番禺會所華仁小學

nancytse

麟媽媽

麟媽媽 寫道:

亞仔買單上衫款，棗紅色啞面反白色袖，
佢話自己好有型喎！笑死我同老公！

入面著白色tee, 件中國褸唔好扣鈕, 下襯牛仔褲, 真係幾型o架！     

chelsea

nancytse,

Oh, didn't realise they have it too, have to spend more time on shopping, I always try to get thing in my office area :)

Chelsea

nancytse 寫道:
Chelsea,

日本城都有園藝用品賣o架！

麟媽媽

nancytse,

佢就係話襯牛仔褲同波boot 喎！
我都要同佢買番對新足球鞋，
而家嗰對見到都唔開胃啦！

nancytse 寫道:

入面著白色tee, 件中國褸唔好扣鈕, 下襯牛仔褲, 真係幾型o架！     

麟媽媽

Raymond,

呢個唔係迷唔迷信問題，有D 野唔一定要堅持的話，
免得過呢，我就唔會令老人家唔開心的。
我奶奶知我信教，從不勉強我上香跪拜之類，
我亦無阻佢拜我老爺，呢個係互相尊重之道，
如果著黑色令佢不快，又唔係無第二個顏色，
選另一個色，亞仔一樣醒目精神，何樂而不為？

PS: Raymond 你有無去過香港的殯儀館？
裡面D 人正正著黑色唐裝衫褲，
仲加多對黑色燕尾鞋！
如果亞仔買黑色就同佢地既上衫一樣，
我堅持比亞仔話事既，你想我比人開年？

麟媽媽

Dear Raymond,

Umm.... 呢樣正正是各人既取向了。
我都係國外住過，而令我明白到家人既可貴，
每事家人對我地既包容，正正是可貴之處。
只要唔係盲目附和，某情度我時常會忍讓，
我家6 個女，各有唔同思想性格，
女強人亞妹同你思想接近，唔容易妥協，
我係家中成日成為中間人，有時都比佢地擺上枱架！
Anyways，只要家人高興，我倒沒什麼所謂，
性格生成係咁囉，無計啦！

麟媽媽

大家開始辨年貨未呢？
我老公同亞仔已清左我袋軟糖！
我又要買過！都係收埋唔好比佢地搵到！
琴晚我地一家去太古城又辦吓年貨，
亞仔成晚都撞到熟人既，
同班既又有、二年班又有、六年班又有，
見佢行行吓，又唔知同邊個揮手？！
呢樣真係似到佢老爹十足十，
以前同佢老爹拍拖行銅鑼灣，
係SOGO 後面，街頭行到街尾，
佢起碼撞到3-4 個朋友既！！

jackjackma

麟媽媽,
一家人都咁多fans,勁,勁,勁  

早幾日都去過太古城辨年貨,
在uny有個"紹x園"counter,
有個別包裝的油角,煎堆,花生糖,南棗合桃糕...
買了一磅返屋企,三位少爺一人試一款,
已經無了一半,唔想買太多,怕吃得太多熱氣野,
不過過年前又要去入貨,
今次係我第一次買油角,
以前過年前一家人一起做, 諗起都溫馨,
近年全家都怕肥,唔再整,
我媽媽會改在過年包

felix喵喵

嘩....你們真勤力啊, 咁快辦年貨,
我都未抽到時間出去搞,
只是放了盆水仙.

今日一家3口去了中環半山的視覺藝術中心,
影了張用"針孔攝影機"拍的相片,
因要捕光關係, 個post足足定了2分鐘,
連笑容都梗了....
唔知效果會點呢 ??? 遲下有相睇時再與大家分享. :wink:

chelsea

Morning friends :)

麟媽媽

早晨呀！呢兩日好攰啊！
星期六同其中一隻貓沖涼，
我不知幾咁enjoy！
新屋有個露台真好，
連籠帶貓出去吹，
唔使D 貓毛飛到成屋都係嘛！
另一隻長毛要搵寵物美容架，
隻衰貓又一定要去嗰間用烘毛機，
我由TKO 去到高街呀！好遠架….
琴日我地係街由12:30磨到8:00pm！
只因嗰度太多動物排住隊沖白白，
貓貓狗狗都要洗乾淨過年嘛。

Jackjackma,

我屋企樓下有一間"紹x園"，
直情係魔鬼大誘惑呀！
我成日買D 合桃，好食到暈呀！！

Felix喵喵，

你D 水仙有無開晒呀？呢兩日好暖啊….
我樓下嗰棵桃花三日前仲成棵枯枝咁，
3 日後開到巴巴聲，紅當當了！
仲有成個星期先過年，到時都謝晒囉….
所以我琴日買左蘭花，貪佢褾開嘛！
白底花芯桃紅，好靚啊！
只係怕D 貓咬D 葉又或者食D 泥？！
我地琴日走到去旺角花墟買，
$88 一枝，平過出面花店好多呀。

NICHOLASMAMI

Dear All:

1)  請問取成積表當日是否不須與班主任見面???
2)  如真的沒有, 我怎可知道他在校的表現呢??
3)  成績表有沒有告之考第幾???   如沒有可用什麼知道  呢???

Very Exciting!!!!!  Thanks all!!!!!

麟媽媽

NICHOLASMAMI,

1) 請問取成積表當日是否不須與班主任見面???
>> 會有得見老師的，有通告話你知咩時間的。

2) 如真的沒有, 我怎可知道他在校的表現呢??
>> 如果你見老師佢會同你傾仔仔平日點，
如果你選擇唔見老師，可於早D 係禮堂攞。

3) 成績表有沒有告之考第幾??? 如沒有可用什麼知道 呢???
>> 成績表只有頭10名的名次，
其餘都有排名，你可以見面時問班主任。

felix喵喵

麟媽媽 寫道:
Felix喵喵，
你D 水仙有無開晒呀？呢兩日好暖啊….
我樓下嗰棵桃花三日前仲成棵枯枝咁，
3 日後開到巴巴聲，紅當當了！
仲有成個星期先過年，到時都謝晒囉….
所以我琴日買左蘭花，貪佢褾開嘛！
白底花芯桃紅，好靚啊！
只係怕D 貓咬D 葉又或者食D 泥？！
我地琴日走到去旺角花墟買，
$88 一枝，平過出面花店好多呀。

麟媽媽,
    marco 真係識歎, 估唔到男孩子都咁貪靚.
家中水仙已經開了一半, 現在天氣回暖, 我估計未到年三十晚應該會開晒.
昨日旺角花墟應該超多人啊, 因前2個星期d人已經開始買花, 逢週六, 日都是人頭湧湧, 好不熱鬧.
下次你去旺角花墟時, 比個電話我罷, 因我經常在週六, 日於花墟對面個球場工作

felix喵喵

raymond1981 寫道:
Dear nancytse

Why don't you ask me about soccer?  I still follow Hong Kong and international soccer to a certain extent.  To find the answers, you can visit www.hkfa.com or use yahoo news.

Regards
Raymond

raymond
你有留意 香港聯賽!! 今季d比賽刺激好多啊, 你支持那隊呢?     

NICHOLASMAMI

麟媽媽:

Thank you very much !!!!

但通告為什麼寫了不會與老師會面???


    

麟媽媽

Felix 喵喵，

我都唔知Marco 點解對風筒恨之入骨？！
唔知佢之前受過D 咩打擊？！
佢一D 都唔怕水架，唯獨一見風筒即失控！
佢會好驚青，繼而張牙舞爪 >> 對個風筒喎….  
我諗過自己置一台烘毛風柜架！
但比我老公話我痴線，好阻地方喎。
我琴日都成8 點過後入黑先到花墟，
一樣好多人，擺晒D 花出條路度，好惡行！
位亞姐仲一毫子都唔減啊！唔休賣咁話？！
佢嗰度有隻安哥拉貓，訓係個水仙盆打貓餅，
好可愛！亞仔同佢玩一輪，
我又借機同亞姐扮friend 講貓經…..
點知…佢一樣一毫子都唔減比我喎！！  

麟媽媽

Eee.... 但我嗰張有會面時間架喎，
跟番學號排時間架喎。

NICHOLASMAMI 寫道:
麟媽媽:

Thank you very much !!!!

但通告為什麼寫了不會與老師會面???