2010~2011 小一家長請進!

aquarius828

l_law:

都知咗幾耐架啦! 我都唔係好sure啦, 應該有日老師通知過的, 你搵下手冊後面有無貼咗張紙仔, 係有一堆日子同默嘅範圍架... 如果你揾唔到, 就問下同班的家長啦! (因為我驚唔同班, 唔同日子同內容丫, 比錯你就唔係咁好啦) 如我無記錯, 我地果班係下星期三先默!

原帖由 l_law 於 10-11-16 07:17 發表
嘩!你哋咁勁,已知中默d料嘅.....出咗通告咩????我又唔覺wor????

[ 本帖最後由 aquarius828 於 10-11-16 08:29 編輯 ]

aquarius828

我想問問旅行果日, 係咪8:15係學校集合嘅, 琴日仔仔拎咗張紙返嚟話旅行當天校車返放的時間, 但點解早上唔夠7點就要上車 其實, 你地果日係咪都會自己同埋小朋友一齊返放嘅呢?

loveAM

係呀！我會同仔仔一齊返，唔搭校車。到時見LA，好開心呀！我都係第一次同仔仔參加學校旅行。

ElizabethLAI

原帖由 bb200 於 10-11-12 11:34 發表
我上次見到pre-test的成績都好灰，亦有你的諗法，每天做完功課都無時間溫習，更加完全無電視，無得玩，我同佢都好吃力，仲睇埋有無得留班。但之後諗返測驗考試只是學習的過程，最重要係學到知識。
我朋友仲嘔血，都係循小，測驗3星期前 ...

Yes, thank you for your encouragement.  We try our best all together.  Add oil !

angiefungma

原帖由 ElizabethLAI 於 10-11-16 12:45 發表


Yes, thank you for your encouragement.  We try our best all together.  Add oil !

All oil ar .......support!!!!:loveliness:

l_law

aquarius828

呀! 又好似係是過吓你講d嘢, 等今晚再睇吓本手冊先.唔該哂:loveliness:

LoveAM

你個'餅'真係個好Daddy, 成日都幫手帶個仔又積極參與學校d活動.....

君媽

原帖由 aquarius828 於 10-11-16 08:25 發表
l_law:

都知咗幾耐架啦! 我都唔係好sure啦, 應該有日老師通知過的, 你搵下手冊後面有無貼咗張紙仔, 係有一堆日子同默嘅範圍架... 如果你揾唔到, 就問下同班的家長啦! (因為我驚唔同班, 唔同日子同內容丫, 比錯你就 ...

各小一家長，默﹑測﹑考是劃一進行的。
默書有詞語﹑句子和課外題。

Crabtree

會.  但學期末那次考試就開始讀少啲. 二年級無得讀.

原帖由 aquarius828 於 10-11-15 08:53 AM 發表
Crabtree,

多謝指教丫! 係呢, 測驗老師會讀卷, 咁考試呢? 都一樣會讀的嗎?

loveAM

分工合作吖麻，媽咪唔得閑，Daddy頂上。
哈哈！我知道你係邊個啦！旅行見啦！

原帖由 l_law 於 10-11-16 14:15 發表
LoveAM

你個'餅'真係個好Daddy, 成日都幫手帶個仔又積極參與學校d活動..... ...

aquarius828

各位早晨丫!

唔該哂君媽同crabtree

我今早問仔仔要買d咩比佢旅行帶去食, 佢話買百力滋啦, 麥提莎啦, 蔥餅啦, 全部都係零食嚟 不過佢一面講, 一面都好開心呢!

小鄧

兩日冇上黎, 多左好多post, 好開心咁熱鬧。關於中默, 下一循班的通告仔, 我仔仔貼了在中文書封面內頁, l-law, 你check check有冇, 第一次係默第1、3課, 24/11默。

仔仔昨天派中作工作紙, 得44分....。

旅行日我都係自己帶佢來回, 我估人少上車, d車group埋一齊, 路程可能一樣但站多左, 要長d時間。既然我地都去, 就自己帶好d。

loveAM, 你第一次同仔仔旅行? 幼稚園冇旅行日的咩?  我都好同意l-law講, 你老公好好, 願意參與, 非常難得。我叫老公講故事俾仔仔聽, 佢就話講得唔好聽, 唔講囉, 叫佢幫手做勞作, 又話等仔仔自己做, 最終我交左個任務俾老公, 就係關於網上的功課佢攪, 結果佢只係負責setup d link, set錄音等等, 功課, 都係我走唔甩。
有一日我好夜返睇唔到功課, 老公話幫手,結果第二朝我要再跟過d功課先返得工,份份都有錯漏。老公就話知道佢錯, 由得佢, 等老師x佢, 佢以後就知唔會再錯, I wonder it's work or not!?!

小鄧

我仔仔仲好笑, 問佢去邊旅行, 佢答我 " 香蕉"。
問佢學校有冇安排午餐, 佢話冇, 問佢食咩午餐好,佢話薯片、魷魚絲、旺旺、曲奇餅...。越講越開心。
仔仔仲話已經同校車姨姨講唔坐車, 但係佢唔知道當日兩程車都唔係自己坐開架車囉, 傻豬。
我問佢會唔會開心到睡唔著, 佢話 "唔會掛" 。我話媽媽當年係睡唔著, 佢唔信囉。我再解釋當年我地只有一年一次旅行, 你地依家成日海洋公園、廸士尼, 梗係冇感覺啦。

原帖由 aquarius828 於 10-11-17 09:03 發表
各位早晨丫!

唔該哂君媽同crabtree

我今早問仔仔要買d咩比佢旅行帶去食, 佢話買百力滋啦, 麥提莎啦, 蔥餅啦, 全部都係零食嚟 不過佢一面講, 一面都好開心呢! ...

loveAM

小鄧：
關於中作工作紙，阿仔好好，幾高分，淨係錯左d字，內容ok，我問佢係埋自己做，老師有冇教，我有讚佢叻！

我要佢做多d閱讀理解，識多d字，豐富詞彙，仲同佢講個d係老師要佢地做架，到時會檢查架，佢就la,la聲做晒，哈哈哈！

daddy負責參予活動同勞作，其它都係我跟，因為佢要求高又火爆，教個仔時好似火星撞地球咁！

係呢？旅行日老師叫我地每組家長自行聯絡，你地有冇聯絡到吖？

原帖由 小鄧 於 10-11-17 11:33 發表
兩日冇上黎, 多左好多post, 好開心咁熱鬧。關於中默, 下一循班的通告仔, 我仔仔貼了在中文書封面內頁, l-law, 你check check有冇, 第一次係默第1、3課, 24/11默。

仔仔昨天派中作工作紙, 得44分....。

旅行日我都 ...

ElizabethLAI

原帖由 angiefungma 於 10-11-16 13:12 發表



All oil ar .......support!!!!:loveliness:

Thank you !

小鄧

loveAM,
要現在聯絡咩?我以為到時先傾添, 我都唔知呀, 我又唔識佢地, 可以試下send email 問下佢地, 但唔知傾咩好喎, 你會點呀? 同你一組就可以依家傾埋啦, 哈哈。

小鄧

loveAM,

我剛剛去左課室地帶討論欄留言, 仲未見有人留言, 你都去留下啦, 今日都星期三, 星期五就係, 唔知有冇家長睇到? 到時冇人帶野食, 就真係好似我仔仔講食零食當午餐。哈哈。

loveAM

係呀！我頭先都有上去睇過，等我都留下言。最衰唔係同你一組，如果唔係就好辦事la！
係wor傾d食物，唔通要整定野食？我都係諗住帶干糧，d小朋友顧住玩，都唔得閑食la！

小鄧

多謝留言啦, 希望夜D會見到有人回覆啦, 老師話要帶D健康食物, 我建議帶蕉啦, 方便呀, 不過我仔仔唔多食, 帶三文治就怕佢會夾偏左, 帶蛋糕仔都好呢。

小鄧

各位, 原來課堂地帶班相薄有相睇了。

aquarius828

各位早晨丫!

我想問問你地講緊個課堂地帶係咩度架

原帖由 小鄧 於 10-11-17 16:37 發表
各位, 原來課堂地帶班相薄有相睇了。