ，話晒你係一個有經驗o既媽媽 。

ElainAiolia

626mama,
你今日真係好忙o咼 ，連上o黎留言都無時間，係o米老細知道你之前成日“吞Pop”上BK，所以而家要你年尾流流做番突呢 ？我開工都無乜時間可以上o黎留言，但都有偷雞上o黎睇o架，所以收工返屋企先上o黎留言o羅 。

軒軒好番晒未呀 ？聽pcdogxx講，軒軒而家返學無喊o咼 ，係o米好o左好多呢 ？呢排仲有無話唔返學呢 ？希望佢快D適應到學校生活，唔使成日揾Miss Gloria 。

candyhui77,
點呀，你仲係咁忙呀 ？公司請到人未呀 ？一個頂幾個 ，年尾雙糧加花紅，公司真係要識做至得 ，如果唔係，容乜易你都走埋，老細自己做晒，o米死。希望你真係因為咁而有得過肥年la (因為你都捱o左成個月  ，就算請到人都要比番D著數比o架 )。

hongmimi

ElainAiolia,
我會小心d架喇~
擒晚匡爸話係去拱北佢舅父到，唔係珠海，哦! 我記錯~

原來子聰爺爺係孤兒...數番果個年代應該係打仗時期，真係有好多孤兒，佢有個養母都算係幸運喇~

我自己都未返過自己鄉下，我好細個鄉下已經無晒人。係我心目中"鄉下"係好簡陋好窮衛生好差既地方。匡爸就好細細個返幾個鄉下：自己、阿媽同阿婆，都係開發左地方，有自己既樓房，有樓出租收租。佢d親戚周不時落黎香港，我認人好差、記性又差，見完我都唔記得係乜水同咩關係(淨係識得笑瞇瞇對住人:loveliness: )。上次中秋落黎塞d利是俾匡匡話買燈籠仔，封封都三百蚊，所以我估佢地生活環境都唔差掛。

我都係咁話，佢地成日落黎香港都買到香港野，折現仲好啦~ 可能新年流流唔好兩梳香蕉掛~


都唔會食半支牙膏嘛! 好飽過喎~ 匡匡試既係"反斗車王"公仔，仲有一支係"Winnie the Pooh"。原本唔同公仔唔同味架!? 我見"反斗車王"上係"果香口咪"陣味好似香口膠咁，藍色既~

其實我俾匡匡揀時佢要買公主架，我唔俾，同佢講公主係女仔用架~ 連子聰表妹都話"嗱"，等我自己今晚試下係咪先。

[ 本文章最後由 hongmimi 於 08-1-29 14:47 編輯 ]

hongmimi

Whatever/各位，
:;pppp:如果好似匡匡咁，一放入口d牙膏都俾佢食晒就真係用唔用牙膏都無分別~

婆婆成日攪唔掂匡匡刷牙，有時用凍滾水浪左口就算，仲話遲d大d都換牙!? 俾佢激C~

而家匡匡2歲d牙已經黃咁咁、又食得咁雜，成日都見佢有肉肉係牙縫中間，如果仲唔正視，實未夠三歲要請牙醫飲茶~

hongmimi

ElainAiolia/各位，
匡匡間學校ok啦! 本來諗住二月先正式返三個鐘，匡匡比預期進度好，老師大膽d返第六日就試晒，居然又得! 老師都讚叻! 我就賺左半個月學費!!

托賴 佢上個星期到而家都未喊過，不過唔知keep唔keep到，而家每日入去自己攞張接放學咭俾婆婆，bye bye就自己行入去。

自從返左學，佢講野比以前更多(不嬲都唔少 )，係唔收口果隻，但內容有文路好多。我地每日都問佢返學既野，佢會話今日唱歌、老師play碟、一齊跳舞(跳番俾我地睇，原來係健康操 )、睇書(內容係乜都會講)、sir滑梯、今日食咩茶點等等。每日有45分鐘外籍老師講英語，都係簡簡單單既，例如講下近排天氣好凍，匡匡都講得出 cold(做埋動作)、無sun太陽伯伯。

但有時心情唔靚、顧住玩或者我地個個返黎輪流問，問到佢好煩就唔騷我地 。而家邊個問佢鍾唔鍾意返學，佢都好鬼惡咁答：唔鍾意!! 因為呢個問題每日都有至少四個人以上問佢~

係呀! 仲識得講人是非，話同學仔d曳曳野，老師叫唔好打波又唔聽，老師收埋唔俾打... 又唔一齊跳舞... 正一八掛佬~:tongue:

[ 本文章最後由 hongmimi 於 08-1-29 11:07 編輯 ]

626mama

各位,

真係好凍呀，洗完手，對手硬晒。
近排小朋友真係著多件衫都攪唔掂，有時著得太多衫，戶外又凍室內又黑又成身汗。真係好
易病。


各位,

我昨天學卷張表填好了，但係未睇要夾什麼文件去寄，所以仲未寄，又唔得閒睇，要得閒D睇左才可以寄!!!

626mama

各位,

昨天軒軒好開心咁返學，但係放學又換晒D衫，即係係學校又嘔過啦，唔知係學校發生左咩事呢???

所以...今天反學又喊喇，軒軒係門口喊唔肯入去，婆婆又帶唔到佢入去，只好等軒軒自願行入去，軒軒見到班主任係門口叫佢，但係老師冇理佢，行返入去，等了一陣沒有其它老師帶軒軒入去，(有老師暫著，帶了先來及後來小朋友入去，就沒有帶軒軒入去，可能佢喊緊，所以唔理佢住)不久班主任行出來，軒軒又嘔，攪到自已身上不潔外，還整到班主任褲同鞋上，跟住班主任好不高興咁講，我要照顧其它小朋友嫁。

唉...軒軒都唔知仲乜，攪到老師都係，係學校又唔知發生了咩事，咁攪發.......越來越多人喜歡佢嫁喇。唉.............................
攪到人地身上都有，比我都唔開心啦。

鈞渝同軒軒要加油努力去適應學校生活呀。

[ 本文章最後由 626mama 於 08-1-29 14:13 編輯 ]

hongmimi

626mama,
妳咁多"............" 妳唔好咁唔開心啦

既然軒軒返學時好開心，係學校嘔係咩原因，係唔舒服定有咩發生過令到軒軒喊呢?:(  

其實放學換晒衫，擒日老師有無主動搵妳講咩事? 我覺得老師一定知，妳要問番班主任。假設佢講係咩咩咩都好，妳要問佢點解佢唔主動搵妳講。大家都想個小朋友好，搵出問題所在，學校同家長要雙向嘛~

妳唔好理班主任開唔開心先，整污糟褲鞋，佢唔高興都唔好對小朋友咁講嘛，咪仲令佢覺得自己阻住晒~

要同老師有溝通，兩邊夾功幫手，軒軒既問題好快解決，唔好太擔心呀! 我地一齊支持妳同軒軒!!  

whatever

626mama,
你寫手冊度問，再比個電話老師。佢地一定講比你聽。
Toto尋日都換左"庫"返屋企。後來我睇返手冊，原來佢 wee wee 濕左。

今日Toto好搞笑喎。
我問佢："Do you like your teachers?"
He said "I like Miss Sita, I like Miss Chan, I like Miss Fong. Mami like Miss Wai."
我問佢："Do you like Miss Wai?"
He said "I like Miss Fong, you like Miss Wai."

佢死都唔肯講佢鍾意Miss Wai.

[ 本文章最後由 whatever 於 08-1-29 23:54 編輯 ]

pcdogxx

626mama,

每次鈞渝換左褲, 手冊都一定會有寫咩事架喎..     

不過今日返學我見軒軒喊得好犀利..  連Ms. Gloria 帶佢入去都唔肯...  死啦.. 唔知係咪尋日嚇親佢, 而家連Ms. Gloria 都攪佢唔掂呢...  跟住佢入去坐左一陣就見佢嘔喇..  

其實學校明知軒軒一喊就好易嘔, 應該拎定個桶仔裝住, 預防佢嘔污糟d衫嘛,  我見Ms. Gloria 都有放定d tissue係軒軒頸度, 不過放左一陣就嘔喇..  邊頂得住喎..    我平時係屋企見鈞渝一咳...  唔理三七廿一都放個桶係佢個口度..  所以都好少整污糟d床單..  

究竟軒軒點解咁抗拒返學既呢..   唉..  而家好似越攪越嚴重.. 等我仲以為佢冇晒事添..    我同你一樣情況.. 都唔知點算好....

天藍

ElainAiolia,

多謝你問候昊藍, 昊藍仲有少少咳,
加上近幾日天氣又凍, 到今日都未
比仔仔返學, 昊藍都好掛住你地成
日話要返學, 今早仲扭計話要返學,
但天氣太凍又落雨, 都諗住休息多
一兩日星期五先返學, 好怕一返學
係返學途中又風又雨又再凍親就煩。
同唔該晒你通知我近幾日無乜特別
通告, Thx!!!
你屋企人d老人家都好開通, 唔會
強迫d兒孫上大6, 我都暫時未取
帶仔仔上大6, 都係擔心上面d治
安唔好, 尤其南下近深圳, 廣州治
安比較差, 北方治安就比較好d,
所以等仔仔大d先帶佢上大6玩,
但長隆我都好想去, 因成日聽人講
都好好玩, 同pcdogxx講一講我都
有d心思思, 價錢又唔貴。

Pcdogxx,

首先多謝你送d書比昊藍, 你甘客氣
令我好感動, 昊藍又多幾本書睇啦!
真係多謝晒!!!
長隆我都有d心思思好想去, 但又擔
心治安唔好, 但聽你講一講又唔係甘
差, 真係有小小心動~~
d糯米雞係自家制架! 唔係買架! 我工人
買左d雞肉起骨切絲用配料醃下d雞肉,
再加糯米用葉包再蒸, 但我整個d係迷
理裝無街出面一隻甘大, 下次再整一定
預埋你地一家。
鈞渝返學以家哭可能係小朋友既反叛期,
希望下女女講下道理, 女女會慢慢改善,
鈞渝加油~~加油~~

原文章由 ElainAiolia 於 08-1-28 23:17 發表
hongmimi / 天藍,
我出o左o黎做o野先搬入青衣，所以我唔係青衣讀書:;pppp: ，但我個妹係讀天藍果間中學o架，唔知你o地會唔會識呢？因我年紀大D o麻 ！

天藍,
我諗而家天氣咁凍 ，可能都要買過件厚身D o既中國服比 ...

天藍

hongmimi,

我都有去睇oral B個隻牙膏, 又係見到
寫住7yrs以下可用同不可吞服, 但經
ElainAiolia解畫牙醫都講無問題應該
可以用, 但千其唔好一吞半支甘勁
但我之前chicco特價我都買左兩支用
完先轉。
匡匡都好叻返學無哭過, 同學野都好快,
對四周既環境事物都可觀察話番比你地
知, 叻仔! 繼續保持水準!!!

Whatever,

Toto都好叻同你對答好有趣, 我仔仔都
試個係學校去洗手間整濕左條褲, 換左
條學校褲返屋企, 都唔係大問題, 有時
小朋友仲細, 有時失手都唔奇。

626mama,

軒軒哭到嘔, 其實你要唔要真係放下大
假or係你媽媽到訓, 一兩個星期去觀察
同接送下仔仔睇下問題係邊, 因小朋友
始終自己父母跟番會好好多, 我明白有
時又有工作未必會兼顧到太多, 但仔得
一個要睇下夠竟乜問題點解決, 因上學
期都完, 希望你唔好介意我甘講, 因我
都係想軒軒好, 大家係朋友我都係想大
家既小朋友好, 軒軒繼續努力, 我地等
住你笑住返學架!!!

Candyhui77,

近來好少見你, 你係咪仲好忙, 公司請左人未?
你原來都有去長發食下飯同打邊爐? 我都有成
日去架! 下次我去到要東張西望睇下見唔見你先!
翔仔近來點呀??? 天氣凍明天降到10度, 出門著多件衫。

hongmimi

真係好耐未試過咁凍喇~ 大家大人細路要小心身體呀!!


天藍，
今日見唔到626mama,可能佢請左假跟進軒軒返學lu~

匡匡咁抗拒新牙膏 ，我唔迫佢喇! 我同妳一樣， 舊個兩支未用完，唯有遲d先再試啦~

希望keep到啦! 因為我驚佢熱情過後，對四周環境悶左會唔想返學(即好似我地大人返新工同返左好耐既分別 )。


626mama,
妳同軒軒都要努力呀!

pcdogxx，
攬住個桶好好多 匡匡想嘔會大叫：我嘔呀!!!!有時只係打 C Egg都一樣咁叫，被佢嚇死~~

whatever,
ToTo好叻仔，英文有問有答，仲識得圓滑講野， 醒目呀~

小朋友初初返學整濕褲好平常，唔大問題。妳同天藍都好d，都係水啫~ 靜靜雞講俾妳知呀! 擒日匡匡返學開大添呀! 老師幫佢洗埋pat pat，再換過晒，放學時講番俾婆婆聽。

candyhui77,

妳咁忙，公司無左妳一定唔得，咁年尾花紅、雙糧、加薪、升職實有妳份啦! 恭喜! 恭喜!


[ 本文章最後由 hongmimi 於 08-1-30 15:56 編輯 ]

ElainAiolia

hongmimi,
子聰D牙膏一到刷一到啜 ，真實都唔係好夠用(因每只吱好少)，所以我o地教佢唔好啜，雖然而家刷牙好過之前，無啜咁多，但唔多唔少實有吞落肚 ，用o左牙膏總好過之前D牙黃咁咁 。

D肉肉係牙縫中間，用牙簽撩o左佢先，之後才刷牙好D o麻！

匡匡好o力仔 ，幫mami賺o左半個月學費 。我諗自從匡匡返o左學，你o地屋企真係多o左好多樂趣，而且覺得佢會比未返學時大個o左 。

匡匡尋日係學校開大 ，o米好似上次BBQ咁，企係度唔郁o羅 ，佢又肯比老師同佢洗Pat Pat 既 ？

626mama,
你好勁呀 ，咁快填o左張申請學券form，我呢個漏氣鬼，仲未搞呀 ！

軒軒比心機，快D改善，唔好成日喊 ，就唔會嘔o架la ，到時唔會再有人唔仲意la，但而家有我o地錫住先 。

其實今朝子聰都有D唔願返學 ，因尋日佢係學校同同學爭玩具，唔小心被玩具整到個眼袋 ，Miss Bonnie都有打電話比我告知詳情 ，尋晚我又返o左學，放學返到屋企佢都訓o左 ，所以傾唔到計，而今朝佢話唔返學，我都話佢知爭玩具唔o岩，小朋友整到佢係無心o既，玩具要share玩，同埋佢係大哥哥要讓o下小朋友，咁就唔會整親 。雖然唔知佢明唔明 ，但佢都肯返學，仲叫我記得買貼紙比佢，佢話因為佢乖o咼 。

ElainAiolia

whatever,
toto好o力仔 ，D對答都唔似細仔B ，佢咁講即係話佢好仲意返學la 。

pcdogxx,
乜鈞渝情况都唔好呀！係o米仲有喊 ？咁老師有無話你知係學校，佢仲有無好快咁收聲無喊，同好快就跟住D小朋友一齊學習呀 。

天藍,
呢幾日學校都無乜通告，你放心比昊藍休息o下la 。

我D同事都話長隆好玩 ，但佢o地建議我跟旅行團去安全D ，同埋始終有小朋友跟團交通、膳食安心好多 ，我都15、16，最重要一家之主(即聰爸)贊成先得，因佢好抗拒返上去 。

ElainAiolia

Dear all mami,
今日實在太凍la ，我忍唔住要貼D暖包係身 ，另外再著到一隻糭咁出門口 。


各位大人、細路記得著多D衫保暖呀 ！