06年9月入讀蘇淅幼稚園K1既家長, 入唻交流下啦!

CanKan

joeytcy,

我未飛呀！我下星期五、亦即係8號先飛，遲你兩日，我11號返，你幾多號返呀？

cankan

CanKan

各位媽咪,

就黎聖誕節，你地有冇咩野攪作呀？

cankan

joeytcy

唔好意思...我以為你係今個星五去添.............

joeytcy

X'mas..........多數會去章木頭........因之前d朋友以約左.......其實本身係早排去ger...但個次去左上海...為有放左朋友飛機....好在d朋友諒解.....d朋友最後都無去到..話等埋我.....主要原因係想見下我個女........haha

joeytcy

21號我以請左假啦.....到時可以係學校同大家見面.......

joeytcy

昨日我再問個女表演跳咩舞..叫佢跳黎睇下....但係佢又話唔知跳咩..........死羅...會唔會到依家佢都唔知做緊咩...個日跳咩架....cankan你個女有無跳比你睇...如有你可唔可以形容下...等我提下個女........

CanKan

joeytcy,

佢地咪就係第高隻手，扭下條腰禁，好似以前陳寶珠果 d 禁囉。

我21號都請左假去睇表演，不過你地要有心理準備，根據老師既經驗，果日應該會幾混亂。

cankan

十月媽咪

各位,
我返唻喇, 好好玩呀, 等我得閒UPLOAD左D相, 再畀條LINK你地睇啦!

返到唻好多衫要洗呀, 同埋要做家務, 又要煮定飯阿女放學返唻食, 所以而家好唔得閒呀, 得閒就竄上唻同你地傾下啦!

做野先喇!  

joeytcy

十月媽....
凍唔凍呀................

cankan...
唔該晒...

我同老公今晚飛啦...........下星期四返......886

CanKan

十月媽咪：

anson 今日有返學？我今朝有時間，特登走去 1E 班個課室度望下，不過望唔倒 ANSON，佢坐邊張枱？近唔近門口？

你行唔行得哂動物園同埋歡樂世界多唔多野玩呀？

CANKAN

十月媽咪

joeytcy,
早晚都凍,但中午時份就...好熱啊! 不過就咁, 無太陽照到既地方, 都會陰陰寒的啊!

十月媽咪

cankan,
Anson今朝有返學呀, 不過放學返唻就好攰囉!

佢個位呢, 好難睇到架, 因為佢係坐最近門口果張枱, 仲要係貼牆果邊添近門口第二個位呀! 所以要睇到佢, 真係唔係咁易架! 仲要好似重門深鎖咁, 真係...   

我地星期六先行步行區, 由1330行到1630, 好正, 基本上都畀我地行晒架喇, 阿女就行下又要我佬抱下, 間中又騎下膊馬咁啦, 仲有個蚊型遊樂場, 有韆鞦打的, 我地畀阿女玩左二十分鐘至繼續行! 之後1640坐火車遊動物園, 呢個時候, 阿女已經超級眼瞓, 所以佢睇左個亞洲區之後, 就瞓到豬咁喇!

至於歡樂世界, 適合佢地玩既機動遊戲都幾多下架, 阿女大大話話, 我諗都玩左起碼二十種呀! 初頭佢就喊晒, 樣樣都話唔肯話, 樣樣都話好驚的, 響我強迫下, 上左一架可以玩噴水既火車, 佢本來都係喊住玩的, 但一

十月媽咪

咦, 係咪個個都去晒旅行呀? 無晒人既?

阿女果班卒之都有通告喇, 真係唔駛畀錢買任何服裝呀, 表演當日係著校服, 不過女仔要著白色長襪褲, 好彩我屋企都有, 唔駛專登去買啫! 當日返到學校, 老師會協助學生更換表演服裝喎!

今日叫阿女跳隻"小小世界"唻畀我睇下, 佢要唱一路唱歌, 佢就一路做動作, 好搞笑的! 但又似模似樣啊!    

wewetwet

Hi!各位,好耐冇來呀!
十月媽,你講去旅行的事,好像佷丰富的節目,攪到我都想帶阿女去呀!
可否告訴我,如一家四口去要預多少budget?
唉,我21号要去紐西蘭呀,但掉極都掉唔走班机,如果再掉唔走,睇怕都要請吓病假了,阿女第一次表演,怎可錯過呢?
但想問下到時有冇限定只可帶多少家庭成員去呢?

十月媽咪

wewetwet,
我地一家三口去, 響中旅買套票, 1480元包兩日一夜長隆酒店+兩大一小早餐自助餐+兩大一小船票+動物園入場費!

其實佢地日日d價錢都唔同架, 單張既價錢係參考價, 日子旺d就貴d, 淡季又會平d, 我地除左用左1480買套票之外, 仲用左大約四百蚊食左兩個lunch, 兩個晚餐, 同埋買左一隻白老虎公仔!

另外我要提一提你, 我因為有舊老細照我免費入場睇大馬戲同埋玩歡樂世界, 所以我地一家慳番470蚊, 如果你地去, 就要額外加番呢四百幾蚊喇!

請病假啦, 請啦請啦, 果陣我仲要返工既時候, 我一有事, 而老細又唔放人的話, 我就會請番半日病假, 專登去拎張醫生紙, 搞掂好晒d私人事務至返工啊! 哎吔...教壞你添呀!    

CanKan

我返黎啦！

wewetwet,

學校係冇規定有幾多家庭成員去，幾多都得，不過你要有心理準備果日應該係會幾混亂既；每一班都有成30幾人，再加埋最基本每個小朋友會有兩個家庭成員﹝父母﹞，有 d 可能唔止，k1 上午有6班，重有 k2 同 k3，雖然佢地將表演時間分左兩場，但係平均每場都有成六班禁多。

cankan

CanKan

wewetwet,

咦！若果你果日請假，果班機係咪會少左一個空姐囖？同埋你之前試過掉，禁係咪人人都知你果日有事，若果係請假，咪人人都知你有古怪？

cankan

CanKan

十月媽咪：

k1e 同 k1f 都係第二場表演，即係10:35 至11:40，學校建議睇表演既家長係5分鐘前入場，你諗住第一場都睇，抑或10點零鐘先至入禮堂？若果10點零鐘先入禮堂，你估會唔會冇位？你上次睇兒歌欣賞會係咩景況？

cankan

十月媽咪

CANKAN,
之前果D兒歌欣賞會, 因為無乜家長睇既關係, 所以至多都係排三四行櫈架咋, 一行二十幾張左右啦, 我無數真呀!

今次呢個聯歡會, 我諗佢地會放好多好櫈畀家長坐的啊, 因為兒歌欣賞會, 係全校幼稚園生坐晒響地下, 咁家長就無乜位, 而家佢地分左兩場, 咁即碼少左一半學生響個禮堂度, 我諗應該好少少啩!

另外, 佢地咪有個聚餐時間既, 唔知呢個時間淨係FOR小朋友吖? 抑或係FOR埋家長既呢? 如果係FOR埋家長參加, 咁我當然會陪個女一齊聚餐喇 (就算我無份食, 我都鍾意睇住佢食吖嘛), 講真, 睇表演呢家野呢, 我真係淨係鍾意睇自己個女, 同埋睇果D我識既小朋友架咋, 其餘既...嘿嘿...我無乜興趣架!

所以呢...除非個聚餐唔畀我在場啦, 否則我會十點半至入場等睇SHOW啊!

CanKan

十月媽咪：

好！等我有機會問下老師，然後再同我老公商量下先。

話時話，歡樂世界入面有冇野食架？

cankan