比華利幼兒園.

hktt

IRON,

做公務員幾好，有咁多津貼，不過減人工就差d，入職時有無黑白紙講明嫁，如果唔係就要告政府啦 (我支持呢樣嫁)。

LITTLEEVA & IRON,

你地講的魚肝油係邊隻牌子呢?是否很好味呢?

IRON

hi hktt & littleeva,

尋日仔仔玩完聖誕聯歡好鬼死開心呀, 成日係咁講野係咁跳; 哎, 原來都有個女仔送聖誕咭俾佢, 可能仲係放左好多日, 因仔仔尋日返先見到, 搞到我拿拿臨去買返個hello kitty公仔俾佢今日回送返俾個女仔. 何主任話佢係學校乜都食, 又食火雞又食芝士腿治, 係屋企乜都唔食(雜糧), 唉, 真係要俾人教先掂既.

hktt, "kawai無腥味日本肝油丸", 我買左m400 & c20,介紹個人話一日每樣食一粒就夠啦, 一盒有成180粒可以食足六個月, 另外我見有ca & ec係俾大人食架, 我叫佢send sample黎試下, 如果好我自己都食. 仔仔不知幾鍾意食, 成日問我要, 不過唔可以食過量, 有時我俾多一粒a+d佢(因係贈品).

根據基本法以前d公務員都係只可以減到97前標準, 所以而家政府都仲係合法既, 不過佢再自行立法就難講啦, 唔係7.1都唔會咁多公務員上街啦.

littleeva

IRON

您仔仔有返聖誕聯歡會. 細路仔一定好開心嫁啦.
我問子軒要寫聖誕card 比邊個. 佢話詩詩,傲楊.  (我諗係坐在附近.所以熟d) 不過我沒有幫仔仔寫比傲楊. 因唔知幾時返學.

係呢. 您會否比仔仔返學呀.  

hktt

hi littleeva & iron,

琴日何主任打黎都話囡囡好開心，重食好多火雞同二文治tim。

係呢你地有無比囝囝返學呀?何主任有日打比我話呢二個星期可以唔洗返學，又唔洗打電話返學校，因佢都會放假?

琴日都問左佢會唔會有好多小朋友唔返學，佢話得番十個左右啦。

littleeva

hktt & IRON

我會比子軒返學. 因為我覺得子軒返學好開心. 我今天問他明天返學嗎. 他話返.  而且返果 3個鐘未比佢 玩下LAW>
費事唔返一排會唔想返.   我覺得對住老師好過對住工人.
工人就晒佢. 返到學校起碼有 D 野佢要自己做.  



您地又如何?


HKTT

謝謝您張聖誕CARD 好靚呀. 子軒好鐘意.

IRON

hi littleeva & hktt,

我送左仔仔返學啦, 佢都好開心咁同我bye bye, 雖然都有少少唔捨得咁想我一齊入去, 但徐主任同佢講一陣媽咪黎接佢就拖住入去啦. 而家咁少人我反而想俾佢返學, 因為可以照顧多d, 病菌都少d(希望); 係呀何主任話今星期佢放假, 29號先返.

係喎妳地有無邊日可以一齊tea返次呀?? 我地講左成"年"~~~~~~囉喎, 呵呵呵. ^_*

littleeva

IRON & HKTT

好開心知道傲楊返學. ^o^

希望他開開心心上學去.  子軒一定好開心啦.

我今個假期 26 號 早上至 4時都 ok .唔知您地呢 ?

另外 1月2 號 會 去禮賢會面試.  (10時 20 分)  之後都free  可以 去玩. 不過唔知您地得唔得.

希望快d可以出來玩下. 小朋友會好開心.

祝大家聖誕快樂 預祝來年心想事成.
  

hktt

littleeva & iron,

首先祝你地 "聖誕快樂，新年進步"。

真係好啦傲楊返學 lu。

我26號下就之後都ok，但1月2 號去禮賢會面試後要返工，所以不可以，又怕請太多假，老細咋形。

IRON

hi littleeva & hktt,

哎呀俾妳地講晒先tim......聖誕快樂呀, 祝大家都青春常駐(心境都得架), 仔仔女女聰明伶俐, 老公聽聽話話搵多d $$$, oh.........=^0^= 最緊要健健康康哦

不如26號食lunch啦, 妳地有咩地方提議呀?? (小朋友有得玩下, 大人又有得坐下既), 我地4點後有party. 我pm手電俾妳地先.

IRON

hi hktt,

今日送仔仔返學時見到妳工人抱住紫晴係好遠行緊出黎呀, 不過綠燈要開車, 唔係就車埋佢地, 佢地係邊度等車架??

hi littleeva,

我老公呢幾日間唔中就講下......阿仔同學屋企缸魚幾靚哦呵......哈哈哈, 我諗佢又懷念緊以前既日子, 因為有左仔仔我就唔俾佢玩魚啦.

littleeva

IRON & HKTT

好開心呀. 終於我們可以tea 一 tea 啦
希望下次小朋友可以玩耐d. 開心d.

iron 好多謝您給子軒的禮物呀.  
您真係好細心.  
點解有左仔仔就唔比您老公養魚呀 ?  我老公好鐘意養魚. 我不能唔比. (係我冇power)


紫晴和傲楊都好乖, 子軒就坐不定. 太頑皮了. 真係失禮晒.

  

hktt

IRON,

多謝你送的禮物，囡囡先前都成日話好想去放風箏，e+唔洗買lu，幾時可以約埋一齊去放風箏呢?

佢地只係過對面巴士站搭車姐，唔算好遠，不過如打風落雨就煩d。

養魚好呀!我老公知囡囡鍾意魚，搬左即刻買魚返黎養 (魚缸雖然細d)，佢重唔比工人換水及其他，要自己一手一腳嫁。

hktt

littleeva,

囡囡邊度乖呀!坐多一陣都唔得嫁。子軒就真係乖啦，肯食哂二碗飯。

我都希望下次出黎可以比多d時間小朋友玩耐d。

hktt

littleeva & iron,

囡囡昨天突然同我講 "姐姐係出面打佢，打呢度(指住大肶側)"，我問 "是否在門口"，佢話 "係"，我再問 "放學還是返學"，佢又無答我。到訓覺時問她 "姐姐是否打你"，她說 "是，在出面"。

姐姐只係同佢玩而囡囡不懂表達形容為 "打佢"呢?但囡囡不只一次跟我說姐姐打佢，在住院其間，囡囡亦曾說過姐姐打佢，而姐姐當時亦在場，姐姐說只係拍佢 PAT PAT，不是很用力，我當時亦警告姐姐不準打囡囡，如囡囡頑皮便跟我說，待我懲罰她。

請大家幫我分析吓囡囡的說話是否真的!

IRON

hi littleeva & hktt,

唔駛客氣只係一份好小既禮物, 不過我就享受到同仔仔去買既樂趣; 我一話有小朋友黎屋企or去人地度佢就會好興奮咁同我去shopping, 佢唔係樣樣玩具都鍾意, 有時想買俾佢佢都搖晒頭放返原位, 但見到鍾意既就會拎去收銀處架啦, 呵呵.

哎, 以前老公唔敢同我講要養魚同狗但知佢好鐘意, 時不時去金魚街睇好耐先走, 後黎我同佢講俾佢養魚啦狗就唔ok因我敏感而且地方又整污糟, 都玩左幾年得閒又買d又換d......不過有左bb之後我就話唔好養啦俾心機湊仔仲好, 佢無出聲自動自覺收起晒, 之後仲成套架生送埋俾我二哥. 果日佢睇完返黎知佢又開始心癢癢, 我話等仔仔讀小學再俾佢玩過.

我地大過妳地咁多希望唔好咁多代溝啦, heeeee ^_&

hktt, 或者妳問下女女, 爸爸媽媽有無打妳?? 點打呀?? 睇佢點答. 我就試過問仔仔學校有無同學仔打你呀, 佢話有, 我再問打邊度, 佢指住頸, 當時我好驚, 後黎我諗諗下再問佢媽媽有無打你呀打邊度, 爸爸有無......佢都係指住頸, 唉(邊有打過佢頸丫). 不過妳要返工就真係擔心d, 有時仔仔唔聽話我地都會打佢啦(當然會就住黎), 但工人點會就住丫.

littleeva, 子軒講野真係好叻, 我覺得佢個樣好似大過傲楊好多, (連紫晴個樣都大過傲楊). 尋日我同老公去接放學佢好似唔認得我地咁既, 定係怕羞呢, 呵呵, 老公仲同佢講前兩日我地一齊飲茶, 仲上去你屋企喎......

littleeva

HKTT

我仔從未試過話姐姐打他. 我都有問他姐姐有冇打他. 他 SAY NO.  不如您叫姐姐以後唔好拍她的PAT PAT . 可能您囡唔鐘意.  咁不如"尊重"下您囡囡. 以後唔玩拍PAT PAT. 不竟她不再是BB. 可能佢唔鐘意. 再者要教囡囡 PAT PAT 不能給別人拍.  特別是陌生人.  都係唔好叫工人同佢玩拍PAT PAT 費事您囡囡已為人人都可以拍她PAT PAT.

如果您真係有懷疑不如比個公仔您囡囡, 叫佢模仿姐姐如何打她. 打那裡.  您睇下囡囡 是大力 打落個公仔 OR 細力 拍下.

小小愚見望幫到您.

星期5 IN  您會和老公去 OR 自己同囡囡去. 如自己  我老公話車埋您地一齊去. 等 小朋友在車上 WARM UP 下都好.

littleeva

IRON

傲楊好BABY FACE 好可愛. 子軒個樣不嬲都係比較成熟D.
佢係好怕羞嫁. 見到您地唔識打 招呼,唔好怪佢. 佢係比較慢熱的人. 不過每次我問起佢鐘意同邊個同學玩. 佢都話係傲楊. 隻眼仲會發光咁笑.  我諗係真嫁.

我地點會有代溝. 大家都係差不多.  您就好啦. 老公咁聽話.  我就............  HEHEHE 總之睇得出您老公對您好好啦.  我老公比較主觀 N 大男人. 有時都幾煩.  不過佢都好照顧 我和仔仔 ,  我兩咁高咁大啦. 有時都會吵吵鬧.

hktt

iron,

咩代溝，唔好咁講，其實我地都係同年代的。

littleeva & iron,

等我返去試吓你地的方法先，不過真係好難避免，因我地要返工，成日都好擔心!!!!

hktt

littleeva,

多謝你的好意先，等我問吓老公是否車我地去。

IRON

hi hktt,

紫晴有無講妳知咩事呀?? 得閒一齊去放風箏, 傲楊次次都係睇人玩自己未玩過.

hi littleeva,

我老公係粗人一個(做佢果行多數都係), 最大優點係顧家, 果日妳老公一定係就住佢傾計先傾得咁耐, 呵呵, 同埋佢有職業病(成日聽唔到人講野), 有時同佢講野都九唔搭八.

傲楊個樣細真係好唔抵, 果日去玩具反斗城又俾人"蝦", 仲係個細過佢既bb, 如果好似子軒咁大大隻隻我諗個bb就唔蝦佢, 嘿.