06年9月入讀蘇淅幼稚園K1既家長, 入唻交流下啦!

CanKan

十月媽咪：

我係去 x羅交怡同新加坡，去四日三夜，自己去，帶埋個女跟團會好辛苦，我未計要用幾多錢，大多數時間係係 x 羅交怡，駛馬幣既，再加上我其實冇麥行程，主要係陽光與海灘，應該唔會有好多使費。

你今個星期去長隆玩得開心 d ，我同個女出門，通常都會帶定 d 平安藥以備不時之需。

我個女果班通常星期四先收手冊，星期五就派番，所以大部份時間本手冊都係係個書包度。

cankan

十月媽咪

CANKAN,
丫, 係呀, 浮羅交怡呀, 我真係老人痴呆, 完全醒唔起!
就咁聽你講,你個TRIP應該會好RELAX啊!

我而家淨係希望天公造美, 無陽光唔緊要, 千千萬萬唔好落雨就得喇!

阿女佢地星期一收左手冊之後, 平時星期三會派番的, 但今日竟然無喎, 如果聽日都無, 咁就要問下老師本手冊去左邊喇, 我最驚係阿女唔見左本手冊咋!

joeytcy

祝大家旅行愉快............   
到時大家交換相睇,...............
我昨晚終於轉左去永安12月5日夜機走啦........唉..貴多幾佰銀 ....不過就肯定成左團lou....但係都未同個女講....

我昨晚再問下個女知唔知表演d野...佢一時話知一時又唔知.....睇怕佢都唔清楚lou....  

joeytcy

多謝多謝...遲d若有咩減肥成果再話比大家知......(不過我都好懶下..heheh)

十月媽咪

joeytcy,
哎吔, 你賣甩阿女, 仲唔快d同佢講呀? 萬一佢無心理準備, 到時搵你, 真係    !

各位,
頭先同我舊老細講完電話, 佢幫我安排好晒個trip既野喇! 不過佢到時唔響長隆, 會交帶佢秘書帶我地入場!

星期日:
0840-1040   中港碼頭至蓮山港 (旅行社職員話約兩小時船程)
1040-1100   蓮山港至長隆酒店 (轉坐免費穿梭巴士)
1100-1130   到達長隆酒店, check in
1130-1230   長隆酒樓lunch (佢叫我唔好去果d餐廳食喎, 佢話唔抵)
1230-1730   長隆酒店坐穿梭巴士去動物園
1730-1900   動物園回長隆酒店梳洗, 休息 (若有時間就食埋晚餐)
1900-1930   於酒店大堂等佢秘書帶我地入場睇大馬戲
1930-2100  大馬戲表演開始
2100-2300  大馬戲表演完畢, 行返酒店 (若之前未食dinner, 就睇完馬戲再食), 食飽就上房沖涼瞓覺
我諗搞得唻, 希望2300可以上床瞓覺.

星期一:
0900-1030  酒店早餐
1030-1530  歡樂世界
1530-1600  回酒店取船飛準備回港
1600-17??  到達蓮花港
17??-19??   蓮花港至中港碼頭

兩日行程完畢, 預祝我們旅途愉快!
  

CanKan

十月媽咪：

你個行程好正喎！我最欣賞就係中途可以番酒店休息下，禁就大人同小朋友都唔駛禁辛苦。

預祝你旅途愉快！

cankan

CanKan

bbdou,

我想請問若小朋友唔舒服﹝如發燒、咳嗽等﹞或者食緊西藥既時候可唔可以食燕窩架？

cankan

bbdou

我都有俾佢食，不過就會 "筆" 一匙出來攤暖D先，因為係雪櫃攞出來會好凍。

CanKan 寫道:
bbdou,

我想請問若小朋友唔舒服﹝如發燒、咳嗽等﹞或者食緊西藥既時候可唔可以食燕窩架？

cankan

十月媽咪

CANKAN,
係呀, 其實如果我地頂得順既話, 可以唔返酒店休息既, 不過因為諗住唔帶BB車, 所以我佬MAYBE要全程抱個女, 佢實會攰到嘔泡的, 所以都係預番D時間返酒店小休片刻, 然後先再睇SHOW!

其實今次個行程呢, 我諗都應該玩唔晒所有野架喇, 不過都唔緊要啦, 今次玩唔晒, 下次有機會就再去過, 反正真係唔係好貴, 我地而家一家三口去, 都係1480咋, 好抵, 呢個價錢已經包晒我地既住宿一晚, 來回船票, 早餐, 動物園既入場費! 抵呀! 至於馬戲SHOW同埋歡樂世界, 因為有我老細放我入場, 所以可以慳番470蚊 (如果去中旅BOOK入場券, 呢兩樣野加埋要呢個價錢), 而家慳番呢470蚊, 可以畀我地飲飲食食喇!

十月媽咪

哎吔, 今日送阿女返學, 唔記得問下老師, 個表演駛唔駛著特別服裝添! 不過我諗手冊無寫到話要服裝費, 我諗應該都唔駛啩?

仲有...我今日淨係掛住問下阿女響學校有冇咩情緒問題, 因為呢輪佢返到屋企, 成日都用D扮喊既聲唻叫我幫佢做野...例如: 嗚嗚嗚...媽咪你幫我執番呀...嗚嗚嗚...我要媽咪呀...嗚嗚嗚...

嘩, 我自問真係最鬼憎呢D咁既聲氣的, 又煩又討厭, 以往佢唔會咁架, 但呢兩個星期就成日都係咁, 乞人憎到不得了!   

老師話之前因為有個小朋友插班, 而果個小朋友的確係日日都"嗚嗚嗚...我要搵媽咪呀...嗚嗚嗚..."但老師話呢輪佢已經無再喊, 所以唔知有冇關係喎! 但佢話阿女上堂好開心的, 所以...    奇怪奇怪!    

十月媽咪

CHKWAN,
可能我地果班無指定服裝, 所以唔駛服裝費啩!    

joeytcy

我同cankan一樣...都係150.00.....依家開始唸緊點整個頭.....我d同事話不如同阿女窄個計喎....

joeytcy

依...cankan好似飛走左lou..wor.....十月媽你地係咪明日出發呀.....

CanKan

十月媽咪：

我未去過歡樂世界，你去完返黎話我知好唔好玩、有咩野玩、同啱唔啱小朋友玩呀！

禁多問題，唔該哂！

係喎！你同老師請左假未呀？

cankan

CanKan

bbdou,

唔該哂！

cankan

CanKan

十月媽咪：

我諗係個女都係貪得意學果個小朋友，你唔好特別去理佢依個演繹方法，過多一排佢見你冇麥反應，佢冇麥癮自然就唔會再模仿架啦。

cankan

CanKan

joeytcy,

要自己打扮既咩？我以為老師會攪添。不過我個女係短頭髮，我諗同佢夾隻夾，紮條邊就得掛啦。

cankan

CanKan

chkwan,

我聽老師講班班唔同架，我諗好睇個老師點樣設計同安排今次既表演。

cankan