番禺會所華仁小學

睡公主

今日又一經典，個仔本手冊話佢欠交操行咭，我反轉間屋都揾唔番，連同噚日派番既針咭都不知所踪，唔知係唔係當垃圾丟咗，咁就大鍋飯，操行咭都話可以叫學校派過，張針咭我好慬慎咁 Keep 咗六年，估唔到千年道行一朝喪，居然會衰喺自己個仔手裏（其實我好嬲，唯有即刻上嚟呌啖氣）。

麟媽媽

針咭好緊要架，要keep到18歲，
如果諗住會出外留學更加要keep好呀！
到時申請visa要用架！
所以要快D搵番。

ms99

睡公主：

慢慢來。

未必係唔見，通常層層疊一時搵唔到嗻，平心靜氣唸吓最後一次睇完放係邊?  你咪話過亞仔好叻自己做嘢嘅，可能佢都知張針咭重要，又屬於佢自己，有可能幫手收埋呢?  我唔信你咁烏龍丟咗去。  搵到就報個平安啦!

ms99

唔知點解亞仔啲功課日日都會有漏?!

亞仔每日要做嘅功課同要帶嘅書，都會經過雙重核証先會拉上拉鍊去返學。我每晚臨瞓前必定續樣功課仔細check過的，雖則老公睇過再同亞仔一齊執書包，但自己唔過眼就唔會放心，所以百分百肯定帶齊所有嘢。但都唔知點解，日日都俾老師寫手冊"欠功課"，我當然會再翻摷一次，確實無帶漏啦。於是寫手冊話俾老師知已帶了回校，但每日都只從亞仔口中話老師試吓搵，到現在都唔知真唔見定假唔見，但個心有啲唔好受，因為明明帶齊，但亞仔俾老師寫手冊，亞仔都好無耐加少少唔開心，我又唔知可以點做。而家下星期一測驗嘞，有本作業仲未知搵唔搵到?! 有朋友叫我再買再做啦。買唔係問題，但究竟由屋企出門口至上課開書包途中有嘜出錯呢?  問過亞仔話所有功課已交行長，所以唔知交漏嘢，認真莫明奇妙，攪到我都適應唔度，好頭痛!!

kookooloo

麟媽媽﹕

嘩﹗ 又你改變了大頭照..差D唔認得你呀﹗

今日做常識工作紙﹐真係做到嘔。。題目如下﹕﹕

1.家鄉名菜﹕easy 啦
2.菜式名稱﹕ok 啦
3.材(new)﹕都OK 啦
4.典故﹕嘩  ﹗諗到頭都痕。。。
   終於填上﹕對不起﹐不太清楚﹐上網也找不到。。。死咪。。。

唔知道你亞仔做左味?  係常識工作紙第三課。。望家鄉。。。

:cry:  :cry:  :cry:  :cry:  :cry:  :cry:  :cry:  :cry:  :cry:  :cry:

ms99

麟媽媽：

嚇死我嘞!  頭先以為自己眼花，睇完亞仔張相咁可愛，轉頭又變樣，我以為自己眼瞓記性差呢!

好得意呀!張相識得轉來轉去，學整難嗎?

ms99

典故?  我睇開"飲食男女"好多時都有提名菜來源，有用嗎?要唔要幫手?  可以幫你摷吓，但手頭得幾本係公司度。

kookooloo 寫道:
麟媽媽﹕

嘩﹗ 又你改變了大頭照..差D唔認得你呀﹗

今日做常識工作紙﹐真係做到嘔。。題目如下﹕﹕

1.家鄉名菜﹕easy 啦
2.菜式名稱﹕ok 啦
3.材(new)﹕都OK 啦
4.典故﹕嘩  ﹗諗到頭都痕。。。
   終於填上﹕對不起﹐不太清楚﹐上網也找不到。。。死咪。。。

唔知道你亞仔做左味?  係常識工作紙第三課。。望家鄉。。。

:cry:  :cry:  :cry:  :cry:  :cry:  :cry:  :cry:  :cry:  :cry:  :cry:

麟媽媽

Kookooloo,

我一直都想換架喇，老公又話亞仔有私隱，
叫我咪亂貼亞仔D相。
搵番張佢得三幾個月大既相得喇掛！？
無人認到佢個樣架！
頭先張喊包相都同亞仔而家個樣有D似，
呢張恐龍正呀，好似得三個月，
我舊同事幫我畫成隻恐龍樣，
我覺得幾有趣咪又換呢張囉。

呢個常作未做喎，
你仔班快D既。

大家買左咩比小朋友聽日旅行食？
我有卡樂B、百力枝、熊仔餅仲有蛋糕仔。

ms99

嘜旅行唔係只逗留一個鍾咩?  

亞仔話嘜都唔駛帶，只要同平時小息一樣就得，即係小蛋糕一件。  本來佢買咗汽水糖，但佢有咳，佢自己話唔帶。

咁旅行可以帶什麼呢?  "放大鏡"睇昆蟲或者寵物小精靈FIGURE 玩具 或 他媽哥池 可以嗎?

麟媽媽

ms99,

我叫亞仔唔使帶野去玩了，
咁少時間，食下野、跑下都夠鐘了。
我比多D小食比佢，等佢可以同D同學仔一齊食下。

ms99

哈! 哈! 我頭先又係走咗去小食籃，摷哂平時唔俾亞仔食嘅糖果出嚟袋好，叫佢聽日請學友仔食兼聯絡吓。

kookooloo

麟媽媽﹕

嘩﹗ 你又又改變了大頭照..差D唔認得你呀﹗

你亞仔幅相是怎樣製作的? 可以教我嗎?




                  

麟媽媽

Kookooloo,

其實是我舊同事畫的，
只是用白紙一張蓋在相上，
佢白手畫了那恐龍，
之後著色剪出來，
貼上亞仔張相上面之嘛。

kookooloo

啊﹗﹗原來如此﹗﹗

hehe

睡公主

ms99 寫道:
唔知點解亞仔啲功課日日都會有漏?!

亞仔每日要做嘅功課同要帶嘅書，都會經過雙重核証先會拉上拉鍊去返學。我每晚臨瞓前必定續樣功課仔細check過的，雖則老公睇過再同亞仔一齊執書包，但自己唔過眼就唔會放心，所以百分百肯定帶齊所有嘢。但都唔知點解，日日都俾老師寫手冊"欠功課"，我當然會再翻摷一次，確實無帶漏啦。於是寫手冊話俾老師知已帶了回校，但每日都只從亞仔口中話老師試吓搵，到現在都唔知真唔見定假唔見，但個心有啲唔好受，因為明明帶齊，但亞仔俾老師寫手冊，亞仔都好無耐加少少唔開心，我又唔知可以點做。而家下星期一測驗嘞，有本作業仲未知搵唔搵到?! 有朋友叫我再買再做啦。買唔係問題，但究竟由屋企出門口至上課開書包途中有嘜出錯呢?  問過亞仔話所有功課已交行長，所以唔知交漏嘢，認真莫明奇妙，攪到我都適應唔度，好頭痛!!

我咪同你一樣，之前每晚必定檢查完佢啲功課至簽手冊的，但因呢排實在太忙便唯有假手於人，叫老公代勞，怎知咁大鍋，上次就唔見咗旅行嗰15元（曾問過Miss Lee，佢話行長收嗰時都冇話我個仔欠交，但到Miss Lee點數時就冇咗我個仔嗰份，真莫明奇妙），今次就連張針咭同操行咭都唔見咗，我都問過大少點交功課，冇理由次次都有嘢唔見，佢都係話由行長埋嚟收，我又問佢係唔係喺校車攞出嚟玩，佢又話冇，仲話明明放咗落功課袋就唔見咗，你話幾神奇。真俾佢激死。

ms99

早晨! 睡公主：

尋晚搵到針咭同操行咭未呀?  

估唔到呢單「離奇失竊案」時有發生的!  咁我哋真係要著手追查吓先得，一日唔破案，我哋就日日提心吊膽。

係呢單離奇失竊案內，我ms探員認為存在著好大部份嘅"人為"問題，既然事主將啲物件整整齊齊帶番學校，途中又無移動過失物，又直至行長收取時健在，但去到老師手中就出問題，嗱! 疑點在於行長交老師手中嘅一段小時間嘞。

疑點1：行長係行埋位續個收，定係由尾傳去頭呢?
疑點2：交收過程係咪雙方認真處理，定玩玩吓呢?
疑點3：行長收齊後有無再double check 數吓夠唔夠呢?
疑點4：行長收齊後，是否立即交老師點收呢? (因存在著時  間問題)
疑點5：老師收妥後，是立即數齊，還是由行長報告呢?

可能仲有更多疑點，但我覺得以上幾點機會大啲。

以ms仔報稱：係行長續個收，再交老師，但明明交咗行長，老師行埋佢度寫手冊 "欠交"????
仔仔有細細聲話唔鍾意個行長，因為佢好嘈。 嗱! 我就覺得雙方態度唔認真嘞。一個嘈住收功課，另一個就手腳慢，當中會唔會趺咗落地或受第三者騷擾呢?
如果是傳功課到第一個位時，疑點更多。會傳吓傳吓趺咗本，其他人執咗唔識處理就不了了之 或袋埋返屋企?

我要今晚再審問吓當事人，睇吓有無其他諸絲馬跡先?

各位觀眾，你哋有無其他線索或類同經驗呢?  我哋嘅目的唔係輯拿原兇，係要鎖定出錯處，儘早糾正，免得日後 (軒)年甚廣啊!  

公仔面

ms99
please check pm.
公仔面

麟媽媽

我有野講！我有野講！
等我講吓我個「漏野大王」D經歷喇！
華仁單行坐，所以書簿去左隔離就微乎其微。
最關鍵就係坐得前定坐得後喇！
有排亞仔坐第5，成日欠野之後又走番出黎！
只因交功課由後傳去前，派簿由前傳去後，
D野就咁混落左前面個書包度囉！
過一、兩日又見番係書包架喇！
我仔都試過兩、三次個書包有人地D簿！
D細路好失魂架，自己少左又或是多左都唔知架！
今個學期轉左學號亞仔坐第一，
開學咁耐未試過唔見野喎！

SandyMummy

麟媽媽:

Your new 頭像 very cute wor!

麟媽媽

Sandymummy,

我仔當時得3個月大咋！
我收到你個pm喇，我見到好多同班同學，
不過我唔認得你吖，sorry.....
你知我地以前咁多班，我只認得自己班D人咋。
不過我而家已認得你個樣了，遲吓見面喇！
你仔溫書點吖？我都係叫佢做吓練習咁囉。
你女幾時測驗？唔好打孖上就得了。