低功能自閉症=腦葉酸缺乏症

奀珠

我加落果汁俾佢飲。

Kyle

唔明小朋友鍾意背野，記性好點解就叫自閉傾向。講真我未見過自閉兒好記性的。這類鍾意背野既小朋友細時俾人話自閉傾向，過多幾年，訓練與否，個媽自不然同人講個仔同常人無異了。

小朋友鍾意背路線圖米由佢背囉！興趣嘛和大家做過小朋友都知做小朋友其實好無聊。我自己細個無聊玩織冷衫都玩到不眠不休，看金庸又看到大近視，咁唔通又有問題？是否大人自己對那些東西無興趣，見小朋友背就覺得有問題？

識我既人都知我記性異常，本身都未見過有人記性好過我自己，莫講自閉那些。

我覺得家長有自己把尺，如小朋友差過或好過呢把尺就覺得有問題。小朋友記性好過自己又覺得有問題，咁個家長何不認為自己蠢呢？

我諗背野要去到影響生活，不由自住地喃喃自語日背夜背就有問題。我好強調是不由自主重覆行為，是精神有問題。這跟有興趣地有意識地讀到好熟是不同的。看小說日看夜看都是重重覆覆，但未到不由自主癡咗線咁停唔到嘛。有些強迫症人唔洗手唔安樂，既重覆又不由自主的停唔到，呢隻米有病囉。自閉症患者真的好多重覆不由自主的行為，如玩眼，玩聲，玩手， 突然拍手，伸手指等。如去到完全不理其他人， 成日不由自主地背野，這類有語言的患者，算是高功能的了。

如那小朋友沒有不由自主地重重覆覆行為，只是講野表達差，那只可說單一言語言表達問題囉。

Kyle

Supplement 一定唔好食，好味的，即好多糖，唔吃好過吃。他不喜歡你可以揀不吃或當藥要佢一定要吃。好味的魚油，如日本肝油丸，你望下個成份，一定是糖多和Dha 成份少得好可憐。

我視supplement 是藥咁喂仔囉！魚油用針筒劑落口。

好反對家長將supplement 溝埋果汁來喂，飲咁多果汁，米長好多菌！

Kyle

至於脾氣差會打人，其實跟表達力有關繫。

由細到大我常和人鬥咀，我可以吱吱喳喳咁一輪咀咁出口， 若對手是男生， 通常男生把口無咁醒，招唔到架，咁會點呢？米出手打人囉！細時我都成日激到人出手打埋嚟，，大些就知激到咁上下要收口，好走了。

在街見人爭執，男人唔夠人講，好多時就發火打人，常見㗎喎，唔通個個男人都自閉？

表達力超差那些自閉兒當然好多時因為表達唔到個意願，脾氣差會打人。但你要看是什麼程度。常人尤其男人因唔夠人講就出手個程度，叫正常卦。因未至於影響生活，只是間唔中出事。

Kyle

記性好的人一定要好專注才會過目不忘。自閉兒連望人都有問題，專注力一定唔得，咁怎會記性好？至於有些自閉只專注自己喜歡既野才有記性，那呢類既記性是好局限，例如只愛巴士，對巴士路線好熟，但其他野不上心，算是記性好嗎？

ngfatmouse

Klye, 請問有沒有試過給五殼粉小朋友飲代替奶? 因有朋友介紹給我. 但因全無味道, 小朋友不願飲, 可否加糖? 蜜糖? 還是可介紹給我那款可代替糖? 去買裹買? 謝謝~~

Kyle

代糖用stevia 會安心啲。

啲飲品唔甜真是鬼啋你，但日日一杯，杯杯落糖，真是唔得掂，nuts 有幾多營養都唔及糖份的破壞力。

Kyle

我買不同的nuts 來打汁㗎。其實整甜佢，調較下個濃杰度，就乜都好飲㗎啦！

Kyle

Stevia 可去city super, I herb 或大百佳都有。㨂些寫明天然成份的。價錢都幾貴㗎，但糖最好不要用咁多，我就主要加在飲品裏，煮飯只用少量或唔用。

Kyle

我以上舉幾個例子，因有感而發。前排和個社工傾開，我話其實而家所謂做評估的，只是日日見呢類小朋友，評估時對住個表猛剔猛剔，郤沒有親身照顧過呢類小朋友，其實佢地係米咁專業呢？個社工都好同意並感嘆而家個評估標準好寬鬆，郁啲都話個小朋友有事。

而緊張大師家長總是乜都凝住凝住，個仔超蠢唔理人，當然覺得有事。但個仔記性好過自己，又覺得有事；個仔曉背巴士路線，自己唔曉，就更加有事。總之偏離一個以自己為標準的尺度，就好擔心。如個仔是瘋狂熱愛讀書或彈琴，點解家長唔覺有事？

亦同另一個媽傾過，得出同一個看法：有事的仔，點醫都有事；無事既仔，就唔洗點出力就可以無事。

Kyle

1. 煲cd 狂睇唔算吧，啲男人煲av 有無問題？

2. 語言和唔望人係有問題㗎。

3. 發脾氣打人是表達有問題的必然後果。

自閉有三個criteria, 大概是語言，社交和重覆行為。

社交最大concern 是有無望人眼，有無愛和小朋友玩，唔係講nice 那些。正常小朋友一定望人眼㗎。自閉是就算你捉住個頭面對面咁望，自閉兒對眼都可以望上望下望左望右，唔望前面那個人對眼。和正常小朋友好愛羣小朋友，見到小朋友好自然望住和走埋去。自閉不會理其他小朋友的，當人透明咁，寧願玩死物。

所以留意2.

ngfatmouse

回覆 Kyle 的帖子

THANK . Kyle

apple~y

回覆 Kyle 的帖子

"有事的仔，點醫都有事；無事既仔，就唔洗點出力就可以無事。"

我十分認同,其實係度見好多話評自閉小朋友根本唔差的

Qmummy

回覆 Kyle 的帖子

用了三天時間,看完262 pages,從未試過看一個甘長的POST,但又唔想miss左當中一些有用資料亦唔想為求方便只開口問, 睇完之後個人即刻有晒方向應該點幫個小朋友

EEFF

原帖由 Kyle 於 15-05-04 發表
1. 煲cd 狂睇唔算吧，啲男人煲av 有無問題？

2. 語言和唔望人係有問題㗎。

用左幾日時間狂㷛呢個post, 去到差不多尾段先知原來你地已經開了wtsapp group傾, 有d失望。 但呢個post真係令我呢d新手A媽獲益良多。
同意樓主所講, 有部份家長過份担心, 明明冇事都會因為一些佢地認為係固執嘅行為而帶小朋友去評估。話説我最近上左一個專為自閉童而設嘅歷奇坊, 眼見當中大部份小朋友正常過唔正常, 又同人一齊玩, 我專登走去問下佢地問題, 叫佢名反應又快,又望人又對答如流咁, 心認.... 唔通真係經過training會變到咁正常, 咁我又再抱有希望啦........
但到家長一齊傾計嘅時候, 原來個家長覺得個小朋友有問題係因為佢好痴實媽媽, 什麼事都要媽媽, 咁.... 竟然係固執行為, 難以致信.....智能認知言語無delay, 但CAC仍然評估為自閉, 因為話佢眼神弱, omg

奀珠

你哋都睇得幾快，當時我放工之後睇，睇咗兩星期！

TRF北村

Kyle,好高興見到你回歸，請問煮食油有邊隻推介?

謝謝

ttrrmm

Kelly,

我先生讀了很多文獻都是需要大劑量的FOLINIC ACID, 但是普通如IHERB的就要吃幾十顆才夠量，您知道哪裡買高劑量的嗎？
我們看到網上有買亚叶酸钙片，但是看你的帖子，鈣好像又不適合A仔，所以很糾結。我先生都是醫生，他說亚叶酸沒法單獨存在，一定需要和鈣或鉀合成，而鈣又是最安全的，所以他覺得不能加鈣沒有道理，但是我看了你的帖子，真是不敢給仔服用。請問你知道哪裡買合適的亞葉酸嗎？另外我仔，懷疑是線粒體病引起的自閉，據說香港只有大口環馮醫生知道這個病，我們看過幾次，他是不錯，但是確定是否真的是線粒體病，非常難，我們最近花了八千美金寄了血樣去美國，至今沒有結果。看著仔仔三歲時一個只有稍稍社交被動其他都正常不過的的孩子成為現在弱智兒童一般，真的很心急。不知KELLY, 有否聽說過這個病？

Kyle

我𣎴是叫Kelly 或Kylie. 請看清楚。

Folinic acid 一定是Calcium 或sodium 跟葉酸合成的形態，那個calcium 份量不多，不足為患。

你是指mitochondrial disease 嗎？ 是的a 仔好多有呢個問題，細胞傳導問題。