04年9月入讀小一家長請進！

carollam310

晤該晒各位媽咪,我尋日去旺角D書局周圍問,但都係冇人知,我又晤敢打去問老師喎,因為開學時通告寫住晤好隨便打電話比老師. 唉~~唯有叫阿女問同學啦

Sindy

開學時通告寫住晤好隨便打電話比老師<<<<<<乜咁架間學校,我地好歡迎打去架喎,成日叫有乜事就打去問,我唔好意思,我send mail多,今時今日咁既服務態度點得架   

xxsasaxx

carollam310,

不如你寫手冊問吖﹗

joymama

一肚氣!

我個小朋友在學校用書整傷隻眼,D老師連一個電話通知都冇,等佢坐校巴回家.  他落車不停叫痛,留眼水,要立刻睇眼科.  結果是眼角膜受損.

:evil:  :evil:

Race

我都有教小學美勞, 拓印紙可以用最簡單的草紙, 或者一般白色的打字紙, 視乎不同的印模和顏料,
要清楚最好問任教的老師,
老師有責任交代清楚的.

karencircle

我個小朋友在學校用書整傷隻眼,D老師連一個電話通知都冇,等佢坐校巴回家. 他落車不停叫痛,留眼水,要立刻睇眼科. 結果是眼角膜受損

joymama,

這件事一定要同學校傾下，整到隻眼可大可小，學校有必要通知家長及跟進以後如有雷同事情發生，他們的做法應要著緊Ｄ。

Vin

Vin 寫道:
hello,各位小一家長,
你哋小朋友買咗冬季校服未?
我覺得都幾貴呀~我女女啲校服買齊哂成套要過$600呀:-|
你哋又用咗幾多錢呀?
同埋開學以嚟,學校多唔多乜費物費要俾?
我今日都交咗$30家長教師會費~  

點解冇人答呢個問題??
你哋之前已經討論過嗎?

麟媽媽

等我答你喇！

恤衫2件 - $90
長褲1條 – $60
校 tie 1 條 - $20
長袖冷衫1件 - $80
運動上身衫1件 - $47
Track Suit 1套 (外套 + 長褲) – $160
校褸 / 夾綿外褸 – 諗緊買邊樣，校褸其實唔係好暖，但件夾綿外褸只可10度以下著，但好似無幾何10度以下….
如果買埋褸多二百零蚊都係六百幾左右喇！

學校又無咩雜費要收喎，家教會係開學時入會好似收左$150入會費之後都無收過錢喇！呀！上星期學校旅行收左$15，係車費同雪糕錢呢！

joymama

karencircle

今朝同囝囝回校,班主住話是小兒自己不小心,已叫他立刻合埋眼.  放學後因她趕住開會,沒有通知.

    

karencircle

joymama,
我覺得不論是誰引起意外，都應第一時間照顧及通知受傷的的學生家長。這老師太看小意外的嚴重性和太沒有交代了。

Vin

麟媽媽,
家教會會費$150咁貴,係唔係一年?

joymama,
可能你仔仔嘅老師真係以為佢合埋隻眼休息一陣會冇事,
冇諗過傷得咁嚴重啦~
咁醫生有冇話要幾耐先好返?

麟媽媽

係呀！$150一年，okay喇！
亞仔今日下晝自己溫默書，真係自動自覺喎！我好開心啊！不過都係有一個字唔記得點寫，我提一下佢又記番起了，大頭蝦！

Vin 寫道:
麟媽媽,
家教會會費$150咁貴,係唔係一年?

joymama

Vin

幸好今天已好番好多.  Thank you!

Joymama

Astrid

我女學校家教會好似 $20  ... 開學已經俾左 .... 完全無哂印象 .....

至於校服 .... 好似買左四百幾, 但我無買校褸, 因為阿女唔多使著校裙返學, 可以日日都著 sport wear .... 有通告先要著裙, 所以, 我決定唔買住 .....  

Astrid

最近幾次都係俾外出活動既車錢 .... 咩咩環保學習日 .... 咩咩睇交響樂團 ...... 之類 ..... 尋日就 $10 買健康快車既獎劵 .....

Astrid

我女下個星期一就考期中試啦 .... 好煩呀 .... 都唔知點考 .... 個範圍又多 .....      

karencircle

Astrid 寫道:
我女下個星期一就考期中試啦 .... 好煩呀 .... 都唔知點考 .... 個範圍又多 .....      

溫書可以先溫她平日做功課時錯了或弱D那些先。努力呀！第一次考期唔好比咁大壓力自己同囡囡，嚇怕她重閉。還記得早時阿囡做評估，一早起床就喊，話怕唔識做。我話「唔識做就算la，留空吧！」見她即時鬆了口氣。好彩成績反來都唔太差。

朋友媽

不要比太多壓力自己，只要留意小朋友平時做功課的態度和識唔識做，如果一般可以自己應付，只需略略同小朋友重溫一次，加強記憶就可以了，不過我覺得重要是小朋友要早D睡覺和保持開心心情，那麼第二朝早，就充滿力量了。

Cheung

Astrid,

我囡囡系10月18日個星期測驗, 果陣我都好緊張,到個完個測驗完成之後,我成個人都好似打著一場仗咁 : ,成個輕鬆晒!   , 順其自然la. 費事搞到連個囡囡都緊張埋一份!

Astrid

佢已經久不久就黎一次小 test ....即係今日放學知 ... 聽日就 test .... 我都唔理佢o架啦 ......