2007年8月開學宏福幻兒園既媽咪一齊入來傾下

626mama

hongmimi,

我以前都試過奉至遲到.....日子，不再lu。
乖一排先囉!即係仲可以啦

聽落好以內便有好多野玩咁，可惜唔係對外開放啦。
昨天上網找地址時，見有人問冇證可否入內去打保齡，
保齡都有，地方都唔細，真係要去見識見識。

天藍,

我小學時都係少年警訊，徐了有張證外，咩都冇玩過。

626mama

活動 : 太子警察遊樂會
日期:8月5日
集合地點 : 遊樂會門口
children playground玩 (有outdoor & 冷氣indoor)
集合時間 : 12:30 (飲茶)(係遊樂會裡面有酒樓同餐廳)
備注       : 星期五4:00前唔得，請告知。或者電話聯絡。
參加:
1. hongmimi (1大1細)
2. 626mama (2大1細)
3. 天藍 (2大1細)
4. ElainAiolia (1大1細) ** 暫定會參與 **
5. pcdogxx (2大1細)

[ 本文章最後由 626mama 於 07-8-2 14:57 編輯 ]

626mama

hongmimi,天藍,

妳地追來追去時，記得追埋我，我都想比人追到瘦呀。

[ 本文章最後由 626mama 於 07-8-2 14:59 編輯 ]

WMCHAN

多謝 626mama and 天藍 這麼快的回覆, 黎緊適應期 大家可能會見面, 相認後 大家再交流 !! :

見到你們攪活動, 很好, 可惜,Sun am返教會, pm bb 要瞓, 有機會join你們, 等bb多d 群體活動. see u

[ 本文章最後由 WMCHAN 於 07-8-2 15:58 編輯 ]

626mama

WMCHAN,
唔洗多謝，係呀黎緊個適應期，大家都要努力加油。
未見面前，都可以係度交流啦。
有空多D入來丫。   
Sun am妳要返教會，妳反邊嫁，我有個朋友係涌美那邊反，
唔知妳地會唔會識呢!我仔仔下午都係要訓，不過平時去街，
佢都可以唔訓，或者係BB車訓。
下次再有機會，妳再join我們都唔遲啦，來日方長嗎。歡迎。

天藍(昊藍)囝-------3月----(青衣)-- N1 Candy (上午班中英文部)
626mama(軒軒)囝-７月--- (沙田)-- N1 Candy (上午班中英文部)
pcdogxx(鈞渝)囡--10月--(大窩口)-- N1 Rabbit (上午班中英文部)
hongmimi(匡匡)囝-10月--(大窩口)-- N1 Rabbit (上午班中英文部)
ElainAiolia(子聰)囝--1月--(大窩口)--N1 Panda (上午班中英文部)

[ 本文章最後由 626mama 於 07-8-2 16:14 編輯 ]

ElainAiolia

Dear all mami,

多謝各位讚子聰張學生相。Thx！

無上o黎一日，我追你o地D留言，都追到氣咳，難為o左天藍同pcdogxx。

子聰到而家都未出過玫瑰疹，過濾性病毒疹就仲過幾次招，所以我唔知可以出多過一次。

你o地知唔知珍珠末食o左可以令對眼靚D呀，就係咁我奶奶買o左幾盒比子聰食，有時都叫我食埋一份(佢話我成日對住部電腦又唔夠目訓)，有益o咼。另外，犭候棗末係貴過犭候棗散，但功效梗係貴o既勁喇，D人仲話珍珠末、保嬰丹、犭候棗末及犭候棗散係要余仁生先最好，其他牌子無咁有效。

ElainAiolia

626mama,

軒軒情况點呀？好番好多未呀？希望佢快D好番 唔使你咁擔心(最緊要就係又高o左喇)。

如果我奶奶都去飲茶，一定坐唔到埋o黎，因為佢會同埋我老爺、我老公o既2個家姐、1個妹，有時會連埋2個姐夫及佢個妹o既男友一齊飲茶，張枱邊有咁多位，最多2張枱坐近D o者。


多謝你o地話我知保嬰丹可以止鼻水。


你公司有番冷氣未呀 ，我有2個方法會令你好過D，就係心靜自然涼或好似我咁阿Q，就係話比自己知咁樣地獄式減肥一定瘦o左好多o者。


你去試新o野都可以預埋我o架(時間許可的話)，我都仲意試新o野。



D人做多幾張出世紙唔奇，只係我幫子聰攞一張出世紙o者，但我影印o左好多張仲scan入o左電腦，平時帶佢去睇醫生或入院，我只帶影印本，而電腦果張副本，用o黎萬一我有事唔得閒又唔記得放低影印本比我老公，佢可以係電腦print出o黎用。



1/8唔得閒上o黎:( 係因為好多o野做，多謝你關心。

hongmimi,

你條腰好番D未，小心D呀。匡匡究竟今次病完高o左幾多呀？ 我估個楊X發醫生見婆婆投訴佢 ，都估到今次婆婆再帶個孫o黎睇唔好的話，會轉第二個醫生，o既然之前賺o左幾次錢，於是拿拿聲醫好佢o羅(我估o架o乍)。   


酒樓果度近窗邊全部細枱o黎o架(即4位)，相信要位中間果行或另一邊。


我對付子聰o既方法，我只會扮假食，我老公一定真食，難為佢有時問我試唔試，D藥甜o架，我真係睬佢都儍呀。


你都好o力o架喇，揾到方法對付匡匡，莫講話佢大D唔睬你，任何小朋友大D都唔睬佢o地D父母，所以好好珍惜o下。



BBQ都好，不過最好就埋我老公，因為佢可以幫手拮o野食、燒o野食同埋睇住子聰(唔好以為我咁殘忍叫佢做晒，其實係輪住做，除拮o野食，因為我有輕微至中度潔癖)，子聰都好仲意BBQ，我o地通常拮粒魚旦或牛丸比佢，由開始燒到走都係果粒，滿足佢o既慾望。


其實我每個星期二lunch time都有玩瑜珈，我起初都覺得好慢好悶，但玩耐o左我覺得D關節位真係鬆D同舒服D，但未試過目訓著o羅。


我2-3/8唔使返夜，改o左返9-5，而我老公霸o左部電腦打機，所以無上o黎留言o者。:time: 反而4/8暫時得到消息仲係返夜 ，希望明天有好消息啦！

ElainAiolia

pcdogxx,

你返屋企睇唔睇到子聰張新相呀？


原來鈞渝都係咁易嘔o架，我以為淨係得子聰先會o忝，細個時就最煩，每2-3餐奶就嘔一次，唔止鼻出直程噴泉一樣 ，起初我o地二個都有D擔心o架， 主要係佢掃唔到風，但健康院話佢體重OK，兼且佢話有o的BB到食固體食物時會好D。而家佢若果扮嘔就一定會嘔到出o黎(通常食緊飯時，佢想落地下、去睇電視或一路食飯一路飲湯，而我唔比佢就會扮嘔)。



D阿媽梗係用番以前果套凑仔喇，因為佢o地覺得以前佢o地凑咁多個都無事，而家你o地只係凑1個"又話呢又話勞" ，所以佢o地唔係咁仲意。我阿媽係一個好聞塞o既人，起初頭三個月佢有幫我手凑子聰(因我工人未到，而我就仲放緊假)，佢都話我"又麻煩又厭尖"  ，但我為o左要洗佢腦 ，每次去健康院打針、見姑娘同理聽健康院比新手父母o既講座我都捉埋佢去聽，令佢改變以前凑仔果一套，有時我仲將佢D舊想法係個講座裏面發表，等個姑娘話o下佢，我覺得都幾work。

ElainAiolia

活動 : 太子警察遊樂會
日期:8月5日
集合地點 : 遊樂會門口
children playground玩 (有outdoor & 冷氣indoor)
集合時間 : 12:30 (飲茶)(係遊樂會裡面有酒樓同餐廳)
備注       : 星期五4:00前唔得，請告知。或者電話聯絡。
參加:
1. hongmimi (1大1細)
2. 626mama (2大1細)
3. 天藍 (2大1細)
4. ElainAiolia (2大1細) ** 暫定會參與、或許會帶埋工人 **
5. pcdogxx (2大1細)

~~~~ book 枱預計留"陳太" - 14位 (就算我去唔到，都會幫你o地book枱，OK)~~~~

我諗我要星期六pm才可回覆，因要confirm返工時間，有消息第一時間通知，請見諒！Sorry！

天藍

Dear all,

我仔仔琴晚開始有微燒, 到今朝都仲發緊燒,
唔知係咪因星期六個日打左水痘針原故, 所
以同大家講聲"Sorry"我星期日都唔同得你
地去"警察會"玩啦!!! 希望你地會玩得開心
D, 下次搞活動我先再join, 或開學時再相認~~


WMCHAN,

唔使甘客氣, 黎到個個都好好架!!!
大家都會互相幫助, 唔知你個小
朋友叫乜名, 同讀邊班, 開學再
相認~~

[ 本文章最後由 天藍 於 07-8-3 10:15 編輯 ]

626mama

ElainAiolia,
我只係知"珍珠末"定經，以前有個同事，個女出緊牙仔，
佢用"珍珠末"搽佢D牙肉度，佢話會好D喎。
原來食左對眼靚D。我未聽過，又識多D野。
通常老人客，對這些野，都係精D。
我都覺得，這些小朋友健康食品，要買好D，
我都係系余仁生買。

天藍

活動 : 太子警察遊樂會
日期:8月5日
集合地點 : 遊樂會門口
children playground玩 (有outdoor & 冷氣indoor)
集合時間 : 12:30 (飲茶)(係遊樂會裡面有酒樓同餐廳)
備注       : 星期五4:00前唔得，請告知。或者電話聯絡。
參加:
1. hongmimi (1大1細)
2. 626mama (2大1細)
3. 天藍 (2大1細) 因病缺席
4. ElainAiolia (2大1細) ** 暫定會參與、或許會帶埋工人 **
5. pcdogxx (2大1細)

626mama

天藍,

妳仔仔打左水痘針喇，我仲未打，如果唔係軒軒病左，
我都帶左佢去打，唔洗擔心，打了針有燒好正常，
希望快D好反。

星期日去"警察會"唔去住，就下次啦，反正大家都有大計，
計劃緊去BBQ，好怏又可以見面喇。

hongmimi

天藍，
唔緊要啦! 咪下次囉! 妳俾心機睇住昊藍，等佢快d好番，再約過囉!

各位，
匡匡15個月時已經打左水豆針，跟著個兩個月打埋肺鍊球，佢由出世咁耐打所有預防針都無發過燒。聽d人講發燒係好，代表身體夠敏感，點知問醫生佢話錯，只不過係唔同人唔同反應，唔代表身體強弱(果個醫生讀預防學)。

各位媽媽，未打水豆針既記著開學前打，水豆好易傳染，一個同學仔有全班都染到，染到初時無病徵，之後先發出黎，但無病徵時期既傳染力係最勁既。如果係男仔染到仲C，因為醫生話水豆菌有可能會影響男性生殖器官發育。而且出過水豆，大個生蛇既機會會大d，因為d水豆菌會lee埋係腰部神經線，當身體虛弱時走出黎發病。

[ 本文章最後由 hongmimi 於 07-8-3 12:30 編輯 ]

hongmimi

ElainAiolia,
妳咁大隻sorry彈出黎，我地仲唔好意思…..

要靚位係講笑咋! 又唔係有海景唔洗要窗邊 (睇著隻化骨龍，就算有海景都無暇欣賞 )，唔該晒妳(同妳奶奶)就真，唔知妳係book 12:30定1:00呢? 燒野食我都好鍾意，但我就鍾意燒蔬菜多d，唔要咁多肉(無咁漏)。

匡匡病之前都無度到.....唔知有無高左，唯有行過地鐵站走去閘前再影番張相比較下喇! 不過個臉仔就尖晒咁囉! 心痛……:cry:

hongmimi

WMCHAN,
唔好意思，因為我地幾個小朋友都係返上午，唔係咁清楚全日班既事。我擒日都好想覆妳有關校車既時間，不過搵左兩日都搵唔到我姑奶問唔到佢，岩岩先知原來佢地一家去左旅行唔係香港。我姑奶個女讀緊宏福又坐校車，佢地住曉峰園對面，應該知道回程大約要幾耐。我老公話應該好快，唔洗半個鐘(因為佢幫手接過一次放學)，但確實時間真係要問我姑奶先知，我一知道就話俾妳聽o下......

歡迎妳同妳囝囝隨時參加我地既活動!

626mama

ElainAiolia,各位,
軒軒退左燒，不過仲係好多鼻水，好水那種同咳，
好以冇睇過醫生咁，都唔知而家醫生差過以前D醫生，
定係D病毒勁左。已經專了醫生!都好煩。
今天帶佢反屋企，仲要我來比藥佢地，想到都怕。
不過講開，我覺得而家可以用針筒食藥，都算一個偉大發明。
我記得自己細個時，我阿媽係用湯匙比藥我食。我仲好記得，
我阿媽係成個湯匙塞入我個口。

妳奶奶佢地都好開心喎，成日咁大棚人一齊飲茶。
好有家庭溫暖那種感覺。
我公司有番冷氣喇，心靜自然涼個方法，係室內30度時，
係唔得嫁，真係成頭成身都濕，我同事仲攪笑，
一聽電話就係講，好熱呀，やコゆ　。
張出世我都有一份放係自己電郵度，第時有咩事，
只要找到電腦就可以PRINT出來。

626mama

ElainAiolia,各位,
大家都覺得BBQ要帶個老公去，咁我地要早D約，盡量
就到全部一家大細去。
軒軒通脊坐係度等食，我通常一去到，立即燒條腸仔比佢，
咁佢就會坐定家係度食嫁喇，其實我都鐘意燒，不過同埋
軒軒去，都係我老公燒比較多。
下次我都學下妳，比d野佢燒下先。

2-3轉4號就好喇，不過冇得簡。

軒軒細個都易嘔奶，同妳地講差唔多，原來都有咁多人係咁。
所以我覺得佢反學會哭到嘔。

pcdogxx

626mama,
我原先都唔知要做咁多張架..  不過Hongmimi同我講d幼稚園會收起做留位, 我咪做多張是啤囉..   我都copy定好多張, scan 埋落電腦, 張正本入左係folder度..  冇乜必要都唔拎出黎架.. 驚整"巢"
以前阿媽都唔珍惜張出世紙既. 就咁放係櫃桶到, 又摺又俾野壓下..   有d摺邊都爛左喇. 同埋好媒囉..   

我未生之前都間唔中入去遊樂會打bowling, 雖然唔識打, 但真係幾好玩架.  同埋比出面平d嘛..    屎啦, 而家打慣左Wii果部, 好似好勁咁..  如果拎起真既, 都唔知會碌左去邊添..  哈哈..

如果軒軒仲有病, 星期日出唔出到黎呀?  話晒酒樓果d人多, 佢要養好身子迎接8月13日開學架喎..   我用針筒餵係唔得架.. 佢會lur返出黎..  次次餵都要同爸爸一齊, 佢鍊鼻, 我餵咁架.

Hongmimi,
咁攪笑既..  出得兩粒玫瑰疹咁少...  我個女出到成身都係. 反而面就冇乜喎..   

乜你老公冇長俸架?  哎吔..  蝕蝕蝕呀....   我果陣都不知幾想快d抽到宿舍, 我同奶奶住左差唔多一年, 真係頂唔順, 好似間屋係佢乜都要佢管咁..  同埋佢又煩.. 乜都依依哦哦.. 夜少少沖涼又鬼殺咁嘈...  大佬.. 熱死辣辣咁早沖涼, 轉頭咪又濕晒.. 梗係諗訓先沖沖完訓覺先舒服架嘛..   成日乜都話多風咁...  諗起就煩..  

我而家都係奉至遲到..  話返九點, 成九點七先返到..  好離譜.. 不過我公司係彈性上班時間, 有d返九點半都九點十先返..   所以唔係好覺眼者..  有時我見離譜咪遲少少先放工補返囉..  

喂, 唔驚.. 我一早落黎督促住匡匡叫佢合作d, 唔係冇街去..  哈哈..   陣間可能調返轉你走上黎吹我..     有時唔知做乜攪攪下遲晒大到.  又其是攪個女..  跟住冇乜時間, 自己搵件t-shirt著就算.. 成個丫烏婆咁..  

我又係好似你咁, 做做下個人懶晒..  又唔想出去又要適應份新工.  
而家同出邊可能都脫晒節唔識見工添喇..     咁我寧願係太古做喇.. 話晒都有商場行下吖. 我呢度零零舍舍得一橦商業building, 呢邊都冇乜野行..  見黎見去都係街坊裝多, 連去飲茶都係d阿公阿婆..  好似唔似返工咁..

如果咁追會瘦, 我都特登唔覆你d msg, 等你追下喇..  
跟住可能呢個宏福版題裡面淨係得追追追呢幾隻字..  哈哈..

天藍,
你細個有做少年警訊架..  嘩.. 乜我地呢5個家庭同呢個紀律部都咁有關連既,  626mama 又做民安隊..     第時我都想阿女參加多d呢d活動, 做下童軍咁.    可以訓練下佢d紀律性..  

你間公司福利都唔錯吖, 仲享受過咁多次旅行..    我做親果d都冇d咁既福利既..  最正都係試過一次前年去海南島, 之後冇埋喇..  不過我記得去海南島果次好變態, 返黎果日係搭早機, 下午到香港, 公司變態到, 食完lunch, 全部要返公司做野呀. 你話痴唔痴..  邊會有人有心機做野吖...

你就好啦,  咁近屋企..    我都好鍾意一放工好快返到屋企..   以前尖咀都好d, 而家去到北角真係想死.. 車費又貴d喎..

咁你睇住昊藍仔喇..  養好身子先好返學呀..   我地下次攪BBQ再一齊出黎玩過..  

ElainAiolia,
我睇到子聰張相喇..  呢張影得好好, 唔似佬呀.. 不過我都覺得有少少似女仔喎..  可能影得佢好白淨呀..   

呢排好多人出玫瑰疹呀..  我識既都有3個..  不過呢d冇得避免, 都唔知係邊到傳返黎..  

我阿媽成日都叫我買珍珠未俾阿女食. 話食左皮膚靚d囉..  我又真係唔知對眼好喎..  咁等我買d俾佢食先..  我買親都係余仁生架.. 其他牌子唔敢買..  

嘻嘻.. 唔好話你老公, 我有時都會lem下阿女d藥試下味, 睇下係咪真係咁難食嘛..  我聞樂去好香架, 又橙味, 士多啤梨味咁..  有d仲好似汽水味..  我就係唔明點解咁香佢都食到發晒癲咁咪試下囉,  唔.. 我覺得似以前食果d 唧唧冰咁囉.. 有d藥水味咁..  可能將佢雪左做冰阿女會鍾意食d..  哈哈哈..

咪係.. 細個果陣真係嘔到你驚.. 結果一餵親奶, 我同我老公都唔係好想做..  你推我我推你咁..   阿媽食日鬧邊有BB會好似佢咁架.. 鼻都出埋.. 我湊你三個都冇試過咁呀..   唉... 我點知喎..  
你估我想架咩..   嘩.. 子聰咁曳曳扮嘔黎威脅你呀.. 仲要真係嘔埋出黎..  唔理又唔得, 理佢又好似俾佢得寵.. 真係難攪..

我阿媽邊會好似你阿媽咁好陪我去聽講座吖..    我俾埋VCD佢睇, 佢都話佢果套係最好..  仲要係衰過佢都仲要係咁..  例如而家咪教洗完頭先好除片既, 佢就乜都同佢除晒.. 攪到洗洗下頭痾左督屎落佢個身到..   都仲唔識死.. 下次又係同佢除晒.. 你話激唔激屎..

Wmchan,
你好, 歡迎你加入我地呢班師奶團..   得閒上黎吹下水吖.. 交流下心得都好呀..   我都想睇下全日班返成點呀..   全日班有分咩班名架?

pcdogxx

哈哈.. 淨係我篇回覆霸左半版面..   幾驚打打下hang機或者按錯掣冇晒呀..   

626mama,
軒軒好返好快d帶佢去打水痘針呀..  我都係驚, 肺鏈同水痘都一早打定晒喇..   一返學就要有定心理準備會成日病架喇..  睇下有咩曾強抵抗力既食物湯水一齊分享下呀..

我而家就每日俾司各脫佢食..  隔幾日食一次smartfish 囉..