低功能自閉症=腦葉酸缺乏症

jasonchantk2015

咁問你有冇葉酸藥丸介紹?…我仔識講小小野，但集中力只得幾分鐘，所以上k2基本上學唔到野，上step先學到d…但要上小學真是唔知點算

jasonchantk2015

見你話食b12…有什麼用處呢?

Kyle

B12刺激語言

Kyle

文中已介紹了，我仔食開一隻叫Thorne research.

就算我介紹了，你也要自己上網看，如ok, 買細樽給仔試食，看反應再決定。

每個仔都不同，我仔缺葉酸，唔等於每個自閉兒都缺。

暫時我見到自閉有共通點；
蛋奶高敏，
重金屬高，
小腸迴腸段發炎，
體內念珠菌高，
低功能無語言的有腦葉酸抗體。

Kyle

你講既言語差，專注力差， 是個表現出來的症狀，自己研究時要尋根究底些。

jasonchantk2015

B12刺激語言…等唔等同刺激理解? Thx

Kyle

回覆 jasonchantk2015 的帖子

yes or no.  睇下個囝講野是否有意義.

有仔無聲食咗B12 開始有聲, 有啲仔有聲, 但只是自言自語, 或鸚鵡學舌, 發音是唔經大腦. 這些唔算有意義.  

食B12 又好睇體內有無足夠的 lithium去傳導B12 到達神經.

其實都一環扣一環, 所以如你想覆雜簡單化揾隻萬能supplement, 食咗脫胎換骨 (個個都想), 我會建議你唔好諗supplement, 因為supplement 需要大量研究, 而呢方面知識, 就算俾錢揾醫生都是BB版. supplement 資料香港你揾嚴浩, dr Ku 比西醫熟好多. 自己研究就要看外國的自閉網站才多用家分享, 香港自閉媽圈子這方面是無咩資料的.

Kyle

回覆 jasonchantk2015 的帖子

大家見嚴浩介紹人用什麼布緯療法, 油拔法等, 都大把人討論, 當然有好, 又有唔好反應, 不是一面倒個個反應都好, 嚴浩當然每天都要解答好多讀者來信在運用方面的疑問. 所以如你 要掂supplement, 一是你求其食下魚油, 益生菌呢類基本野就算, 一是你慢慢研究, 亦要有心理準備, 每個人都是獨一無異的, 每種療程都有成功和失敗例子. 見人食得好, 唔等於你仔會有一樣效果. 所以都是試白老鼠咁試.

我自己無辦法, 好多野都敢試, 因為都無咩down side.  但一般港媽都比較緊張, 食魚油都好似打仗咁, 那就唔好花心神在這方面, 可能諗下出錢找一些治療交俾別人去搞就算.

jasonchantk2015

Thx a lot

jasonchantk2015

我見有人講dmg ?是什麼來的? 魚油用量其實要多小才有效?…現在食vegepa 3個月…效果好似麻麻

Kyle

你上網睇埋個內容米知什麼來，點解見個名就拎過嚟問。自閉啱食的supplement 有過百種㗎喎。

你上www.autism.hk/asd-biomedical.htm 有個中文版講下有咩自閉啱食的supplement.  Dmg 在其中。識看英文就上網摷英文來讀啦，會詳盡好多。

至於咩份量先有效果， 難講喎，自己由低份量慢慢試上，亦有可能食完衰過以前，如那隻supplement 你仔身體不需要或你仔對成份敏感都會的。就算是嚴浩介紹的油拔法、布緯都不是個個食完有好效果啦！如你還不明什麼是白老鼠咁試的道理，請不要搞supplement 了。  我講到這裏。

wahp

各位，我諗晚將益生菌和魚油同時溝落豆奶比仔飲，約一小時後佢極hyper狂笑和好快咁郁！各位有無試過咁情況或者知道原因？
我依家唔咁將兩樣野撈埋了。

Kyle

溝，完全唔關事。

單獨食呢三樣野有無事？

你杯荳奶好多糖？
益生菌有糖？
魚油既魚有無敏感？
魚油有無糖？

Kyle

一向叫人食supplement 唔好加落飲品處，日日飲幾杯甜飲品來送supplement，仲衰過唔食。

EEFF

我仔2歲半, 2歲時確診, 當時醫生説是嚴重的。。。。在這半年時間裹, 我不斷上網找資料, 看看有哪些治療是可行的。當中當然有study樓主Kyle姐你這個post。對我真的很大幫助。。。。個半月前開始介牛奶, 轉飲豆奶, 遊魂情况即刻有改善, 跟住同佢實行埋gluten free飲食, d野好似跟住黎, 如開始講單字(雖然仍然很少很少, 但對我來講真係好大進步), 聽得明指令(如掉垃圾), 情緒亦好左。。。。A-Z都識少少, 但有好多都發唔到個音(如B, G, J, S, V, W, X, Y等)。 其實我唔知係因為舌針(已做了八十幾針)濾績左d功效還是真的GFCF令佢有改善, 應該是两樣都有用吧(如果咪我八十幾次舌針錢咪好蝕)。。。。
講咁多野, 其實係想問問樓主, 如果食葉酸, 2歲半份量應多少? 哪隻牌子好? 如在iherb訂, 可用你個code嗎? 謝謝 !

EEFF

還有, 在這post內你曾經提過Dr Amy Yasco, 雖然英文認真麻麻, 我都上過佢個website一路查住字典一路study下咁啦, 我見真係好多成功康復例子, 樓主有試過佢嘅化驗嗎? 我send過email問佢, 原來佢地可以寄来香港然後我地再寄返個testing kit比佢地, 結果5個星期左右會有, 佢在回覆嘅email有提過如果在香港做, 有一個叫Dr Lauren Bramley嘅醫生可能幫到我.....我上網揾過, 係一個醫療集團, 有很多唔同種類嘅醫生, 但冇一個係主攻自閉的, 反而ADHD就有, 而呢個集團, 應該多做濶太生意, 因為好多是anti-aging的。。。。
呢個Dr Amy Yasco 嘅procotol好似都幾科學咁, 樓主你覺得值得參考嗎?

Kyle

我囝做過佢地既nutrigenomic test 去睇下囝gene 方面既問題，解釋到點解我仔食咗高劑量b6 會非常hyper.

Amy yasko 個protocol 好靠家長自研自習，資料好多，forum 又有，所有test 佢地預send 個kit 去家長，家長可以在家攪掂兼寄回去，完全不用經本地醫生搞的。你深入望下啲test, 會發現那裡沒有一個要抽成筒血既test, 頂籠幾滴血，尿和大便罷了。amy yasko 不是美國註冊西醫，所以佢經營個網站都避開呢樣，而好多外國自閉媽manage 仔自閉都唔似得香港咁咁鬼倚賴啲無鬼用西醫。

值唔值得？要預自己花大量精神自研自習和自試囉，即自己去manage 仔個case.

Kyle

葉酸買1mg 的，等每日給半粒來試下，ok 才加上。當然歡迎你用我的code.

Kyle

其實香港有好多自閉媽是supplement 高手，但她們多是鬼鬼地那批，仔讀國際學校，上英文aba.

而本土媽就好少用supplement, 用的多要跟那幾個又貴又廢的西醫。研究supplement 需要大量網上閱讀，還要看美國網，那些真好見好多外國媽分享，本土得嚴浩或自然健康療法網站間中講下自閉，無乜媽咪分享，所以都要考慮執行性。

Kyle

係，見你開過post 問點玩amy yasko.  因你在出面問, 我廢事答。現答你如下：

先做咗個nutrigenomic test. 此test 是測驗gene 的，一生人做一次就得，以後不用重做。

佢會將個kit 連protocol 資料寄給你

在等result 期間，你讀晒啲資料，可以跟她建議去食supplement. Supplements 在她網站可買。但其protocol 要食既supplement 是嚇壞人咁多，跟足心理和荷包都有壓力，咁就要靠自己研究去㨂啲supplement 嚟食。

她資料和forum 常叫人定期驗野，如hair metal test, urine essential element 等來monitor 個進度。你覺得make sense 米訂啲test 在家捉個仔驗下。

最好就是test result 回來時,呢個Amy 會在傍邊寫上建議的supplement, 你睇完又要逐樣摷下料，或如真唔明，去forum 問下人。

其實Amy yasko 賣埋supplement 和test kit, 都有些角式沖突，個protocol 就是勁多supplement 要食，和常叫人隔一段時間又做過啲test.

我呢排無咩心神研究佢啲野。