關於學鋼琴價錢

kcarol

RMA
我晚上返黎睇一睇，然後唸住練一陣琴...
但係... 竟然多左 5 版留言。有排睇...
==> 我地大有進步喎, 多左5pages

kcarol

ming2
o... well done !!! 哈哈
不過我果時初初出黎教琴都有甘既情況, 試過初初教琴, 係琴行教, 有家長直頭問個reception阿"嬋", "甘細個, 得唔得架??"

跟住我叫個阿"嬋"去教呢個學生!!   

RMA

kcarol,

呢個 '關於學鋼琴價錢' o既 thread，已經變成...

關於
'學琴宇宙大解說'
'學琴多面睇'
'學琴知多啲'
'學琴 q & a'
'學琴小宇宙'
'學琴世界'
'學琴教室'
'學琴之家'
'學琴吹水站'
'學琴學堂'
...


差唔多關於所有學鋼琴o既問題，都o係呢度提過。

我唔知呢度個 server max. capacity 有幾多。但我十點半睇o既時候，total 有 1500 人 surfing 呢個 site. 所以要等好耐先開到一版...

kcarol

RMA
我地呢度有18620人次入過黎睇!!!! 仲勁過頭板!!仲厲害過東華籌款!!

kcarol

ming2
我都好想知呢個gd.8 學生點搵到呢個朋友既朋友, 又點解會跟佢學     

RMA

Dear all,

年齡係大家o既秘密... 唔好爆唔好爆

但我聽過前輩 (小學音樂老師，自己得 5 級琴，教左 20 年有多) 講話以前 d 先生點勁點勁就有 d 唔順耳。

以前鋼琴老師有 8 級就可以話去教琴。係，佢地當年張 8 級係要彈 3 個 movements o既 sonata，但我考o既時候都係 (死, 行家就會知我唔細添...)

呢 3 首歌加埋彈哂都只係 25 分鐘 +/- 5.

而家考一張 DipABRSM，最少都要 31.5 分鐘。一定長過你張 8 級 (1996 or before). 而且 passing rate，8 級一定冇 DipABRSM 咁低。話哂張 DipABRSM passing rate 都係得 8 % (2001 B session) in HK，8 級 (91% 2004 overall) 就點都唔會低過 8 %。

而且 DipABRSM 要考 viva voce. 8 級又唔駛，以前o既 8 級又點可以話係勁呢?

係，如果比以前o既 8 級同今日o既 8 級，佢地無疑係勁少少，因為 d 歌長 d ，而且以前係嚴得多。但今日我地有 cd 聽，同佢地果時盲目咁彈，可能真係 1d 都冇 approach 過 recordings 就彈，我地點可以話佢地 o既 interpretion 係o係個 norm 度?

而教佢地o既先生又可能都只係 8 級，當年 LRSM successful candidates 每年少過四個，

(因為再上一級已經係 LRSM [pre-1992]，trinity PC ATCL LTCL FTCL 係好行o既，但亦唔係咁至尊，因為 FTCL 一直都被視為同 LRSM 同級)

，佢地亦可能冇聽過 recordings. 咁當然你可以話佢地會去聽 concerts. 但一年大家睇 concert 又睇幾多場呢? 我自問睇得少，但一個月最少去一次，特別係自己老師 on stage 既，一定會去。

一年睇 12 場 concerts o既話，每次聽 10 首歌，一年只可以 '學' 到 120 首，而且學o既來源亦只有一個。今日我教 dip o既學生，要佢地彈一首歌，手上最少都會有 4 隻我已經篩選過o既 cd 比佢地聽 / 分析 / 評論 / 判斷 / 研究。揀一個最適合o既 interpretation + innovation 就成為佢地o既考試歌。當年呢班 8 級老師o既老師有冇咁樣做呢?

你又可以話佢地o既老師係最 top o既，一定心裡面有一套最 top o既彈法，但，我不以為我不以為

8 級樓下o既歌，要比賽要考試，我盡量最少都可以有 cd 比學生聽 + 自己 demo。當然我都要佢地聽 / 唸 / 分析。始終佢地抄足都冇用，但個殼如果自己冇聽過，又冇 musical knowledge 同 analysis，自己學o既 interpretation 都係半桶水，教出黎o既學生其實都係廢o既。學黃老師講 '學壞師'

我唔覺得以前o既 8 級老師勁.

我大膽咁講一句以前 o既 8 級 holder，一定差過今日考到 DipABRSM o既學生。

任何情況底下，音樂係分享同欣賞唔係用黎比較。但考試係。