低功能自閉症=腦葉酸缺乏症

奀珠

daisylhn

如果腸炎，有冇聽過葛森療法？大腸排毒對呢方面好有幫助架

ffpa

有冇A仔或女要魚油？＂Nordic Naturals" 橙味Arctic Cod liver Oil 1支, 全新，亞仔唔再食， 有需要PM我免費！

ChinoB

Kyle 發表於 15-1-22 11:50
快一歲時出玫瑰疹，高燒了五天，成個瘦咗一圈。跟住打一歲針，pk 醫生話可打，打完後成日頭dup dup, 成日喊 ...

請問係健康院醫生定私家醫生？如果係健康院，介意透露係邊一間嗎？

Kyle

仁安

lbluebaby

由bb5-6個月開始懷疑佢會自閉或智力問題，亦試過帶佢去健康院見醫生，問過私人中心話太細做唔到咩。呢兩個月不斷睇你個page，想打定底。依家bb 7個幾月就8個月啦，仲係好多自閉特徵，我已無任何希望bb愈大會無左呢d特徵。只係覺得會愈來愈明顯，其實仲有好幾個媽媽ge bb同我個女情況一樣，大家都好擔心亦好無助。想請教下你gum細個就覺得佢有自閉，大個應該會變嚴重自閉ge機會好大？因為我見好多都係一歲幾兩歲先發現。我依家連半歲針都未敢打。醫院又打黎催我帶bb打針。。想請教下你，個女仲細，要完全介奶好難，佢生長線已經跌緊。已經減到2餐奶2餐粥加菜或水果，如果唔食全蛋只食蛋黃ok ma?不過bb本身食得好小。。gum細過可以比d supplements佢試嘛？魚油開始比佢食，益生菌都有食，買左lifetime ge鈣鎂鋅。應唔應該都比佢食呢？我亦都非常同意你話睇便便知道係咪自閉屎，我個女如果個排柯成形靚屎面色好又會心情好d理人多d,個排一柯欄面色又差又唔理人。想問下你我點從飲食方面或食supplements 方面去幫佢？醫生只係話等佢一歲到2歲都未識講野先擔心。。但我等唔到。想早d幫佢改善。Bb明顯特徵係逃避人眼神，一直都唔肯望住人，你一望佢或同佢講野就唔望你，同埋對媽媽無依戀.已經24小時湊佢，我出街或返黎都好似無咩反應，好少bb話或發音，鐘意尖叫，因為唔望人，好難交流教佢野，唔明大人表情，試過惡佢但佢笑。。。又好似唔怕痛gum....叫極唔應但聽覺無問題因為留意聽奇怪聲音，出街咩人都唔理。。。仲有好多好多，。。其餘有好幾個媽媽都有同樣擔心。。

Kyle

七個月咋喎！唔通你想個b 同你講野？

睇暈得話逃避眼神有concern.

什麼對大人依戀，有咩問題？

尖叫，唔曉講野，會尖叫既。

其實呢到好多家長對自閉都有些亂嚟，什麼自閉記性好，固執鍾意背地圖，都是講到好似奇聞咁。 以我在協康見足咁多年，自閉是蠢過隻豬就有份，記性好，連地圖都背到那些仔都唔慌大問題得去邊。

你那咁細個b, 有問題既話，看眼神，跟住看有無古怪動作，如有無不由自住的搖頭，Fing 手， 前後搖。至於應唔應人， 咁細個，你有無教佢佢係邊個？我記得教大仔同人拜拜都要教到歲幾先識。唔好諗住七個月是神童，識得聽人話和識講野先得㗎。至於固執行為，啲所謂有問題仔女既阿媽又是好謊謀，我見大部份正常小朋友都是固執㗎噃，坐開個位俾人坐咗週身唔聚財咁。 幾十歲人如我父母輩，固執行為仲多添。請不要專注在什麼固執行為上，留意多唔多「不由自主」的重覆古怪行為吧！

Kyle

睇錯，對你無依戀，又是古怪些。對奇怪聲敏感，呢樣都要留意。

至於戒奶，咁細個，去驗下有無敏感先戒啦，你斷佢奶米即是斷佢米糧，如有敏感，可能要轉吃配方豆奶，頂到轉晒固體。

Supplements 可給他魚油。至於蛋，通常咁細個不吔蛋住。 你都是帶他驗下敏感，無問題才給蛋啦。七個月應該是開始試固體無耐，每樣食物，要慢慢試。

Kyle

五歲剛確診？那應不是嚴重個案。

他是什麼問題？

自閉（孤獨症）是腦的問題，腦有事問題就非單一，通常不單說話發展慢，唔望人，有些小朋友肢體動作怪怪地，手腳伸展張力不太自然，一望已看出有事，自閉通常都夾雜好多古怪行為，如stimming （玩手，玩眼，Fing 手， Fing 頭，伸手指，突然拍手，玩聲，弄聲嚮）常尖叫（注意是不由自主的，他有意識下，都停唔到那些。）

古怪行為跟固執是不同的。好些家長不明所以，常緊張過度，總覺自己仔有問題，強把一般人固執行為就當是有問題。這些家長我無咩心神理會。如你朋友仔咁大才確診，你要睇清是一個有問題的小孩還是家長的問題。當然有人挑戰話，人家是經專家確診。專家話係便係。跌舊磚頭落街都整死好多專家，人家乜料就無從查考。你以自己觀察將他跟正常小孩比較下，行為和功能上有無些不正常？至於如行為正常，但思想方面的不正常（如蠢過人，固執，鑽牛角尖等）再作別論。

知道這小孩問題後再談吧？

Kyle

猛然想起，在國內就唔好嘥，可以試下高壓氧、針灸和中藥。如你朋友有興趣的可以揾下國內醫院的幹細胞療程。

Kyle

蛋白針，我想你是指丙種球蛋白針吧。有幫助！可以減低體內發炎指數，咁小朋友表徵米會定些囉。

國內醫院真好興吊這個針。聽聞啲家長當補針咁給孩子打，連體弱多病的大人也打。

有幾種選擇，在國內院打，如不信國内啲藥，香港揾醫生入香港醫院做吊針也可以。香港醫院用的貨平的來自紅十字會，貴的是外國入口。另外我剛知有些本地藥房會出售此丙種球蛋白，顧客可以將此蛋白送往內地揾內地醫院醫生注射。

另大陸食水食物汚染嚴重，叫你朋友在這方面搞搞去。

Kyle

不過其實在大陸可以玩的技倆比香港還多。香港啲家長來來去去都是3t 或密集訓練，講真情況輕微既仔齋3t 或密集可能有機會得既。其他如介口、supplement , 不用專登回香港執行吧，那裏都行。

國內無香港有，我想會是看那幾個生物療法醫生做排毒罷了，其實大多數家長都接受不到排毒，所以你朋友要清楚知道自己想回港做什麼療法。

是的，還有舌針啦，個孫教授和他仔來了香港，要做要返香港。

臚底骨，不知國內有無，但效果麻麻。

諗到咁多！

Kyle

重點答你朋友個仔情況。他外表看來無乜怪異行為都可算是輕微，我亦估計體內發炎不高。發炎高會有比較多怪異行為和過度活躍。

發白日夢，唔理人，就要先介牛奶了。

dypal

奶粉要介？

Kyle

Bb 十個月已可三固兩奶，過一歲更可一日四至五餐全固體了。過兩歲父母還要日日隊個bb 飲奶粉，是bb 需要？還是父母覺得奶粉好有營養？停不了？如是後者，個父母要自己上網看下牛奶的問題。被廣告洗腦得太根深蒂固，講到口水乾都照飲，我此等外人，又不是這些父母阿媽，無必要日哦夜哦去改變這些父母思想。

Chujai

Kyle 請問如果買Nordic Natural要買邊隻？我見佢有children dha 同omega應該買邊隻？

Kyle

我自己買最普通呢隻。如你看清楚成份，每隻都差不多那些成份，只是看你自己需要，因有這人想要低些份量，有些人又會要有vitamin d , 有些人不想含vitamin d, 因其他supplement 已攝取了。

15-4-14 14:55 上傳

下載附件 (81.31 KB)

Kyle

今日林觀禮上報紙給人告，而之前高楊楊也上過。傳統派醫學對排毒是持相反意見㗎，覺得會整死人添。但外國自閉界就好興排毒，好多家長自己買藥低劑量咁排。

呢個林醫生和高醫生是專家喎，傳統那些如威記那些醫生又是所謂專家，我給威記醫生看仔排毒報告，佢地話未聽過喎，將我仔份報告夾file 就算數。 咁信邊個專家才對呢？